2008-09-22

وحيدة أبقى ... فهذا أفضل !!



لتبدأ يا عقلي بسرد قصة كره الأصدقاء .. وتشرح حبي للوحدة الشديدة بعد ان كنت معروفة ب (( الفتاة الاجتماعية )) ..
في السابق ومنذ أن كنت فتاة صغيرة كنت احب تكوين صداقات عديدة .. كانت لدي صداقات من كل بلاد عربي وبعض البلدان الغربية .. لأني أحب التعرف على ثقافات المجتمع الآخر .. وكنت أفرح كثيرا بتكوين الصداقات وكأنها كنز عندي.. حتى في يوم وفي حفل زفاف ذهبت لأمي وقلت لها لدي صديقة جديدة فقالت لي اين هي ..؟؟ فأشرت على احدى السيدات كانت عجوز كبيرة جدا في السن ( لووول) وأشرت لي وانا عند امي أبتسم لها فما وجدت من امي الا أن صدمت (@@) واحسست ان علامة استفهام فوق رأسها .. هكذا كنت اجتماعية احب الجلوس مع الجميع والتعرف عليهم والبدأ بنقاشات والتعرف على اساليب الكبار في الحديث ..
ولكن وعند الكبر اصبحت اقدس الصداقات كثيرا لدرجة اني اتحمل اخطاءهم .. سهل على الصديقة ان تخطئ بحقي وسهل علي أنا أبادرها بالأسف كي لا اخسرها ..
ولكن الى متى ؟؟؟
حتى وصلت للمرحلة الجامعية .. ولازلت أملك التسامح مع الجميع ...
كثير من أخطأ بحقي في الحياة الجامعية ، وأغض النظر وكأني لا أعلم عن ماقالته فلانة .. تأتيني فلانة بغير دليل وتقول انتي قلتي كذا وكذا .. سئمت من السكوت ، وتأتي فلانة التي تربطني بها صداقة منذ ايام الثانوي ، لتريدني ان اخبرها ان كنت مرتبطة ام لا ، ومادخلك أنتي ؟ بصراحة انا استغرب من البعض فإذا فلانة لم تخبرني مافي قلبها لا يجب علي ان ارغمها كي تقول لي اسرارها فلي حدود لا اتدخل في شؤوون غيري .
في يوم وقد جلست معها فجاءني اتصال ... فأجبت على المكالمة وابتعدت عن الطاولة فهناك أمور شخصية لم أرد أحد أن يسمعها ، فذهبت بعيدا ... بعض الصديقات لم يهتموا واكملوا حديثهم فطبيعي هذا التصرف ، عندما انتهيت وعدت قالت لي : لماذا ابتعدتي ؟؟؟ مؤكد أنه شاب ... لابد وانك مرتبطة .. @@
فنظرت اليها نظرة استخفاف وقلت لها .. حتى لو كان شاب مادخلك انتي ؟؟ فرن هاتفي وقد كان والدي (( حبيب قلبي )) فنظرت الى الهاتف وقالت : حبيب قلبي بعد ؟؟ منو هذا ؟؟ وانا ادري انج تكلمين مو معقولة ماتكلمين ؟؟ فقلت لها : انتي تكلمين ؟ ردت : لا طبعا .
فقلت : كلن يرى الناس بعين طبعه :) وهذا ابوي تبين تردين وتسلمين عليه ؟؟
ولم يقف الأمر على هذا النحو ، لأني وكما قالت لي والدتي .. انتي من أعطيتهن المجال كي يتدخلن في حياتك الشخصية . أنا من كنت اغض النظر على تصرفاتهن .
الى أن اتى الوقت الذي اصبحت بنظرهم أحقر انسانة ، اليوم الذي وضعت حدود بيني وينهن .. بعد ان كانت صديقاتي يتجازون ال100 اصبحت الآن 20 ، وأشعر براحة كبيرة لأن كل واحدة منا لا دخل لها بالأخرى ، كل واحدة مسؤولة عن تصرفاتها .
بعد أن كنت أخاف على مشاعرهن أصبحت لا أبالي إلا بنفسي ، ولا اكترث لمن يغضب ويخاصم ، فأنا مقتنعة بأنه في يوم من الايام كل واحدة منا تذهب لسبيلها .
فلا داعي لوجود الصديقات الغيورات .. ولا داعي لوجود الصديقات الاتي يذكرن عيوبي بصوت عالي أمام الجميع كي يسمعوا .. وينتقدني أمام الجميع باستهزاء ، ومن ورائي يأكلن بلحمي .
سابقا كنت اقول ، فليتكلموا كيفما شاؤوا مادمت لم اخطئ بحق أحدهن .. ولكني صدمت من وجود فتيات يألفن قصص وينصدم الجميع من شخصية سارة ، بعد أن يضعوني اني انسانة مريضة معقدة أريد كل شي لنفسي وأظلم صديقاتي ، حتى عندما أسمع الفتيات يضحكن وتقول احداهن (( أنا لمن سمعت جذي قلت سارة ؟؟ سارة ما تأذي صرصور تأذيها جذي ؟؟ )) ..
ولكني حينها أحسست اني حقا شريرة فكل اشاعة قالوها طبقتها فعلا وأخذت حقي منهن عن طريق شخصيتي الشريرة ، أنا لم أرد ذلك ولكن حينما ترا شخصا طيب فإن هنالك من أشخاص يستغلون طيبته ضده أو ضد شخص آخر .
والآن أصبحت الصداقات آخر همي ... لا يعنيني ان اصبحت وحيدة فلله الحمد تسليني كتبي ورسوماتي وحشراتي ومدونتي ...
فكل صديقة ذهبت قلت وانا رافعة رأسي ( ردب يوديج ما يردج ) ..
لاتوجد صديقة تستحق في هذا الزمن .... فأنا الآن لنفسي ولوالدي ولعائلتي وطموحاتي، والبقية في الأخير ...
كل شخص منا صدم من الصديق وأنا رأيت الكثير من الصديقات .. وكبرت عقلي كثيرا منهن ولكن اذا تجازن الأمر لتشويه السمعة والشرف فهنا تظهر الشخصية الشريرة لسارة .. ولا انتظر من يعيد لي حقي بل استرده وبالقوة أيضا .
لا تثق بالصديق ..
ولا تعطه أكبر من حجمه ..
فلا يوجد صداقة الآن ...
أصبحت مصالح .. أو نستطيع ان نقول (( زملاء)) حتى لا نظلم البقية الطيبيين ..
كثيرا من قال لي أسأتِ الإختيار .. ولكني اقول مارأيكم من تراه دائما طيب وينتحل شخصية الذي يخشى من الله ويخاف على الناس ويكثر الاستغفار فقط أمام الجميع ، وبعدها تظهر شخصيته الحقيقية التي لا يخاف من الله ، ويحب أذية الآخرين ...
ملاحظة :
أنا أشفق لحال بعض الشباب ، الي تخرفنه البنت وتقول له روح أذي فلانة علشان الناس تكرهها :) فيكون لها كالخروف .. ويقول السمع والطاعة ...

31 comments:

ZooZ "3grbgr" يقول...

الصداقة شي نادر تعرفي بكل الناس وصيري اجتماعية مع الكل بس لا تعتبرين الكل صديق حتى 20 وايد لووووول
انا بصراحة بحكم دراستي وعملي اعرف نص الكويت بس ما عندي صديقات مقربات الا خواتي وبنتين غيرهم وكل وحده منهم لها وضعها معاي لا يمكن اني اكون صفحة مفتوحة جدام الكل ... لا تخلين شي يأثر عليج الدنيا تعلم :)

الـبـيـرق يقول...

لـلأسـف فـي هـالـزمـن مـحـد كـفـو يـنـعـطـا ويـه ..!
لـكـن فـي نـاس "ذهـبـة" و لـو خـلـيـت خـربـت :)

أمـا بـخـصـوص الـمـلاحـظـة يـا لـيـت لـو الـتـخـرفـن أقـتـصـر عـلـى الـبـنـات .. فـي عـنـدنـا خـرفـان شـيـوخ و خـرفـان تـجـار ... !

تـحـيـاتـي

:d

swan.beach يقول...

حبيبتي الي قاعده تقولينه انا عايشته
بس الفرق بيني وبينج اني حتى العايله معطتهم طااف مرات ابي اكون برووحي مابي اسمع كلام ولا ابي اشوف احد
الي عرفته ان محد صديق للثاني الكل يبي مصلحته بس
واذا مالقى هالمصلحه نساج
تصدقين حتى النت وصفحاتي قمت شوي شوي اكرههم يعني اقدر اقول انعزال عن العالم بطريقه محد حااس فيها
مع العلم انا موجوده بس مو موجوده
واذا انتي 100 انا فوق 500 رفيجه هذا من غير خواتهم وامهاتهم وعليج الحساب
على هذا كله احس اني بروحي ومحد معاي
الله المستعان

alsaronah يقول...

زوزو


الي شفته من اغلب البنات مو شوي والله
بس تلقيني اسولف مع الكل واضحك بس حطيت حدود ... صرت اي وحدة تقط كلمة اردها بعشر ان شاء الله لو جدام الناس افشلها عادي ما استحي بهالشي ...
وهذا الي يمشي مع البنات تعطينهم على راسهم يمشون سيدة .. :p

alsaronah يقول...

البيرق


هذوليك خرفان من زمان بييييييييع لووول

بس صج والله الشباب ... استغفر الله لا ويصدقون ان هالبنت شريفة وماتلعب عليهم ومخرفنتهم عدل انقرصت عدل والله .. بس الحمدلله اهلي وقفوا معاي وماخلوني ...

على بالهم بخاف يعني فهمت قصدي ;)

alsaronah يقول...

swan.beach

فديتج والله ... انا اوكي ساعات اكون بروحي واهلي يزفوني لا تقعدين بروحج . اقعد عندهم ادوخ من سوالفهم لووووول ارد مرة ثانية يعني خلال 24 ساعة بس 4 ساعات يشوفوني اهلي لووول ...

الناس ما صارت تستاهل تعطينها ويه . انا حتى خواتي ماقول لهم شي ... اكمت بقلبي ... او اكتب بمذكراتي :p

Kuwait يقول...

@@
ويح قلبييييييييي ليش جييييييي :\

THE BOSS يقول...

الحياة تجارب و لايمكن للانسان ان يعيش بدون صديق فالوحده شئ قاتل مميت ولكن يجب حسن الاختيار فالمثل يقول لا تسأل عن المرء بل اسأل عن قرينه
و الحياه تجارب و لاحياة مع اليأس و لايأس مع الحياة
وعطني ولعه

ليبرالي يقول...

لو تسمعج ماما انيسه تشنقج

صفتين فقط تعرف خلالهما الصديق الصدوق

1 إلي مايرز ويهه للسلف

2 إلي مايرز ويهه ويقول إكفلني

وماعدا ذلك يهون :)

غير معرف يقول...

صح كلامج

الصديق الصجي ماتحصلينه الا بالتفق! ومو كل الناس عندهم صديق صج - انا اشوف امي واحكم - كلنا امهاتنا مالهم الا بيوتهم واهلهم، اما الباجين لا والله بس معارف صاروا

انا مؤمنة ان الاولوية بجدارة تاتي للاخوان والام والاب - من ناحية حسن معاملة وتحمل الزلات منهم ومن ناحية الثقة ايضا، وهذا لايشترط فيه اندماج في الشخصيات والاطباع. كل المطلوب هو الاجماع من الكل ان احنا يالاخوان لبعض مهما صار، وبس
=)

كش ملك يقول...

الدنيا فانية
ولا يدوم الا الله

والشافعي يقول

سلام على الدنيا اذ لم يكن بها
صديق صدوق صادق الوعد منصفا

وتحياتي لج

Barrak يقول...

صراحه هالموضوع بكوم

وكلمة تخرفنه بكوووم


ههههههههههههههههههه

swan.beach يقول...

تعليقي عقب امس ان الدنيا من غير اهلي ما تسوى شي

عسى الله يخليهم لي ولا يحرمني منهم
اما الباااجي من الاهل والرفااايج
هامش من حياتي

alsaronah يقول...

kuwait

شفتي بعد شنسوي هذي الدنيا قطتني على رفيجات استغفر الله .. والله عندي زملاء بالجامعة يحترموني وايد .. وتييلج وحدة تبي تطيحني من عينهم يعني تقط جم كلمة علي جدامهم .. والحمدلله لأن نيتي زينة فألقا منهم احترام اكبر ...
صج لي قالوا كلن يرا الناس بعين طبعه .

alsaronah يقول...

THE BOSS

بالنسبة لي الوحدة كانت احلا فترة مرت علي .. مسكرة جهازي ومادش النت .. وكتبي جدامي والواني يمي .. واقرا وارسم والون ... حسيت اني انسانة خالية من الهموم والله .. الوقت الي كنت فيه مع الرفيجات كله مشاكل وغصب غصب يدخلوني بمشاكلهم انا انسانة مسالمة شمالي لمشاكلهم يعني ..؟؟

alsaronah يقول...

ليبرالي ..

الكفيل هذا حطه على صوب بس سالفة السلف ماشوف فيها شي ... من ناحيتي أنا وبعض الزميلات وايد نتسلف من بعض لووول ونردهم عادي خو .. نساعد بعض ..
بس لا تقول حق ماما أنيسة :( أنا وايد أحبها وكنت اتمنى أغني لها لمن كنت بالروضة لوول

alsaronah يقول...

غير معرف ..

أنا معاج ، أول ماكنت حيييل مع امي لأن عندي خوات وايد وكانت معطتهم ويه ومطنشتني حدها لووول فماكنت حييل معاها .. كنت اقول لها ترضين اقول اسراري حق وحدة من رفيجاتي وما اقولها لج وانتي اقرب وحدة لي ؟؟ تعصب تقول قولي لي لا تقولين لبنت ترا بعدين تفتن عليج ... وبعدين لمن سويت مع امي اتفاقية سلام .. صرنا رفيجات واقول لها كل شي ببالي .. فلمن تيي وحدة وتسوي نفسها تبي تهدد لوول وعلى بالها اهلي بيطقوني .. وتتحجى فيني وتشوف رد امي الي يبرد القلب ورد اهلي .. ماقول الا الحمدلله ان الله عطاني اهل يثقون فيني وويحبوني حييل..

الأهل والله ماكو مثلهم صراحة

alsaronah يقول...

كش ملك

صح كلامك .. بس للأسف من كثر ما انقرصت .. صرت ما أثق بأحد كلش ..

alsaronah يقول...

Barrak

لا أنا صاجة والله .. اييلك واحد ويسوي نفسه ريال .. وعلى باله الي جدامه دياية .. والثانية مطرشته روح أذي فلانة علشان تبرد غيرتها وحرتها مني لأني أحسن منها ، والمشكلة مادري شنو راح يستفيد ، بالعكس اهم الي انضروا مو أنا :p

انقهر من البنات الي يقولون لي بلاويهم وأسرارهم ويدرون اني ما اتحجى وافضح ويروحون يألفون علي حجي للراس .. مايخافون اتكلم عنهم وأفضحهم ؟؟ ماراح اسويها بس ما يخافون ؟

alsaronah يقول...

swan.beach

أدري شنو قصدج والله وعسى الله يخليج لأهلج ويخليهم لج ... وترفعين راسهم دوم ... ماكو مثل الأهل والله ، وأنا أهلي بصعوبة قدرت اكسبهم لوووول بس الحمدلله الحين حييل معاهم وياويل بالويل الي يقط حجي عليهم ..

اقول لج شي .. مروا علي بنات .. عادي تسب أمها وأبوها جدامي أنا اشمئز من هالنوعية .. وبعدين تيي تسبني وتلعن أبوي .. أوقفها عند حدها أقول لها اذا عندج ابوج اي شي أنا عندي ابوي كل شي تبين تسبين سبيني وما تسبين ابوي وتعلمي تلفظين الفاظ عدلة .. وتتعلمين الأدب .. ويييع صج لا تربية ولا احترام .

عسى الله يوفجج يالغالية

آهات وطن يقول...

لنتعلم ان نعطي دوما ولا نأخذ



سالفتك سالفة خلينا في طموحاتك

alsaronah يقول...

لوووووووووووول

مو طموحاتي لمن الناس عرفتها . بعض هالبنات حاولوا يشوهونها بس ربك فوق الظالم ..

:)

3bady يقول...

موضوعج يعور القلب .. و عدل كلامج مو اي احد كفو

يعني لو اتعرفني من ايام الثانوي انت شكو بخصوصياتي

نصيحتي لج انه مافي رفيجة مافيها عيوب لكن الاحسن تاخذين الاقل عيوبا و ترتاحين لها :))

بس اشلون اتعرفين الكفو ولا الي ما كفو من اطباعهم و اساليبهم يبين :))

و على طاري الشباب الخرفان وايد و الدنيا مصالح الله كريم :))

الناس حقودة و حسودة و ايبون لج الحجي و انتي نايمه

دامج واثقه من نفسج و من الي اتسوينه لا اتخلين احد يهزج :))

و اذا شاكه بشغله انج اتسوينها هل اهيه صح او خطأ استشيري ناس واثقة منهم :))

شكلي طولت عليج بس حبيت اقول الله يعينج و ياخذ بحقج على كل ظالم :)

alsaronah يقول...

لا اخذ راحتك أخوي عبود ...

اخوي عبود اهم شي عندي حتى لو كانت عندي عيوب المهم ما أأذي رفيجاتي وهذا الي كنت ابيه ... مافي احد كامل بس على الاقل تخاف علي مثل ما أخاف عليها ... يعني بالنسبة لي يسموني أم الفزعات .. والله ماخلي رفيجاتي متضايقين وانا موجودة .. بس للأسف في منهم مثوا علي .. وقلبوا الموضوع .. بيحفرون لي الحفرة .. واهم الي طاحوا فيها الحمدلله الله وفقني وارتحت منهم .. واهم للحين يعانون من شر عمايلهم ... الله يستر عليهم بس..

شكرا لك أخوي عبودي

مُحَسّدْ يقول...

وما الخيل الا كالصديق قليلة

وان كثرت في عين من لا يجرب

alsaronah يقول...

وللي يرحم والديك اشرح اشرح:)

الـبـيـرق يقول...

الله يـهـداك مـحـسـد هـاذي مـقـولـة الـمـتـنـبـي بـالـخـيـل :d

شـدخـلـهـا فـي بـنـو آدم :p

alsaronah يقول...

انا قاعدة اقول ياربي

يبي يوريك ان الحيوانات عزك الله أحسن من وايد ناس .. وماتنكر فضل صاحبها :)

Alikingkw يقول...

أصدقائج 20 ؟ يعني شوية ؟ لووووول
الله يخليهم لج

الصداقة شي مو سهل وفي مجتمعنا الصداقة محدودة للأسف

أغلب الناس أصدقائهم القريبين جدا منهم أهلهم

بس في المجتمعات الثانية الي معروف عنها التفكك الأسري وغير ذلك من أقاويل الصداقة فيها تحل محل الأهل فيكون الصديق هو الأخ أو الأخت أو الأب أو الأم في الاختيار

بالنسبة لي لا العدد ولا صلة القرابة هي المهمة... العلاقة هي الأهم

والناس الطيبين عددهم كبير بس القدر اهو الي يربطنا فيهم أحس ان مو احنا الي نختار أصدقائنا أو مو احنا الي نختارهم بإرادتنا
في ظروف تييبهم لنا
ظروف أو مواقف تبينهم وتبين قيمتهم

Alikingkw يقول...

ومصطلح التخرفن مر عليي وضحكني وايد حبيته لوووول

وشبابنا الله يهديهم على أدنات الدون تخرفنوا

طموحة مملوحة يقول...

صاج والله بكل كلمة قلتها علي .. وعلى مسألة الغرب صح كلامك ..