2008-08-18

إلــــى أين ياعـــــرب؟؟

سمعت والعلم عند الله ، ان بالمدارس بساحة العلم ماعاد يقولون (( تحيا الأمة العربية )) مثل أول بس شالوها .. وأنا أقول أحسن وجعلهم مايقولونها:P

طبيعتي انسانة اقرا كثيرا واستكشف كثيرا عندي حب فضول غير طبيعية ، فلما ادخل على اليوتيوب ، وطبعا نادر ما ألقى موضوع نظيف عربي غير البابايات القديمة الي اشوفها، المهم موضوع سخيف وكله فضايح وكل دولة عربية تتطنز على الدولة العربية الثانية ، ولمن أقرا الردود أحسن بلوعة جبد والله .

ولقيت حقد شديد شديد شديد شديد وغير طبيعي من أغلب الدول العربية لدولة الكويت الحبيبة ... اهم خلوا أهلها ، أهم خلوا حكومتها .. والمشكلة والي يحز بخاطري ان الكويت حاطة جسر فلوس من الكويت لهم تبلعهم بفلوس الديرة ... حق ناس ماتستاهل .

الي يدشون بسالفة الغزو العراقي بموضوع يضحك شكو الحين ؟؟؟

والله أدش على مقاطع أجنبية ماقول اهما زينين لا بس أغلب المقاطع تونس خاصة عن اسماك القرش وغيرها من المواضيع العلمية ، أحس الناس الي قاعدة ترد ناس عاقلة ماعندها سوالف الشتيمة والسب الا اخلاقي الي قاعدة اشوفها من العرب .

والمشكلة المصيبة ... لمن يحطون لك عنوان قذر والموضوع فيه آيات قرآنية ، والله حرام شوهوا الدين بعمايلهم السودا ...


هذا الي شاطرين فيه الدول العربية ؟

هذا الي يبونه ؟؟ وسب ولعن ولتعود المحافظة ال19 (( الكويت )) ردوا المحافظة الأولى وأخواتها قبل ما تحجون عن الكويت ...
لي متى راح نحترمهم واهم ما يحترمونا ؟؟
لي متى راح نقرا عن طلبة الكويت بالأردن مطقوقين ، ودكتورنا يقول لنا مانقدر ندرس المعالم الجيولوجية هناك خوفا من أعمالهم الاجرامية بحق الكويتيين ؟؟

للأسف أغلب العرب جهلة ... ماتعلموا الا السب وحتى يكتبون الشتيمة غلط ... يعني ماكو حتى حروف صحيحة :P

وعرفت الأمة العربية بهالتعريف السريع :)
الأمة العربية : هي أمة جاهلة فقدت تاريخها القديم ، ورضخت لأن تكون مهزلة أمام العالم وقمامة يرمي بها الغرب قاذوراتهم .

للأسف وللأسف .... على الرغم من ان اللغة العربية لغة القرآن الكريم ...

الا انني اخجل منهم...

أدعوا للعرب ان يعودوا لأمجادهم ويكفوا العيش كأنهم ملوك والبقية فئران .

يبطون الجبد والله

4 comments:

Meshal يقول...

youtube

موقع من اكبر المواقع التعليميه اللي مرت علي ، كل شي ابي اعرفه مسجل بفيديو
سواء شروح برامج الرسم والجرافيكس او الهاكينج او سوالف السكيورتي ، كل شي

لكن لما ندخل على بروفايلات اليوزرات العربيه اكثرها وربي يا افلام ماصخه نفسهم ونفس اشكالهم ، او واحد منزل مثلاً قصيده وطنيه ويمدح في بلاده بإسم الشاعر الفلاني وتبتدي تشتغل العنصريه والقبليه والتعصب بين المتخلفين اللي بهالموقع ^_^
وانا ما اتكلم من فراغ انتوا مثلاً ادخلوا على اي فلم وتابعوا المجانين اللي يكتبون الردود اكثرهم يدخل وربي مايدري الفلم شنو بس يشارك ويسب لووووول

وبالنسبه للكويت ، فما اقول غير ( لا ترمى بالحجارة الا الشجرة المثمرة )

بس على فكره ترى مو كل الشعب الاردني يكره الكويت وربي في ناس ماعمرهم شافوا الكويت واهم اردنيين ويموتون في شعبها انا ما اقول هالحجي علشاني كويتي لا والله هذي عندكم منتديات اخوانا الاردنيين ادخلوها وشوفوا لما ينزل موضوع نقاش عن الغزو الصدامي الغاشم على الكويت وربي اكثرهم يحبون هالديره لكن فئه قليله منهم اهم اللي يشوهون صورة هالبلد وصورة هالشعب الطيب :)

وبالنسبه لتعريف العرب اللي رفع ضغطي لوووول ما اقول الا هالآيه الكريمه

{إِنّا أَنْزَلْناهُ قُرْآناً عَرَبِيّاً لَعَلَّكُمْ تَعْقِلُونَ}

والامه العربيه كرمها الله جل وعلا بالقرآن ، ومو كل العرب متخلفين لا وربي في ناس اساتذه يدرسون برى وفي علماء مسلمين وعرب ، لكن ما اقول الا حسبي الله على اللي شوه صورة العرب

تشكرات ^_^

sara يقول...

مشعل لا تغثني ... أنا شقلت ؟
الحين العرب اهم الي يشوهون سمعة اللغة العربية ..

عربي أنا .... وحاط وحدة مفصخة ..

والحين ماقلت الكل ولكن لمن يروحون الكويتيين هناك ليش يعاملونهم هالمعاملة ؟؟

اعرف فلسطينيين وعراقييين واردنيين بعد عايشين بالكويت واذا سافروا يبجون مايبون يخلون الكويت ...

بس ليش يعاملوننا هالمعاملة برا الكويت ... ؟؟

مايصير جذي

ورد علي مو تعليق واحد وتروح بالسلامة ... تعال ناقشني :P

Meshal يقول...

والله شوفي ياساره

انا اعرف ناس يدرسون بالاردن ، صح انهم هناك يهينون كرامتهم ويسبونهم لكن مو كل الشعب الاردني ، اللي كان هناك يسولف لي ويقول لاصار لي موقف ولا شي وربي في ناس يوقفون وياي ومايخلوني الا اذا تأكدوا اني بخير

وبعدين بالنسبه للعراق ولفلسطين ولا وحده من هالدول تحب الكويت وكلهم يكرهون الكويت مع انها ترسل مساعدات لهم وماقصرت وياهم ، انا هذا اللي اعرفه واللي شفته



إقتباس :-
(مشعل لا تغثني ... أنا شقلت ؟
الحين العرب اهم الي يشوهون سمعة اللغة العربية ..

عربي أنا .... وحاط وحدة مفصخة .. )

ولاكلمه فهمتها :) ، وضحي لو ماعليج امر



تششكرات ^_^

sara يقول...

لووووووول سلامتك مشعل

فلوس الديرة لأهلها احنا اولى فيها من هالدول والله ..

الله يعيننا والله ..
يعني الحين واحد انجليزي مسلم ويحترم الناس ولا عربي مسلم ومايحترم البقية ولا يحترم دينه ...

اللغة عمرها ماكانت المنفذ للجنة ولا النار ...