2008-09-14

جامعة الكويت.. مع التحية


الى جامعة الكويت ..

تحية طيبة وبعد ..

أيام قليلة وتبدأ الدراسة في أرضك يا جامعة الكويت ، ولكن أحببت أن ابدي لك شوقي الكبير لأيامك الحلوة والمرة . .
وأكثر شيء أتمنى أن أراه هو فترة الانتخابات ، واستمتاعي بالمناظرات والمهرجانات الخطابية والطلبة الجدد ..
ولكن ، الآن عرفت أن سبب الفرقا والنزاعات في جامعة الكويت هي القوائم الطلابية .. فبعد عملي ثلاث سنوات في الانتخابات ولا اقول باني لم استفد شيئا ولكن ... جلست كذلك مع الطلبة المحايديين ووجدت نفسي طالبة جامعية بحق ..

ستقولين لي لابد من جهة تمثلكم ..
معك حق ، ولكن تتضارب الآراء والنزاعات ويبقى المتضرر الطالب الجامعي .. فكم من مباني متهالكة لم نجد لها اي تعديل .. ؟
هذا غير معاملة بعض الدكاترة مع الطلبة وكأنهم عبيد عندهم ... نجتهد ونرى من لا نراه معنا يحصل ثمار جهدنا ..
لقد مللت يا جامعة الكويت ... نحن أبناءك فلم لا نجد أحد يسمعنا ؟

كل قائمة طلابية تقول أنا الأفضل ولا تسمع للباقين .. عندما كنت اتحدث وانا اعمل في الانتخابات دائما ما أجد الهجوم لكني الآن استطيع أن أتحدث بمطلق حريتي لأن فكري ينتمي لتلك القائمة ولكني لست فيها الآن ... فهلا سمعتني يا جامعة الكويت رجاء ...!!!

الى متى المعاناة ؟؟
الى ان تتحقق الشدادية ..؟؟ متى 2025 أكون فيها قد فقدت أسناني يا جامعة الكويت :( ..
متى اشعر بأني طالبة جامعة الكويت حقا ؟؟؟
متى سنشعر بالراحة بعيدا عن توتر الانتخابات الطلابية ؟؟؟

تقبلي مني كل الاحترام يا جامعة الكويت

وأتمنى أن نتحرر من النزاعات الموجودة في الجامعة ...


15 comments:

الـبـيـرق يقول...

الله يـعـيـنـكـم و يـوفـجـكـم

مُحَسّدْ يقول...

نحن سجناء انتماءاتنا الفكرية الضيقة


حضرتج متى بتكنسلين تأكيد الكلمة ؟ :(

مُحَسّدْ يقول...

حتى تكنسلين تاكيد الكلمة اتبعي الخطوات :

روحي عند اعدادات وبعدين اختاري تعليقات وبعدين اظهار التحقق من الكلمات للتعليقات واختاري لألألألألأ :)
وتالي نزلي تحت واختاري حفظ الاعدادات بالبرتقالي وعليج بالعافية :)

وصيام مقبول ان شا الله

آهات وطن يقول...

يالله ياجامعه الكويت

وهل هي الان جامعه ام مفرقه
الحافظ الله ياكويت
كم من نفوس ٍ طامعه
الحافظ الله ياكويت هي وقفت على الجامعه

ذكرتيني ايام مضت

على الطاري الشداديه مصدقه انتي هالكلام بكره يجي ونشوف

سلام

alsaronah يقول...

البيرق أشكرك لمرورك يالغالي :)

alsaronah يقول...

محسد ....

صار ولا تزفني مرة ثاني خو :p

مشكور لمرورك :)

alsaronah يقول...

آهات وطن ..
صح اهي ماوقفت على جامعة الكويت ..
والشدادية يقولون بين مبنى البنات ومبنى الشباب نهر اصطناعي لوووول
قلت حق امي شدعوة بيحدون الفساد باجر يحطون قوارب ويالله زيارة حلوة وقز لووول
وقالوا لي معلومة علشان يسوون مبنى واحد بس حق بنات كلية الطب الشدادية كلفهم 80 مليون دينار .. حق مبنى واحد ها ... عيل جم دفعوا حق الشدادية كلها .. فلوس تروح على قوانين متخبطة ...

الله يعين بس

MO3ATH يقول...

2025 أكون فيها قد فقدت أسناني يا جامعة الكويت :(

لوووووووول قتلتيني فيها :q

اشتغلت اول سنه مع العلمية على بو هبه ولاعت جبدي من الصراخ والنجره والحجي الفاضي والاجتماعات الي تقولين تنظيم القاعده لووول

اقضب ارضك وسلم وانت ماشي ابرك :)

alsaronah يقول...

لووووول تصدق أنا لمن كنت اشتغل مع الوسط محد كان يسمعني من القوائم الثانية لأني منافسة الحين اصوت لهم بس ما اشتغل احس اني قدرت اتناقش مع الكل ... الكل يساعدني لووول
اي والله الانتخابات مايابت لنا الا المشاكل والقيل والقال وفلانة وعلانة ونجرة وبجي لوووول مع اني ماكنت ابجي لمن تطلع النتايج يعني حتى لو فزنا شراح آخذ ؟؟ لوووول

Kuwait يقول...

اشلكم بالانتخابات مالت الجامعه ؟؟
كلها مصالح وناس ماتعرفك ولا تسلم عليك الا وقت الانتخابات بعدها يتصددون ..
وهذا غير الهوشات والكفخ مكافخ والمسابب جنهم يهال بالمتوسطه :\
دشيت الجامعه وطلعت لا دريت عن انتخابات ولا كلفت خاطري أصوت لأحد حتى ولد خالتي نازل كاشخ مارحت صوت لهم D:
أنا أقول جامعة الشداديه من على أيامي وانا أسمع فيها وشكل عيالي وعيالج هم بيسمعون فيها واهيا للحين ماخلصت حالها حال استاد جابر :)

3bady يقول...

صبري ما عليه الصبر مفتاح الفرج

و ادعي كل يوم بعد كل صلاة انه الله يوفقج و جوفيي اشلون امورج تمشي :)

يعطيج العافية اختي

alsaronah يقول...

KUWIT

ذكرتيني بموقف شباب طلعوا برا يتكافخون مايصير داخل الجامعة .. المهم جان يحذفون صخر على بعض الكل قام ينحاش وحدة فلعوا راسها لوول ..
الحمدلله والشكر
لا أنا استانس على الانتخابات واتعلم من النشرات الي يحطونها علشان تكون عندي خلفية زينة عن الانتخابات لأن انتخابات الجامعة شبيهة لأنتخابات مجلس الأمة ..

بس لمن طلعت والله صج الكل قام يسمعني الكل قام يقول سارة .. مايقول الوسطية مثل اول :P هالشي افادني وايد وخدم مصلحتي لوول

alsaronah يقول...

أخوي عبودي

ان شاء الله ، الله كريم والله لاعت جبدنا واحنا ننطر موادنا وننطر الفرج ولا احد من هالقوائم فادنا بهالموضوع ... الا عفسوا لنا الدنيا .. :(

Alromi يقول...

الصبر مفاح الفرج ومن صبر نال وتفائلي وانشاءالله الامور تمشي

alsaronah يقول...

اي والله الصبر اهم شي ..

الله كريم :)