2009-01-22

ولا يصير خاطرك الا طيب يا غير معروف :)

اخواني المشاهدين والمشاهدات :)
قبل جم يوم حطيت بوست بعنوان (( للي يشكك بوطنيتي ))
هذا لنك الموضوع
وعلى فكرة فهذا المنتدى الغير رسمي للوسط الديمقراطي :)
ادري بتتضايقون لأن لازم تسجلون علشان تقرون الموضوع مايخالف يبون يزيدون اعضاء بس كتبوا اي نك خربوطي ودشوا شوفوا الموضوع :)
وللعلم اني كنت مشرفة في المنتدى
وطلعت لأني قلت كلمة الحق بحق بعض الأعضاء ..
منتدى طائفي 100% بس الي فيه مو كلهم وسط علشان لا نظلم الوسط ..
ومع احترامي هناك الكثير من الشيعة الي يؤمنون بالمساواة في الوسط الديمقراطي ..
بس بالمنتدى شفت العكس من بعض الموجودين من المشرفين خاصة ..
موضوع الفالي خط احمر لحد يتحجى عنه ولحد ينتقد ... عيل وين الديمقراطية الي تتكلمون عنها ؟؟؟
موضوع خاص لك ياغير معرف وأتمنى تكتب اسمك مو تحط غير معرف ...
وموضوع بالمنتدى ماراح أحط موضوع
بلوق خاص فيني انتقد الي ابيه على كيفي ما انطركم تمسحون ردودي من كيفكم ... :)
حياك الله :)
ـــــــــــــــــــــــــــــــــــــــــــــــــــــــــــــــــــــــ
الي يضحكني لمن يقول عقلاء ومادري شنو بعدين يقول يردون وخرفان عن قراء مدونتي ....
على الاقل هالعقلاء تكلموا ما صاروا مثلك بس تقول خرفان وتعلق وانت مالك شخصية متنح بس تقرا :)

14 comments:

أحمد الحيدر يقول...

مدونتج عندج كتبي اللي تبين ;p

وناطرين الفضيحة ترى ;p

طموحة مملوحة يقول...

كنت ناوية احط الموضوع بس قريت رد غير معرف قلت خل نشوف العقلاء الي يقول عنهم .. خو هالعقلاء مايابوا الحجي للقائمة صارت قائمة الطائفية بعد ماكانت الوسط من القوائم الي تنبذ الطائفية الاسلامية الي اساسها المذهب الشيعي عمري ما شفت منهم تعدي على المذهب الآخر بس بالمنتدى .. صاير مسخرة وكل واحد يقط حجي على الثاني لي متى يعني ؟

أبـودوسـه يقول...

سـاره

الليـبراليـه الوسـطيـه قـد يتخـذهـا الكثـير { قنـاع } لغاياتـه وأهـوائـه

كمـا نعـرف كلـنـا أن { الليبراليـه } فكـر ينـادي بالحريـة وليس الحريـة المطلقـه لأن الحريـه المطلقه بحـد ذاتهـا{ عبـوديـه } و بين الحريـه والإنحـلال شعـره أقـل سمكـًـا مـن { شعـرة معـاويـه } فنجـد كثـير مـن الفـاسـديـن المنحـليـن يتـستر خلف ستار وقنـاع الليبراليـه

والليبراليه منـه بـراء . . ! !

كـذالك هنـاك الكثـير من الأيدلوجيـات والمـذاهب الديـنيه والفكـريـه تـجد فرصـه في أرتاد قنـاع الليبراليه على وجـههـا السيء والقبيـح لتتهجم على مذاهب وأديـان أخرى بحجـة إنـه { ليبرالي } او وسـطي

وللأسـف هنـاك الكثـير مـن الأخوة الشيـعه يسلك هذا الملسـك لنقـد وشتـم وقذف أعلام المـذهب السنـي

تجـده ينتقـد احـد علمـاء المـذهب السنـي ويتطاول عليـه وقـد مصـيب في ذالك ولكـن هنـاك خطوط حمـراء عـلى الامـام { الخميني } لا يمكـن تعديـها فهو في نـظرة معـصوم عن الزلل والخطأ .. ! !

حيـن تـقل لـه -على سبيل المثال- ان { بن باز } او النـائب { وليد الطبطائي } أخطأ تـجد ينهال بوابل من القذف والشتم لشخوصهم

ملاحظة ( ليس من قيم الليبرايه او الوسطـيه السب والقذف بل الانتقاد الفكري فقط لا الشتم والقذ }

وبيتنما تقل لـه ان السـيد { الفالي } او السيد { حسن نصر الله } اخطأ يكشر عن انيابه و يخرج مخالبه في وجهـك فتجد هذا الذي كان ينادي بالليبراليه والوسطيه هـو ليس إلا أصولي متزلف متعصب طائفي . . ! !

والليبراليه منهم بـراء

يسعـون في الارض فسـادًا وجورًا وإذا قلت لهم ما هكأذا تورد الإبل قالوا إنمـا نحـن ليبراليـون وسطيون نسعى للإصلاح وحق فيهم قول الله تعالى في سورة البقرة
{{وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ }}

عزيزتي سـاره الليبراليه و والوسطـيه بريئة من كل هـذا الإسفاف بإسمها فهؤلاء حالهم من حال { الثيقراطيون } الاسلاميون الذي يتسترون تحت رداء عبائة الديـن لغايات فكريه إجأرميه او لا فسادهم ولكن أبتلينا نحن الليبراليين بهـم .. وصبـرًا جمـيل والله المستعان

عـزيزتي الليبرالي والوسطي الصادق لا يقدس الاشخاص وليس لديه شخص معصوم عن الخطا إلا رسول الله وال بيـته وأصحابه .. الليبرالي او الوسطي الصادق ينتقد الخطأ يانما كان ومن كان صاحبه سواء كـان { بن باز او بن عثميين او الخميني او الفالي او بن تيميه او احمد الربعي } دون شتم وقذف ولعن

عزيزتي ساره لا عليـك من { بوق الشيطان } هـذا ولا تهتمي لصراخهم الذي اشبه بنقيق أنثى الضفادع فصوت الحق وان بدى مختفيـًا فلا بد من ان يعلوا في سمـاء ولا بد من شعاع النور ان يجلي ظلمة الجهل والرجعيه والتعصب المذهبي

ولكـي مـن كل الود والثنـاء

أخـوك
أبـودســه

طلال يقول...

ماعليك ياساروونه

اتركي عنك كلامهم وعن منتداهم العنصري

والناجح ناجح وماعليك من احد

Hashimoto يقول...

احنا خرفان @@
اذا انا خروف .. بكون خروف يمشي على الدانة .. هي هي هي
والله ناس فاظية ..
دشيت الموقع وقريت الموضوع .. الردوود سخييفة .. ليش عمامة صار خلاص معصوم .. يعني مخلين احتمالية انه يكون غلطان 0%
هذيل مخهم مغلق .. الله يهديهم انشالله

منطلقة بطموحي يقول...

الله يهديهم ..

عليهم حركات :/ ..

Blog 3amty يقول...

قلت عليج الأماكن كاتبة بمنتدى مو رسمي !


كتبي على ظهر الكلينكس أبرك !

ReLaaaX يقول...

لا خلينا ندوره بقوقل عشان نقدر نقراه بدون لانسجل --> كلش مو متعييزه

;p


عموماً احنا بلد ديموقراطي وكلنا لنا الحق نعبر عن راينا والمطلوب ان نحترم آراء بعض صح والا لأ ؟


هذا طبعا ردي قبل لا اقرا الموضوع وان شالله لما اسجل اقولج رايي :p

ابوالوليد يقول...

عرفت السالفة الحين :)

بس سالفة اليوتيوب والباسوورد للحين ماوصلت :(

طموحة مملوحة يقول...

حلوا ان الواحد بالمنتدى هناك يكتب موضوع كامل عن مدونتي ويستعبط على راسي مسكينة وماتكسر الخاطر مانطرت من أي أحد الشفقة .. وأنا لمن أخالف الطائفة بشي معين ما استعبط ياسيدي لأني هم اوقف وانتقد المذهب السني ببعض الأشياء الي قاعدة تصير، يعني موضوعي مو عن سنة وشيعة .. ولو تدور بمدونتي كلها ماراح تلقى موضوع يسيي المشاكل المذهبية .. واذا تحب تشوف ردودي بكل المدونات وتتابعهم فهالشي وايد زين :)

ويشرفني احط صورة الشيخ عبدالله السالم اذا شايف اني متناقضة والمفروض ما احطها :) واذا الوطنية على قولتك أفعلال .. فأنا ماطلعت مشرف من المنتدى




اذا كنت بنظرهم متناقضة فيشرفني هذا التناقض ...


الي يبي يناقش يناقش هني وحياه الله :)

Kuwait يقول...

ليش معصبه سويره .؟
أحلى طاااااااااف ودام واثقه من نفسج الكلاب تنبح والقافلـه تسير ..
ردي على مواضيعج العاديه وتركي المستويات الهابطه عندج وخل يتكلمون اليوم وباجر وعقبه وبيملون اذا لقوج مو معطيتهم بال ..
وياما قالوها الحقران يقطع المصران :)

the.thinker يقول...

كلمة الحق فوق كل شي .. يعطيج العافية

وعندج هالبلوق كتبي كل اللي بخاطرج :P

،،،،،،،،،،،،،،،،

انتي حاطتني عندج بالمفضله ( هذا شرف لي ) بس التحديث مو راضي يصير ، عند كل الناس طالع اني آخر بوست منزله من 9 شهور !!!!

شنوو الحل لو تسمحين

طموحة مملوحة يقول...

ويييه اقول ياربي شفيه من زمان ما كتب موضوع ؟

والله ماعندي خبر ياخوك .. جرب تشوف بالتعليمات مالت المدونات يكتبون المشاكل الي تصير بالمدونات وحلولها :) والحين اجيك على مدونتك وبشيلها من المفضلة واردها مرة ثانية يمكن جذي تصير

غير معرف يقول...

طموووحه وبس والباقي خسسس
والي مشكك في الوطنيه انصحه يشترك بالفيفا يعطون خطوط ببلاش مثل مابعتوا يامن تدعون الوطنيه وطنكم ببلاش
لو تفدون الديره كلكم بدمكم بلا كلامكم التافه هذا (اقصد اكثر الي يدخلون قائمه مثل الوسط وعلى شعرهم جل وسبايكي علشان يروح التجمعات المختلطه)
ماوفيتوا لا انتوا ولا نسلكم حقها
شكرا وعفوا لي