2008-12-13

يقولون مالا يفعلون ..!!!

موضوع على شكل تحقيق للسادة المدونين والمدونات والقراء أتمنى تشاركوني ...



دائما مانسمع (( يقولون مالا يفعلون )) تٌقال للشعراء ولكني أشوفها تنطبق على أشخاص ثانيين غير الشعراء ..



فعلى من تنطبق هذه المقولة بوجهة نظرك ؟
حتى لو كان شخص من أهلك :p
.............................................................................


اخليكم مع أغنية للصوت الجريح .. ماكو مثله والله بوخالد
(( مانسينـــــــــاه ))




30 comments:

{~المباركية~} يقول...

جنه هذي نغزه حق شخصيه دينيه معروفه عندنا بالكويت

Cloudy Stars يقول...

خالتي

تتجى عن عذاب القبر 24 ساعة
بعد ما تخلص حش طول اليوم

تتحجى عن عذاب القبر والنميمة

شدعوه؟؟؟؟؟!؟

alsaronah يقول...

المباركية


لا موقصدي نغزة والله :)

alsaronah يقول...

Cloudy Stars

لوووووول مسكينة :) عادي هالشخصيات موجودة بكل عايلة :)

Makintosh يقول...

وايد
وحده من الاهل ... تعيب على بنات الناس و ماتشوف بنتها .

-------
اعضاء مجلس الامه في الندوات يقولون اشياء ولما يفوزون .. كلام الليل يمحيه النهار .

-------

مجموعه من الناس الي تنصح وتعطي دروس دينيه .. واخر شي عيالهم يسمعون اغاني ؟؟ اييه الكلام ده !!!

------

دكاتره الجامعه الي يتكلمون بالمساواه وعدم العنصريه .. اخر شي روح وزع القريدات على الواسطات

حياتي هدف مو عبث يقول...

ما راح انخلص ! :)

kuwaitawy يقول...

انا كنت بعلق بخصوص موضوع يقولون مالا يفعلون


لكن مود ابو خالد خلاني اروح بعيد شوي

alsaronah يقول...

Makintosh

صدقتي والله على سالفة الدكاترة لووول خليهم هذول بصوب يايتلهم بموضوع بروحه لوووول عاد انا عازمة دكتوري يشوف مدونتي ان شاء الله مايزعل لووول

alsaronah يقول...

حياتي هدف مو عبث

أفا عليج اخذي راحتج كتبي كتبي خل نقرا لوووول

alsaronah يقول...

kuwaitawy

آدري والله بوخالد جو مو طبيعي بس مايخالف يبا قول لنا خل نشوف أكيد عندكم بالدوام مسؤوول شي أكيد خو خاصة الكويتيين يتحجون وايد وكلام فاضي بس .. :p

أنا عندي أمي ماخذ على كلامها لأن تقول بسوي جذي وبعدين تقول أنا قلت ؟ متى ؟ لووول واذا يبت لها الدليل تقول ما أذكر وخلاص غيرت رايي لووول

أتيت متاخرة يقول...

ريلييييييييييييييييييييييييييييي

alsaronah يقول...

لووووووول الله يعينج...

Enter-Q8 يقول...

حكومتنا الغير رشيدة

alsaronah يقول...

حالتها صعبة حكومتنا المسكينة :(

q8_el5air يقول...

اولا :-

هذه اية ذكرت بالقران الكريم في سورة الشعراء .. " والشعراء يتبعهم الغاون ، الم تر انهم في كل واد يهيمون ، وانهم يقولون مالا يفعلون ، الا الذين ءامنوا وعملوا الصالحات .... " .

ثانيا :-

وذكرت كذلك في سورة الصف .." ياايها الذين ءامنوا لم تقولون مالا تفعلون ، كبر مقتا عند الله ان تقولوا مالا تفعلون .." .


وسالت مره احد المشايخ عن حكم الواحد الي ينصح غيره بشيء اهو مايفعله ؟ ...

فقالي : ان النصيحة واجبه على المسلم .. حتى لو كان الشخص مايعملها .. لكن يحب ان تكون نيته ورغيته ان يفعلها ولو بالمستقبل .. حتى لا يكون من الذين ذكرتهم الاية .


ثالثا :-

اما عن الاشخاص الي يقولون مالا يفعلون فانا اتوقع انهم بعض النواب والرؤساء !!

تكثر الوعود .. وتقل الافعال !!

ويسلمووووووواااااااااا :)

==============================

* حلوة انج غيرتي من مدونتج.. وخصوصا الصورة.. شي جميل ابو الدستور :)

* ترى الامانة الي وصيتيني عليها بالحج سويتها :) :) :)

alsaronah يقول...

كويت الخير
ولكم ولكم وتقبل الله طاعتك :)

وشكرا شكرا شكرا لك

Mok يقول...

نبيل

alsaronah يقول...

اي نبيل ولد بونبيل :)

Um il sa3af wil leef يقول...

اللي في ويوهم وايد شعر :)

alsaronah يقول...

مادري ترا استيعابي بطيء شوي تعالي قولي لي منو بأذوني محد راح يسمع لووول

Um il sa3af wil leef يقول...

اللي عندهم رؤيه وهدف من ترك الشعر يتربى في الوجه..علشان يآخذونهم حق دعايات أمواس الحلاقه ..ورغوة الحلاقه ..ناس تفكر لبعيد

alsaronah يقول...

اها قصدج الي يعبر عنهم الكركتير الي كنت راسمته ... مسوية دعاية حق رسمتي .. لووول اهم صح :) ؟؟؟

Fankooshy يقول...

اعتقد ان السؤال يجب ان يتغير
من هم الذين يفعلون ما يقولون في هذا الزمن؟؟؟؟
وليش غيرتي الصورة صج الله يرحمه ابو الدستور...بس شكليا...مو احلى منها:(
شكرا

الـبـيـرق يقول...

أصـحـاب اللـحـى الـفـانـمـة
و الـعـمـائـم الـمـقـدسـة

:)

Ducati يقول...

لوول والله بصراحه يدتي ساعات تخورها بالسوالف هذي

والوالد حدث ولا حرج وحتى انا ساعات انصح او اسوي شي غلط وانا عارف انه غلط واقول حق غيري لا تسويه وانا قاعد اسويه

alsaronah يقول...

Fankooshy

اي صورة ؟؟ اي صج انت الي كانت عاجبتك صورة منظر البحر يا انت هاا :)

والله طرت على بالي المقولة عن الشعراء الشعراء هم في ناس تتحجى وتقول انا سويت واسوي واهم مهايط بس:)

alsaronah يقول...

الـبـيـرق

ترا مو كلهم أبوي عنده لحية بس ديمقراطي ويقرا لأحمد الربعي ويناقشني وايد بأمور الوطن والله حسسني انه صج ديمقراطي متوسط لووول :)

موكلهم والله خييو

alsaronah يقول...

Ducati

حاجة طبيعية أتوقع لو سألت أطفال الكويت هالسؤال بيقولون ماما وبابا لوووول فديت جدتك والله سلم عليها وقول لها سارة تحبج وتموت فيج ... أحب الجدات والله كربونش والله

Alikingkw يقول...

يقولون ما لا يفعلون .... وما العيب في ذلك ؟:)

احيانا الواحد ما يقدر يفعل فيقول لأن اذا يقدر يفعل مو لازم يقول يفعل وخلاص ليش يصرح ويعيد ويزيد

وممكن يقول ويفعل .... لا بأس :)

alsaronah يقول...

مادري بس تخيل لو قلت لولدك شغلة وطنشته بعدين راح يحط عليه .. صدقني