2009-02-28

عودة للواقع


والله أنا مصدعة أكثر من الي بالصورة ..
طلعت اليوم من الاحتفالية ومن الازعاج للحين راسي مصدع وموقادرة اركز وفوق هذا بداية سخونة (( الله يستر ))
حبيت اقول باجر :( ..
..
..
العودة للدراسة .. تصدقون والله ماشبعت من العطلة مع اني من الناس الي ماتحب العطل الكثيرة بس ماشبعت ..
الله لايغير عليها امي بدت تشجعني بكثرة على الرسم الكركتيري وتناقش معاي أمور الديرة
صج انها ماكانت كويتية وماتدري عن الكويت الا شوي بس قاعدة تعطيني افكارها الحلوة ..
وتقول لي رسمي عن هذول وهذول وهذوليك وهاتيك وغيرها :)
ـــــــــــــــــــــــــــــــــــــــــــــــــــــــــــــــــــــ
أقول حق بنت عمتي انا آسفة والله ما ييتكم لأن راحت علي نومة وامي ملت واهي تقعدني بس نومي ثجيل الله يقطع ابليسي ..
منو يحب يصير مدير أعمالي ؟؟ :p لوووول
على فكرة ان شاء الله البوست القادم راح يكون عن الاحتفالية بإذن الله ..
ادعوا لي بالخير باجر ماعندي الا محاضرتين أحب يوم الأحد لأن محاضرتين وأحب الخميس أكثر لأن ماعندي دوام يعني دوامي هالكورس اربع ايام بالاسبوع .... إقعـــــــــــــــــــــــــــــد من قدي ؟؟
بس الكد بالايام الثانية من 8 الصبح لحد 5 المغرب ... ودقي يا مزيكا
ادعوا لي بالخير وانجح هالكورس واروح بانكوك لووول أجلت سفرة عمان للسنة الياية ، بروح بانكوك باكل حشرات هع هع هع
تصبحون على خير

15 comments:

ZooZ "3grbgr" يقول...

سلامتج من الصداع

يالله عاد بلا دلع

بنيتنا باجر دوام

قومي بنشاط واخذيلج كوفي وشوفي الدنيا المغبرة شكثر حلوه

اذا ما ندلع نفسنا شنو بيدلعنا؟؟

المشي يم النهر للكلية؟؟

ولا المطر والثلج اللي مو راضي يوقف؟؟

هههههههه

الحمدلله على كل حال

سليييب تايت اند سويت دريمز

:")

بوفهد يقول...

الله يعطيك العافيه وماتشوفين شر

وربي يحفظ لك والدتك .

يصير يراده تاكل يراد ؟

المراد.. وياك خمطة يراد جنك ماتدرين!

Enter-Q8 يقول...

بانكوك تاكل حشرات
يوبا انا اللي بصدع مو انتي
كبدي قامت تقلب كل ما تذكر الشارع اللي مريت فيه و كله هالاكل الخايس مالهم

مركبنا يقول...

سلامتج
وموفقه بدراستج

elsha3er يقول...

الف سلامة عليكى من الصداع المهم انك تكونى اتبسطى فى الاحتفالية
احنا بقى الدراسة بدئت من زمان

الله يوفقك


احمد الشاعر

حياتي هدف مو عبث يقول...

سويرة لو فيج شقيقة بسم الله عليج شتسوين :/

اوكي اصير مديرة اعمالج
جم تدفعين
:*

الله يوفقج يااارب

عفره يقول...

mojrma enty tbeen takleen 7sharat
shklich nfs ydiiii y7b el7shraat o 59o9aaan eljraad
:P:P

et7beeen eljraaad ?????

khalidkhalid يقول...

الف سلامه
والله أول ماسمعت الخبر عندى ... حجزت على أول دبل كليك فى قوقل وطيران الى هنا.

ورغم ان الرحله كانت سريعه الا اننى شعرت بطولها حتى نطمئن عليكى ....

سلامتك طموحه ...

طموحة مملوحة يقول...

ZooZ "3grbgr"


صج والله من الازعاج صدعت لووول ...

والله اول يوم جامعة قاعدة بالمحاضرة اشوف الساعة متى ارد البيت انام ؟؟ لووول من اولها جذي .. بس انصدمت بالواقع المر ان عندي اجتماع ونسيت لووول وخلص الاجتماع على ال2 وحدي حدي مقفلة بنام لوول

طموحة مملوحة يقول...

بوفهد


افا عليك بس انت تامرني أمر والله الوالد يقول طعم اليراد حلو بس ما ينشبع منه لووول ... بس بنته تبي تجرب كل الحشرات جربت حشرتين وحدة اوكي طعمها والثانية مقرفة الله يقرفها لووول ... بس تدري شلون اذا كلش كلش لاعت جبدك غمض عينك وسو نفسك تاكل بطاطا :D

طموحة مملوحة يقول...

Enter-Q8


خالد الله يهداك الحياة تجارب والله .. واذا ماكليت حشرة الحين متىتاكلها ؟؟ شهالسؤال ؟ لووول

لا مو عن الي ياكل حشرات ترى مايخاف من شي ... اسأل مجرب كاااك

طموحة مملوحة يقول...

مركبنا

الله يسلمك يالغالي :)

طموحة مملوحة يقول...

elsha3er

الله يسلمك بجد انا اتبسطت والله بس كان الازعاج مش طبيعي .. لحد مادخت خلاص .. :) مشكور يابن خالتي :)


.............................


حياتي هدف مو عبث

شوي شوي علي .. يعني شنو شقيقة ؟ مافهمتج والله :( ..!!!!


.............................
عفرة

يسلم عمرج وين بيتكم ؟؟ بيي أبوس راس يدج واعزمه على غدا حلو كله حشرات شرايج ؟ انا ولا مرة كليت جراد بس بخاطري اذوقه ولأني سألت عن مطاعن الحشرات في الكويت طلع مافي للأسف فراح اتجه الى بانكوك بإذن الله مع خواتي واخواني الي كانوا ناويين يروحون بدوني ويخلوني اروح عمان .. بس بلزق فيهم واروح آكل الحشرات .. سلمي على يدج وقولي له سارة راح تتعلم طباخ الحشرات وتيي تطبخلك بلاش افا عليكم بس مو تطردوني من البيت لووول

..............................


khalidkhalid


هههههه مشكور أخوي الغالي ماتقصر والله انت من الناس الي اتز فيهم وفيك الخير تسأل والله ، جزاك الله ألف خير :)

TrueClue يقول...

دقي يا مزيكا لووووووول
لا بس جدولج ازقرت ياليت انا يصير جدولي جذي

و يلله عاد .. نبي توفق كالعاده ما نبي كسل :P

شدي حيلج بالدراسه

طموحة مملوحة يقول...

TRUECLUE


يارب يارب يارب يارب

منكم الدعوات والله نيتي زينة بس مادري ليش دايم ازفت بدراستي :(

ماعليه عل وعسى ند الدحيحين الي كنا ... يارب