2008-09-17

ماذا ستفعل؟؟



تشعر بالملل ...

فقمت بتفقد هاتفك الخلوي ...

تبحث في الأسماء ...

وفجأة .. توقفت عن أحد الأسماء

فلان ..

وهذا الفلان مات منذ زمن ..

اتجهت للرسائل

وبحثت في الرسائل القديمة

فوجدت منه رسائله الرائعة ..

ماذا ستفعل ؟؟؟

هل ستمسح الرقم ؟

هل ستمسح الرسائل ؟؟

اجابتكم مهمة بالنسبة لي :(

شكرا لكم

31 comments:

Mishari يقول...

ان لم نمسح الرقم ستمسحه الذاكرة

على نفسها جنت براقش يقول...

مسحيها و مسحى الرقم

:)


لأن راح اييى اليوم اللى يختفى فيه كل شئ


الله سبحانه عطانا نعمة النسيان

alsaronah يقول...

مشاري

صح كلامك ..

.................

على نفسها جنت براقش ..

بالفعل بس ساعات اقرا المسج وخاصة قبل رمضان اييلج المسج منه يذكرج بطاعة الرحمن ويبارك برمضان ... وبيوم15 رمضان يتوفى ...
قاعدة افكر اذا مسحت الرقم ومسحت المسجات .. اخاف انساه وانا مابي انساه ..

الله يرحمه ويصبر اهله ويصبرنا على فراقه ..

شكرا لكم :)

AK-47 يقول...

مسحيها وادعيله بالرحمة

3bady يقول...

انا اعرف واحد متوفي انسان غريب مني.. مسجاته لي الحين عندي حتى مرته قامت تستخدم الخط ماله و امسمي بتلفوني لما الحين على اسمه.. اذا ييي يووم و صار ما عندج مكان حق المسجات مسحي كل شي الا مسجاته.. او نقليهم للكمبيوتر..

3bady يقول...

غريب = قريب

ادعي له بالرحمة و اهم شي تذكري افضاله عليج و شنو سوا

اذكروا محاسن موتاكم

alsaronah يقول...

ak-47

هذا الي ودي اسويه بس ماقدر ..


ـــــــــــــــ
عبودي ..

الله يرحمه يارب
اي مسجاته حلوة .. وذكرياته حلوة .. قلت لأمي ليتني شفته 12 سنة ماشفته .. امي وايد بجت لأن فعلا كنا قاطعينهم :( بس الشغلة مو بيدي والله

mo3ath يقول...

انا عن نفسي مخليهم

صاحبي متوفي من 3سنين تقريبا الله يرحمه ولما الحين حافظ رقمه مو بس بالتلفون بعد بذاكرتي

مايمنع بين فتره والثانية تذكرينه وتدعين له بالرحمه ، وإذا مسحتي الرقم جنج انهيتي الموضوع وخلاص !!

اوكي الذكريات تعور القلب بس انتي متقبله الواقع وكل الي بتسوينه انج تدعين له بالرحمه والمغفره ..

alsaronah يقول...

صح كلامك معاذ ...

الله يرحم جميع موتانا يارب ويغفر لهم ..

الـبـيـرق يقول...

أييييييــه ...

بـكـل تأكـيـد راح اتـذكـره و أتـذكـر مـواقـفـي مـعـاه ... و طـبـيـعـي أحـفـظ رسـايـلـه للـذكـرى

قـواج ربـي يـا الـطـمـوحـة .. ديـربـالـج لا يـصـطـدم طـمـوحـج بـحـائـط بـعـديـن بـتـصـيـريـن مـتـحـبـطـة ممـلـوحـة

الله لا يـقـولـه :d

alsaronah يقول...

حرام عليك خرعتني والله يالبيرق ..
ايه الكلام دا ...
طموحي أول شي لا تقول جذي لووول ..

والله الذكرى شي حلو صراحة .. ماود الواحد يخسره ...

Lavender يقول...

أحتفظ فيه للذكرى :)

مستحيل أمسحه و خاصتاَ إذا كان الشخص قريب مني ..

alsaronah يقول...

صح كلامج :(

شي يعور القلب والله ..

مشكورة عزيزتي :)

ManalQ8 يقول...

الصراحة هذا شيء حزين
بالنسبة لي
سامسح الرقم لكن المسجات ستدخل محفظة الهاتف

انا انسانة غاوية نكد
:(

Fashionista يقول...

دام انه قرايتهم تريحج

لا تمسحينهم

Salah يقول...

لا تمسحينه علشان تقرين عليه الفاتحة كل ما شفتي الرقم.

مُحَسّدْ يقول...

احتفظ بالذكريات الجميلة لأنها قلما تبقى !

غير معرف يقول...

لاتمسحينهم اذا قلبج مو مطاوعج

alsaronah يقول...

أكثر الأصوات تقول لا تمسحين الرقم والمسجات :)

مع احترام حق الاقلية لوووول الأخت ديمقراطية حدها ;)

THE BOSS يقول...

الذكرى ناقوس يدق في عالم النسيان
اااااااااه
عطني ولعه

بـنـت بـطنـهـا يقول...

لا ما امسح الرقم ولا امسح الرسالة لان اكيد راح امر عليهم بعد فترة واترحم عليه او ادعي له مثل ما ترحمت عليه ودعيت له هالمرة
من توفى بابا الله يرحمه وانا ما مسحت رقمه من تلفوني واحرص ان باي جهاز يديد اشتريه انقل الرقم من الجب لي الجهاز
النسيان نعمة من رب العالمين بس هم الدعاء لهم ابرك من النسيان بالنسبة لي :)
عسى الله يرحم امواتنا واموات المسلمين يا رب

Alromi يقول...

ما امسحه والرسائل اخليهم الواحد منا يحتاج ان يذكر وياخذ عضا من الدنيا ويمكن يوم تتذكرينه تدعيله ويمكن ابدعائج له اتخففين عنه المتوفى اكثر شي يحتاج حقه اهوى الدعاء

alsaronah يقول...

the boss

ولع ولع ... مشكور أخوي

ــــــــــــــــــ

بنت بطنها ..

صح كلامج الله يرحم الوالد ويغمد روحه الجنة ويرحم موتى المسلمين يارب ..

ــــــــــــــــ

الرومي

صح كلامك ... وخاصة اذا كانت اهو مسجاته كلها ادعية .. سبحان الله يذكرنا بالدعاء واهو حي ليش ما نذكره بالدعاء واهو ميت ...

شكرا لكم

Kuwait يقول...

انا ما مسحت رقم خالتي ولا مسجاتها :)
لاني كنت متعوده طوال 7 سنوات مضت اني أقعد كل يوم الصبح وأطرشلها مسج الصبح أصبح عليها وأنطر ردها وتسابقني بالليل بمسجاتها عشان تمسيني بالخير :)
مرات تخوني الذاكره واقعد واكتب المسج وقبل لا اطرشه بثواني أتذكر رحيلها ..
الله يرحمها ويغفرلها ولجميع المسلمين ويجعل مثواهم الجنه ..

alsaronah يقول...

الله يرحمها ويرحم موتى المسلمين يارب

تحسين الطيب ما يقعد بالدنيا :(

الله يرحمهم أجميعن ..

شكرا لج كويت :)

بانوراما يقول...

حزتها

راح أتذكر كل شي حلو بيننا

وراح اترحم علييه

ويمكن اصيح

alsaronah يقول...

الله يرحم موتى المسلمين :(

صح لمن نتذكر اللحظات مانقدر نمسك دموعنا ...

غير معرف يقول...

بالفعل .. حصل هذا الموقف ..


وقمت بمسح الاسم .. والرسايل ..


تسلمين اختي على الطرح ا لجميل ..


استاذة ليس غريب ان نرى مثل هذا الطرح في مدونتك


اخوك : عبدالله العبيدي
( هيمان )

alsaronah يقول...

هلا فيك أخوي عبدالله

نورت مدونتي والله

ان شاء الله نشوف ردودك كل مرة :)

يشرفني وجودك والله

غير معرف يقول...

بصراحه انا ما امسح الرقم ولا الرساله اخليها ذكره حلوه

alsaronah يقول...

كلام قميل :)

شكرا لك يالمجهول :)