2009-03-28

قصيدة لسارة






أول شي أتمنى من الكل يدعي لخال رفيجتي الي يرقد بالمستشفى في العناية المركزة وكان محتاج لفئة دم AB- ومن اليوم نعابل وندور والحمدلله واحد سعودي ساعدنا ودلانا على كويتيين عندهم هالفئة الدم وكلمناهم وتعاونوا معانا الحمدلله ،
الشكر أولا لله وثانيا لعزيزي المدون بوعلي لأنه ساعدني وايد وكان على تواصل معاي واهو الي دلاني على السعودي الي دلاني على الكويتين :p القصة تعيد نفسها لووول المهم ادعوا له لا تنسون .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اليوم وصل لي ايميل من خ بالمملكة العربية السعودية وعن جد قريت الي كاتبه لي ودمعت عيني ... وعرفت انه من متابعيين مدونتي فله كل الشكر عل كلامه اللبق وكان المكتوب كالتالي :

والله اني من غلاتك خانت لساني العبارة

جيت ابكتب بك قصيدة وابتدت فيني الاثارة

ياترى من وين ابدى والبداية بك نهاية

بس ياربي عسى هالقصيد ترضي سارة

..

سارة الي يوم تضحك، تضحك الدنيا معاها

والقمر لوهي تأشر لجلها يغير مساره

ولوتسولف يوم تحكي حكيها ماقل ودل

والله بس كنه الحكي ماخذ م الحكمة اختصاره

..

..

عينها اليمنى تشعشع بالأصالةوالبداوة

وعينها اليسرى حضارة مابعدها أي حضارة

والخشم سيف سعودي ورثه عبدالعزيز >>>> فديت خشمي

لا إله الا الله محمد رسول الله شعاره

..

..

وشعرها من الليل ماخذ لونه الأسود أكيد

ومن نجوم الليل ماخذ شعرها حتى الغزارة

رائعة شفافة عذبة مذهلةوأكثر كثير

ناعمة خجلا جميلة طيشها حتى بوقارة

..

..

يحسدون بيدها الخاتم وكل ما تلمسه

حتى ساعتها وقلمها والمجلة والسوارة

والكرم فيها تحدى حاتم الطائي وطافه

يحمد الله حاتم انه قارنوه أصلا بسارة

..

..

راسها فوق السحاب ورجلها على الارض تمشي

وارثة هيبة ملوك العز حكام الإمارة

لما توقف اقتصاد العالم بيوقف معاها

ولما تجلس السهم الأحمر يصير أخضر باشارة

..

..

ولو بشبهها بأحد يمكن يكون الوليد :P

بن طلال الي على ايده أسسوا فن العمارة

ياجماعة شفتوا واحد يوم يعطي والا يكرم

يكرم ويعطي بيمينه دون ماتدري يساره

..

..

ما كتبت الشعر ودي الفت انظار العرب

بس كتبته لني واثق تستحقه وبجدارة

والقصيدة مهما طالت ماتوفي بالمعاني

وأنا ماسكها بيدي صرت اشعر بالحرارة

..

..

والشعر مهما كتبته ماوصل نص مستواها

اهي لو تقراه اصلا راح يعلن انكساره

وفي النهاية عندي كلمة واعذروني يابنات

ما أظن بالدنيا توجد بنت تتقارن بسارة

وحتى لو في وحدة منكم عندها نفس الاسم

اعرفوا مو أي سارة ياجماعة مثل سارة

....................................................

وأنا أقرا هالكلام عيوني صارت @@ بس من كل قلبي اشكره على كلامه الطيب بصراحة قليل الي قصدوا فيني لووووول اشكره من كل قلبي وادري بيقرا هالكلام :) اشكره جزيل الشكر والله ...

ــــــــــــــــــــــــــــــــــــــــــــــــــــــــــــــــــــــــــــــــــــ

حدي مكتأبة وفيني البجية لأني طول اليوم انشغلت والتلفون مو راضي يسكت والمسجات ليش تطنشين ؟؟ وردي وماخلصتي المقابلة ؟؟ ودقيتي على فلانة ... صج صج بروحي ماصدقت نسيت كل همومي امس لا يردونها والله مافيني :(

احب هالاغنية :)




30 comments:

Nasser99 يقول...

انشالله ما اتشوفون شر و الله يقومه بالسلامه يا رب

bo rashed يقول...

يه يه يه
وانا ليش محد يقصد فيني
اييييه لنا الله
صارلي 3000 سنه
اكتب واصفف بهالحجي
محد قالي نص انش حرف
يالله لي قالو شعر بزميلة تدوين
كأنهم قالو فيني
P:
تستاهل سارونه
:)

طموحة مملوحة يقول...

nasser99

ما يجيييك وأشكرك على السؤال يالغالي

طموحة مملوحة يقول...

bo rashed


@@

ولك عين تتحلطم ؟؟ أنا من زمان خاشة الزف بزفك ... أول شي ادش على مدونتك يقول لي انت غير مدعو جان تنزل دمعتي الله يالدنيا بوراشد مايعزمني على مدونته ؟؟ الشرهة علي الي اتليقف كل يوم واقرا ردوده العبيطة على الناس لوووول ، شوي ولا يغير مدونته ومايخلي الناس تعلق على المدونة ليييييييييييييييييييييييييييييييييييييييييييش؟؟؟؟ شصار بالدنيا ؟؟؟

شفيك تدينت ولا ناوي تدش المجلس؟؟ اعترف يابوراشد ؟؟؟ مايصوحش كده واللهِ

بوعلي يقول...

الشكر لله عزيزتي طموحه وماسوينا الا الواجب اختي

غير معرف يقول...

الله يقومه بالسلامه

ويشفيه ويعافيه

وتستاهلي كل خير ياطموحة

إمـرأة لا تُنسـى يقول...

تستاهلين كل الخير يا سارة

غير معرف يقول...

يلعب مستوى الطموح دوراً هاماً في حياة الفرد والجماعة، إنه أحد المتغيرات ذات التأثير البالع فيما يصدر عن الإنسان من نشاط، ولعل الكثير من إنجازات الأفراد وتقدم الأمم والشعوب يرجع إلى توفر القدر المناسب من مستوى الطموح بالإضافة إلى توفر العوامل الإنتاجية حيث أنه من المعروف أن الكفاية الإنتاجية ترتبط ارتباطا إيجابياً بالمستوى العالي من الطموح


ماكل طموح مثل طموح طموحه ولا كل ساره مثل ساره
القمه طموح والطموح الوصول للقمه

مايهمك راي الناس الناس الي يهمهم رايك فيهم
وتحياتي

TrueClue يقول...

يلله الحمدلله على السلامه و زين لقيتوا الفصيله ..

و ماشالله خوش قصيده كاتبها الأخ ... حلوة ولله ..

أحمد الحيدر يقول...

الله يقومه بالسلامة ..

وتستاهلين كل خير يا سارة .. كافي اسمج على يدتي طبعا :)

دنيا - Mix يقول...

عاشت الصديقة.. :)
تستاهلين هالكلمات وأكثر..
ولا يضيق خلقج من شي تعبج مو عالفاضي
وإنتي صاحبة إنجازات.. تذكري هالشي ;)

الله يقوم المريض بالسلامة ويشفيه..

طموحة مملوحة يقول...

بوعلي

اشكرك يالغالي وموفق يارب

طموحة مملوحة يقول...

غير معرف


اشكرك جزيل الشكر

طموحة مملوحة يقول...

امرأة لا تنسى

يابعد راسي والله انتي

طموحة مملوحة يقول...

غير معرف


جني سمعت الجلتين الأخيرتين قبل هالمرة ;) قليل في حقك كلمة شكرا والله . ولا تشوف شكثر كلماتك شجعتني والله للأمانة فهي شجعتني كثيرا على البذل أكثر

طموحة مملوحة يقول...

TrueClue


عيونك الحلوة :)

مشكور اخوي احمد

طموحة مملوحة يقول...

أحمد الحيدر

يشرفني والله اكيد يدتك طموحة :)

سلم عليها وايد وقول لها سارونة طموحة تحبج وايد :)

طموحة مملوحة يقول...

دنيا - Mix

ياهلا والله بالمكس الموطبيعي ، هلا والله ببنت خالتي الغالية شلونج ؟؟ تسوين مدونة وماتقولين لي ؟؟؟ شنو هالقلة أدب ؟؟؟ جليلة :)

مشكورة حبي انتي وسوري اليوم لمن ناديتيني كنت وايد منزعجة من شغلة علشان جذي عطيتج نظرة يعني ويت قولي حق وضوح انا آسفة ومو قصدي والله باجر اقول لكم شنو كان فيه ... انا والله لو ادش المجلس اريح ناس وايد لووول

فريج سعود يقول...

ابي منو هذا بو بشت بيج الي راز ويهه في كل صورة بالبوست السابق


صج باط جبدي


جنه الايطالي الي بالايميل

كبرياء وردة يقول...

الله

يا حلو القصيدة وحلو راعيتها

تستاهل طموحتنا ام الملح :)

علي إسماعيل الشطي يقول...

ما تشوفون شر إنشاء الله

و أجر و عافيه

تحياتي

Blog 3amty يقول...

كاتبين فيج قصيدة أكشخ من عمتي قبل جم سنة كاتب فيها رثاء !

صبا يقول...

طمووووووووووووووووحه \وييييييييييييينج

ليكون قبيتي مع الحبيب الولهااااااان
لا يقص عليج ...قصي عليه
هههههه

يا بختج يشعرون فيج اسم الله عليج تستاهلين كل خير اموره وحليوه وحلوه
قمرررررررررر


وسلامته خال صديقتج ما يشوف شر والله يعدي الشر ويقومه بالسلاااامه

:*

طموحة مملوحة يقول...

فريج سعود


لووووو لا تعليق من قلب

طموحة مملوحة يقول...

كبرياء وردة

فديتج والله لا تقولين جذي والله استحي لووول

طموحة مملوحة يقول...

أخوي علي


الله يعافيك يالغالي :)

طموحة مملوحة يقول...

Blog 3amty


لوووووول عمتك خاشة نفسها تحت العباية مشان محد يعرفها محد يدري انها جميلة الجميلات :p

سلم عليها ... واطال الله بعمرها يارب ويزيد من نجرتها وحنتها لووول

طموحة مملوحة يقول...

صبا


اي حب اي بطيخ ... يبا انا انخلقت للطموح ولا الحب ما يدوم عندي لوووول ...

شلونج انتي ؟؟ فديتج والله مشتاقة لج يالغالية :)

غير معرف يقول...

ردة مصدر الاكسجين والطموح

الحمد لله ع السلامه

جني سمعت الجملتين الأخيرتين قبل هالمرة ;)

طموحة مملوحة يقول...

غير معرف


الله يسلمك يالغالي :)