2008-10-20

أنـــــا وراشـــــد الماجد




اليوم حيييل متضايقة ومادري شسوي قلت خل اقعد مع نفسي .... وأتذكر أيام طفولتي العبيطة وتذكرت شغلة كان كل اهلنا يدرون عنها وهو أول حب لي .. لووووول

كان أول حب لي وأنا عمري 7 سنوات ... كان راشد الماجد ... مادري ليش وشلون كنت احبه بس أذكر إني كنت أحط صوره بكل مكان بغرفتي ... وكانوا يدشون علي الدار وإلا حاطين بالتلفزيون اغنية لراشد الماجد وأطالع الاغنية وأبجي ..

أذكر بيوم كانوا يايين بنات عمتي وكنت قاعدة معاهم جان تقول لي وحدة من بنات عمتي .... سارة تدرين أن راشد الماجد تزوج ؟؟ أنا انصدمت ... لا لا

وأفكر حزتها اني كنت حاطة ببالي اني لمن اكبر اتزوجه >>>> هييييي بكيفج انتي ؟؟

وبجيت وايد وأذكر ما نمت الحمدلله والشكر كل هذا علشان راشد الماجد ...

وأقول حق أمي : يما لايق علي صح نفس الخدود لوووول

مادري والله كنت صغيرة وصايعة أفكر فيه بجنون مو لهدرجة عاد :D

المهم الحين اكرهه كره مو طبيعي صج أحب أغانيه بس اكرهه اهو نفسه واقول لنفسي شلون كنت احبه ؟؟

سبحان الله ...

أكيد كل واحد فيكم مر بتجربة حب فنان فترة المراهقة او الصغر ... الي يحب يفضفض خل يقول لنا ونشوف عبط الصغر ..

بس والله صج كل ماشوف راشد الماجد أكم بويهي مالت على ذوقي لوووول

أحلا أغنية لراشد الماجد (( المسافر )) لمن اسمعها لحد يحاجيني لوووول

أدري موضوع ماله داعي بس حبيت أفضفض لأن الدمعة واصلة حدها حدها لووول

سي يو ...

14 comments:

Fashionista يقول...

أنا ليلحين أحبه

محد يطربني كثره

kuwaitawy يقول...

راشد الماجد فنان لا يعلا عليه من الطراز الاول الخليجي




-------------


عاد صج كنتي تبجييين لما تشوفينه ؟؟



هههههههههههههههههههه

mo3ath يقول...

لووووووول منه المال ومنج العيال :q

انا عن نفسي ماكنت متحطم بأحد وانا صفير ، يا انا ياثقيل :q

الصراحه اغانيه حلوه ، مالي شغل بشكله مثل بعض الناس (a)

:q

alsaronah يقول...

Fashionista


اهو عن صوت اوكي بس شكل ويييع مليق لوووول

alsaronah يقول...

kuwaitawy ...

اي والله كنت ابجي مالت علي لووووول

alsaronah يقول...

mo3ath

احم احم المشكلة انه قزم اذا وقف يمي لووووول

الـبـيـرق يقول...

لا الـمـاجـد ولا أدريـس ولاهـم يـحـزنـون :p

خـالـد الـمـلا بـالـسـتـيـنـات كـانـوا يـسـمـونـه قـمـر الـشـامـيـة :d

Ducati يقول...

يمعوده انتي راشد الماجد

انا كنت ميت على رفيجة كابتن رابح

:)

THE BOSS يقول...

يعني الحين اذا الواحد بيطفرج يقولج نفس مسرحية العيال كبرت
هذيج بتاعت ممدوح
وانت ايوه يا بتاعت راشد
:)

ولا تزعلين ادري شتبين تقولين
و انت يبتاع الشيشه
راحت عليج خلاص قلتها قبلج

وعطني ولعه

alsaronah يقول...

الـبـيـرق

توني ادري عم هالتسمية لووول

alsaronah يقول...

Ducati ...


رابح الصقر؟ ؟ لووووول يحليله المعصقل لووول

alsaronah يقول...

THE BOSS

عاد ولا طرت على بالي لووووول

3bady يقول...

كنت احب حمود ناصر الحين طاح من عيني بس اسمع اغانييه القدم

يوسف العماني اموت عليه و لي الحين احبه بس ساعات اغير نظرتي لما طلع ببرنامج عيني عينك و البنات يترقصون حولينه ما ادري ما عجبني

alsaronah يقول...

لازم كل مطرب يلف يمين يسار علشان يحصل شهرته :P

اي حمود ناصر اول ماطلع البنات ماتوا عليه لوووول للحين اذكر الياهل الي دقت عليه تبجي بالاف ام لووول