2009-02-21

بوست فصلة حده ..

هذا البوست برعاية (( عطر زوزو )) الي يشم ريحة علطول يرش عطر زوزو :)








السلام عليكم ورحمة الله وبركاته










الضيجة وماتسوي ...




موزين تنام سارة واهي متضايقة قعدت الفجر ابجي كعادتي لمن اتضايق ، استغفر الله وانا ابجي تذكرت سالفة جان اضحك @@


تذكرت مرة قمت من النوم وبجيت وكنت مغمضة عيني فطحت وراسي طقت بالتسريحة وكملت البجية بصراخ ، قامت اختي شفيج سارة قومي قومي نامي ورديت فراشي انام ، قمت الصبح على بالي حلم ولا (( صعرورة )) شكبرها تثبت الدليل انه مو حلم .




المهم استغفر الله وكملت نومتي وقعدت الصبح على صوت الهوا برا ووناسة الجو غيم ماشاء الله رحت قعدت مع الوالد نسولف ونضحك ويقرا مقالات ويعلق عليها طبعا ابوي تعليقاته تحفة وانا اضحك وياه كاااااااك وصوتنا شعلوه امي دشت شفيهم هذول لووول ، والمطر يرشرش شوي وقال وايد عليكم خلاص ، ففكرت دام اني فاضية وأدري اني المفروض اكون مشغولة لأني عندي مقابلات مع فنانيين ناطريني :p والمجلة الثانية دقوا علي يبون يناقشوني برسماتي ، بس ما يمنع اني اهتم بنفسي شوي، فرحت عفست غرفتي ونظفتها من جذورها ، وناديت اليهال يساعدوني بدل ما يسوون ازعاج لأمي . المهم ووسعت الملعب ، لزوم الفصلة انا واليهال ، نقعد نرقص ونعبط شوي .










خلصت تنظيف جان تقول لي أمي ترى عمتج مريضة نبي نزرها لبسي يالله ، خذيت شاور بو ساعتين وخلصت لبست بسرعة بدون حتى ما انشف شعري والحين حايشني صداع مو طبيعي .




رحنا بيت عمتي مع الغبار الموطبيعي ...


وأول مادشينا ولا القى بنت عمتي أول ماسلمت علي جان تقول لي : (( صدت لج حشرة )) >>>> شوفي ذكرتج بالبوست :p


تتابع مدونتي فديتها ، المهم سلمنا على عمتي الغالية فديتها كسرت خاطري ادعوا لها يالاعزاء .




واحنا رادين البيت الطريج يخرع من الجو على قولة اختي حسدنا الجو ، وانا اطالع الطريج تذكرت موقف يضحك للحين ما انساه ، كنت رايحة مع رفيجاتي نتغدى قبل ما يبتدي اللاب ، وبالردة الجو صار غبار لدرجة انه مايبين كلش ، فرفيجتي الي تسوق خوافة حييل ، فقعدت تبجي (( مابي اموت ، أنا للحين ماتحجبت ، أنا مقصرة بصلاتي )) وانا يمها مخنوقة من الجو مو قادرة اتنفس وودي اضحك بس موقادرة والله ، دق أخوي .




اخوي: ها وينج ؟


أنا بصوت تعبان من قلب : بالطريج مع رفيجاتي وزحمة من الجو .


أخوي : اي دقيت اتطمن لأن غبار ديربالكم .


يسمع صوتها واهي تبجي


أخوي : شفيها هذي؟


أنا : تبجي خايفة لا تموت واهي للحين ماتحجبت وماتصلي .


أخوي : مالت عليكم يالكفار :p




لوووووووول






المهم صورة العروس اليديدة الي انضمت الى مجموعة حشراتي الرائعة :)




























هذا نهاية البوست المخرف من قلب ، زوزو تتمنى لكم قضاء أمتع الأوقات دائما :)








36 comments:

طموحة مملوحة يقول...

شنو احلا أغنية لأم كلثوم ، أبي احفظها واغنيها لأمي لأن تقول لي انتي تسمعين اغاني تبط الراس ماتعرفين تمزجين نس ام كلثوم ... خل اعجبها !!!قولوا قولوا

Kuwait يقول...

ساروووووووووه
@@
صرت أشـك ان فيـكم عرج آسياوووي صراحه :\
لان محد يحب الحشرات ويآكلها كثر الآسيوييين ;q

غير معرف يقول...

shrayech sarona bel 7ashara eli 9edtaha enshalla mo m'9aye8tech :P
atwa83 6a3maha methel el bo6a6 XD
enshalla 3jebtech o sof na2ty bel mazeed fe al mosta8bal =)

vancouver يقول...

يمممممممة

ماسكه الحشره بيدج
واي لو انا جان بس اناقز من الخرعة
ههههه



بس ترى ما فهمت ليش كنتي تبجين وعلى شنو قلب البجي ضحك
شكلي برجع اقرى عشان افهم
!!

طموحة مملوحة يقول...

kuwait

شدعوة احنا مو آسيوييين لوووول ؟

طموحة مملوحة يقول...

غير معرف


أقول من صجج ، تعالي بيتنا المرة الياية وشوفي وين حاطتها .. رازتها بمكتبتي مع صديقاتها الحشرات القدم .. :p

يابعد خشمي والله انتي مشكورة وايد ..

طموحة مملوحة يقول...

vancouver


لوووول ارد واقول قوي قلبج يابنت :p

اذا ماخفتي من حشرة باجر ماتخافين من حرامية ياخذونج رهينة >>> شكو ؟؟ شكو ؟

المهم وانا ابجي تذكرت سالفةوضحكت الحمدلله والشكر مو صاحية .. السالفة كاتبتها ان انا متعودة على البجي لووول وطحت وطلعت لي صعرورة وعلى بالي اني كنت نايمة .. أخ صار عندي يبهتين بدل الوحدة لووول

طموحة مملوحة يقول...

أقول غير معرف ... أقصد بنت عمتي

الحشرات طعمهم مثل البطاط وخاصة الصغار :p يبيله نعزمج على يوم :p

mo3ath يقول...

ماكو على رفيجتج واخوج لووووووول

والعمه الله يقومها بالسلامه ان شالله وماتشوف شر :)

غير معرف يقول...

ee afaaa 3leach 3end wayhech :D

طموحة مملوحة يقول...

mo3ath

للحين ماتحجبت وكل اقول لها الموقف تضحك لوووول .. تخيل كانت هادة لسكان وتطق على راسها واحنا هيييي يالهبلة مسكي السكان ماراح نموت بالغبار بنموت منها لوووول

طموحة مملوحة يقول...

بنت عمتي


يابعد خشمي والله انتي :p

عفره يقول...

ماتشووف شر عمتج وان شاء الله تقووم بالسلامه وربي يحفظها ويخليكم لبعض يارب
هوايتج للحشراات تعد هوايه غريبه ؟؟
صورتج وانتي مقربتها من حلجج تخرع ماتخافين تطير و تدخل ؟؟؟؟
انا لو تطير فوقي أقوووم أطاااامر ما أحب شي اسمه حيواااان بكل انواعه

طموحة مملوحة يقول...

عفرة

يبا هذي ارحم من صرصور دش بالغلط وطعمه جني اشرب من البالوعة لووول


لا ياقلبي انا قوية الحشرات ماتخرعني :p

جربي صادقيهم ترا والله يونسون وقلبهم ابيض ناصع البياض :D

elsha3er يقول...

السلام عليكم

اظاهر كدة احنا مالناش خاطر فى الكويت

ما فيش كلمة واحدة مصرى لا لا ما كنتش اعرف ان احنا كدة مالناش خاطر على الاقل عندك

وربنا يقوم عمتك بالسلامة

وانا يعنى ودة رأيى او زوق موسيقى شايف ان احلى اغنية لأم كلثوم انت عمرى

ولكى خالص التحية

احمد الشاعر

violeta يقول...

الحشرات لها قلب !! يعني اذا حطيتي اييدج تسمعين شي ينبض !!؟؟

امبيه مادري ليش يت هالاسئله على بالي ! :q
وربي يشفي عمت انشالله وقومها بالسلامه يا رب !!

وعلى رفيجتج ترا عادي ياربي احنا كله نستبق الاشياء ونعيشها عاااادي خيالنا بعض المرات وايد يمددد ;q

elsha3er يقول...

اة صحيح دة انا كنت بفكر اكتب حاجة للكويت واهلها بس بعد مالقيت مفيش ولا كلمة مصرى زعلت ورجعت فى كلامى

هههههههه بهزر على فكرة

ان شاء الله نكتب حاجة تليق بمقام الكويت الباسلة واهلها


تحياتى


احمد الشاعر

Hashimoto يقول...

لووووول عالبوست العبييط
x)
اهمم شي سالفة رفيجتج بالسيارة
مت من الضحك عليها
xD
خوووش بوست

============

ممكن اقتراح ؟
رسمات الكاريكاتير الاسبوعية الي تحطينهم صغار ما يبينون .. تقدرين تحطينلهم رابط نشوفهم كبار ؟
وشكرا
=)

SHAHAD يقول...

تصدقين انتي نفس حالتي إذا نمت متضايقة لازم اقعد بنص النومة ابجي !

وما تشووف شر عمتج تقووم بالسلاامة ياارب

وبعدين معااج مع هالحشراات !
وربي شكلها مقزز حدده :/
شلون تجيسينها ؟ أحس ملمسها خشن :/

Enter-Q8 يقول...

استغفر الله وانا ابجي تذكرت سالفة جان اضحك

انا من شفت هالجمله عرفت ان الفصله مو طبيعية ياأم الحشرات

صبا يقول...

هههههههاي وانتي تبجين تتذكرين شي يضحك وتضحكين

وسلامة عمتج والله يقومها بالسلامه

والحشراااات يوزي عنها تيييب والحساسيه

ورفيجتج حاجه تانيه
واخوج بدع

شخبار الوالد
:)
انشالله احسن
وام كلثوم سمعي سيرة الحب
وانت عمري
:*****

أحمد الحيدر يقول...

:))) صج فصلة ;p

شمطلعكم بالغبار .. حبكت ؟ :)

وبعدين سالفتج مع الجراد مادري الحشرات ؟ شنو مسوينهم عشا وغدا وريوق ؟ :))

الله يقوم عمتج بالسلامة انشالله :)

Alikingkw يقول...

ما تشوف عمتج الله يشافيها انشاالله

وهنيئا لك الفراشة الجديدة

وتعقيبا على المقولة الي فوق التعليقات أختار أكون فوضوي :)

طموحة مملوحة يقول...

elsha3er


حديلك كورس اعلمك اللهجة الكويتية ، سهلة والله أنا ماماتي بتككلم كويتي على مصري ، جنان والله :)

شكرا ليك اخوي على المتابعة

طموحة مملوحة يقول...

violeta

احنا علشان عمالقة مانحس بقلبها لوووول

رفيجتي هذيي مسكينة والله طيبة حدها وعلى نياتها . .

طموحة مملوحة يقول...

elsha3er

مشاعرك الطيبة وحدها تكفينا يابن خالتي :p

طموحة مملوحة يقول...

Hashimoto


شكرا لك أخوي العزيز :)

وانا الحين مسوية مدونة يديدة خاصة حق الركتير راح تلقاها موجودة

ان شاء الله اليوم بحط اول رسمة بس خل اخلص اللمسات الأخيرة :D

شكرا لك اخوي

طموحة مملوحة يقول...

شهودة

اشوة يعني انتي وياي :Pالحمدلله ماطلعت الفصلة الوحيدة ..

ياربي رسالة الحشرات لازم اوصلها للمجتمع :P

طموحة مملوحة يقول...

انتر كويت


الدنيا وماتسوي ياخالد ... ياربي شسوي بنفسي يعني اني طلعت خبلة ؟

طموحة مملوحة يقول...

صبا


الله يسلمج يالغالية .. أبوي والله صايرة كل ما القى فراع اروح اسولف وياه ، وصايرة محللة اخبارية عنده لووول نضحك على قناة سكوب والقنوات الفصلة . ولا نحط على مصارعة المعلق مصري نقعد نضحك .. وامي طبعا معصبة تضحكوا على ايه لووول

طموحة مملوحة يقول...

أحمد


لا الجو كان حلو والله ، بس قلب فجأة تعرف يعني جو الكويت مو كان مطر وغيم ؟؟ فجأة صار غبار !! وعمتي مسكينة تعبانة رحنا نزورها الغالية

طموحة مملوحة يقول...

علي

انا فكرت مثلك جذي بس اخيرا حبيت اني اكون انسان لوووووول


وينك من زمان مادري عنك ، عسى ماشر ان شاء الله المانع خير يارب

ReLaaaX يقول...

looooooooooooooooooooooooooool


فديت الكشه آنا حلاااااتها اسمالله عليها

--

وبس مو زين تتضايقين وتنامين وانتي متضايقه يايمه موزييين يحوش الواحد بو الويوه اسمالله علينا وعليكم

طموحة مملوحة يقول...

ريلاكس


هذي زوزو صلوا على النبي لووول ...


تسلمين يالغالية لمرورج :)

Ahmad يقول...

اخير تعليقاتج صايرة كلها كئابه
و مو لايقة على الطموحه
وين الطموح مالج ؟
لا تخلين الأشياء البسيطه تأثر عليج يالطموحه

ولا تعليق اخوج مو طبيعي .. * مالت عليكم يالكفار * لووووووول

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影