2008-12-09

أي عيــــد هو عيدي؟؟


في صباح هذا العيد
..
..
مستلقية على فراش المرض ..
أسمع صوت الأطفال يلعبون فرحين
أتابعهم من نافذتي ببؤس وكدر ..
تأتي و تقبلني أختي مبتسمة ..
اليوم عيــــــــد ياسارة ليش متضايقة ؟؟
عدت لفراشي والأدوية حولي
مللت المرض ..
أغلقت هواتفي
لا أٌجيب أحد
وأتعب من كثرة الكلام
أتصفح مدونتي
وأٌسائل نفسي :
إلــــى متــــــــى ؟؟
..
..
..
..
لا تريدين قرب الناس منك ..؟؟
لا تريدين الاحتفال بالعيد ؟؟
جميعهم متزينيين
يلبسون ملابس العيد الرائعة ..
وأنا أتابعهم ببجامة النوم ..
ووجهي الشاحب ..
مللت ممن هم حولي ..
ذهبت لغرفتي كي أكون وحدي من جديد
ونظرت للمرآة ...
آه كم أكرهك ياوجهـــــي
..
..
..
فقد مللت من رؤيتك
يناديني الجميع
هيا نخرج ونفرح بالعيد ..
لا أريد !!! أريد البقاء وحدي فقط
فقد مللت من كثر الذهاب للمستشفى
ذهاباً وإياباً ويزداد المرض ..
..
..
أنا متـــــــــــعبة جــــــدًا
..
..
..
لا أعرف ماذا أريد ؟
لا أعرف إلى أين سأصل ..
كل ما أعرفه بأني أضيع وقتي هدرًا
فأنا لا استمتع بوقتي كالسابق ...
إلـــــى أين سأصل ياتٌرى ؟؟؟
...
...
...
طموحة مملوحة

24 comments:

alsaronah يقول...

big girls don't Cry :)

Um il sa3af wil leef يقول...

اليوم اللي يعدي ما يرجع ..استمتعي بوقتج لأن الحياة وايد قصيره

alsaronah يقول...

شكرا لج أختي أم السعف والليف

بس تدرين الشعور الي ودج تنجزين فيه بس داخلج شي يخليج ضعيفة موقادرة تسوين شي:(

Fashionista يقول...

سلامات سارونة :*

منال العنزي يقول...

مرحبا سارون ، كل عام وأنت بخير ، وخطاج السوء حياتي ... ^_^ العيد ليس كالسابق ولكن مازال هناك فتات حب طفولي ^^ أنصحج طلعي من المرض وروحي لألعاب طفل المستقبل هاهاهاها لأني أسوي جذي بكل ثقة... تحياتي

3bady يقول...

صدقيني لو تطلعين الحين مع الاهل و تضغطين على روحج بتنسين الزعل و الوحدة و ضيقة الخلق

انتي كل ما تقعدين جذي كل ما تكدرين حالج طيعيني و جربي

و انتي طالعة اياني و اياج اتفكرين بالتكدر ابيي الضحكة اتشق الويه و اخذي ادويتج وياج و انتي طالعة و بس :)

تره التكدر اهو الي زايد المرض

كلمة اخيرة سمعي الكلام :P

alsaronah يقول...

Fashionista


الله يسلمج حبوبة :)

alsaronah يقول...

منال العنزي


تصدقين .. شخباري والله كانت وناسة اللعب وآخر مرة لعبت العيد الي طاف

يبيله والله خل اجرب ولا اروح البحر اشيل همي شوي

alsaronah يقول...

3bady

ان شاء الله عمي :)

باجر راح اطلع .. عادتي احب الطلعة مع الوالدة بس اهي مسافرة الحين راح اضطر اطلع بروحي :)

نصايحك ذهب والله

Enter-Q8 يقول...

اجر و عافية
عادي جدا لا تحبكيها و انا اخوك
شفتي الاهل سلمتي عليهم عايدتيهم
هذا اهم ما في العيد

alsaronah يقول...

Enter-Q8

الأهل زعلانين لأني نزلت عليهم بالليل ببجامعة النوم مادري شالسالفة وعصبوا علي ليش طول اليوم نايمة .. شسوي مريضة وعلاجي ينوم والله :(

Mok يقول...

اشفيج؟

Manal يقول...

سلامات حبيبتي انتي
اجر وعافية
:)

ما تشوفين شر ان شاء الله
واذا نازلة بالبجامة
اهم شي تحصلين على العيدية

:)

ولا شايفينج مريضة ما يبون يعطونج العيدية
:)

Makintosh يقول...

فاهتمج عدل :)
بس السبب مو المرض مجموعه اسباب تتيمع مع بعض وانتي تتهمين اقرب واوضح سبب وهو المرض .. لانه انا جذي

لو بقولج الدنيا ماتسوى بتكون مجرد كلمه .. والي بالقلب غير

الله يسعدج يارب ويخفف عليج كل شي مضايقج

alsaronah يقول...

Mok



:(

alsaronah يقول...

Manal


الله يسلمج حبيبتي .. والله حصلت عدايا بس مع زف ونجرة وانتي ماتعيدين وانتي ماتحسين وانتي يالحولة لوووول

alsaronah يقول...

Makintosh

والله يمكن كثرة الضغط الدكتور يقول لي قعدي 3 شهور بدون دراسة او شغل @@ من صجه هذا ؟؟

والله ياقلبي مومترقعو كلش ... نخلص من مرض ندش بمرض ثاني المناعة عندي متصرقعة حدها :(

ليبرالي يقول...

السارونه

الله يرحمج مقدما ومتى الدفان وبأي مقبرة بدز بوكيه ورد لأني خارج الكويت

اقصوصه يقول...

كل عام وانتم بخير

alsaronah يقول...

ليبرالي

ناطرينك تيي علشان تحضرها :D

alsaronah يقول...

اقصوصه

وانت بخير وبصحة وسلامة أخي العزيز

حياتي هدف مو عبث يقول...

طلعي غيري جوو
لا تضيعين ولا دقيقية بحزن وتفكير ماراح ينفع .. ولا تهتمين بشي عيشي يوومج
وإذا أهلج زعلانين روحي سولفي معاهم تغشمري راح ينسوون
ولا تضيقين خلقج ترى ماكو شي يسوى
وما تشوفين شر يالغالية :**

alsaronah يقول...

حياتي هدف مو عبث

والله امي كل يوم تدق تقول لهم اكيد سارة نايمة :)


يالله ناطرة الوالدة يمكن نفسيتي تصير اوكي :)

Alikingkw يقول...

ما تشوفين شر انشاء الله