2008-12-31

طاح حظنــــــا


كلمة شكرا أولا للوزير العليم على حرصه على مصلحة الدولة ومصلحة أهلها ووضعها
فوق الاعتبار ولكن ياوزيرنا الغالي مكانك غلط مع الأسف .
جاءني اتصال من السعودية قبل قليل حيث نشرت التباشير لأهالي السعودية وبجامعاتهم
لشراء شركة سابك لشركة داو مرة أخرى لتكون السعودية المنطقة البارزة في الشرق
الأوسط والعائد الاقتصادي الكبير الذي تتوقعه السعودية بعد عقد الصفقات مع الشركة
وتوقع ارتفاع الاسهم السعودية ودراسة واعية منهم دليل على ملكها لعقليات ذهبية
يفتقدها المجتمع الكويتي أو يالأصح يهملها لأن ذوي الشهادات والخبرات غير مرغوب
بهم .
.
.
.
.
.
.
.
أنا ما أحسدكم يا السعودية على الخير الي الله عطاكم اياه عساه بالعافية يارب ، بس
أهنيكم على وجود العقليات المفكرة والمنتجة لا عقليات متخلفة رجعية تبحث عن الهلاك.
نواب يخافون على الاقتصاد ، أقول ترا نوابنا أغلبهم يالله زين يعرفون يفرقون بين
الاقتصاد والسياسة مايدرون وين الله قاطهم ... فالحين بس بمنع الحفلات ومنع الملابس
الداخلية وحفلات نانسي عجرم، ورفعة النعال ... عزكم الله
...
....
......
...........
شتبون تسوون أكثر ؟؟؟
تبون ديرتكم تصير نكتة بحلوج الي برا ؟؟
تبون الكويت يصكها فقر ويقولون عنها الله يرحم أيامج ياكويت ؟؟
تبون الناس تفكر بس شلون تاكل وتشرب وماتنتج ؟؟
شتبون أكثر يامجلس الخمة ؟؟
شتبون أكثر ياحكومة الفشل ؟؟؟
شناويييين على الديرة ؟؟؟
اقص ايدي اذا تحبون الكويت
عمــــــــــــار ياكويت ..
..
..
..
لا تلوموني على اسلوبي بس من الحرّة الي فيني
..
..
أنا مو خبرة بالاقتصاد بس مارضى على ديرتي بكل مجالاتها المختلفة




36 comments:

-mate يقول...

انا منقهر أكثر منج

Q8EL5AIR يقول...

انا مستانس !!!


تدرين ليش !!


لان نستاهل .. احنا الي وصلنا هالاعضاء للمجلس ... واخرتها يبيعون الكويت من اجل مصالحهم الشخصية ..


للاسف !!!



قهر على اهل الديرة المحبين لها !!!



وعمار ياكويت ..



وزين سويتي فيهم .. واحنا معاج ..


وتحياتي ...

ويسلمواااااااااااااااااااا :)

Q8EL5AIR يقول...

نسيت لا اسال ؟


شلون الامتحان ؟

Kuwait يقول...

عليهم بالعافيه ..
يستاهلون صراحه ما عندهم نواب مثل نوابنا الفطاحل :)

3bady يقول...

كل عام و انتي بخير :)

Fashionista يقول...

اي و الله طاح حظنا يا سارونة

SHAHAD يقول...

دام هذيلا نوابنا طاح حظنا بالثلاااث بعد

alsaronah يقول...

-mate

الواحد يدعي لديرته بالخير دام شايف المخربين الي ماسكين اغلب الأماكن فيها .. شنسوي :(

alsaronah يقول...

Q8EL5AIR

لا مانستاهل شكثر ناس ماتفكر بعيال عمها واهلها ومصلحتها يفكرون بديرتهم بس ... بس للأسف قليلين :(

الله يكتب الي فيه الخير للكويت واهلها يارب

alsaronah يقول...

امتحاني كان حلو والله الحمدلله :)

alsaronah يقول...

Kuwait

المشكلةبالي يتخذ من الديمقراطية وسيلة علشان يوصل لطموحه المادي ، الديمقراطية عمرها ماكانت بتضبيط الأهل والأصدقاء وتفعيل الواسطات ..

alsaronah يقول...

3bady

وانت بخير وبصحة وسلامة :)

bo rashed يقول...

تخاريفج يا عزيزتي

بالنسبه لي حقائق جميله

يعجز البعض ان يرقي لمحتواها الجميل

مريت اقولج

يا عسى ايامج كلها حلوه وسعيده

ويا عسى ايامنا دوم تهادينا

بناس رائعه مثلج
:)

alsaronah يقول...

Fashionista

بيييب قوطي كلينكس ونقعد انا وياج نعيط لوووول

alsaronah يقول...

SHAHAD

والله مافيهم خير شهود ...

alsaronah يقول...

bo rashed


اشكرك يالغالي لمرورك المشرف :)

joy يقول...

كلنا منقهرين

ومابحبش السياسة يختتش






كل عام وانتو بخير

غير معرف يقول...

وابشرج بعد اذا في دوله او اي شركه تثق فينا طول ماهالنواب بهالعقليه الفذه . هذا اول مرور لي واتشرف .

Alikingkw يقول...

فعلا طاح حظنا
لأن النواب الي قاعدين نوصلهم المجلس حظك نصيبك

في الانتخابات كلام جميل ورزين وحزين لا يخلو من التفاؤل

ولي وصلوا ما نلقى منهم شي

بس في النهاية

نبقى متفائلون

alsaronah يقول...

joy


الله المستعان

alsaronah يقول...

غير معرف

ان شاء الله مايكون آخر مرور لك

سمعت نوابنا زفت :)

alsaronah يقول...

Alikingkw

النواب قاعدين يضحكون على عقول الشعب

يقصون عليهم بسالفة اطاحة القروض والبدون ...

والشعب يالله يصدق ويالله نثق فيه

لي يومك هذا اختلف مع والدي العزيز بهذي النقطة .. اهو عنده يصوت حق الي ينفعه اهو ...

زين والي بينفع ديرته ؟؟ ماله نصيب ؟

الطيب ماله نصيب بالدنيا وآخر الزمن الناس تتبع الي يظل والي يهدي ماتلقى احد يسمع له :)

غير معرف يقول...

مو بس صارت سمعتنا زفت راح تصير الثقه معدومه بين الشركات العالميه والتنميه اللي نعزف و ننشد عليها احلي الالحان راح تصير محلك سر .. لكن انا محيرني شي واحد شلون العضو المحترم صالح الملا واقف ضد المشروع وهو موظف سابق بالبترول وعارف انه اعضاء مجلس الاداره ذوي اختصاص وخبره وصارلهم ما يقارب 25 او 30 سنه يعني احنا صرنا اللحين نفهم اكثر منهم والله شي يحير ويتعب القلب .

alsaronah يقول...

أخوي غير معرف

مع الأسف الشر اهو العام بالمجلس عسى ما يشوفون واحد سيدة خربوه .. الثقة انعدمت والله ...

لازم الواحد قبل ما يصوت لشخص معين للمجلس يدرس تاريخه وماضييه هل كان مقدم شي للكويت ؟؟ هل كان له دور في التغيير ..؟؟

أتوقع أكثر الي أتأمل لهم اهم بعض الأخوات الي كانوا مرشحين لمجلس الأمة بصراحة لهم دور رائع حتى قبل الترشيح ..

ماسووا مثل الي يحطون تهنئة ومباركات ويقول يالله وايد عليكم ...

بالفعل الثقة راح تنعدم ، اتوقع بالمستقبل راح نتلقى التبرعات من السودان والدول العربية الكريمة :)
اقتصادنا انهار لي وين راح نوصل يعني ؟؟

غير معرف يقول...

عين وصابتناوموضوع الداو تري واضحه وضوح الشمس بس لانها مالهاوكيل شلون الحيتان ما تستفيد وما ابي اسميهم , ولا الشراكه تري ما تشوبها اي شائبه مضمونه حتي في اسوأ الاحتمالات هذا مو كلامي علشان لحد يعتقد اني موظف بالبترول هذا كلام اعضاء مجلس الاداره وهم ذوي اختصاص وكلنا ثقه فيهم واقص ايدي اذا في عضو بمجلس الخمه يعرف نشاط شركة داو غير العضو صالح الملا .

alsaronah يقول...

غير معرف

يالهوي يالهوي ....

غير معرف يقول...

محمد الجويهل شره صابون وقال في مقابله متلفزه انه بينظف النواب والله بعض النواب لو غسلناه بديتول ما ينظف لانه انولد وترعرع علي الفساد.

Alikingkw يقول...

الله يخلي الوالد وأتمنى ان النواب الي يصوت لهم ينفعونه فعلا ... على الأقل يا منهم شي مفيد.

وانشاء الله الطيب يلقى الي يسمع له :)

Enter-Q8 يقول...

سارونه
تسألتي عن عدم ردي على موضوعينك الاخيرين
و اخذتي ببالك انني اخذت موقف لسبب خلاف و اعتبرتيه شخصي
و لكن لم تاخذي ببالك انني رددت عليك و تناقشتي معك به
فكيف لي ان اكون اخذت موقف
هذا اولا

ثانيا موضوعك الحالي
قد تذكرين جيدا انني اول من تطرقت اليه و ناقشته و اسهبت فيه كثيراً من قبل ظهوره على ساحة التدوين
و بعد لقاء العليم الذي جلس يقرئ من الورقة كل هذا ذكرته

alsaronah يقول...

غير معروف

والله محد يقدر ينظفهم الا اذا اهم نظفوا نفسهم

alsaronah يقول...

Alikingkw

حلو ان الواحد ينفع الي يعرفهم بس هم مايرد شعب ديرته عدل ؟

وشكرا لك

alsaronah يقول...

Enter-Q8

أكيد ما أنسى هالشي لأني متابعة قوية لمدونتك بصراحة ..

أخوي العزيز

ردودك وبكل صراحة أقولها احس تعطي لمدونتي قيمتها وخاصة أنك مدون قديم ..
فكل الشكر الجزيل لك وسامحني على اي تقصير طلع مني :)

jordan shoes يقول...

i think the archive you wirte is very good, but i think it will be better if you can say more..hehe,love your blog,,,

alsaronah يقول...

لووول شكرا لك ... عاد وايد ناس قاموا علي على كلامي اكتب زيادة شبيسوون ؟ لووول

我爱掼蛋网 يقول...

I thought I was a relatively smart people who read your work I know that I am not!

我爱斗地主 يقول...

Good Blog, I think I want to find me, I will tell my other friends, on all