2008-09-20

أجل ... نحن كويتييووون :D

في يوم من الأيام وقد أخذت سارة مادة في الجامعة عند الدكتور : كذا كذا كذا .. وكان تقديمها لأول امتحان ليس جيدا فلم تعلم أن الامتحان دائما يتكرر ودرست من النوت ولم تدرس من اختبار قديم :P
فقالت لصديقتها : مريوم تتوقعين الدكتور بيساعدنا آخر شي؟؟
فردت عليها : انتي من صجج ؟؟ لا طبعا يساعد الشيعة بس .. رفيجتي تقديمها كان اي شي وعطاها بالأخير B مالت على حظنا..
فذهبت سارة الى الدكتور وأخذت بالحديث معه وبطريقة ذكية أخبرته بأن والدتها من المذهب الشيعي .. ففرح الدكتور كثيرا وحثها على بذل جهدها في الدراسة ... وقد ساعدها بالنهاية :D
أخذت مادة أخرى عند دكتور (سلفي) :P وقد قالت الطالبات بأنه لا يساعد الا الطالبات اللواتي يلبسن عبايات :P واللواتي يسكتن ولا يناقشن .. احم احم وسارة لا تعرف السكوت للأسف ..
وبنهاية الفصل الدراسي قدمت سارة الامتحان وقد كان شديد الصعوبة .. وذهبت لتكلمه لكن دون جدوى ..
فقالت له : دكتور عندي شهايد حفظ القرآن وتلاوته وحصلت على مراكز كثيرة والله دكتور .. :) أبوي سلفي دكتور والله .
فضحك الدكتور ووعدها خيرا ... وقد ساعدها بالنهاية .. :P
دكتور بدوي أخذت سارة مادة عنده وبدون ان تقوم بشيء فالاسم كفيل ...
وبنهاية الفصل ذهبت لكي تترجاه ان يساعدها فقال (( ابشري يابنت العم )) :P
دكتور ليبرالي ..
أخذت سارة تناقشه بأمور الدولة والسياسة .. ونقد مجلس الأمة ولماذا وليش والخ ...
وقد أخذت درجة ترضيها ...
بعيدا عن الأفكار والتيارات ..
ذهبت سارة الى استاذها كي يشرح لها نقظة لم تفهمها ..
سارة : أستاز أنا مش فاهمة المسألة دي .. يليت لو تشرحها لي .
الاستاذ: انتي بتتكلمي مصري ليه ؟ بتتريئي ؟؟
سارة : لا والله يا أستاز أصلي ماما مصرية :) وأنا مابتكلمش الا مصري >>>> (( اي هين ))
الاستاذ: والله مامتك من فين في مصر؟
سارة : ن السيدة زينب .
الأستاذ: أجدع ناس والله .. تشربي شاي؟؟
سارة : لا والله يا أستاز اصلي مستعجلة وصحباتي مستنييني ..
الأستاذ : بصي ياسارة أنا عايزك تبإي شاطرة وتدرسي كويس ماشي؟؟
سارة : من عنيي يا أستاز ..
حياتنا مرهقة ... وتلون سارة أزعجها فإلى متى ؟؟ ومتى نصبح شعب واحد ؟؟ لاسني ولا شيعي .... فوحدة وطنية ؟؟؟

18 comments:

مكان للعبث يقول...

الله معاك يا سارة!
زين اني درست برة!

alsaronah يقول...

اي والله زين سويت

انا اطمح اني اكمل دكتوراة برا ان شاء الله ..

وراح اكون حقانية مع الكل .. ماراح اكون مقصرة بحقهم ولا اكون عنصرية .

عاد اذا نزلت المجلس صوت لي .. بلكي اعطي واحد من عيالك A لوووول :P

Kuwait يقول...

في دكاتره مثل الي تكلمتي عنهم وفي دكاتره لا :)

alsaronah يقول...

صح في دكاترة والله حدهم حيادييين مع الطلبة وماعندهم سوالف انت ولد منو .. اوووف في دكتور قال لي انتي قبيلتج جذي شاي عايلة لمن قلت له جان يقول اووووو فلان يصير لج ؟؟ قلت له اي جان يقول وفلان وعلان ... وفلان الي صار له جذي وجذي وفلان وفلان .. ياب لي قصة حياتهم وانا ماعرف عنهم وايد لوول

وايد همهم ولد منو وبنت منو ... ليش جذي؟

secret يقول...

ماكو قانون .. اكيد بيصيرون جذي

حسبي الله عليهم

و هم شر البلية ما يضحك :))

alsaronah يقول...

اي والله :p

Salah يقول...

موفقة ان شاء الله

اذا نيتج تصيرين حقانية مع الكل الله يوفقج ويثبتج على هالمبدأ...

ترى مو سهل في الكويت!

مُحَسّدْ يقول...

منهم لله !

احباط تعليمي

mo3ath يقول...

دكاتره خشمك خشمك اكثر ناس يبطون جبدي :/

شكلنا بنمشي على نظامهم لما نتخرج لوووول مالج غير جذي :q

alsaronah يقول...

أخوي صلاح

طبعي أحب أكسر القواعد وما اكون مثل الجميع .. أتميز عرفت شلون :D

بعدين ودي اكون مثل الدكاترة الي الطلبة دايم يمدحونهم .. ماودي احد يقول دكتورة سارة ؟؟ ويييع
لوووول أنا مو ويع

alsaronah يقول...

محسد

اي والله شفت ازاي :(

عندي مادة عدتها 3 مرات وللحين مانجحت ووحدة سوت اقامة دكتور هندي عطاها بالمادة C وهي المفروض F :( شفت الظلم ؟؟

alsaronah يقول...

معاذ

اذا انت بتمشي على نظامهم ... فروح الله وياك ;) أنا مابي :) حلو ان الناس تذكرك بالخير والله ..

الـبـيـرق يقول...

نـسـيـتـي .. بـعـد فـي دكـاتـرة "سـيـكـيـيـن" بـكـلـيـة الـطـب :p

الله يـعـيـنـكـم عـلـى الـدكـاتـرة الـ "نـفـسـيـة"



:p

Ducati يقول...

والله نص دكاترة الجامعه ما يمشون الا جذي

والله احنا الي مالنا والي الصبيان مهضوم حقهم في جامعتهم

3bady يقول...

كلمة وحدة مصلحة زايدة هالايام

هالشي ما يصير الا اذا كان كل انسان فينا يفكر ساعة وحدة و يصير عنده عقل :)

نايس بوست :)

alsaronah يقول...

البيرق مافهمتك :p


........

Ducati

والله مو كلهم الدكاترة يحبون الطالبات .. والدكتورات يحبون الطلبة .. الحمدلله والشكر ذكرتني بوحدة من الدكاترة معقدة مثلي ماتحب الرياييل لوووول وكان طالب واحد ماخذ معانا مادة كلنا بنات .. والله واعترف كان اشطر منا وتقديمه للبرزنتيشن احسن بوايد منا ... بس ماعطته حقه :( فقير والله كسر خاطري. .


ـــــــــــــ

عبودي

بس انا ماجذبت :p
أنا ليبرالية وأبوي سلفي وامي كانت شيعية ، وشكلي عيمي خالص مالص وفينا عرج مصري :p بدوية .. جمعنا التيارات كلها بعايلتنا لووول

الـبـيـرق يقول...

لـول قـصـدي أن فـي دكـاتـرة بـبـعـض الـكـلـيـات مـثـل الـطـب و الـطـب الـمـسـاعـد مـن الـجـالـيـة الهـنـديـة يـتـبـعـون الديـانـة الـسـيـكـيـة ( تـلـقـيـن لـحـيـتـه طـويـلـة و لاف فـوطـه عـلـى شـعـره :p )

هـالأشـكـال شـلـون الـواحـد يـتـعـامـل ويـاهـم :d

أقـولـه خـدامـتـنـا سـيـكـيـة مـثـلـك ؟!
ولا سـايـق بـيـت جـيـرانـا مـن جـمـاعـتـك ؟!

:d

alsaronah يقول...

لووووووول قص عليه والبس مثل لبسه وقول له ترى صرت مثلك بس متخفي علشان لا ياكلونك الي موجودين ويتهمونك بالكفر لووول ...

والله شنو هذا ... ؟؟ لي متى نساحلهم ؟؟
والدكتور الي يساعد البنات سموه خروف لووول