2008-09-24

فتوى تخريفية ..

السلام عليكم ورحمة الله ...
شلونكم ؟؟؟ :)
فتوى من مدونة تخاريف طموحة ... مصدري خاص لوحدي :p
*نظرا لكثرة حالات الشواذ في الكويت ، وكثرة الشباب الذين يمارسون اللواط وكثرة القصص الي انغثينا منها منهم ... وكثرة مواضيع الشباب الذي يستنجد ( واحد تحرش فيني ) .. ( واحد يبي ينام معاي... ) .. ( واحد عرض علي رقمه يبي يتعرف) ..
فحكم خلوة الرجل بالرجل ( حرام ) ...
* نظرا لكثرة البويات في مجتمعنا ولكثرة هواشهم بالمسيلة ، ونجرتهم وغصب يبون يصيرون مثل الشباب غصب غصب ... ونظرا لتخلف ال( ليديات ) والغيرة الزايدة منهن ..
فحكم التحدث مع بوية والتدلع جدامها ( حرام ) ....!!!
* نظرا لكثرة السحاقيات ... ووجودهن الغير طبيعي حولنا دون علمنا ، وعرضهن بكل وقاحة للبنات ( تعالي أريحج ) ، والي تعترف بكل جراءة أنا نمت مع بنات وايد ...
فحكم مدح البنات لبعضهم .. والتدلع بعد بين بعضهم ( حرام )..
* نظرا لكثرة الجنوس والدفاع عنهم ، وتطييح سوق البنات ،وتخليص ماكياج السوقة .. وحد الفتيات على شراءها من محلات الهنود ... وكثرتهم الجنوس في المجتمع بشكل مو طبيعي وفقدانهم لمعنى الرجولة الفطرية !!!
فمتابعة مسلسلات رمضان وخاصة ( شر النفوس ) ... ( حرام ) >>>> شكو هذا بهذا الحين ؟؟؟ !!!!
شهالمجتمع العاهة؟؟؟ ماكو أحد مخلوق عدل ومتوازن مع الطبيعة ؟؟؟ اشوف البنات يبون يتزوجون بسرعة ... أقول الرياييل انقرضوا
الي تزوجوا ... والي صاروا جنوس .. واعليا البنات بيلحقون على حالهم .. :p
مايصير ياجماعة ترى مسلسلاتنا ما تحل المشكلة مسلسلاتنا تحل الخطأ بخطأ أكبر واهو تشجيعهم على الاستمرار ..
ترى على بالهم اهما راح يلفتون الانظار بس الحين من كثرهم خلاص تعودنا عليهم ... وترا ويييع اذا تعودنا على هالاشكال والله ..
لمن اوقف يم جنس أحس اني ريال يمه والله ...
استغفر الله ، في وايد ناس تدافع عنهم وتقول كيفهم ... أكيد كيفهم عيل كيفنا احنا ؟؟ بس القضية ان مهما سوى ومهما رقع بنفسه وغيره حتى الجهاز التناسلي .... يظل ( رجل ) أو بالأصح يظل ( ذكر ) .. :)
ماكو حل ادري بس بيدنا الي نقدر نسويه ان مانزيد هالفئة ... يعني اذا واحد مشكك بنفسه لا نعدل هالشك مانخليه يقلب بعدين يتعب نفسيا..
ودام مطبقين منع الاختلاط عندنا بالجامعة ، وذابحينا على سالفة المغازل ، يعني ماكو بنات يغازلون بعض؟؟ ماكو شباب يغازلون بعض بعد؟؟ والله مشكلة ... :)
سؤال :
الحيوانات (عزكم الله ) فيها شذوذ ؟؟؟ ولا بس بعض من البشر؟؟

17 comments:

الـبـيـرق يقول...

سـيـن سـؤال : هـالـخـرابـيـط مـن جـنـوس و صـبـيـك "بـويـات" مـن مـتـى قـمـنـا نـشـوفـهـا بـشـكـل جـبـيـر بـالـديـرة ؟!

الـجـواب : مـن بـدايـة الـغـزو الـمـتـأسـلـم للـمـجـتـمـع بـأوائـل الـتـسـعـيـنـات ..!

للـعـلـم الـجـنـوس مـن قـبـل الـثـمـانـيـات مـوجـوديـن بـالـكـويـت بـس مـا يـطـلـعـون مـثـل جـنـوس هـالأيـام :)

هـالـمـوضـوع ذكـرنـي بـأخـو الـمـمـثـلـة شـيـمـاء عـلـي :)

خـوش مـوضـوع بـالـعـشـر الأواخـر :P

تـحـيـاتـي

:D

alsaronah يقول...

ياولد ياولد استر على جنوس العوايل استغفر الله شفيك انت :p

mo3ath يقول...

الجنوس قرعوهم وحطوهم بسجن بروحهم لوووووول مشكله لاطاحوا بعنبر الخوال مادري جم رقمه :q

انا انسان طبيعي ومتوازن شحلاتي لاتعمين بليز :q

alsaronah يقول...

الله يحفظك معاذ لوووول

THE BOSS يقول...

شوفي يا عزيزتي اهي الظاهرة مو جنوس و بويات و سحاق و لواط هذا موجود في كل زمان و مكان مو بس عندنا
بس الملاحظ عندنا انا محد راضي على نوعه فلا الريال مرتاح برجولته و لا المره مرتاحه بانوثتها الكل يبي يصير غير ليش ما أدري فلاحظي حتى الشباب الطبيعيين الستريت صاروا يحطون مكياج و عطور نسائيه و لبس النواعم والبنات نفس الشئ
وهذا ازال الفوارق بينهم جم مره مر عليج ثشوفين رجل ستريت و بنت سترست لابسين نفس اللبس لا و نفس العطر بعد
ما علينا من كل الطاف اهم شئ وييييييييييييييييييييييييييييييييييييييييييييين اهلهم عنهم قبل ما يكبر شذوذهم اخخخخ الاهمال و الاهمال و الاهمال

وعطني ولعه و لاتقولين لا لانه موضوع يرفع الضغط حرام يضيع هل الشباب و الشابات في الدنيا و الاخرة انها خسارة كامله
وعطني ولعه

مُحَسّدْ يقول...

مو وقته كلش !

Kuwait يقول...

@@ ليش اليوووم بايعتها ومنطلقه بالموضوع لوووووووول ;q

alsaronah يقول...

the boss

لو سمحت ماكو ولعة بمدونتي لأني أخاف وأحافظ على البيئة بليييز دخن عند باب المدونة .. المهم لا مو اهمال الا ساعات الاهتمام الزايد ..

اي اي ولد اخوي من الحين يبيني احط له لب ستيك اعطيه جم زفة محترمة خلك ريال .. لوووول لا تشوفني وانا اصارخ عليهم ... العجوز الشمطاء لوووول

alsaronah يقول...

محسد


شنو الي مو وقته؟؟؟

alsaronah يقول...

kuwait

لأني مريضة .. اقول مواضيع جريئة مو زين اكمل الي يعرفوني يدرون اني اتحجى وانا مادري عن نفسي صراحة ... بس موضوع غثني صراحة ... وين ماروح شباب تروفة ولا مشيته احسن من مشيتي على قولة امي ... احتر صراحة لووول

3bady يقول...

جوفي الي عنده خلل كرموسومي = خلل جيني

علشان يصير فيه جذي انا اقترح انهم يتعلمون بأماكن خاصة حقهم علشان يتهيإوون صح

بس اما الي يغلب جنس بدون سبب صحي او جيني هذا انا اعارضه 100% هذا انسان يحتاج الى وعي تام

بالنسبة للبويات جوفي انا ما عندي خبره فيهم و يمكن مره وحده او مرتين بعمري جفتهم بس خلال حياتي ما اذكر اني درست انه فيه سبب جيني يخليهم يصيرون بويات

فما ادري

المهم بما ان الحين محد صاير عنده عقل و يسوي شي

فاحسن حل انه نبتعد عن هالاشكال و لا نحتك فيهم

خليني اقولج سالفة مره دش عليي واحد ما ادري من وين يايب اميلي و ضايفني

المهم وصل الحجي بينا يقول انا احب انام ويه جنوس علشان يعطوني فلوس

انا قعدت افكر هذا اما بسوي دقه فيني اما كلامه صج خل اكمل و اجوف اخرته

طبعاً كالعادة اسوي نفسي الناصح النصوح و اييم له احاديث انه حرام و جذي

بس شكله الاخ من صجه يتكلم مو قاعد يستعبط

تصوري هذا الانسان عمره 14 سنة يمكن و جنوس مخربينه

طبعاً انا نفذ صبري منه و قلت انا المينون الي قاعد اسولف وياه بلوك و دليت و حياتج

و ازيدج من الشعر بيت مرت عليي مدونات جنوس كويتيين

لوعة جبد

المهم شكلي طولت عليج يعطيج العافية على الموضوع :))

alsaronah يقول...

لووووول

عبودي وللي يسلمك دز لي ايميل عطني عنوان هالدونات خل ادش اضحك عليهم لووول

لا صج والله صج غاثيني بس احب اشوف عبطهم وسوالفهم .. اقزرها يعني اسمع معاناتهم ورغباتهم في الحياة لووول

الله يهديهم ولا تقول لي وايد سولفت اخذ راحتك ... بيتك ومطرحك افا عليك

غير معرف يقول...

homosexuality is common in some animals like Dolphins!

alsaronah يقول...

غير معرف


والله توني ادري عن هالمعلومة لووول مشكور ... طاح من عيني الدلفين والله

Alikingkw يقول...

فعلا هاذي وجهة نظر قوية ضد قانون منع الاختلاط وما افتكر أحد يقدر يرد عليها وهي أكبر دليل على فشل هالقانون


وردا على سؤال الشذوذ الجنسي عند الحيوانات أعتقد موجود
ورأيي هذا من منطلق خبرتي في تربية الدواجن منذ أيام الطفولة وحتى المراهقة مر عليي ديك مايع ودياية مسترجله لدرجة انها اذا انتصرت في الهوشة تأذن

alsaronah يقول...

Alikingkw


اوووخ والله عجبتني سالفة الدياية والديج والله .. لووووول خرفنته عدل .. لووول شكرا لك على الافادة اخوي علي

ابو عبدالملك يقول...

ياخوج ترى هذيل فئه قليله
بس انتي بسبب روحاتج للمجمعات والكليه وكثرة الفراره اللي مالها داعي راح تحسين ان اغلب الشعب جنوس وبويات


وعلى طاري المسلسلات قصتها طويله


وعلى طاري الحيوانات والشذوذ قال تعالى ( بل هم كالانعام بل هم اضل سبيله ) اي يعني لاشذوذ الا عند البشر