2008-08-18

بعض من رسوماتي الكركتيرية :)

مثل ما وايد حريم ماهمهم بيتهم وكله كاشخة وهادة البيت ، مروا علي حريم ... والله مو مرة اهي الريال والمرة .. الريال عليه
ينتج واهي تفرخ والبقية عليها عاد .... وتقعد المسكينة تعابل بين ريل مليق وغثة ، وعيال أملق وسخافة وبيت مايخلص ...
مشكلة صار الزواج الحين ... الله يعينهم




كل يوم اتسكع بالمواقع الالكترونية واشوف المواقع الي الشيعة نازلين بالسنة والسنة كذلك . واييون الحزب الفلاني ويطب على الحزب الفلاني ... يحسسوني قاعدة اطالع فلم خيالي ، لأن الي قاعد يصير مو شي والله ، وين الوحدة الوطنية ؟ حتى بالانتخابات والله فشلة شنو هذا .؟؟؟ شنو استفدنا الحين من العضو الي يمثل قبيلتنا ؟؟ مجرد اسم وتكشخ هي ترى واحد من بني عمي معاكم بالمجلس .. اووووف كشخة والله ... الله يستر على الكويت بس :(









والله لاعت جبدي كل يوم ابطل الجريدة أو المجلات واقرا خبيرة تجميل فلانة ، وأقول هذي من متى طلعت لا وخبرة فوق ال20سنة ..



والله يا الماكياج يخرع لوووول أقول هذي من صجها؟؟ وخبيرة تجميل .. البنت ويهها حفر من الكريمات ، الوان الطيف السبعة حاطتها على عيونها ... مسكينة والله يحطونها بالهلوين وايد أحسن ....

4 comments:

Meshal يقول...

لووووووووووووووووول

الكركتير الأول

ترى مثل مافي ناس تفرخ وتغث المره على قولتج في ناس واجد متزوجين ومتهنين في حياتهم الزوجيه ولا عندهم درزن عيال وماشاء الله عليهم تربيه احسن منهم مافيه والاعيال كلهم ناجحين وشاهدات والفضل يرجع لله سبحانه ثم للأب وللأم ^_^

يعني مو كل من تزوج خلاص بدت الغثه والازعاج والسخافه والملاقه لوول


الكركتير الثاني

لاتعليق ^_^


الكركتير الثالث

لووووووووووووووووووووول

المشكله اكثر العجايز الفنانات يسوون عمليات تجميل وتعالي شوفي الامراض اللي جتهم واللي لعوزتهم ولعوزت حياتهم

ما اقول غير الآية الكريمة

( ثُمَّ أَنشَأْنَاهُ خَلْقًا آخَرَ فَتَبَارَكَ اللَّهُ أَحْسَنُ الْخَالِقِينَ * ثُمَّ إِنَّكُمْ بَعْدَ ذَلِكَ لَمَيِّتُونَ )

(خَلْقًا آخَرَ) : متميزا عن جميع أنواع الخلق من أبناء جنسه ومن غير أبناء جنسه

ليش يلعبون في وجيههم ويتعنون آخر الديار علشان عمليه يمكن تنجح ويمكن ماتنجح ، مافي اجمل من خلق الله سبحانه وتعالى

تشكرات ^_^

sara يقول...

المثل الي قلته مشعل هذول اهلنا ...
الي ماشاء الله يخلفون درزن وكل واحد فينا أعجل نم الثاني :P لا وننطق طق اليهد ونخاف منهم الحين اليهال كل واحد فيهم يخز ابوه بنظرة ويبي يكاسر والمرة حاذفة اليهال على الخدامة والريال بالديوانية ...

ليش يتزوجون ؟؟

Meshal يقول...

هذولا ناس همج :)

وانا اعرف ناس جذي والمشكله انهم يصيرون لي ، تحصلين الرجال خاطب ولا متزوج ويكلم ستين الف بنت :P

والمثل اللي قلته لج صح انهم اهلنا لكن في ناس واجد مربين عيالهم ويهتمون فيهم مو على قولتج قاطينهم على الخدامه والرجال بالدوانيه :P

لكن في ناس اول مايتزوجون خلاص تكانه وفعلاً تحصلينه تكانه ومهتم بزوجته وبعياله وحاس بالمسؤوليه

يعني مو كل الناس نفس بعض

في ناس فوق وفي وسط وفي تحت :)


تششكرات ^_^

sara يقول...

يليت التكانة تظل يارب :D

مشعل نصيحة خطط من الحين لي بعد سنين اذا الله أراد ..

خلك ماشي على نظام معين علشان لا تتلخبط حياتك ...

ومشكور وايد على كلامك بالفعل وايد ناس مو سيدة .. بس الحلو لمن نتميز عنهم :)