2008-08-20

رمضان كريم




باجي أيام قليلة ويطل علينا رمضان



وكل عام وانتم بألف خير وصحة وسلامة يارب


كل رمضان أخطط يارب شسوي برمضان هذا ؟؟ ولأن كان في دوام كنت اشيل من خططي واكتفي بختم القرآن الكريم مرة وحدة ، واستغفر الله ساعات مايمديني اخلص واجباتي واروح لصلاة التراويح .

برمضان هذا وبإذن الله راح يكون غير ، للأسف اليوم أشوف اليهال يحجزون الساعات حق رمضان وتقول وحدة ترى الساعة الفلانية بحط على هالقناة المسلسل الفلاني ، ترد الثاني لا يا حبيبتي انا ابي اطالع مسلسل العلاني ...

أحلا شي فيني ماحب التلفزيون لوووول لا وقلت الحمدلله مافي برامج وادش على مواقع واشوف مواضيع برامج رمضان سطرة وحدة ورا بعض ... مصيبة شنو هذا ؟؟ وماضحكت الا على صورة زينب العسكري والله فصلت عليها مادري ليش لووول ؟ لعنة امرأة ... اقعد :p


بصراحة مايشدني بالتلفزيون (( الفريج)) حلاته والله وربع ساعة ويخلص ... في أحلا من جذي ؟
ودي برمضان لو يسكرون التلفزيونات والله مانفعونا بشي ... حلات رمضانا اول واحنا صغار ، باباي واحد يحطونه بعد الفطور وايد علينا بعد ، والكاميرا الخفية البحرينية ولا زكيا زكريا :p ومسلسل واحد الكل يطالعه ....

الحين الواحد من كثر حبه للتلفزيون وده يحط جدامه 3 تلفزيونات علشان لا يطوفه شي ...

مصيبة والله هالمسلسلات ... وين الواحد يتقرب من ربه برمضان والتلفزيون لاحس مخ الناس ؟
كلها شهر واحد .. كلها 30 يوم من السنة بس يبون الناس بدل ما تاخذ الثواب تزيد سيئاتها ؟؟

أتمنى من الكل يحط جدول له حق رمضان ويعطي لنفسه ساعتين ثلاث بالكثير للتلفزيون .. ويخلي باجي الوقت لربه ولنفسه ...

كل عام وانتم بألف خير يارب

أختكم

طموحة مملوحة

4 comments:

Meshal يقول...

فعلاً صدقتي صار هذا الشهر العظيم بدال لانتقرب من لله عز وجل ننتظر وقت دخول المسلسلات والبرامج والمسابقات على الفضائيات

والمشكله الكبيره ان دايم تحصلين البرامج الكوميديه اوالمسلسلات الكوميديه دايم ماتجي الا على وقت الفطور او على صلاة التراويح يعني كأنهم يقولون للناس ياتتابع ياتصلي وماتشوف الحلقه :P

انا من ناحيتي ما اهتم لهالمسلسلات اللهم بس اذا شفت نفسي فاضي وماكو شغل اقعد اقلب بالتلفزيون مع اني ما احب القعده قدامه ولا احب اطول وياه ^_^

وصدقتي والله يازين زكيا زكريا لوووول للحين ترى يعرضونه على فنون :P


تششكرات ^_^

sara يقول...

اي وانا على كثر ما اشوفها انبط ضحك .. عندنا واحد من الزملاء يقلدها عدل :P

اخوي والله صج من الحين حطيت لي جدول لرمضان لأن عندي افكار رسم وودي اروح صلاة التراويح كل يوم ... فرصتنا دام مافي دوام والله فرصة...

أخوي أتمنى لو يسكر التلفزيون ويبطل كل واحد يحب التلفزيون رمضان للعبادة مو للبلادة .

بو صالح يقول...

سارة

علينا و عليك .. :)

مدونة رائعة .. كل التوفيق

sara يقول...

مشكور أخي العزيز بوصالح على اضافتك

يشرفني تترك بصمة في مدونتي ..