2008-12-23

قضايا جامعية برسمات كركتيرية ...






أنا بــــــاك :)





مع موضوع يديد أعرض فيه رسماتي الي تناقش القضايا الجامعية بعضها تم عرضها


سابقا والبعض الآخر يديد ...



ناقشت هالموضوع في بوست سابق .. الي شاف وقت الانتخابات شنو كان يصير راح


يعرف قصدي :)








والله صارت على شهادة مجموعة من الطلبة






الفيزياء اهي السبب الرئيسي في تخفيسة المعدل وعزوف الطلبة عن العلوم ..




نبجي نبجي والدكاترة يطالعوني ويضحكون .... صرنا مسخرة عند دكاترة الجامعة والله


، أذكر موقف صار لي رحت لدكتور مع بنت أخوي وبنت أختي الصغار ... وترجيته


وأبجي ولا رفعني نص درجة ... ولمن طلعت قالت لي بنت أخوي : ( والله مايستاهل


تنزل دموعج علشان درجات انتي قوية )) من بعد كلماتها صارت عزة نفسي قوية


بالطقاق زادني زاد مازاد ما أذل نفسي ...




أول رسمة جامعية لي وعرضتها جريدة آفاق الجامعية ..



هم يقولون صارت :)








فكرة وحدة من رفيجاتي قطيناها طنازة وسويتها رسمة :)







هذا الواقع














والله أشوف وايد عدد الطلبة أقول ماشاء الله الجامعيين وايد ... يطلعون أغلبهم من


التطبيقي يايين مادري شيبون .. والبعض يايين تضييعة وقت ...






أفضل رسمة عندي مع انها عفسة بس تعبر عن قانون تعبان حطوه بدون دراسة


وخطط ... واحنا كليناها بالأخير









وعاشت القوائم الطلابية عاشت ... وتظل الوحدة الوطنية فوق كل شيء ... وتبقى


الروح الأخوية فوق كل شيء .. ويبقى الأمل موجود لجامعة أفضل ... لا أتوقعها


ستتحقق بالشدادية لأن المشكلة ليست مبنى المشكلة بعقل ...

تمت اضافة رسمة 24-12-2008













22 comments:

Ducati يقول...

والله صج هالصور تحكلي حال جامعتنا

عاد انا قايل بتناقش معاج بموضوع بس خل افضى شوي

:)

Kuwait يقول...

والله تبين الصج بدون مبالغه ..
حال الجامعه كل ما لها للأردى :)
من أيامنا والحال لا تعليق والصور تشكي حالنا والحين حالكم وحال الاجيال القادمه :)

alsaronah يقول...

Ducati



اي بليييييز ابي احد يناقشني بأمور الجامعة ...:)

بانتظارك :)

alsaronah يقول...

Kuwait


معاناه والله الجامعة :(

حتى على الشدادية ماتوقع راح يتعدلون والله :(

Fankooshy يقول...

حلوة الرسوم
بعضها يحتوي مضمون حلو
بس بعض الرسم مو كاريكاتوري
احلى تعليق اللي على نص درجة
شكرا :)

Q8EL5AIR يقول...

رووووووووووووووووووووووووعة :)


اهنيج .. ماشاء الله رسمج حلو .. وتعليقج بسيط .. بس بمعناه كبير وكافي :)


احلى شي مال حنة القوائم الطلابية .. صدقتي والله :)


اتمنالج التوفيق بالجامعة .. وبالكاريكاتيرات :)


وتحياتي ..


ويسلموااااااااااااااااااااا :)

أحمد الحيدر يقول...

الله يعطيج العافية رسومات وأفكار مميزة ..

أكثر من وحدة عجبوني بس أقواهم مالت الفيزيا ههههههههه اشكرة ساقط فيها مرتين ومتخرج بعد التحويل معفي منها ;p

THE BOSS يقول...

مرحلة وتعدي
وتبقى الذكريات فقط

وعطني ولعه

alsaronah يقول...

Fankooshy



يعطيك العافية يالغالي :)

alsaronah يقول...

Q8EL5AIR

كلامك احرجني وونسني والله :)

alsaronah يقول...

أحمد الحيدر

رسمة الفيزيا معاناة والله ... الله يكون بعون الفيزيائييين بس هم بنفس الوقت اكثر مادة استمتعت بدراستها اهي الفيزيا

alsaronah يقول...

THE BOSS

على كلامك :)

وهاتوله ولعة

Alikingkw يقول...

ولكم باك

اتمنى ان تكون امورك كلها بخير

والجامعة بما فيها من مآسي كانت ايامها رائعة ولا يمكن انساها...وما تحسفت على السنة ونص الي تأخرتهم :)

وانت يا اخت سارة في طبيعة الحال مجتهدة وتستفيدين من الزين والشين في الجامعة.

اتمنى لج الاستمتاع في فترة الجامعة لأنها فترة ما راح ترجع مرة ثانية.

ومن الله التوفيق

alsaronah يقول...

Alikingkw


شكرا لك أخوي الغالي على كلامك الطيب
ماقصرت وان شاء الله اكون عند حسن الظن دائما

Alikingkw يقول...

أول رسمة جامعية:

أغلب المدارس في المرحلة الثانوية شديدة في ما يخص مظهر الطالب أو الطالبة.. فالطلبة والطالبات الي يتخرجون ويلتحقون في الجامعة ينهدون عدل في التكشخ والتزيين والقصات.

وفيه ملاحظة قد أكون مخطئ فيها انا عادة اذا رحت اييب اختي من الثانوية او اذا مريت يم ثانوية البنات في وقت نهاية الدوام الاقي أغلب البنات في هالمرحلة يعانون من السمنة.

بس في الجامعة اشوف ان البنات مو متان اغلبهم معتدلين.. وهذا شي طيب واذا كانت ملاحظتي في محلها اتمنى ان البنات الي سوو رجيم حق الجامعة يحافظون على وزنهم ولياقتهم في مراحل حياتهم القادمة.

Alikingkw يقول...

وفيما يخص الدرجات كلام بنت اختج 100%

والواحد لازم يسوي الي عليه وما يشيل هم كلش عقب ما يقدم الامتحان.

لان الدكتور يقدر يقيم مثل ما يبي وهذي حقيقة لازم يقتنع فيها كل الطلاب.

المسألة مو دايما تكون مسألة مجهود اهم شي الواحد يفهم الدكتور شنو يبي او شنهي مايته. ((مع احترامي للدكاترة المنصفين))

مرة دكتور من الدكاترة وهو يوزع علينا اوراق الامتحان قال الامتحان هذا محد ياب فيه أزيد من 25 من 30 من التسعينات.. فنطيت انا وقلت دكتور معناته ان العيب مو في الطلبة لأن مو معقولة ما في طالب واحد مجتهد خلال كل هالسنين أكيد الخلل في الاختبار نفسه وفي طريقة وضع الاسئلة. فرمقني بنظرة فاحصة وابتسامة غريبة امتدت لنصف دقيقة لووول

وطبعا خذيت c بكل سرور

Alikingkw يقول...

والانتخابات بالضبط مثل ما انت راسمة.

ينهال الطلبة بالسلام والعناق والبوس ونحن لا نعرف حتى اسمائهم لووول

والله ساعات يكسرون خاطري ليش الواحد يسوي بروحه جذي قاعد افكر بيني وبين نفسي شفيهم الشباب شمسوين بروحهم.

ومرة واحد خذا رقم تلفوني واتصل فيني وقام يتئتئ مادري شبيقول وقبل لا تخلص المكالمة قالي لا تقول حق احد يوم سكرت الخط فهمت انه بيرشيني عشان اصوت حق قائمته بس انا انثولت رفضت بطريقة غبية انا ما اذكرها .. جني قلت له لا مشكور مابي لوووووووووول

عادي عادي كنت جديد ما افهم لووول

طبعا من بعدها قام يتحاشاني وشي طبيعي نسى اسمي

الله يصلحه ويصلح قائمته وباجي القوائم

ReLaaaX يقول...

والله صااااجه!
بس شنحجي وشنقول غير الله يصلحهم

تخيلي هالعقليات هذي تتخرج وتشيل نفس الأفكار بس على اوسع !!!!!




بس مابي اتكلم لأن راح يعورني قلبي وقلبي بروحه هاليومين مادري شفيه :/

alsaronah يقول...

Alikingkw

أنا قاعدة اقرا ردودك وأضحك عجبوني والله ... بس حركتك ذكية مع الدكتور صح كلامك

alsaronah يقول...

ReLaaaX

اسم الله على قلبج يالغالية ..

كله مني :(

-mate يقول...

تدرين شنو أحسن شي في جامعتي؟
إن الدكتور بيده 5 درجات فقط من أصل 100 ومستحيل يعطيج أقل من 3 !!

أما تقسيمة الباجي كله على الإمتحانات واللي يصححها لجنة من الدكاترة.

أقصد

ماكو شغل طرارة أو مذله عند باب الدكتور. وهذا شي جداً يريحني
:)

alsaronah يقول...

-mate


حظكم والله العظيم أن حسسوني أني غبية مع ان وايد طالبات معاي ما يحضرون ولا يكتبون نوت ولا حتى يهتمون بالمادة انصدم انهم اعلا مني ..!!! ليش احضر محاضراتي واهتم عيل ؟