2009-01-27

بوست مخرف حده ..

بوست مشكل مع أحلا آزوزة :)
..
..
باركوا لي خلصت امتحاناتي مابغيت والله ..
عاد رديت البيت حدي متصدعة من كثر ما انا (( مو مصدغة ))










مبروك سويرة مبروك ... :D
شوفوا بكتب قصيدة خبلة شوي بس لا تضحكون زين :P
هذي كانت اول محاولة لي بالنبطي على بالي يعني بصير مثل أهل ابوي واني اقدر اكتب نبطي ..
طلع مصري ووايد علي بعد والله ..
كتبتها قبل سنتين .. وضحكوا علي حزتها فيليت ماتضحكون علي انتو بعد :P
.....
أقـــــول فيها :P
فيوم قلتلي يابنت البدو اكتبي قصيدة
قلت ابشر وانا على الوعد ماني بخوان
تضحك على الفصيح علامج متفلسفة؟
مير التفلسف في حبك خذا كل الألوان
جيتني بعد غيبة تنشدني وراج زهقانة ؟؟ :P
تعبت من ذل ذقته من بعد حبك الي كان
ودي أبكي قالها راشد وقلتها لك ألف مرة
واذكر انك تداوي جروحي بالاهتمام
برجوعك رجعت معك بعض المسرّة
كملها وخلني اعيش معك ذاك الزمان
قلبك ديرة وطلبت فيها الشهادة
واشهد ان القلب عد حبك حب الأوطان >>> نصّابة :P
فدوة لك سارة تراها لشوفتك ولهانة
تعلقت بحبل قوانينك فكنا من شرك يا انسان
لعنبو قلب طيب ملكني وبه مبتليّة
طلب الرحمة من كثير ولاشاف منهم احسان
لاني ورثت الشعر من هلي ولاني به مقربة
عرج البدو فجّر بقلبي بركان ودليلي العنوان
وان كان لي خاطر طلبتك قلبي لا ترده
ابي منك رد على قصيدي ولو (( سطران ))
..
..
هذي لو حطيتها ببرنامج شاعر المليون المخرج والمعدين والمصورين والكل بيستقيل .. سارة طلعي برا احسن لج .. روحي روحي ..
ــــــــــــــــــــــــــــــــــــــــــــــــــــــــــــــــــــــــــــــــــ

مقطع فيديو حده يضحك ... حركات والله حده ذكي



ــــــــــــــــــــــــــــــــــــــــــــــــــــــــــــــــــــــــــــــ

أعرفكم على مولان (( قدوتي الكرتونية )) فتاة طموحة عانت من قمع المجتمع والعادات والتقاليد الي تقيد الفتاة بأعمال معينة وتربط مصيرها أما الزواج أو تفشل اهلها وتييب لهم العار ... مولان طموحة جدا جدا .. فحاولت انها (( تنقز)) أبوها لمن دشت الحرب وصارت ريّالة ، وحررت الصين من جيش الهون ، ويابت مولان لأهلها الفخر والشرف ويابت لها العريس :P

شوفتوا مولان ؟؟

أحبها وايد والله .. نسختي هالبنت :P

وجه الشبه : صرصار الحظ

الاختلاف : الطول والمتن واللغة ..الخ .. واهم شي موشو :P

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اعلان :

موضوع الفضيحة يبيلها وقت نظرا لتعرضي لعوائق، ومشاركة بعض الزملاء في الصحافة لموضوعي فقريبا اذا ماحطيته هني بحطه بالجريدة وبحط لكم الرابط ...

ــــــــــــــــــــــــــــــــــــــــــــــــــــــــــــــــــــــــــــــــــ

البوستات الياية ان شاء الله راح تحمل أخبار (( سارّة )) جدا جدا :) من حياة اجتماعية ومهنية ونفسية .. أهم شي النفسية خل نركز عليها وايد ..

مع تحياتي وتقديري

أم جرّاح

20 comments:

طموحة مملوحة يقول...

فاصلة حدي .... امبيييي والله حدي موصاحية مادري شفيني لووول

Q8EL5AIR يقول...

اول شي اسمها " مو مصجقة " مو " مو مصدفه " .. وجب التنويه فقط :)



اهم شي بالقصيدة ( مير ) :):):):)


ولا ( سطران ) موضوع ثاني هذي :)


مبروك على الفكه من الامتحانات .. وعقبال النتايج الي تسر :)


ومنها للاعلى :)

بس منو ام جراح !؟


وتحياتي ..
ويسلمواااااااااااااااااا :)

Alikingkw يقول...

مبروك وانشاء الله تكون النتائج ممتازة والعطلة مسلية.

انا اشوف انه قصيدج موزون وتراوالي حلو (انا ما افهم بالشعر)


تعيش مولان ويعش الطموح في كل مكان

Enter-Q8 يقول...

بطلت اسمع نبطي
بسمع هبان
عقب ما قلتي ان هذا نبطي

منطلقة بطموحي يقول...

يه يه يه .. و الحلوة تكتب شعر بعد :)

حركااات .. يالله نبي نقرا اكثر :)

اذا انتي حابة مجال كتابة الشعر ، تدربي و تعلمي من اغلاطج .. ماكو شاعر فجأة صار يعرف يكتب إلا من عقب ما تعلم :)

و بخصوص الفيديو ، لوووول حده حلو :)

موفقة يا ام جراح ;)

ترى تسلم عليج بنت العلمية :*

Kuwait يقول...

@@
هذا مو بوست مخرف الله يهداج هذا دنيتج بكبرها مخرفه ;q
اما الشعرررررررر ويــح قلبـي بدون مجاملات لو انج رايحه شاعر المليون جان انا صكيت التلفزيون وحاربته شهر :q
والا الفيديو فلــم لوووول وين لاعبينا يتعلمون D;
والا عاد سالفة ام جراح كووووم ثاااااني @@
هااااا يا بنيييييييه شكلها سالفتج عوده ;a

صبا يقول...

هههههههههاي

خوش صوره
وخوش شعر ....كوميدي حده

بالعكس حاصلهم برنامج المليون

بنيتنا سارونه تشارك فيه:))))))))))

البوست حلو اليوم

ومبروك وانشالله لما تتخرجين وبتفوق

:****

طموحة مملوحة يقول...

Q8EL5AIR

انا حاطة مو مصدغة :p وكنت قاصدتها ترا :)

اي مير هذا وايد اسمعها تكملة يعني للحديث اكيد اذا كنت بدوي راح تفهمها خو .. لوول



بعدين اقول لك منو ام جراح يالهوي .. انا كانوا يسموني ام عبدالله الحين صرت ام جراح :p

طموحة مملوحة يقول...

Alikingkw

عاشت عاشت عاشت .. هذا شعر عبطي وليس نبطي لوووول

طموحة مملوحة يقول...

Enter-Q8

كااااااااااااااك كله مني ادري :p

طموحة مملوحة يقول...

منطلقة بطموحي

لا ماحب كتابة الشعر بس كنت استهبل انا اكبر خواطر وساعات شعر عربي فصيح لا اكثر لوول

يابعد خشمي والله انتي

طموحة مملوحة يقول...

Kuwait


يالهوي يالهوي كليتيني لووول .. ام جراح هذي اقول لج اياها بيني وبينج .. حلو اسم جراح عاد؟ الجرح يا بنتي الجرح لووول

طموحة مملوحة يقول...

صبا

اي اي رفعي فيني اكثر بعد يابعد خشمي انتي

فديتج وفديت طلتج على مواضيعي يالغالية :)

SHAHAD يقول...

لووووووووووووووووول
سااارووونة .. حدددج عسسسسل
وااي ياازين شعرج .. غير المود حدده
على قولة أبلة عندنا .. كل ما أقول شي يضحكها تقولي ( أضحك الله سنك كما أضحكتي سني ) لوووول

أما مولاان .. خوش قدوة والله
أهنيج عليها لوول

سويرة إنتي دمج عسسسل
وفصلتج عسسل

ويللا ناطرين الأخبار الساارّة : )

طلال يقول...

هههههههههههههههههههههههه

وربي شعرك فلللللللللللللله

ذكرتيني بشعر نزار قباني بس يفرق عنك في بعض الجمل...!!!!

والف مبروك على الفكه من الاختبارات وعقبال التخرج

بس القول شيييييييي يفكر يسويه اذا لعب مع ربعه..

Engineera يقول...

لووووووووووووووووووووووول

عجيب الشعر

مبروك الفكه من الامتحانات وانا افتكيت منهم امس الحين بسوي نيو لووك اذا نجحت بماده فبالي لوول احتفالا

بوست عجيب

طموحة مملوحة يقول...

SHAHAD



يابعد خشمي والله محاولة عبيطة والله لووول

نطري الاحبار جريب ان شاء الله

طموحة مملوحة يقول...

طلال

تشكرات خيوووو :)

طموحة مملوحة يقول...

Engineera


ان شاء الله كلنا نحتفل يارب :)

غير معرف يقول...
أزال أحد مشرفي المدونة هذا التعليق.