2009-01-10

برشامتي الخايبة












باجر عندي امتحان وادري راح تزفوني بس ساعات اتنح بالدراسة وأتذكر شغلات عبيطة تمر علي




فتذكرت موقف صار لي بامتحان الكورس الثاني السنة الي طافت ...












..






..






..








في بعض الأساتذة يطلبون منا حفظ أشياء تعجيزية ومايكون عندنا وقت كافي نحفظه صراحة .. فقررنا اننا كلنا نسوي براشيم وكل واحد ببرشامته شغلة معينة وبالامتحان نقعد بمواقع معينة علشان كل واحد يعطي برشامته للثاني .. وطبعا انا ووحدة من رفيجاتي نلبس ملابس مخصصة للبراشيم لوووول ، ومجهزة برشامتي ودشيت الامتحان مستانسة حدي ، وكانت رفيجتي قاعدة جدامي علطول ، والصوب الي يمنا اثنين من زملاءنا ويساري وحدة من رفيجاتي خمستنا مجهزين البراشيم غير المواقع الثانية الي راح توصل لنا معلوماتهم متى مابغينا . المهم وبرشامة وحدة مرت على الكلاس كله وهذي راح اقول لكم سالفتها بعدين . ...
كل مالف الدكتور ويهه لقيت البراشيم تتحذف يمين ويسار جنها جراخيات لووول






المهم في كذا سؤال ماعرفته فعطيت رفيجتي برشامتي وقلت لها ابي برشامة فلان فحذف برشامته عليها ووصلتها لي ، حطيت البرشامة تحت ورقة الامتحان وكل شو ارفع الورقة وانقل لوووول








المهم ولا يمر الاستاذ فقال لنا : خلوا بالكم من السؤال ده ..!!!!




وحط ايده على ورقة منو ؟؟؟؟ على ورقة سارة




أنا هني فزيت وقعدت ارجف وعيوني تدمع ... لحظة هلع والله العظيم ما انسى هاللحظة




عيني بققت على الورقة والبرشامة بينت شوي وبقلبي ماخليت دعاء ماخليت آية ماقريتها ..




المهم والاستاذ يطالعني ومستغرب شفيها هذي ترجف جذي ...




والشباب والبنات جدامي يضحكون ويقولون لي هدي هدي ... وأنا عيوني خرت لوووول






الحمدلله ماشاف الورقة .. كلهم كملوا حل وانا تبووني احل؟ ؟؟




تنحت وقلبي يرقع بسرعة وارجف ...




رفيجتي تقول لي لا تضيعين وقت حلي بسرعة سارووووو






حليت سريع سريع بدون




برشامة ولاهم يحزنون

ونجحت في المادة لوووول والحمدلله

المهم بالنهاية الاستاذ كان معصب علينا ، البرشامة الوحيدة الي لفت على كل الكلاس اشكرة مبين عنده اننا مبرشمين لأن حتى الفاصلة والنقطة حاطينهم لوووول يقول : أنا عديتها المرة دي

للحين اذكر طلعت من الامتحان ارجف وبراطمي زرقا لوووول كلهم صرخوا (( شفيييييييييييييييييييييييج ))؟؟؟

الله يعطيه العافية صراحة ...

ماعرفنا البراشيم الا من ظلم جامعة الكويت لنا ... يعطونا شي ويمتحنونا بأشياء ثانية .. حكم الأوي :D

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مبروك تأهل الأزرق

بس بقول شغلة : ترى بط جبدي بدر المطوع عسى ماياخذ الكرة مايعطيها ربعه ، هييي لايشوف نفسه اقصاه لاعب كويتي حاله حال البقية خل يتعاونون حتى الأجانب الي احسن منهم شحلوهم باللعب لا يقعدون يهايطون ...

وأقول لمحمد ابراهيم ماحطيت الرشيدي الا آخر شي ؟؟ مو علشان ولد عمي والله بس حاول تكثر من الطوال ترا الطول ينفع والله :)

يالله ان شاء الله يتعدلون لأن المباراة كانت مليقة جنهم مقزرينها ...

أقول حق قناة سكوب بسكم برامج تافهة خلص الشوط الأول يدقون ايببون ويصارخون مبروك الأزرق .. تو الناس خو الحمدلله والشكر

تذكرني هالقناة بقناة السودان مادري ليش لوووول ...

يالله بكمل دراستي ادعوا لي

يـــارب يـــارب يـــارب

ـــــــــــــــــــــــــــــــــــــــــــــــــــــــــــــــــــــــــــــــــــــــــ






أدري أجعجتكم ... :P

24 comments:

{~المباركية~} يقول...

احلى شي اذا كان الامتحان مصخره مني تبدي الونااسه و المغامرات الحين بالثنويه انسي شي اسمه غش عيونهم شكبره عساها البط

بالتوفيق

طموحة مملوحة يقول...

ويييييه انا كنت مثلك بالثانوي ما ابرشم كلش ام قليب الحين حلالي تبرشم لوووووووول

كاريكاتير يقول...

مرحبا

انتي حلاتج عندي طالبة وتبين تغشين..

ما يفكج مني غير اناظر واساسا محضر غش او تطلعين بسرعة!!

Kuwait يقول...

@@
لووووووووووووووووووول ..
انا الحمدلله براشيم ما كانت تدور عندي بس سهالات أتبادل بالأوراق والأقلام وأحل عنهم ويحلون عني :d

violeta يقول...

ويييييه لا تذكريني مابرشمت بالجامعه كثر الثنويه !!
بس بالجامعه البرشامه مرتبه ومقسمه وكل قسم لون علشان عيوني ما "تزغلل" لووول :q

وبالتوفيق انشالله =)

Akabaneq8 يقول...

لوووووووووووووووووووول

يبيله نجرب هالنوعية بمادة تاريخ الحضارة ..
ذكرتيني بسالفة صارتلي بالمتوسطة .. امتحان بمادة العلوم .. سؤال مصطلح علمي ماكنت عارفه .. واحد عطاني برشامة .. اول ما شفتها ولا الاستاذ يمر .. احطها بالدرج وناطره يمر .. وقلبي يرقع .. صوت طبول مو دقات قلب لوول
ولا ياخذها ويشوفها .. عطاني ذيج النظرة .. ومشى .. انا كتب الجواب الي كان بالبرشامة واستانست انها عدت على خير .. اخر شي طلع الجواب غلط
لوووول
((سوري عالتعليق الطويــــــــل ))

Eng_Q8 يقول...

انزين اذا الامتحان اوبن بوك وكل شي معاج والامتحان صعب وماعرفتي اتحلين


ذكرتيني بالايام السوده

SHAHAD يقول...

لووووووووووول
أشوه عمري ما لجأت لبرشاامه .. حدي جباانة :S

ومبروك تأهل الأزرق ..
أما قناة سكوب جدا فاااااشلة وتااااافهه
حتى قناة السودان أحسن منها :/

mo3ath يقول...

i never imagine myself cheating

it just not me :)

i can help friend or two but not for myself

this is who i am :D

طموحة مملوحة يقول...

كاريكاتير


الحمدلله انك ماتدرسني ... الظروف اقوى والله الحين باجر عندي امتحان وطلع عيني من الكلمات الصعبة تعاريف شكبره شلون بحفظها بالله ؟؟ ووايد يعني يليت 10 12 ... أكثر من 20 والله شسوي ؟؟

طموحة مملوحة يقول...

Kuwait


سويتها مرة الكورس الي فات واحس جنه فلم والله شفتي الي لمن تبادلنا الأوراق بسرعة ولا يلف الاستاذ كان والله لو شوي بعد شعرة الا صايدنا لوووول ...

طموحة مملوحة يقول...

violeta


انتي من صجج ؟؟ انا الثانوي مابرشمت بس الحين بالجامعة احط البرشامة ببطانة الملابس ادبسهم ... واجفس البنطلون الجينز من تحت واحط فيهم البراشيم .. واحط داخل البدي الي لابسته بعد صوب ايدي لوووول مسلحة حدي

طموحة مملوحة يقول...

Akabaneq8


لا عادي اكتب وايد لوووول ... مسكين والله كسرت خاطري والله ايام الثانوي كنت مخ درجة وحدة تضيع مني ابجي علشانها لووول ...

الحين سهالات ... نو براشيم على قولة دكتورنا مايك فديته والله ..

حجي بس يدري ان نبرشم لووول

طموحة مملوحة يقول...

Eng_Q8


والله يالي امتحان جذي وحليته وخذيت فل ماركس .. لأني كنت لمن ادرس الون الصفحة وارسم حشرات فكل سؤال اذكر صفحته من الحشرة الي راسمتها فعلطول القاها لوول

طموحة مملوحة يقول...

SHAHAD


قوي قلبج يابنت .... اي قناة سكوب تذكرني بالعصر الطباشيري لووول >>>شكو

لا صج والله ملاقة يخرب بيتهم عمري ما تصورت ان في ناس بالكويت تافهين لووول

طموحة مملوحة يقول...

mo3ath

والله أنا أساعد .. وبصراحة أكثر الي يساعدوني بالجامعة شباب .. ياما بنات غششتهم اأشر لها على الصفحة الفلانية تسوي نفسها ماتطالع ولا تقول لي ما اسمعج ما اسمعج ... نحاسة ... مو الكل والله في بنات مايقصرون لووول

حياتي هدف مو عبث يقول...

ديربالج لا تغشين ولا تحاولين تغشين
لأن اذا حليتي عدل بالامتحان هذا .. تلقين لازم في امتحان تيبين درجة مو زينة
وخلي سالفة الغش إنه حرام طبعاً
بس أنا ما أقدر أغش على طوول أضحك
ويبين عليّ على طوول ما أقدر أستحمل اشووف وي البنات واهوا معبررر :p

الله يووفقج يااارب :**

Alikingkw يقول...

الله يوفقج وانشاء الله ما تحتاجين البراشيم خير شر :)

رسالة ممتعة ما جعجعتينا فيها :)

طموحة مملوحة يقول...

حياتي هدف مو عبث


انا بعد هاليوم والترجف والتخرع صرت حذرة جدا لووول

طموحة مملوحة يقول...

Alikingkw


الله يسلمك يالغالي ...

مايخالف بامتحان اليوم ماخذيت براشيم وبامتحان دكتور عرفات اصلا عيب ادخل معاي براشيم :)

Alikingkw يقول...

ليش دكتور عرفات يغشش ؟! p:

طموحة مملوحة يقول...

لا والله ...

الدكتور عرفات من كثر ما يشرح بذمة وضمير افتشل اغش عنده فأشد حيلي بالمادة لأنه فعلا حببني أكثر بالجيولوجيا ... وعمري ما شفت دكتور يهتم بطلبته كثره

تجمّع الحقوق الطلابيّة يقول...

غش !

خبري فيه بالثنويه لأني كنت أدرس تخصص بعيد عن ميولي

في كلية الحقوق النظام صارم أكثر في مسألة الغش

طموحة مملوحة يقول...

مساكين الحقوق والله ..


شنو هالجامعة الدايخة .. حتى مع الغش كله ساقطين لووووول