2008-11-26

أنا و الموت مخرفين


سلام عليهم ..!!!!
ساعات الواحد يقعد يتذكر أشياء خبلة بحياته يقعد يضحك ويضحك الي حواليه فيه ...
في شغلة أهلي الله يهداهم كل ماسولفوا مع احد عني قالوا هالشغلة ، فأبي أفضح نفسي وأقول شنو هالشغلة .. وبدت هالسالفة عندي لمن كان عمري 10 سنوات طحت ونيموني بالمستشقى ..
وثاني يوم من نومتي بالمستشفى زارني أبوي وخواتي واخواني ... فأول مابطلت عيوني جان ابجي وحضنت ابوي كان قاعد يمي .. جان اقول له :
(( يبا والله أنا صج ملسونة وشيطانة وأذيتكم وايد وماحترمت خواتي الكبار، وأتهاوش مع حمود أخوي بس سامحوني مابي اموت وانتوا زعلانين مني ))..
كنت حاطة ببالي حزتها أن يوم يومين وراح أموت الله يرحمني لوووول
ضحكوا علي وقام يقلدون صوتي وأنا أبجي ... لا وكنت اكتب بورقة وصيتي كل شي خاص فيني أعطيه اختي سمووور ...
وكنت أطلب منهم اييبون لي رسماتي وارسم علشان يتذكرون رسوماتي لمن أموت لووووول والله خبلة ..
كبرنا وقلنا خلاص سوالف يهالووو ماكو ....
لي يومكم هذا وأنا حتى لو نشلة .. أنزل عند أهلي أبجي ... (( أنا شريرة ... أنا كله اتهاوش ... أنا دلالة ونجرية .. خلاص سامحوني )) ....
وبعد يومين أصير زينة وترد حياتي الشيطونية كما كانت :p
صاروا يعايروني على هالسالفة .. متى تموتين ؟؟ ماراح تكتبين وصية يديدة ؟
بصراحة ما استعبط بس والله صج شمعنى ما أموت وأنا مافيني شي ؟؟ ليش لازم الواحد يموت واهو مريض ؟؟ طبعا هذي تساؤلاتي حق نفسي علشان أبطل هالسوالف ..
وأذكر طحت في الجامعة مسكت بيد رفيجتي وأهم ناطرين الاسعاف اقول لها (( والله أحبكم سامحوني )) >>>>> لوووول لا لحظة سارة خل نتفاهم بالأول ..
عسى ماتييني نشلة ادق على الأمة الي بتلفوني أتعذر منهم ... شالسالفة ؟
تتوقعون هالشي خوف ولا عقدة ولا خبال ؟؟؟
بصراحة أنا موفاهمة نفسي ... :(




شكلي بسوي مثل هالقطوة وأصير ريلاكــس وايد أحسن :)






23 comments:

Alikingkw يقول...

لووووول

يمكن تعتقدين انه المرض والحوادث عقاب من الله ؟ فتبين ذنوبج تنغفر ؟

مادري في ناس مقتنعين في هالكلام

بس الموضوع يضحك يعني الواحد لي صار جذي الشماته حوالينه سهلة لوووول
بس تصير فيج نشلة يتراكظون ايبون لج ورقة عشان تكتبين الوصية ؟ لوووول

على العموم ما تشوفين شر وانشاء الله تموتين بعد عمر طويل موتة زينة P:

خوش دعاء؟ لوووووول

alsaronah يقول...

لوووووووول

شكرا اي والله خوش دعاء ... اقول لك والله خوش سالفة أهلي كله يقولونها جدام الآكو والماكو .. علشان يضحكون شوي علي لوووول

وطبعا ويهي :@

لووول

Miss Posha يقول...

LOL
khosh salfa hathi..9j tha7aktene

alsaronah يقول...

دوووووم الضحكة

لوووووول ماعرفتوني عدل :)

Manal يقول...

انا اقول ان انتي عندج تانيب الضمير الي يحيا وقت المرض
والاحساس بالضعف

اتوقع ان لها علاقة بالشطانة بعد
فعلشان لا احد ياذيج
تسوين هالسوالف علشان تكسرين خاطر الناس
:)
لوووووووووووووووول

ضحكتيني
موت

وخصوصا على القطوة

الله يحفظج
:)

3bady يقول...

بسيطة

control urself :)

Mamloo7a Q8ia يقول...

ههههههههههههههههههه
يحليلج
عجبتني سالفة الشعور بالذنب والاعتذاااار وقت المرض

هههههههههههههههههههههه
ههههههههههههههههههههههه
اي سوي نفسها وارتاحي

البوست عجييييب

صبا يقول...

ما تشوفين شر يارب

وعسي عمرج طويل انشالله

alsaronah يقول...

Manal
اي والله حدي عيارة اذا محد عطاني ويه ومرضت اتمسكن لوووووول

alsaronah يقول...

3bady

كنترول من قلب والله :p

alsaronah يقول...

Mamloo7a Q8ia

ومن القطاوة نتعلم :p

شكرا لج يالغالية

alsaronah يقول...

صبا

ماايييج يالغالية :)

Blog 3amty يقول...

المهم متي ولا بعد ؟

:P

alsaronah يقول...

للحين ناطرة اشارتك :p

سليمان القصار يقول...

في كتاب قريته اسمه

( السفسطه والفكر الارسطوطاليسي )

يقوووول عندج حالة اسمها مرضنيشن وهالحاله يرجع نسبها من 125 الف سنه لما كان مطعم هارديز دكان صغير على سواحل الفلبين لما كليتي كوكيز بارده وماطلبتي ذره لذيذه ... المهم سلمج الله يقول بهاء الدين الشامي في كتابه هذا سنة 698 هجري إن العلاج كالتالي :

اني ماعندي سالفه وقاعد اخربط :))) .. والله يبعد المرض عنج ويمدج بالعمر اعوام كلها خير ..

ربي يحفظج وبأمان الله

kuwaiti_cool يقول...

لا مو عقده
هذي بلا شك
خبال :)

alsaronah يقول...

سليمان القصار

لووووول عاد أنا قاعدة اقرا بتمعن على قولتهم وناطرة قلت يمكن في تفسير لووول

alsaronah يقول...

kuwaiti_cool

لوووووول بلا شك ها ؟؟ لووول

Salah يقول...

الله يرحمج ويرحمنا برحمته

:)

q8_el5air يقول...

ايجابيات السالفة :)

1. شي جميل ان الواحد يفهم معنى الوصية وهو 10سنين .. ان دل فيدل على فهمج الواعي للحياة .

2. تأنيب الضمير الي يراودج بعد كل مرض .. وهذا حلو عشان الواحد يتعلم من اخطاءه خصوصا اذا كان ظالم الناس .



سلبيات السالفة :(

1. انج مو قاعده تتعظين من تانيب الضمير .. ينكسر قلبج اذا مرضتي وبعدها ترجعين ولا جنه شي صار !!!


( شي حلو ان الواحد يكون عنده علوقه :)

لفته " الموت الفجأة كاثر هالايام .. مو شرط بمرض .. وهذا من علامات يوم القيامة "

تحياتي ... واتمنى تستقبلين هالبوست بصدر رحب :)

alsaronah يقول...

Salah


اللهم آميين :)

alsaronah يقول...

q8_el5air

والله قاعدة احاول هالاسام اني ما اتناجر وايد لووول

بالعكس كلامك وايد اسعدني صراحة .. وحلوة السلبيات والايجابيات ... كل الشكر الجزيل لك :)

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影