2009-02-15

ليحل السلام عبر الكارتونز ...


جل اهتمام الطفل الى تقليد الشخصية التي يحبها من الكارتون الذي يتابعه باستمرار ، هذا الشيء ليس جديدا علينا ياطموحة !! ، أعلم فجميعنا كنا نبحث عن الشخصية الكارتونية التي تعبر عن شخصياتنا ،لتأتي شخصية جديدة تجعلنا نتخلى عن التي قبلها ، لتتغير شخصياتنا من الطفلة الفقيرة البريئة الى الثرية المدللة ... و.. و.. الخ
ولكن ما نوعية الشخصيات التي يفضلها الأطفال اليوم ؟
تدور أحداث مسلسلات الكارتون اليوم عن انتصار الخير وقهر الشر ، ولكن هناك العديد من المسلسلات القديمة التي كانت تتحدث عن مثل هذا المضمون ، أعلم ذلك أغلب المسلسلات الكارتونية تحتوي على عنصري الخير والشر ، ولكن كي ينتصر الخير لابد له ان يحارب ويدمر للوصول للخير .
مسلسلات الكارتونية السابقة كانت تعلمنا الصبر ، الحكمة ، التحكم بالنفس ، محاولة البحث عن الطموح بنظافة والابتعاد عن المشكلات ،البحث في العقل ، أشياء كثيرة رائعة تعلمناها من هذه الرسوم البعيدة عن الخيال المشوش كالتي نراها اليوم .
ومن الرسوم التي حببتني بالبحث عن الطموح :
* العم وحيد
*نوار
*مخلص صديق الحيوان
* رحلة عنابة (( جيولوجيا )) :p
* سالي
للأسف عرضت هذه الرسوم على الاطفال مرة وقد انسجمت مع الاحداث ولكن وعند نهاية المسلسل لم اجد احدا بجانبي ملوا بسرعة منه أعلم أن لكل زمان اهله ولكن كيف سيكون عالمهم من بعد أبطال الديجيتال ؟
مهمة عقل الطفل اليوم هو التدمير دائما ، فقد حُلل التدمير للقضاء على الشر ، فدائما مانجد الطفل يلعب مع اقرانه لعبة القضاء على الشر تأتي عن طريق السلاح والقتل والتعذيب والتدمير .
الطيب يقتل الشرير ولكنه لا يحاسب على قتله نفس بشرية (( الشرير)) ، البطل دائما على حق.
أحيانا ينبع الشر من ردة فعل مجتمع طيب يتغاضى هذا المجتمع عن مشكلاته، تتراكم هذه المشكلات فيتكون الشر الذي مل من هذه المشكلات وطبق مقولة (( خالف تعرف )) وهنا الشر تكون المعارضة فقد عارضت هذه المشكلات عن طريق مخالفة الناس التي هي راضية عن وجود هذه المشاكل ، ويقوم الطيب بقتل كل الاشرار ليعود السلام من جديد متغاضيا عن المشكلات مرة اخرى ، كالذي يضع غطاء على جرح دون معالجته .
لماذا لا تعتمد المسلسلات الكارتونية اليوم على حل المشكلات بدلا من القضاء عليها ؟ لماذا لا تحل بدبلوماسية وذكاء ؟ لماذا لا يقف الطيب ويناقش الشرير ويحلا القضية بودّية ؟؟ كي يتعلم الطفل فن البحث عن الحلول المناسبة بدلا من خيار القتل والابادة ..!!
فلنتخيل لو ان كل طفل حاول حل مشكلة ما بالعقل كما يفعل أبطال المسلسلات الكارتونية لاتبع الطفل الكتاب واستخدام لغة الحوار وتعلم مساعدة الاصدقاء ، تماما كما الأطفال الذين يتأثرون بشخصيات التحري والبحث عن الجريمة ، دائما ما أجد هؤلاء الاطفال على بحث متواصل وحبا للتطلع والقراءة .. فدعونا ننشئ جيلا محبا للسلام عبر البحث والقراءة واكتشاف الافكار بدلا من الابادة بدون أي تفكير .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من خلال متابعتي مع شقيقاتي لمسلسل وادي الأمان كنت أخاف من حلقة الباردة وكنت ابكي طوال الليل من هذه الحلقة ، وذات مرة تصفحت باليوتيوب أبحث عن هذه الحلقة لم اتوقع بأني سأكون جبانة ، فعندما تابعتها واتت اللقطة التي تأتي فيه الماردة اقشعر جسمي وبدأت أضع الغطاء على رأسي من الخوف ، لم أتوقع بأني سأخاف منها من جديد ظننت أنني كبرت ولكني لازلت صغيرة :p ..
هذه هي الحلقة التي أرعبتني :) اذكر ان صديقتي اتصلت علي فاجبتها : منووووور !!!
_ شفيه صوتج ؟ سارووو في احد زافج ؟
_ يمااااااي منوور الباردة خرعتني توقعت ماراح اخاف منها لأني كبرت والله خايفة .
لوووووووول


ـــــــــــــــــــــــــــــــــــــــــــــــــــــــــــــــــــــــــــــــــــــــــــ

اعلم أني متأخرة في ذلك ولكن هذا الرابط الذي يتحدث عن منظمة ال AAPG فرع الكويت ، أعلم لا جديد فيها لأننا لازلنا في البداية ولكن هناك العديد من الأنشطة والمخططات التي خططنا لها مستقبلا والحمدلله فالشركات الأجنبية تدعمنا ونتمنى التقدم أكثر:)

هذا هو الرابط :)

http://geokwt.blogspot.com/

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأخيرا .. أتمنى من الجمع الدعاء لوالدي العزيز بالشفاء العاجل ، هو معي الآن ولكنه مريض جدا ، فقد انتشر المرض بكافةأنحاء جسمه .

أسأل الله العظيم رب العرش العظيم أن يشفي والدي

أسأل الله العظيم رب العرش العظيم أن يشفي والدي

أسأل الله العظيم رب العرش العظيم أن يشفي والدي

أسأل الله العظيم رب العرش العظيم ان يشفي والدي

أسأل الله العظيم رب العرش العظيم أن يشفي والدي

أسأل الله العظيم رب العرش العظيم أن يشفي والدي

أسأل الله العظيم رب العرش العظيم أن يشفي والدي

63 comments:

حياتي هدف مو عبث يقول...

أنا أحب ليدي ليدي واايد :*
ودي لو كانت صجية
ودي أقعد معاها أسوولف
أحبها :)


ساررونة قلبي عوورني :(
الله يشفي أبووج يارب ويبعد عنه
المرض ويرزقة الصحة أميين يارب العالمين
لا تنسون الصدقة مثل ما قال الرسول صلى الله عليه وسلم
طمنينا علية لا تنسين
الله يحفظة ياااارب ياارب

Fashionista يقول...

ما يشوف شر الوالد حبيبتي :**

قانونى كويتي يقول...

سلامات وما يشوف شر الشر

اجر وعافية يا رب


والله يشفى ابوج يا ري

والله يشفي ابوج يا رب

والله يشفي ابوج يا رب

صج قلوبنا مع ابوج وما يشوف الشر


والله يحفظه لكم يا رب ويبقى منور عليكم البيت

أحمد الحيدر يقول...

أعجبتني جدا هذه التساؤلات :

لماذا لا تعتمد المسلسلات الكارتونية اليوم على حل المشكلات بدلا من القضاء عليها ؟ لماذا لا تحل بدبلوماسية وذكاء ؟ لماذا لا يقف الطيب ويناقش الشرير ويحلا القضية بودّية ؟؟ كي يتعلم الطفل فن البحث عن الحلول المناسبة بدلا من خيار القتل والابادة ..!!





لكن السؤال الأهم ماذا يحدث لهذا الطفل عندما يكبر ويرى الشر من حوله ينتصر على الخير ؟؟؟
___

بالنسبة للخوف من حلقة وادي الأمان أعتقد أنها من رواسب الطفولة الجميلة .. وكلنا نحتاج إلى الخوف احيانا :)

أحمد الحيدر يقول...

وسلامات للوالد العزيز نسأل الله له الشفاء العاجل ..

ZooZ "3grbgr" يقول...

الله يشافيه ويزيل عنه المرض والالم ويطلعه من هذا الابتلاء على خير يارب

خليكم معاه والله يآجركم ويآجره

Ahmad يقول...

اي ولله صدقتي يا سارونه .. كارتون هالوقت صار كله ذبح مذابح ..
لا و الي يبط جبدي .. انه لمن الطيب يذبح الشرير ما يودونه السجن او يحاسبونه .. صج كارتون ماكو منطق

بس كارتون وادي الأمان مو طبيعي .. و انا كنت اخاف من الباردة حييل .. كانت تخرعني صج ..
و ما كنت احب * مي * كلش .. شكلها قبييييييييح تبط الجبد تصرفاتها ..

موضوع رائع كالعاده منج يا سارة ..

اي صج .. و الله يشفي الوالد يارب ادعيله من كل قلبي انه يتشافى يارب ..

Hashimoto يقول...
أزال المؤلف هذا التعليق.
Hashimoto يقول...

كان عندي لعبة عم وحيد .. بس ضاعت T_T

وادي الامان .. من انا كنت صغير واغنيته تسببلي الاحباط

ترى ليليحين يوم اشوف القدم يرجعلي نفس الاحساس الي كنت احسه يوم كنت صغير

Ducati يقول...

بصراحه كلامج صح والفرق واضح بين جيلنا والجيل اليديد

احنا اخذنا الثقافه والمنظور الصح والمفيد من افلام الكرتون الي كنا نتبعها

اما عيالنا فسلامتج بس يبي يكسر ويطق

وعلى قولت عيال خالتي تعال خل اعطيك الضربه القاضيه

:)

والله يشفي الوالد وانشالله ماكو الا الخير

العرزالــــــه يقول...

عسى الله يشافي الوالد ويآجركم وياه

اخر الاحزان انشالله

طموحة مملوحة يقول...

حياتي هدف مو عبث


وييع ليدي كانت تبط جبدي لووول دلوعة حدها ودلعها ماسخ لوول حتى كنت اتهاوش مع اختي عليها لووول اقول لها اهي مليقة تقول لي لا لوول

ابوي فديته والله متضايقة علشانه والله

طموحة مملوحة يقول...

Fashionista


تسلمين يالغالية اشكرج :**

طموحة مملوحة يقول...

قانوني كويتي

اشكرك يالغالي على مشاعرك الطيبة ..

اللهم آميين

طموحة مملوحة يقول...

أحمد الحيدر

اتوقع الطفل لمن يكبر ويشوف لي حوله الشر اهو الي يعم راح ينحدر تحتهم ويحمل شعاراتهم واهو مايدري شنو طبختهم وشنو اهدافهم ..

اشكرك أخوي على المتابعة

طموحة مملوحة يقول...

ZooZ "3grbgr"

بكون وياه ان شاء الله مشكوة يالغالية ..

طموحة مملوحة يقول...

Ahmad

اي والافلام الهندية طبقت الشي البطل ما دش السجن ويتزوج حبيبته وجثث بذمته لوووول


اي مي اول على بالها انها بصلة لوووول تبط الجبد صج غثيثة ولزقة اوووف الحلقات الي تي اختها تاخذها استانس تفكنا من حنتها شوي لوول

طموحة مملوحة يقول...

Hashimoto


لوووول ماتيييك حالات وانت تطالع الباباي تتخيل الجو الي كنت صغير . يعني مثلا الاثاث شنوكان ووي كنت تطالع هالباباي؟؟

والله ذكريات صراحةمو طبيعية ساعات ابج احس ابي ارد ياهل

طموحة مملوحة يقول...

Ducati


لوووووول ضحكوني .

لا والله صج كن براءة والشيطان فينا اوووف هذا طفرة .. عكس لحين الهادي اهو الطفرة لووول .. سبحان المغير

طموحة مملوحة يقول...

العرزالــــــه

يزاك الله خير أخوي :)

قانونى كويتي يقول...

اتمنى اليوم صحة الوالد تكون ابخير

واحسن من امس

وسلامات وما اتشوفون الشر

تحياتى

محمد سعد القويري يقول...

الأخت " طموحة مملوحة"
عالم الأنيمي والكرتون عالم واسع ..
وأظن حسب خبرتي المتواضعة أن هناك نوعين أو ثقافتين انتشرتا .
ثقافةالكرتون اليابانية وثقافة الكرتون الأمريكية ..
فهاتين الثقافتين لهما حضورٌ قويّ ..
وكلتا الثقافتين لا تمثلاننا ولا تمثلان فكرنا ، لذا يتوجب علينا باستمرار توجيه أطفالنا أثناء متابعتهم ..
وحتى أكون منصفًا بعض الأنيمي أو الكرتون تدعو إلى قيم جيدة : مثل تحديد هدف في الحياة ، التعاون ، زرع الثقة ..
أما كرتون الخير والشر لإاظنهمضيعة لوقت الأطفال
يبدو بأنني أطلت في التعليق فأعتذر ..
تحياتي

محمد سعد القويري يقول...

أسأل الله أن يعافي والدك
وأسأل الله له الشفاء العاجل

اللهم آمين

حياتي هدف مو عبث يقول...
أزال أحد مشرفي المدونة هذا التعليق.
طموحة مملوحة يقول...

اولا أحب اعلق على الي راد بنك حياتي هدف مو عبث ...


ان شاء الله يومك قبل يومه قول آمين .. ومشروع الذهب حطه بقبرك خل ينفعك ..

ماحط التعليقات المنحطة :)


وحياتي هدف مو عبث تاج راسك المفروض ماتاخذ نكها تبي تشوه سمعة البنت ؟؟ احن نعرفها زين روح العب غيرها يالله تت ماحط تعليقات ناس فقيرة اخلاقيا :p

طموحة مملوحة يقول...

اخوي محمد

احنا مانقدر نمنع الاطفال بس نقدر نوجههم ، يعني مانقدر نقول والله علشان الرسوم يابانية ولا امريكية وهي دخيله خلاص نقاطعها ، وفعلا على كلامك في رسوم توجيهية رائعة ..

أشكرك أخوي واخذ راحتك بالرد والتعليق:)

طموحة مملوحة يقول...

قانوني كويتي

يعطيك ألف عافية أخوي أبوي الحمدلله بخير ، وراح اطمنك ان شاء الله بين فترة وفترة ماقصرت وكثر الله من أمثالك .. :)

Enter-Q8 يقول...

عسى الله يخفف عنه و يشفيه ان شاء الله

طموحة مملوحة يقول...

انتر كويت


يعطيك العافية اخوي

قانونى كويتي يقول...

بالعكس ما سويت شى يذكر

وهذا واجب علينا تجاهج

وتستاهلين كل الخير

وما يشوف شر الوالد

تحياتى

روح المحبة يقول...

أنا أحب سالي وليدي ورجل الظل واهم شي توم وجيري^^ ..وايد أشياء
كانوا حلوين^^
فيهم رومانسية وتصرفات "بنات" كالملكات والأميرات
وفيها قيم رائعة
ويكفي انهم كانوا رسم يدوي
مو الحين
كل شئ كمبيوتر شي يبط الجبد :(

دعواتي وتمنياتي للوالد بالشفاء العاجل .."داوو مرضاكم بالصدقات:)".

طموحة مملوحة يقول...

روح المحبة

صح كلامج يالغالية:)

الله يسلمج حبيبتي

عفره يقول...

أمووت على سالي وللحين اذا طلعت اتابعها ولا أمل
وهم أحب أكثر جودي أبت هاااذي صج صج صج لو أشوفها باليوم 10 مرات ما امل

اذكر اول لما كنا يهال لما نتيمع انا وبنات خالتي نقعد نختار منو سالي فينا ومنو أنسه منشن ومنو ذيك الشريره وكلنا نتهاوش على سالي ونصدق اعمارنا نعيييش الدور


الله يشفي ابوووج ياارب و ان شااء الله تكفير ذنووب ويحفظه لكم ويخليه اللهم امين

كبرياء وردة يقول...

انا كنت ولازلت احب ليدي وتوم سوير

مايشوف شر الوالد:(
الله يشافيه ويرزقه الصحة والعاقية ويطول بعمره

طموحة مملوحة يقول...

عفرة


اي صح جودي امبي كنت ابجي بالبيت اقول لأمي بدش مدرسة داخلية لوووول مصدقة حدي انه وناسة مثل الباباي ..

الله يسلمج عزيزتي :)

طموحة مملوحة يقول...

كبرياء وردة

الله يسلمج يالغالية :)

SHAHAD يقول...

الله يشاافي الواالد يااارب
ويرزقه بالصحه والعاافية
أمانه حبووبة طمنينا عليه
قلبي معااج ..

وبالنسبة للكارتون هالأياام
والله ذاك اليوم حطوا بباي صاحب الظل الطويل .. يووه شنو استاانست
ونااديتهم تعاالوا طالعوا معااي
قعدوا شوي وإلا يضحكون .. يقولون مليق !

يمكن من الأشياء الي طلعت حلوة عندهم كونان .. يعني في تشغيل مخ وتحليل وتفكير
أما الديجيتال وربعه .. حده خراابيط وذبح ومذابح !

أما واادي الأماان
لووول حده عجييييب
دايما الأشياء اللي نخاف منها من صغرنا تظل معانا لما نكبر ..
حاولي تطالعينها وقوي قلبج مع ديوو لووول : )

طموحة مملوحة يقول...

شهودة

شلونج قلبي؟

امبي لووول من صجج ؟؟ كل افلام الرعب والله العظيم ماتخرعني ايي عند بباي أخق ؟؟ حدي مادري شلون لووول
اي على كونان صح اهو حلو بصراحة بس هم موكل اليهال يحبونه . .. وصاحب الظل الطويل امبي تصدقين احمد ربي اني كنت بهالزمن لأن هالرسوم كانت بريئة وحلوة مو الحين كل شوي طالعين لنابباباي فيه سوالف مو حلوة والجاسوسات الثلاث كلهم يفكرون بالشباب والترقيم ماكو شغل لوووول

Kuwait يقول...

الله يرزق ابوج الصحه والعافيه ..
ربي يشافيه مما فيـه ويعطيه طولة العمر يارب ..

طموحة مملوحة يقول...

كويت

الله يعافيج يالغالية ..

صبا يقول...

ييت بعلق على الموضوع وضاق خلقي بالاخير

الله يشفي والدج يارب
ويشفي جميع المسلمين انشالله
والمرض ما يعرف لا صغير ولا كبير
عسى الله يحفظه ويطول بعمره يااااارب
ويخليه لكم
وطمنينا عليه وعن حالته وانشالله
يكون احسن
:***

حبيبتي
ما تشوفون شر
:**

Eng_Q8 يقول...

ماكو على جرندايزر و جونقر والرجل الحديدي والاميره ياقوت وسنان

بصراحه الحين ماكو غير كونان عجيييب :))


الله يشفي الوالد

اجر وعافيه انشالله

طموحة مملوحة يقول...

صبا مشكورة يالغالية يعطيج العافية :)


يالله ابيج تعلقين على الموضوع :)

طموحة مملوحة يقول...

مهندس كويتي ..

اي والله صاج لوووول تذكرني بأخوي كان يحب يشوفهم لووول لا ولا رانزي المدهشة ورنا لوووول يضحكون ..
أخوي كان كل ما تخلص حلقة كابتن ماجد يقوم يكوفنا انا واختي ويطقنا مادري ليش لوووول

just a bunch of thoughts يقول...

اول شي سلامات ما يشوف شر الوالد الله يشفيه و يصبره ويصبركم و يآجره و يآجركم، آمين.

البوست واااايد حلو ... ما اجمل العودة للطفولة. و معاج حق، غالبية الانيمي هالايام خالي من القيم و الاهداف النبيلة. بس هم كرتون ايام اول ما كان ملائكي دايما! يعني امثال غراندايزر و ربعه و هالسوالف بس الكل يموت عليه. يعني مو كل كرتونات اول 100% زينة بس اهي وايد احسن من الحين. و بعدين انا ماقدر احكم قبل ماشوف .. يعني يمكن في كرتونات حالية هادفة و زينة و مادري عنها .. او يمكن محد يحطها P:
ضحكتيني عاى سالفة الباردة! بنت خالي هم كانت تخاف منها! بس ماني ذاكرتها عدل (ليلحين ماشفت الفيديو) بس ببالي حلقة كانت تخرعني شوي ... يمكن هذي اهي اللي تقصدونها!
و انا صار لي موقف مشابه بس خرعتي قلت( بس مااختفت كليا)، وهي حلقة سندباد و التمثال اللي يتكلم! لوووول شنو كنت اخاف من هالحلقة لمن كنت صغيرة! بس ماقدر اكرهها! ماقدر اطوفها!
بس انا مو مثلج انا كلش مايبين على اني مخترعة! حتى و انا بروحي! لووول
بس الحين عادي اشوفها و جنه العيد بس ماانكر .. الاحساس داخل قلبي يظل!
شي يحير .. لأني حتى انا، كل افلام الرعب ماتخرعتني!! اخترع من صور متحركة؟! لووول

just a bunch of thoughts يقول...

بس شكو رحلة عنابة و الجيولوجيا؟؟ احسها اكثر ويالاجتماعيات و التاريخ! عجيبة عنابة ... سنطير! سنطير! لوووول

"ماوكلي" كان اكثر شخصيه اتقمصها لوول و حتى "كابتن ماجد" !! شكو كله صبيان!! لووول توني استوعب!


حياتي هدف مو عبث:

اي والله وناسة حتى انا ابي اسولف مع "لين"! D: تونّس!!

طموحة مملوحة يقول...

قاعدة اقرا واضحك على ردج والله لووول .. اي عنابة ادري مغامرات بس فيها حلقات ديناصورات وحلقة البركان الي صار بمدينة بومباي .. فحسيت انه اقرب للجيولوجيا وايد لووول ..

اي غرندايزر وكابتن ماجد وعدنان ولينا لووول يذكرني بولد عمتي كان يحب يقلدهم وايد حتى لمن رحتالعمرة شفته قلت عبود والله كبرنا متى شفتك آخر مرة ؟ جم كان عمرنا ؟ جان يقول والله ماذكر متى وجم كان عمرنا بس اذكر اني طقيتج لووول ... وللحين كبر وحركاته مثل حركات عدنان والببايات الي كان يطالعها لووول ...

سالي كانت تكسر خاطري اقعد ابجي ليش جذي على سالي ؟. حرام عليهم ماعندهم قلب ؟ لووول وليدي كانت تغثني لووول كنت اقول انا اختها سارة واختي اهي ليدي :p فنقعد نحر بعض اقول لها ليدي المليقة الدلوعة تقول عدال سارة دمها ثقيل ومايحطونها وايد من ملاقتها لووول ، ولا ساندي بل اخييي شنو حبيت الصحافة منها ... حدها طموحة :p

اخييي والله ايام ... لا وقناة الكويت كانت بالحيل تحط بابايات يعني اي باباي نحصله لو شنو كان نطالعه لووول فقر مو مثل الحين قناة خاصة حق الرسوم المتحركة ... لا وكانت قناة الكويت لعانة اذا في مؤتمر ولا شي يقطعون نص الباباي وينقلون الحدث اخ لا تشوفين اسبهم سب ...
والله تعالي مرت عليج لوليته باباي الجواتي وانتي بكرامة كانو يحطونه بعد الفطور برمضان ...

امبي تذكرت مرة اخوي ياي يصارخ يبت لكم باباي حلو بسرعة سارة روحي ييبي الفيديو سمر ييبي الوايرات .. شيماء ركبي البلاكات واحنا حدنا مستانسين وناسة وناسة وآخر شي ولا يطلع الكابتن ماجد نصرخ وييييييييع لوووول دقات والله الحين اخوي كبر ومتزوج وللحين يطالع هالببايات .. انا ماكنت اطالع سنبدباد وايد بس كنت اخوف من العيوز البطة تبط جبدي الساحرة .. وفي حلقة الاسد الحجري الي يلحقهم لووول ..

كويتي يقول...

هذا بسبب دخول اهداف تجارية تفوقت في تاثيرهاعلى القيم الاخلاقية

و اصبح منتج هذا او ذاك المسلسل يتبع ذوق العامة بل و ينصاع له بعد عكس ما كان سائدا في ما مضى .

طلال يقول...

بصراحه انا كنت من عشاق سالي

يعني كنت احبها لدرجة الجنوووون

وش اسوي من عمري وانا قلبي خضر..

حتى كنت اغار عليها من بيتر..!


وفيه عاد الباقي عدنان ولينا وهايدي مع جدها

اه يازين ذيك الايام ..

بس من جد ضحكتيني اجل الى الحين تخافين..؟

ومشكووره ياطموحه على الذكريات الحلوه

والله يشفي والدك انشالله ويبعد عنه المرض..ومثل ماسمعت ان الصدقه تنفع للمريض وخاصه للمحتاجين واهم شي انك بعد ماتعطين الصدقه للمحتاج لاتنسين تقولين له يدعي لابوك..والله ان هاذي الحركه مجربها شخصيا..

طلال يقول...

بصراحه انا كنت من عشاق سالي

يعني كنت احبها لدرجة الجنوووون

وش اسوي من عمري وانا قلبي خضر..

حتى كنت اغار عليها من بيتر..!


وفيه عاد الباقي عدنان ولينا وهايدي مع جدها

اه يازين ذيك الايام ..

بس من جد ضحكتيني اجل الى الحين تخافين..؟

ومشكووره ياطموحه على الذكريات الحلوه

والله يشفي والدك انشالله ويبعد عنه المرض..ومثل ماسمعت ان الصدقه تنفع للمريض وخاصه للمحتاجين واهم شي انك بعد ماتعطين الصدقه للمحتاج لاتنسين تقولين له يدعي لابوك..والله ان هاذي الحركه مجربها شخصيا..

طموحة مملوحة يقول...

كويتي

انا فهم شوي يليت لو تشرح اكثر شلون يأثر هالشي بالطفل ؟

طموحة مملوحة يقول...

طلال

يعطيك الف عافية اخوي العزيز . بالفعل الصدقة تنفع ..

وعلى البابايات والله ادش اليوتيوب ادورهم .. صج هالحلقة اخاف منها والله جد تخرعني ... الباردة تخرع اول كنت ارسمها وبعدين امسحها بسرعة من الخرعة لووول

ReLaaaX يقول...

طموحه يمه أوافقج الراي بالببايات ماعدا سالي :/

آنا محد عيشني ببؤس إلا هالبباي!!!!
عيل أكو احد عنده دار يقول لهم مابي أبي دار بالعلية ؟
وإلا الهدوم اشكال وألوان وإلا ابي تشترون لي نفنوف رمادي مادري اسود ومعاه سدريه بعد مثلها وجوتي خشب عزج الله ؟!!! بالله من وين اييبون هالشيا جان يفصلونها حقي ;p


بس قوليلي عن شي رفع عندج معدل الطموح في هالبباي الكسيف مااحب اتذكره والله يعورني قلبي على نفسي مو عليها !!!


جان النهاية يعني ؟ أوكي ممكن بس طووول البباي واحنا نبجي ليش ؟ ليش ياربي ليش ؟



--

ووادي الأمان احم آنا ليلحين أخاف من الباردة بدليل اني ماشغلت اليو تيوب واخاف ارد اخاف --> حلوه هذي ;)


--


أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه

شفقة هانم واحسان بك يقول...

أول زيارة لينا لمدونتك يا سارة
وواضح إنها مدونة مميزة مثل صاحبتها
إسمحيلنا ندوشك ونزورك كتير
بس بعد ما تتطمني على الوالد
ويقوم بالسلامة إن شاء الله

طموحة مملوحة يقول...

ReLaaaX

شوفي صاحب الظل الطويل و ساندي بل هالببايين الي صج حبيت اقلد جودي بكل شي الا عجفتها تبط جبدي كلش ماتغيرها مادري يعني من حلاتها لووول مو هذي القضية ياسويرة ولوول اي عن الكتابة كنت احب اقلدها بالكتاية بصراحة وساندي بل بالصحافة .. صج صج حبيتهم من قلب ...

مشكورة حبيبتي على تعليقج .. وضحكتيني على سالي لوووول

طموحة مملوحة يقول...

شفقة هانم واحسان بك


يشرفني زيارتك للمدونة ويعطيج الف عافية على كلامج الطيب اختي العزيزة :)

قيس بن الملووووح يقول...

شاكر زيارتكم ورجاء دوام التواصل

طموحة مملوحة يقول...

ان شاء الله اخوي :)

شاكر لك المرور

just a bunch of thoughts يقول...

لوووول حتى انا ضحكت على ردج لوول

اقتباس: "اخييي والله ايام ... لا وقناة الكويت كانت بالحيل تحط بابايات يعني اي باباي نحصله لو شنو كان نطالعه لووول فقر مو مثل الحين قناة خاصة حق الرسوم المتحركة ... لا وكانت قناة الكويت لعانة اذا في مؤتمر ولا شي يقطعون نص الباباي وينقلون الحدث اخ لا تشوفين اسبهم سب ...
والله تعالي مرت عليج لوليته باباي الجواتي وانتي بكرامة كانو يحطونه بعد الفطور برمضان ... "

لوووول و الله ماشاءالله عليج ذاكرة! انا ما اتذكر انهم يقصون البابايات! بس اي والله صج كنا فقر مو الحين! لوووول
و لوليتا ماتذكره ... بس الاسم مو غريب ... شنو كان عنه؟


اقتباس: "انا ماكنت اطالع سنبدباد وايد بس كنت اخوف من العيوز البطة تبط جبدي الساحرة .. وفي حلقة الاسد الحجري الي يلحقهم لووول .."

اي هذي الحقة اللي قصدتها! مالت التمثال اللي يتكلم! لووول ودي اشوفها الحين!
لووول ميساء الساحرة تفطسني من الضحك! خصوصا لمن يقطون عليها الفيران! ههههههههههه بس صج تبط الجبد اهي و ربعها السحرة الاثنين
واااي سندباد انا غرامي! اهو الباباي الوحيد اللي اشوفه ليلحين و تقريبا مانقطعت عنه ... يعني كل الحلقات اتذكرها. بس اغلب البابايات اللي كنت متابعتهم اول لمن اشوفهم الحين نادر ماتذكرهم و جني اول مرة اشوفهم!
توني شفت الباردة لووول طلعت نفس اللي ببالي! صح هالحلقة كانت ترفع الادرينالين! لووول بس ماكنت اخاف منها وايد .. والحين لمن شفتها كلش عادي .. قاعدة اضحك! هههه ودي اكمل الحلقة بشوف ليش يايتلهم ...

عندي سؤال: ساندي بل صحفية؟؟ انا هذي ما شفتها و انا صغيرة , قبل سنتين تقريبا شفت اول جم حلقة عاليوتيوب بس بعدين لهيت و ما كملتها .. بس حلوة .. ودي اشوفها كاملة.

منو يتذكر رنا؟؟؟
لووووووووول

طموحة مملوحة يقول...

اي ساندي بل .. تدرين كنت اقول شنو البنت بالباباي ماتلبس ملابس يديدة ماتعفن ؟؟ من اول حلقة لي آخر حلقة نفس الملابس ؟؟ لووول

امبي رنا تهبل تضحك حدها وللحين اذكر الصالة الي كنا نقعد واحنا صغار نطالعها كانت تونس والله ولا الي مخترعها اوووف عبيط ويحب ابلتها لوووول لا وساعات لمن يصير ويهه جدّي احسه حلو مو اهبل مثل كل مرة لووول ...


امبي والله سوالف عبيطة الواحد يحب يتذكرها وماينساها ...

لا والله للحين اذكر لووووول تبين اضحكج اول كانوا يحطون تلفزيون الكويت ومصر وام بي سي صح ؟؟ ماتذكرين ان لي الساعة 9 بالليل بعدين تتسكر القنوات ؟ ماتذكرين هالشي؟ لوووول ..

just a bunch of thoughts يقول...

اي و الله حتى انا اتذكر صالتنا القديمة لمن اطالع الصور .. لووووووول استاذ سمير جنه اسمه، لمن يصير سيريس يموّت من الضحك! لوووووول

اي صح انا كله اقول هذيل ليش ما يغيرون هدومهم! لوول

اذكر ان القناة تشتغل الساعة وحدة بس متى تبند ماذكر بالضبط بس كنت لازم اشهد الافتتاح و الختام و اغني النشيد و اطالع بابا جابر (الله يرحمه) و اقول هذا ابوي! لوووووول

و الله رجعتينا لأيام ماكو احلى منها!

طموحة مملوحة يقول...
أزال أحد مشرفي المدونة هذا التعليق.
غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影