2008-08-17

موضوع ساخن ..

قريت موضوع في احدى المجلات العربية واستغفر الله قريت موضوع من المواضيع العبيطة الي مانشوفها الا في المجتمع المصري ...
بتطقني وحدة من رفيجاتي لأن مرة تناقشنا على هالموضوع .. بس صج صج مواضيع ماتدش العقل يسوونها حتى المسيحيين الي برا ما يسوون هالسواية مادري شلون يفكرون هالناس المهم ..

يقول الموضوع ان واحد تطلق وتزوج وحدة مطلقة واهو عنده عيال واهي عندها بنت ... وبعد اسابيع من زواجه بدا يزورهم ولد خالها ... وشك الريال بمرته تستقبل ولد خالتها بقميص نوم وكاشخة ونظراتهم الشهوانية ... فلمن ناقشها تهاوشت معاه وقالت طلقني .... طلع الحبيب الثاني ريلها متزوجة ريال + راجل .... يعني اثنين .مصيبة الست دي ...

وتثول القصة الثانية ان واحد قاعد يمشي بحارتهم فشاف مرته تمشي مع واحد وحاطة ايدها على ذراعه .. وتضحك ... فلمن راح وطبعا صارت نجرة وراحوا القسم (( يعني الشرطة )) طلع الثاني ريلها ... قالت ليش ريلي يتزوج علي ثانية ...؟؟؟ وحدة بوحدة اهو يستمتع بثنتين ... أنا استمتع باثنين ... حلاتهم والله

والله أكتب الموضوع وأسمع أغنية لتاركان ... ماتخليني أكتب عدل أغنيته فصلة ... المهم أنا قريت وأضحك أضحك من قلب ...حريم ناقصات عقل ودين ... تقول لي أمي بتضحكي على ايه ؟؟ قلت سلامتج ماكو ...
لهدرجة وصلنا .؟؟؟ شهالمواضيع العبيطة الي قاعدين ينشرونها .. ساعات أحس أنها جذب ... مومعقولة في ناس تفكر هالتفكير الغبي ....

الله يعين هالناس صج والله أنا أقول المشاكل الزوجية الي عندنا عبيطة ماتوقعت ان في أعبط .. مابي اتشمت بس ماكو مواضيع أهم ؟؟؟
يبون الناس تضحك على خبالهم ...؟؟؟؟

مادري هالحريم الحين مايفكرون شلون يربون عيالهم وشلون الناس راح تنظر لعيالهم؟؟ الي يأملون انهم يكبرون ويعمرون البلد ... لا كل وحدة تفكر تشبع رغباتها الجنسية وتستمتع مع الريال ... والريال مخلي كل اعتماده على المرأة في التربية ... كل شي قاعد يتلخبط واليهال قاموا يزيدون ويتشردون ... وقفوا هالمهزلة يا جماعة الخير
....

2 comments:

Meshal يقول...

لووووووووووووووووووول

ساره عليج فصلات مو طبيعيه :D

نبتدي نعلق على اول قصه

الحين شلون متزوج ريال هااه ^_^

يعني طول هالمده مايدري ، لوول وربي تخلف


القصه الثانيه

حتى بالأفلام الهنديه ماتصير لووول

قال قصه حقيقه وبمصر قال ^_^ ،، وين قاعدين ؟؟


والله يا اخت ساره اللي يطلق مرته بسبب اغنية البرتقاله مو عجزان يسوي حرات اعبط من جذي

والمشكله ان 75% من الازواج ماخذين الطلاق شي عادي ، إذا جازت لي المره استمريت عليها واذا سوت شي مايرضيني اهددها بالطلاق او تتكن لووول وربي ناس تخلف


لا وبعد يقولون ليش العرب مايتقدمون مثل باقي الدول الاوروبيه المتقدمه ^_^

انتوا بالأول اكتبوا مقالات تفيد القراء مو العكس ، اشياء ترفع الضغط وربي ^_^

عندي كلام واجد والله بس ما ابي اكتب رد اطول من موضوعج ^_^

الله يخلف علينا وعلى مجلاتنا

تشكرات ياست ^_^

sara يقول...

مشعل الله يهداك بس رد على كيفك واخذ صفحة كاملة محد معطي مدونتي ويه غيرك :P
المهم ياخوي .. والله صج هالمجلات من كثر ماخلصت القصص يدورون على شي خارج نطاق العقل البشري ..
بس أقول لك الصج ... يسوونها والله ..
واقول لك سالفة صارت بمصر صج .. وحدة تهاوشت مع ريلها قالت له طلأني .. قال مش حطلإك ... جان تقط نفسها من الدريشة ، وسبحان الله ماماتت فقامت تصرخ جوزي زإني من الشباك .. وخذت حقها لووووول
مجتمع الفول . .. لا تقرا كلامي الوالدة لا تطردني لووول