2009-01-25

طموح انسان يائس !!!!






الصراحه زهقت
.
.
انبطت جبدي خــــــــــــــــلاص !!!!
.
.
بداية القصه ...
.
كنت انسان شاطر في المدرسه لي توجهات غريبه وصاحب افكار جديده ، طـــمـــوح ، وبنيت حياة مستقبليه
في مملكتي الخياليه ، تخيلت وعشت خيالي ، توقعت المستقبل راح يكون جميل ،شديت حيلي ، حبيت لعبة الجمباز ،
فأشتركت في نادي ،وحصلت على مراكز عديدة، وما أرضى الا بالمركز الأول ، واخر شي عطوني خمسين دينار
وسكتوني !!!
@@
رحت العب لعبة ثانيه ولي مراكز فيها وهم قصوا علي بخمسين دينار ، وهذا انا توني ماتعديت سن ال 13صار عمري
14 رحت واشتغلت في مطعم!!!! ، نعم اشتغلت في مطعم واكتسبت خبرات كثيره واصحاب اجانب اتشرف في معرفتهم
، ولله الحمد لي خبرات في اغلب المجالات .
واخر شي احباط من الواقع ، ما كنت امبطل عيوني ، الكل يتشمت فيني الكل يضحك علي ، ديرتي مو امعبرتني ، محد
امعبرني كل هالأنجازات ومحد يدري عني ؟؟؟ وين تقدير الديرة ؟؟ تحبطت تحبطت لي درجة مو طبيعيه!!
ضعفت !!ما قمت اكل!!مرضت !!وتعبت !! وتأخرت في تخرجي من الثنويه، قعدت 7 سنين في الثنويه ((14
كورس )) شجعني ابوي،اقعدو على راسي وكل اهلي ، ولله الحمد، اشحنوني من جديد، رحت وتخصصت في مجال
الأخراج التلفزيوني ، واصبحت من اصغر المخرجين في الكويت ، ومن اصغر الناقدين في تاريخ الكويت ، ولي اعمالي
الخاصة ،لكن للأسف منعوها .
وللأسف محد يبيني اشتغل عنده، محد تبنى مهاراتي ، الا قناة نبيها تحالف، وابدعت فيها، وكان لي عروض في قناة
الوطن ولكني رفضتها !!!وتسكرت قناة نبيها تحالف، ورجعت اتحبط من جديد ..
ماكو وظيفة !دولتي ماتقبلي في جامعاتها ...لأني ماعندي معدل ...ولا يوجد استثناءات ...!!دولتي ماترسلني للخارج
للدراسه لأنه ماعندي معدل ...!!ورجعنا للأحباط مره ثانيه ...وثالثه و رابعه ....انزين ياجماعه ... انا ابي اعرف
ليش ماتتبنونا ؟؟؟
احنا ناس مستعده للعمل والأنتاج
احنا ناس عندنا غاريّه على دولتنا
نبي وظايف على اختصاصاتنا نبي رعاية من دولتنا
اذكرولي شخص كويتي واحد يقدر يعيش شهر كامل بس على 50 دينار !!الدنيا تغيرت ،راحت الألوان وصارت ابيض
واسود !!والحين حرمتونا حتى من كتاباتنا وآرائنا الشخصيه ... !! ؟
انزين منو يحمينا ؟؟؟
شنو نهايتنا يعني ؟؟؟؟
حرام حرام حرام عليكم ياجماعه
مانبي الواسطه.....
..
خلاص ارحمونا خلونا ناخذ حقنا ، مانبي احد فوق القانون ولا احد تحته، نبي القانون يتطبق علينا كلنا اهتمو فينا
اهتمو فينا والله مانبي شي بس اهتمو فينا ... !احنا منكم وفيكم ...احنا اعيالكم ... مو عيال البطة السوده ...وانا اسف
اذا خلطت الحابل بالنابل .... واسف اذا موضوعي ماكان متوازن ...بس والله محتر محتر محتر .... !!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رسالة من زميلي مدونة بوفتين ..
اراد زميلي المدون أن أضع رسالته في مدونتي وبالتأكيد يشرفني ذلك ..
................
تعليقي على الرسالة :
.
.
للأسف فمسلسل قتل الطموحات مازال مستمرا في دولتنا الحبيبة ، عندما أرى ويرى الجميع من هم يمتلكون مثل ابداعاتنا في الخارج في كامل تألقهم ، وتفخر بهم الدولة وتملؤ الصحف انجازاتهم ، في حين يجلس الكويتي خائفا من أن يظهر موهبته ، لماذا ؟؟
لأنه يعلم أن الجميع سيستهزئ به وبموهبته وكأن الشعب شبعان من المواهب .
لأن الدولة لا تعطي اي اهمية لهذه الفئة فكل اهتماماتها بأشخاص معينة ونحن نبقى في أحلام كثيرة .
هناك من يطلق طموحه وموهبته للخارج كي يفيد نفسه ومستقبله كما ذكرت في مواضيع سابقة وهناك من يرسل افكاره لتُطبق في دول كثيرة واغلبها دول الخليج .
ويبقى من لا حيلة لديه يضع السيجارة في فمه ويقضي كل وقته في الدواوييين .
أم يتجه للمحضور ويتاجر بالممنوعات ؟؟
فلتحرص دولتنا على هذه الفئة قبل أن يتوهوا في السلبيات .
..
..
..
شكرا لأخي المدون كل الشكر له على ثقته بمدونتي وأتمنى أن يكون محط الاهتمام لأنه يستحق ذلك وبجدارة .
..
..
..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خارج الموضوع :
..
..
..
you already are the best student ..
the best writer
the best thinker
you'll be the best wife
best mother
best doctor ever
:)
thanx



16 comments:

طموحة مملوحة يقول...

حدي نعسانة .. تصبحون على خير وخيرات كثيرات

Paris يقول...

عادي .. تدرين ارفيجتي تقول خالها معطينه بعثة و الحين ياي شنو يشتغل ؟؟!
يعدل ملفات بالمستشفى و ناس وايد اعرفهم متخرجين و جامعيين ماكو شغل! كلنا جذي حبيبتي نعاني .. لو ما يتعب الواحد ما يقدر يعيش ..
بس مسكين عن جد يكسر الخاطر

و انتي من اهله :)

My.Silhouette.In.Red يقول...

حسبي الله عليهم و على واسطاتهم
اللي يسوى واللي ما يسوى صار نفس الشي بالشغل و الشهادات

بس الله موجود و صدقيني الحين راح يستانسون بس باجر حسابمهم عسير

لأنه كل فلس ياخذونها اللي داشين بواسطة و كل ثانية و اهما بالدوام تنحسب عليهم لأنه هذا مو مكانهم و أهما بايقين مكان واحد ثاني و قاطعين رزقه

بس الله لهم بالمرصاد

SHAHAD يقول...

مادري لي متى هذا حالنا !!
شي يضيق الخلق والله
ياليت وقفت على انهم ما يتبنون هالمواهب والطموح
للأسف هم قاعدين يقتلووون هالشي !

نوووم الهنااا يااارب : )

Enter-Q8 يقول...

بو فتين معلش انت طموح و لكن لست مبدع
في فرق لا تخلط
اذا تبي تقول الوطن انت رفضت
هذي اول غلطاتك
انت تعرض عمل فني و الا سياسي
انت تقول معدلك ضعيف ووو
و بنفس الوقت تقول طموح
تبي تعرف الطموح اشلون صاير
اقولك اسماء و انت روح ابحث عنها في منها القريب يمك و تقدر توصله و في منها اللي سمعت عنه
اتفضل تعرف ولد المطوع مال النقل العام أسأل عنه
تعرف اللي اسمه عايض بوخوصه و نزل الانتخابات اللي طافت أسأل عنه
ترى كلهم حملة شهادة متوسطه مو ثانوية
راح اكتفي بهالاسمين
واحد راح اسرد لك اشلون طموحه وصله
عايض بوخوصة
ولد شباب عسكري شرطي كويتي معاه شهادة متوسطه ظروفه المالية على الله و على المعاش كثرت عليه التزامات الحياة راح اشتغل بارت تايم بمركز سلطان كا موظف امن نشيط و طور مكانه بالاقتراحات اللي ارسله لتنظيم العمل كان العائق الوحيد مؤهله الدراسي قرر انه يكمل و كمل الثانوية و ذلك بعد الاستئذان من صاحب العمل الجزئي بمركز سلطان ، اعجب فيه صاحب العمل و بطموحه اكرر بطموحه و قاله ليش ما تكمل الجامعه ، قاله الدوام قاله مالك شغل كمل الجامعه نجح بمعدل جيد جدا و اثناء دراسته الجامعية كان يطور بالاقتراحات و الدراسات اللي يقدمها لصاحب العمل الثاني اللي اهو مركز سلطان، خلص عايض الجامعه طلب ان يعدل مستواه الوظيفي و التحق بالضباط و صار ضابط و اضف الى ذلك ترقيته بالعمل الثاني اللي طوره بشكل رهيب رهيب
و قرر ينزل انتخابات مجلس الامة بعد
تبيني اسولف لك عن الطموح اللي لازم تحط معاه المثابره و اللي ما يوقف على العمر ، و انت توك عمرك صغير
اوكي هدك من هذا
واحد زميل معاي بالدوام اصغر عياله و ما راح اقول اكبر عياله اصغر عياله عمره 14 سنه حاليا ، زميلي هذا كان معاه شهادة المتوسطه كذلك سنة 2003 قرر ان يكمل الثانوية العامة خلصها بقى ان اقولك انه اخر شهر مارس راح يطلع تقاعد ولكن اخر الشهر هذا ان شاء الله راح يكون خلص شهادته الجامعية و اهو خلاص بيطلع تقاعد لكن بيكمل ما بعد التقاعد ، في فرق يا ولد بوفتين انك تساير الوضع لتثبت نفسك و تأسس قاعده تنطلق منها و تتكيف مع الوضع المادي السياسي الاجتماعي و من عقبها بعد تثبيت اسمك تقدر ترفض او تقبل
لكن للأسف انت قاعد تتحلطم و غيرك قاعد يعمل و ينجح و يطور نفسه و انت تبي احد يتبناك و بالمقابل هناك من يسبقك او لنكن صريحين تعدوك

نقطة اخر السطر طور موهبتك و اذهل بها الجميع و من بعدها قول يرفضوني و راح تشوف الناس تنصدم و الف واحد يبي يركض وراك
تدري اشلون أسال الدوغجي

Enter-Q8 يقول...

اقرئ ما خطته يد الزميل فنكوشي
*****************************
يجري وحيدا رغم انه محاط بهم
تركيزه منصب على عبور خط النهاية
لم تحبط عزيمته خيالات السراب
ولا سرعة الاخرين او استسلام بعضهم
انه السباق الاهم
لا يبالي ان صفقوا له او لم يفعلوا
حتى وان وصل اخيرا فهو فائز
على الاقل حقق مايريد
انه في ماراثون الحياة
http://fankooshy.blogspot.com/2009/01/blog-post_25.html

Q8EL5AIR يقول...

المشكلة قاعدين نصب بجربة مقضوضة !!

مسكين قلبه متروسه والخافي اعظم !!


بس انا عندي حكمة وعايش فيها :

" الطقة الي ماتموتك .. تقويك " :)



وتحياتي ..
ويسلمواااااااااااااااااااا :)

Kuwait يقول...

@@
يا ولد بوفتين ترى الانسان لما يصير عنده طموح وصبر وقوة ارادة وتحمل صدقني بيوصل :)
أعرف شخص رفيج ابوي شوف انا شنو اقولك رفييييج ابوي يعني لك تتخيل الريال جم عمره !!
شهادته ثانوي يوم عياله وصلوا الثانوي رد يكمل دراسه معاهم الريال من انسان معاه شهادة ثانوي لما الحين صار دكتور :)
كان التشجيع متبادل بينه وبين عياله كان عنده طموح اقوى من طموح عياله وعنده صبر مو موجود بولا واحد من عياله على رغم فرق العمر والقدرات وعنده قوة أراده وتحمل ولا واحد من عياله قدر عليها ..
سافر اهو وعياله يكملون طب اهو صبر وكمل واهم ما اقدروا على دراسة الطب وانحاشوا واحد كمل هندسه والثاني كمل ادارة اعمال :)

Alikingkw يقول...

اختي اسمحي لي اطلع عن الموضوع بس أعتقد انه شي يستحق

في طفل اسمه حمد حمود خالد اكتشف انه يعاني من مرض السرطان وهو بحاجة إلى تبرع صفائح الدم.

الي حاب يتبرع يراجع بنك الدم في مستشفى مبارك الكبير

وشكرا ((آسف جدا على التعليق ..فضلت أن يكون الإعلان عن هذه الحالة في مدونات لها شعبية بين المدونين))

تجمّع الحقوق يقول...

أهلا طموحه

أأيد مشاركة

enter Q8

بالحلم نرسم الطموح

و لكننا نحققه -و نوجده- بالعمل

طموحة مملوحة يقول...

أنا أأيد كلامه بعد :)


ساعات المصاعب تولد الابداع :)

وهذا الي لازم نسويه .. مو شرط الرخاء يوفر لنا الي نبيه ..

ابي المعني بالموضوع يرد على البوست لا اعلم اين هو ..

Alikingkw يقول...

بيييه الوضع مأساوي ليهالدرجة؟!

كنت اظن ان القنوات الخاصة تقبل وظايف الكويتيين خاصة الفنيين منهم

الله يعينه

bof-10 يقول...

اولا اشكر اختي "طموحه مملوحة" لأنها اتاحت لي الفرصة اني اشارك في موضوعي البسيط بين مواضيعها.


اممم ...ثانيا ...

انا اشكركم كلكم على الأهتام فبي الموضوع ...بس انا كتبت كل هذا من القهر ....

انا تمنيت احد يفهم رسالتي ...بس ما اتوقع احد فهم قصدي ..انا ماكان هدفي الاساسي موضوع الواسطه ولا اني مو امحصل وظيفه ....

كان موضوضعي حييل ابعيد ..وابنقزه اصغيره انا قلتها ...

بس للأسف مو الكل فهمها .. =S

وبعدين الحمدلله انا وظف صارلي فتره ... و قاعد اكمل دراستي الجامعيه (( خشاشي )) .... والحمدلله انشالله ازيد هالطموح ....


وشكرا لكم ...

وسوري على التأخير

fatimah alfaraj يقول...

ياعيني عليك الله يعينك
ياخي الدنيا هذي مليئة بالعقبات ولكن كل مازادت الصعوبات هذا يعني النجاح سيكون اكبر
صدقني ياخي كل الناس تعاني من هالشي الكل بلا استثناء
الحمد لله انت انسان طموح ولا تياس...
عندي لك فكرة مارايك ان تذهب للخارج تعمل وتدرس في نفس الوقت...اذهب الى اي دولة... وعندما تكبر ارجع بلدك وانقد غيرك ممن عانو مثلك اخي العزيز
اتطلع الى سماع اسمك من بين اكبر الناجحين في العالم...
ونصيحة من قلب لا تنتظر تقدير الاخرين لاعمالك...واجرك على الله

bof-10 يقول...

اختي فاطمه الفرج
حبوبه انا توني راجع من امريكا
اخذت اجازه وعشت اهناك شهر كامل... وعديت نفسي واحد منهم
صج صج انهم مرتبين وتخيلي عاملوني في احسن المعامله وقدروني, ولمن رجعت الكويت تتوقعين اشلون استقبلوني ؟

تفتيش ذاتي بالجمارك بسبب الشبهه ؟!؟!؟

النظره المستقبليه يقول...

صباح الخير
انا قريت الموضوع وجدا كان ماثر والله يلوم الى يلومك وصدقنى ترى هشى صار مع وايد ناس للاسف للاسف للاسف الحين الواسطه فوق اى اعتبار للاسف عندكم واسطه تنحط علعين والراس وتختار المكان الى تبيه ماعندك واسطه تنحط بمكان اقل من طموحك ومستواك هذا الحاصل انا موظف بس الوظيفه بهزمن ماتوكل عيش ولا توصلنى للى انا ابيه ومحتاجه لانى بعيش بحريه ماليه مابي اعتمد على الوظيفه مع الايام لقيت الى انا ابحث عنه ولى راح يوصلنى للحين الماليه وقاعد امشى فيه شوى شوى خطوه بخطوه وانشاءالله مع الايام راح اوصل للى ابيه ولى يحب يستفيد مثلى من شباب وبنات يقولى وانا راح افيده بفرصه العمر راسلونى على ايميلى
gara7ooo@windowslive.com