2008-10-10

أملها أنتـــــــم



أمس وأنا رادة من كيفان كانت العلوم مليئة بالطلاب وزحمة وحالتهم حالة على مهرجان القائة المستقلة الي اصيد عليهم المط بالحجي علشان اقلدهم :p
المهم وتفاجأت برفيجاتي حاطين كيكة عيدميلاد وغنوا لي ، كانت مفاجأة حلوة ... قصينا الكيكة ووزعناها على الجميع :p حتى ستيف عطيته لووول
اهم شي أم علي حدي استانست عليها ورفيجاتي كلهم لابسين أحمر على أم علي ..وحضرتي مداومة ببدلة رسمية وكرفته صفرا .. مرشحة شعلي لووول :p






ببداية العام الدراسي عملت مع قسم الجلوجيا حفل ترحيب للمستجدين وطلبة القسم للعام الدراسي الجديد .. وكان بأول يومين دوام شنو وناسة كان صج صج حتى الدكاترة والموظفين شاركونا فرحتنا :) بالكيك والجاي والقهوة والحلويات وتوزيع هدايا صج صج صج نور القسم بأول اسبوع صراحة :)


بتكلم عن قائمة الوسط الديمقراطي ، وسابقا كنت مقررة اني ما اشتغل بالانتخابات بس لمن شفت الاجواء والبنات الي يسألون ويستفسرون مني قلت حرام ما اساعد الوسط ... الوسط عطاني الكثير ليش ابخل عليه وخاصة في الانتخابات ، أشياء غلط قاعدة اشوفها جدامي لازم اعدلها ... منها المعلومات الغلط الي يقولونها أمس دزت لي رفيجتي مسج تقول لي سارة مو الوسط الي طالب بكلية البنات ؟؟ قلت لها اي قالت لي القائمة الفلانية تقول احنا الي طالبنا فيها ، قلت لها الدليل التاريخ جدامج والوسط اهو الي طالب بكلية البنات ... ولمن تم بناءها كانت على فترة تولي القائمة الفلانية الاتحاد فدام بنوها على زمنهم صار انجاز لهم لووول ...

مثل سالفة الغاء رسوم التسجيل على بالنا اهم الي طالبوا فيها واكتشفنا ان هالشي من الجامعة نفسها مو من الاتحاد:)

أتمنى أن يكف الطائفيون من الصعود على ظهر الوسط ... فطول السنة الوسط واضح وحتى بدون ما ياخذ جمعية او اتحاد وبعد التعب تاخذ الاسلامية المركز الثالث بسبب الطائفية ... الوسط أولى بهالمركز مستحيل الاسلامية تحس بطعم الفوز لأنها ما تبين الا حزة الانتخابات وعاشوراء :) ...

قائمة الكل ..

فلا سني ولا شيعي ... ولا بدوي ولا حضري ..الوحدة الوطنية أولا وآخرا ...

والوطن والجامعة مو واقفين على هذا وذاك .. بل على نحن ...

لذا أتمنى أن يعود الوسط الديمقراطي كالسابق وأكثر .... أتمنى ذلك من كل قلبي ...

من الشعارات الوسطية الي أحبها :

(( سأبدأ حيث ما أبدأ ... لأني صاحب مبدأ))

((شعب واحد حر لا للطائفية لا سني ولا شيعي فوحدة وطنية ))

((قد علمنا الآباء درسا لن يزولا من عاش بحكم الظلم قد عاش ذليلا ))

((إنما الشيعة والسنة جسم واحد ، جسدت وحدتهم رائعة عند المحن لا لتفريق الكويتييين بدو وحضر كلنا يجمعنا يربطنا حب الوطن))

(( نور لا يموت))

((فإسمـــــــــي بالوسط يكفي ))

تمنياتي للوسط بكل النجاح والتوفيق يارب

6 comments:

ManalQ8 يقول...

كل عام وانت بخير امورة

احلى شي ان هناك بين الفوضى العرمة
من يتذكر
ويحب ويحتفل

:)


عسى العمر كلة

alsaronah يقول...

اي والله بصراحة اختي منال قضيت احلا وقتي مع رفيجاتي بالجامعة لأنهم مانسوني حتى لمن رديت البيت وقلت لأمي شنو صار ... قالت لي زين استانستي وانا نادرا ما أكون مستانسة حدي :D

بعد عمري مشكورة

Salah يقول...

كل عام وانت بخير

وبالتوفيق

أمس كان في انتخابات صغيرة عندنا في كاردف... وانا أشوفهم قلت حق رفيجي: متى نصير مثلهم؟ قال: شتقصد. قلت له: رشحوا نفسهم والناس انتخبوا اللي يبون والكل طلعوا حبايب في النهاية!

alsaronah يقول...

لووووول هذا المفروض يصير ان الكل يتفق على شي واحد والي اهو مصلحة الكويت .. صدقني وايد ناس من القوائم تتحجى وما تطبق .. بس المهم ان نكون صريحين بيننا وبين نفسنا وبين الناس ... مو شعارات جدام الناس ومن وراهم شي ثاني :)

3bady يقول...

ما ادري انا لحد الآن ما جفت لويه جذي عندنا انا من كثر ما قالوا لي وخر عن القوائم ما ايي صوبهم الا بس بسأل و امشي

اهو وناسة جذي لويه و ناس مندمجة و جذي بس الواحد لازم ما يخلي دراسته على حساب وناسته :))

alsaronah يقول...

المهم ان تكون حر باختيارك او بحياديتك .. ولكن الحياة الانتخابية جميلة على مرها .. وعلى كثر ما نخسر مانزلت دمعتي لأني استمتعت بصراحة :)