2008-10-28

اضافة لسيرتي الذاتية ..

بسم الله الرحمن الرحيم
أعزائي القراء
اليومين هذول ... وللأسف وأنا دائما أمشي وأطالع جدام ، لفيت ورا مع الأسف .. وسئمت من كثرة الأقاويل وفلان قال عنج وفلانة قالت عنج وبعدين قلت لنفسي ياربي ليش ارد عليهم ؟؟؟ ليش أضيق خلقي ؟ ؟
طبيعتي حلوة والكل يرتاح مني بس أنا ما أرتاح من البعض ، طبيعتي يا جماعة اذا شفت الشي ما أتحجى عادي .. ما أحط ببالي او اقول شفت فلانة وشفت علانة وهذول سواا وهذول ما سواا لأني أشوف نفسي أول وعندي أنا أهم شي .. فمالي دخل بالبقية
بس لمن اشوف ناس تحب وايد تحطني بطلة مسلسلات هندية وأنا سويت وسويت ...وخاصة بفترة الانتخابات لاعت جبدي حدي ...
فوايد منهم يقرون مدونتي ويتطنزون علي وعلى مدونتي .. ووايد منهم يحاول يشوه صورة سارة جدام الكل ..
فأقول لهم :
الحمدلله ان في وايد ناس تقدرني وتهتم لي ، وعمري ما حطيت اعتبار لكلامكم ، واذا كنت انسانة متناقضة ، أكون متناقضة ولا أكون راعية كلام ونفاق وقيل وقال ، أنا انسانة عملية ما أفكر بالحجي الزايد كثر ما أفكر بمجهودي ومستقبلي فاذا هالناس ماعندها شي وفاضية تتحجى فعمري ما راح احط لها اعتبار أبدا ... ونقدكم الزايد عن اللزوم على مدونتي دليل نجاحها :)
هذا أولا وثانيا
ولله الحمد فكل ما طلعت عني اشاعة او كلام ، كل ما ربي وفقني ولله الحمد ..
شلوون ؟؟
الحمدلله فقد عينت سكرتيرة في شركة AAPG لجيولوجيا البترول ، وهالشركة راح تكون بإذن الله طريقي للمستقبل الرائع يارب ..
بس المشكلة الحين أن يبوني ما أحجي الا انجليزي لوووول وعاد أنا زينة بالانجليزي بس تعرفون مدارس الحكومة 12 سنة دراسة انجليزي هبل بس نكتب ما نتحجى مثل الاوادم ... الله يخلي الاغاني الي اتابعها مع الافلام ...
أتمنى من الله ان يعينني على هذي المسؤولية وأكون قدها يارب
وأمثل ديرتي أحسن تمثيل لأن هالشركة بكل أنحاء العالم ومقرها في الولايات المتحدة الأمريكية ..
فأتمنى أنا وزملائي وزميلاتي الي في الشركة ان نكون قدها ونشرفكم يارب
وهذا موقع الشركة للي يحب يطلع عليها ويتعرف على الشركة :)
ونصيحتي للعذال : خلكم بنفسكم ترا الكلام عن سارة ماراح ينفعكم بشي ، سارة ماراح تفيدكم بشي فشوفوا حياتكم .. و
Get a job:)
مع تحياتي
طموحة مملوحة

33 comments:

حياتي هدف مو عبث يقول...

من صجج تهتمين !

بإختصار طنشي وكل إنسان ناجح الغير يتكلم منه

الله يوفقج ويرزقج على نيتج :***

Ducati يقول...

والله عفيه عليج

واحم الي قاعد يتكلم عن الإخت

اقولكم اذا وصلتوا نص الي وصلت له اهي بعدين تكلموا

كثرة الحساد والعذال دلييل النجاح يا وخيتي

THE BOSS يقول...

طنش تعش
ودع العذال بما قالوا و ما فعلوا

وعطني ولعه

alsaronah يقول...

حياتي هدف مو عبث

اذا كنتي معاي بالجامعة راح تفهمين قصدي عن منو :p
لأن أغلبهم بالجامعة للأسف ..
وقالها لي دكتوري والله

مشكورة حبيبتي الله يوفج الجميع

alsaronah يقول...

Ducati

شكرا شكرا :) اي سمعوا :p

alsaronah يقول...

THE BOSS


انا عادي ما أتأثر بس اييون لي ناس يقولون أهلج ومادري شنو .. اوكي اهلي والحمدلله عاجبهم طموحي .. ودامني ماشية سيدة اهما شكو ؟؟

ضـاد يقول...

كفو والله

يعجبني طموحج

(;

بالتوافيج ومالج شغل بالغير مهمين
:)

Salah يقول...

مبروك الوظيفة

وان شاء الله بالتوفيق

غير معرف يقول...

صدقيني مايوصل احد الا وطلعوا فيه مليون عذروب

هذي عندها مخ ايه بس جيكره
مصيبة!! هالانسانه تفكر تفكر مدري شلون!!
ماعندها ذوق
متناقضة
ماتفهم شي
دمها ثقيل

مايخلصون بس تدرين ليش؟ مايبون يشوفون احد ناجح
قبل ان يعترفون بينهم وبين نفسهم انج شاطرة يطبطبون جروحهم بهالكلام

سمعوا يا عذاااااااال اياني واياكم تحجون فيها لااااا اقص لسانكم قص جبح ويه
P:

سوي اللي تشوفينه صح وحقري حقري ولاتشغلين روحج بالرد عليهم لانهم مضيعة وقت
بس نصيحتي
don't flaunt it mo zain tara alnas 7essaad
وحرصي على اذكار الصباح والمساء
عسى ربي يجبر بخاطرك

صبا يقول...

طنش تعش تنتعش

عفيه عليج عطيهم طاااااااف

ورفعي الجام كله ......

العمر يخلص وحجي الناس ما يخلص

والي بيته من زجاج لا يحذف الناس بصخر

لانه بتييله طابوق علي راسه :))

ومبروك علي الوظيفه ومنها للاعلي

وتستاهلين كل خير والمستقبل جدامج
يالغاليه
:***

عثماني يقول...

لا يهمج احد يا اخيتي

و الله يوفقج بهالشركة

دعواتنا لج

:)

منال العنزي يقول...

سارونه حبيبتي

دائما ضعي في بالك ، أنك أنت خلقت لنفسك ، خلقت لتمضي في هذه الحياة وتبدعي وتتعلمي وتخلصي وتحبي الله ،

فلن يحاسب أحدا معك ، فلنجعل القيل والقال في مهب الريح لأنه زائل ولكن اسممك سيبقى ، لأأنك أردك ذلك

سحقا لمن عاش حياة ورحل ولم يعرفه أحد الا سجل المواليد والوفيات :)





أنت مبدعة فلا تجعلي أحد يقف كـ شوكه تتأرجح طالبه منك الانسحاب عن عالمك الخاص /،


تقبلي مروري
منال

3bady يقول...

بدايةً بالتوفيق ان شاءالله و حلج دوم قويه و طموحه و لا يهزج الناس الي بس يبون يحبطون و ما يبون الا الشر

الانسان عارف نفسه و عارف تصرفاته اكثر من الاشخاص الي بس همهم الطنازه

دعي القافية تسير و الكلاب تنبح

alsaronah يقول...

ضاد

شكرا لك أخوي .. وسرني مرورك اللطيف

alsaronah يقول...

Salah

الله يبارك فيك اخوي العزيز

alsaronah يقول...

غير معرف

ان شاء الله راح احرص عليهم وصح كلامج|ك

شكرا جزيلا :D

alsaronah يقول...

صبا

تدرين شنو الي مريحني ...؟؟

ان الناس الي تطلع عني هالحجي ناس فاشلة والله لو ناس عاقلة ومحبوبة للجميع قالت هالكلام جان شفتوني محبطة جدا بس لله الحمد هالناس على كثرهم بس عرفت شلون اميز نفسي بينهم :)

شكرا لج يالغالية

alsaronah يقول...

عثماني

مشكور اخوي ماقصرت .. الله يحفظك ويحفظ الجميع

alsaronah يقول...

حبيبتي منال العنزي


مشكورة يالغالية كلامج كله حكم ..

تدرين اني من كثر ما سمعت حجي .. كنت ابجي بالاول وبعدين عرفت ان الانسان الي ما يتكلمون عنه يا يكون مختفي بالاصل عن الانظار او يكون مافيه شي ...

فعلا لو وحدة عينها بس حلوة جكروها لووول

ناس تدور على الفشل .. بدل ما يشجعون بعضهم .. امانة برا في جذي؟؟ ولا بس عندنا بالكويت ؟

alsaronah يقول...

3bady


صح كلامك القوة مهمة .. ومو اي قوة القوة الي اقدر فيها اغض النظر عن كل الكلام الي ينقال عني على الرغم من ان البعض يدش بالشرف بس للأسف ماعندي دليل لو عندي جان وديتهم ورا الشمس لووول

الـبـيـرق يقول...

كـلام الـنـاس مـا يـخـلـص .. سـمـعـي مـن أذنـج الـيـمـيـن و طـلـعـي الـحـجـي مـن أذنـج الـيـسـار : )

و الله يـوفـقـج بـالـشـركـة إنـشـالله .. بـس مـو تـصـريـن مـثـل أنـتـصـار الـشـراح بـبـاي لـنـدن :p

alsaronah يقول...

البيرق

لوووووول لالالالالالاالا انا طموحة مو انتصار لووول

kuwaitawy يقول...

منها للاعلى انشاءلله


وبالنسبة للكلام هذا ما يسمى بمحاربة النجاح

انسيهم


واتمنى لج التوفيق بالشركة

Blog 3amty يقول...

اذا أقتنعتي بنفسك، فلا يتهتمي بقناعات الآخرين فيج..


الحكيمة عمتي

Alikingkw يقول...

مبروك عليج بطولة المسلسلات الهندية ..شي حلو ان الواحد يصير نجم في بوليوود :)

واللي يتطنز ليش يقرا ؟! ما عليج هذيل مستانسين على المدونة بس يكابرون عشان جذي يتطنزون أكو ناس وايد ما يفرقون بين الي يحبونه واللي يستصغرونه.

واللي يشوه الصور واضح انه محتر وهذا شي مو زين له اهوا مو انتي

وبانسبة للتناقض أنا شخصيا ما لاحظته بس شنو العيب فيه ؟ الواحد مو لازم يكون ملتزم في نسق واحد أو توجه واحد وبالنهاية الواحد حر حرية كاملة في كتابة ما يشاء وكيف ما يشاء في مدونته وأيضا كل واحد حر يكون ما يكون أينما يكون...ما المشكلة؟!

مبروك تعيينج في الشركة ونتمنى لك النجاح والتوفيق في هذا العمل والأهم من ذلك نتمنى لك السعادة فيه

Alikingkw يقول...

في الانجليزي هذا حالج وحالنا كلنا ((الي يسمعون غربي وايد أحسن من غيرهم في الانجليزي بمدارس الحكومة )) بس هم يطقطقون لي تحجو لوول

ما فكرتي في البرتش كونسل ؟ يمدحونة .. يقولون في عندهم كورسات محادثة. ألقي عليهم نظرة يمكن ينفعون

على كل حال انتي قدها واقدود انشاء الله

بالتوفيج

alsaronah يقول...

kuwaitawy


صح كلامك أخوي العزيز .. وبالفعل ماحسيت بحلاوة مقولة ( الحقران يقطع المصران) الا لمن صرت سفيهة واسفه كل كلام يقولون حتى الكلام الي يطعنون فيه بشرفي ... صج شي يحز بالخاطر بس اخلي محاسبتهم لرب العالمين :)

alsaronah يقول...

Blog 3amty

سلم على عمتك وقول لها زودينا حكم يالغالية :)

alsaronah يقول...

Alikingkw

اي وناسة اكون نجمه بوليوود لوووول

أخوي والله أنا شاطرة بالانجليزي وايييب علامات وايد بس مشكلتي بالحجي وبجرب المكان الي قلت لي عنه ... أفهم الكلام الي جدامي وساعات اتكلم بطلاقة وبعدين اطخ لووول
لأن أنا ورفيجاتي ساعات نتحجى انجليزي علشان نقوي لغتنا ووايد تعلمت من هالشي

Alikingkw يقول...

مدارسنا ما علمتنا صح
أحس ان القواعد وحفظها شي غير مفيد اطلاقا
شغلج عدل سولفي انجليزي
حصص الانجليزي لازم يستلمونا فيها بالأفلام الأجنبية والكتب لأجنبية وفي الحصة سوالف عن الي شفناه أو قريناه

المحادثة اهي اللي تعلم اللغة

واحد من أصدقائي القدامى ضعيف في اللغة الانجليزية وفي يوم من الأيام صارت له مشكلة صحية (الحمدالله تعافى منها) واضطر انه ينام في المستشفى لمدة ليست قصيرة وفي هالفترة طلب من السسترات ما يكلمونة الا انجليزي
ومن بعدها صار بلبل في المحادثة
لا مدرسة ولا معهد ولا بطيخ :)

الي سمعته عن المعهد انه يحتوي على حصص محادثة ..راح تكون ممتعة بطبيعة الحال (السوالف تونس) خاصة مع ناس من أماكن بعيدة

alsaronah يقول...

هذا الأهم على كلامك ..

اي والله حتى الكويتيين الي كانوا يشتغلون بشركة النفط ايام اول ماكانوا حملة شهادات عالية مثل الحين بس يتحجون بطلاقة لأن الي هناك كلهم اجانب وتعلموا منهم اللغة ...

ان شاء الله نتسنع ونصير خوش :D
تذكرت أيام الثانوي أول صفحة من الامتحان الكلمات والثانية قواعد والثالثة ال SET BOOK والله يالاسئلة المدرسات معطينا اياهم قبل الامتحان ونحفظهم على هبل بدون فهم ؟؟ شنو فادتنا الحين بالجامعة ؟؟ عمات عين والله

Alikingkw يقول...

عشان جذي أنا أفضل اليهال يدرسون بمدارس أجنبية أقل شي ممكن يكتسبونه صح منها اللغة (وأكيد مناهجهم مو مثل مناهج مدارس الحكومة)

alsaronah يقول...

اي والله الفلوس تسوي تسوي :)