2009-02-07

عدنا والعود أحمدوووو








السلام عليكم ورحمة الله وبركاته ..


لقد عدت ولله الحمد ..



ماخليت أحد مادعيت له والله ... قلت : (( يارب توفق جميع المدونين والمدونات الطيبيين منهم والطيبات الأحياء منهم والأموات ))

دعيت للكل بكل خير يارب ويرزق كل واحد على قد نيته يارب ...




طبعا طبعا البوست راح يكون عن رحلتي الشيقة الي ماخلت من المواقف العبيطة والمواقف الي تبجي والمواقف الي خلتني أسد مو سارة



بداية سحرتني مناظر الجبال الي خلتني متنحة طول الوقت أتأملها بشيء من الفرح الغير طبيعي والله














هذي بعض الصور الي التقطتها هناك وراح اذكر بعض المواقف الي شفتها والي كتبتها بمخي قبل ما انسخها بمذكرتي ومن بعدها لمدونتي العزيزة الي اشتقت لها كثير كثير ... مرّة مرّة :)
كتبت كذا مقالة هناك وراح اكتبهم في المدونة مستقبلا ان شاء الله :)
في البداية لمن رحنا هناك وبقول الموقف ادري بتلوع جبودكم بس هذا الي صار .. صكني امساك مو طبيعي فراح واحد من اهلي الصيدلية اييب لي دوا... كليت حبة ... ماكو فايدة حبتين .. هم ماكو فايدة، رحت الصيدلية مرة ثانية خذيت حبوب نوع ثاني حبة وحدة وحياتكم غيرت مجرى حياتي بالكامل وقتها ماخلوني اروح اصلي بالحرم لأني لمن كنت اتسوق مع بنات عماتي فجأة صرخت (( حماااااااااااااااااااااااااااااااااااااااااااااااااااااااااااااااااااام)) فشلتهم الله يقطع ابليسي لوووول ...










هذي الصورة عجبتني لأنها تدل على صدع جيولوجي ، بعدين سألت خالتي كان في زلازل بالسعودية ؟ قالت لي لا ... قلت شي من الاثنين يا ان هذا بفعل زلازل قديمة جدا جدا جدا ، أو انهبفعل انسان وخاصة هناك وايد يردمون الجبال بصراحة .






خلصنا من صلاة الظهر بالحرم وردينا غرفنا فقاعدة العب بجهازي ولا اقول خل اسوي دقة على مريم بنت اختي الصغيرة دام خطي السعودي ماتعرفه ، وكانت الدقة كالتالي :
مريم : ألوووو
أنا : الوووو سلامووو عليكوووو !!!
مريم بشيء من التردد: وعليكم السلام !!
أنا : مريم الـ... ؟؟!!
مريم : اي انا مريم
انا : مبروك يا مريم ربحتي ميت دينار مامرين اندهيلي مامتك بسرعة..
اهي راحت تركض وانا وخواتي بطيناها ضحك واسمعها تقول: خالتي خالتي ربحت 100 دينار وحدة مصرية تبي امي ...
اختي كلمتني وانا طبعا قاعدة اشهق من الضحك جان اقول لها امانة خليني اكمل الدقة جان تضحك .. واسمعها تقول لمريم : تقول جاوبي على السؤال ونعطيج ال100 دينار ، جان ترد مريم مرة ثانية : الووو
انا : ايوة يا مريم جاهزة للسؤال ؟
مريم : اي جاهزة .
أنا : ما عدد سكان جمهورية مصر العربية :P؟؟
واسمعها تقول لأختي : تقول عدد سكان مصر العربية الجمهورية لووول ، ممكن تعيدين السؤال ؟؟
عدت السؤال لها، جان تقول لها اختي اجابة عبيطة ردت علي مريم تقول : 35 قرش .
انا هني بطيتها ضحك ... من قلب كااااااااك
جان ارد عليها : لأ يا مريم غلط !!
جان ترد بسرعة : زين 45 قرش؟؟ انا ضحكت حدي هني جان اقول لها يالصيدة كاااااااك
يقولون بققت عيونها وانصدمت واختي عندي تزف : حرام عليج شسويتي ببنتي ؟؟








ماصورت الا جم صورة للحرم وكانت مهتزة خو ماشاء الله انا حدي خبرة بالتصوير، فماحطيتهم هني بصراحة :( مع ان الحرم يهبل وقت الليل اخييي اتنح حدي والله هناك ، الشي الي ماكنت احبه هناك ... اني لمن كنت بالحرم اطوف حول الكعبة كانوا وايد هناك يخزون ويقولون غطوا ويهكم ... زين انتو ليش تخزون ؟؟ وايد ناس قاعدة تأدي واجباتها ومالها شغل بغيرها وبعدين شف الويه مهم وقت العمرة اول يوم خاصة .
ولمن طلعت من الحرم قاعدة امشي مع اختي رايحين الفندق ولا مطوع من بعيييد يخزني خز مو طبيعي ولمن مر يمي جان يقول الحجاب يا مرة غطي وجهك ... جان اقول له : انت لف ويهك ولا تخز وكل شي يصير تمام . جان يعطيني ذيج النظرة ... الي كلها علامات استفهام .. واختي اخترعت حدها . استغفر الله احنا رايحيين حق الله مو علشان خزني واخزك استغفر الله.

أنا وبنت عمتي كنا بيوم نصلي الفجر وخلصنا بعدها صلينا الشروق وقالت لي انها عازمتني على ريوق بستار بوكس قلت افا عليج سارة ماترد اكل :p وخصلنا أكل وقاعدة تقول لي عن انواع الكتب الي تقراها وتشاركنا الافكار .. مع انها اصغر مني ب سنوات الا اني تأقلمت معاها لأنها تقرأ كثيرا وانا أحب الي يحبون الكتب بصراحة ، فقلت لها اني يايبة مجموعة كتب واهي بعد وتبادلنا الكتب وتناقشنا على موضوع راح اسوي بحث عليه بالنت واحصل لي معلومات وايدعنه علشان احطه بالمدونة هني :)

شرايكم ؟؟؟ حلوين ؟؟؟

اذا احد شاف منهم بالكويت يليت تقولون لي لأنه شاريته غالي من هناك والله وكنت ناوية اشتري اكثر بس خواتي ماخلوني وقالوا صرفي فلوسج على شي يسوى فشريت هالمجموعة بدون مايدرون وحطيته عند بنت عمتي أمانة :) ووريته امي حدها استانست عيال اخوي تهاوشوا عليه جني يايبته حقهم ... صرخة وحدة مني خرعتهم وحطيته عندي الحين جدامي علشان ازيد من السعادة الي داخلي بالتأمل فيهم :)

خل اقول لكم موقف صار لي بالمدينة المنورة ، كنت اتمشى مع اختي بعد صلاة العشى في احدى الاسواق هناك ... وطبعا بتقولون سارة تقول ما حب السوق وطيحة هناك ؟؟ والله شسوي خواتي قاعدين يشترون لي أنا اقعد واهم يختارون هذا حلو هذا حلو ؟؟ وانا كله : اي اي اي حلو حلو حلو اي اي حلو اي >>>>> يعني مغيرة الأخت . المهم ، وانا امشي مع اختي ولا 4 بنات واقفين ، ووحدة منهم تخرني من تحت لي فوق ، جان ابتسم بويهها ولفيت ويهي ولا اسمع الي تقول : ويـــــــع ويـــــع شفتي ويهج يالجيكرة !!؟؟

جان ابطها ضحك هني ، اختي تقول هذي تحاجي منو؟؟ تعرفينها ؟؟؟ قلت لا والله ماعرفها مادري شفيها تخرني جان ابتسم لها بس :) عيل لو خازتها ومتهاوشة معاها شسوت ؟؟ لووول المهم طلعت الأخت كويتية استغفر الله حتى هناك خزني واخزك ... بنت عمي تقول : جان قلتي ويع ويهج ؟ قلت لها : لا انا ابتسامة مني حطمتها لووووول !!! >>>> سارة بسج بسج

تتوقعون شنو داخل هالصندوق ؟

انا شاريته من محل المجوهرات ... شغلى احبها حييييل والي متابع مدونتي راح يعرفها !!!!

البوست الثاني راح اوريكم شنو هالشغلة الي سحرتني وخلتني اقعد سنة بالمحل اتأمله وأتأمل الي مثله ... حدي تنحت والله :p

يالله اعذروني على اي شي غلط طلع مني ترا كلنا بني آدم ، كلنا نخورها ، سامحوني على ازعاجاتي الكثيرات ...

34 comments:

طموحة مملوحة يقول...

ياحلوج ياكويت والله اليوم بعيد عنج سنة :) أحبج ياكويت

قانونى كويتي يقول...

الحمد الله على السلامة

وتحياتنا لج

وبعدين خوش صوغة يبتيها معاج

:))

منطلقة بطموحي يقول...

الحمد لله على سلامتج اختي سارونة :)

و بخصوص الهدية ، اتوقع انها ألماسة على شكل حشرة ;p

أما الموقف الاخير اللي خزتج لوووووول إبداع :)

:)

kuwaitawy يقول...

مقبوله مقبوله مقبوله



وحمدلله عالسلامه



:)

طموحة مملوحة يقول...

قانوني كويتي

الله يسلمك يالغالي لا يايبة وايد لو اكتب عن كل شغلة يبتها ما اخلص والله :p

طموحة مملوحة يقول...

منطلقة بطموي


قريت شوي بس انا ما احب الالماس :p

طموحة مملوحة يقول...

كويتياوي

مشكور وايد شلونك اخوي من زمان مامريت مدونتي يالغالي :)

mo3ath يقول...

الحمدلله على الصلامه وتقبل الله ظاعتج

اتوقع الهديه تحفه من الكوارتز :)

طموحة مملوحة يقول...

معاذ ..

خلك على اجابتك البوست الياي بنعرف شنو اهو :p

Fashionista يقول...

حمدالله عالسلامة حبيبتي و تقبل الله طاعتج :*

Funny Q8i يقول...

الحمدلله عالسلامة :)

وتقبل الله طاعتج

بعدين انتي بالحرم و"تجذبين"!!!

ادري غشمرة بس ما اعتقد انها خوش سالفه "بالحرم"!

بجم شريتي برواز الحشرات؟

وتحيّاT

Paris يقول...

الحمدلله ع سلامتكم
:)
تقبل الله طاعتكم

bof-10 يقول...

يتقبل الله طاعتج
والمدلله على السلامه
والله يعطيج على قد نيتج
وانشالله ربي يفرحج ويفرج همج

=)

ومشكوره على الدعاء للبلوقرز =)

Enter-Q8 يقول...

الحمدلله على السلامة و عمره مقبوله ان شاء الله

الكوارتز اكيد

حياتي هدف مو عبث يقول...

أهلاً أهلاً

تقبل الله منج والحمدلله على السلامة
واممم الكوارتز غشيته من يسار مدونتج
:p

TruTh يقول...

الحمدلله على سلامتج و عمرة مقبولة ان شاء الله

بـنـت بـطنـهـا يقول...

لووووووووول انا ما خلاني اغشي من الضحك إلا 35 قرش .. انزين 45 قرش لووووووووووووووووول حسبي الله على بليسج

الحمدلله على سلامتج يا قلبي وتقبل الله طاعتج بس كله بصوب والحبوب اللي اخذتيها بصوب لول

طموحة مملوحة يقول...

Fashionista

الله يسلمج يالغالية :)

طموحة مملوحة يقول...

Funny Q8i

لاخوي انا ماجذبت والله ... السوالف الي انذكرت بالموضوع كان برا الحرم طبعا.. داخل الحرم شي ثاني ..

بس على سالفة تغطية الويه هذي صج استغفر الله بس قاعدين للحريم غطي ويهج غطي ويهج خلاص ...

طموحة مملوحة يقول...

Paris

منا ومنج صالح الاعمال يارب :)

طموحة مملوحة يقول...

bof-10

طاعتنا وطاعتك يارب ... على فكرة ترا دعيت لك انت بعد يا طموح :)

طموحة مملوحة يقول...

Enter-Q8

انتظر الحلقة القادمة :p

زين ماحطيت على السؤال هدايا جان فلستوني لوووول

طموحة مملوحة يقول...

حياتي هدف مو عبث

هلا والله بالغالية .. انتظري ا اخيتي :p
راح احط صور وايد له من كثر ما حبيته .. اخيييييه

طاعتنا وطاعتج يالغالية :)

طموحة مملوحة يقول...

TruTh


الله يسلمج حبيبتي الغالية :)

طموحة مملوحة يقول...

بـنـت بـطنـهـا


لوووووول والله كانت مستانسة المسكينة على بالها صج لوووول ...
اي والله ماراح انسى هالمواقف الصعبة :p

bof-10 يقول...

awwwwwwww....thxxxxxx sooo much =O !!
im shocked !!

wow ...wallah thaaaax


allah la ya7remna men 5aireeech ya rab

طموحة مملوحة يقول...

بعد خشمي والله تشكرات :)

5ayrhaa يقول...

تقبل الله

Alikingkw يقول...

الحمدالله على السلامة

في خنفسة من الخنافس صدتها يوم صغير بس خالي خوفني فيها وقال انها سامة وكيت وكيت واقتنعت بكلامه فقطيتها

كاريكاتير يقول...

مرحبا

تقبل الله طاعتج وشكرا على اختيارج احدى رسوماتي رسمة الاسبوع..

الرحلة إلى البيت الحرام رحلة فعلا دائما تكون مثيرة خصوصا بالسيارة..

ياحظج

طموحة مملوحة يقول...

اخوي علي

مو كلهم ساميين ترا :)

طموحة مملوحة يقول...

اخوي بدر


صاج والله وخاصة انها مع الاهل الي كاشوفهم الا مرة وبالمناسبات بصراحة كانت تجربة حلوة حدها ..

طموحة مملوحة يقول...

خايرها


منا ومنك الح الاعمال يارب

غير معرف يقول...
أزال أحد مشرفي المدونة هذا التعليق.