2009-03-22

والله مادري شفيني اليوم !!!!!!








يا صباح المزاج العال العال العال

يقول لكم طموحة اليوم بتغني (( ظليت اطق على الراس لووول )) يقولون المفروض باجر عندها مقابلة وللحين ماكتبت الأسئلة ، وهالله هالله هالله هالله هالله ، لووووول ترا قبل شوي رادة من العرس وللحين فصلتي ماخلصت .

اليوم كان يوم حافل على قولة زميلنا المدون ديكاتي ، من صالون ودوخة شعر ثلاثة ماسكين شعري وانا راسي يمين شمال .. لووول قاعدة اغني مع الحركة لوووول ، خلصنا وقحصنا للبيت ، وسويت ماكياجي وخلصنا ورحنا العرس وطبعا ماشاء الله ندل المنطقة عدل نص ساعة على مادليت الصالة لووول ادقدق على كل الي اعرفه عل وعسى يدلون ولكنهم لا يعرفون :p.

دشيت الفرح على قولة المصرييين ، واطالع رفيجتي فديتها قاعدة ومبتسمة ورفيجاتي بعيد .. العن ام الفشلة مشكلة رفيجاتي كلهم قصاصة وانا رحت اسلم شطولي رقبتي عورتني هذا ولابسين كعب ، مشكلة القصر بالكويت لازم يحلون هالمشكلة لووول . وفصلت على الاغاني ، مشكلة رقصنا كل الاغاني ماعدا البدوي كنت ناطرته على احر من الفحم ، بس دق اخوي : يالله ردي !! قالت لي رفيجتي الحين منو يرقص بدوي ؟؟ قلت لها : رقصيه نيابة عني لووول ، قالت لي شلون ، سويت لها جم حركة سريعة لوول يبا البدوي ما يعرف له الا اهله عيل شلون لووول ؟؟ لا واهم شي وحدة تقول لي شكو ترقصين بدوي ؟ تتلزقين فيهم ؟؟ انا عيوني غورقت : لا والنبي لا دانا بدوية واللهِ لوووول ..

الي يبي يرقص بدوي لازم يندمج مع الطق وبعدين الرقص بييله لووول المهم ويحط له جم سكني مثلي لووول .. يطلعون وقت الطق البدوي كاااااك

خلصنا عرسهم وعسى الله يبارك لهم .. وطلعت نص حرة الدراسة لأني صراحة ماشبعت فصلة ، للأسف باجر عندي دوام ومهمة وللحين ماجهزت لا حق هذا ولا هذاك ، درست شوي وعيوني تعبت صراحة من الماكياج صارت حمرا ، وخالتي تقول لي : ها رأصتي بدوي بتوعكوا الي بينططوا ماعرفش ازاي؟ ؟؟

جان اقول لها : للأسف لا وحياتج الحين احطه مع اليهال ونفصل عليها لووول .

يالله جم سؤال ساعدوني فيه لوووووول ...

أهم اغنية فصلت عليها (( سيبة عذب حبيبه )) مع اني كلش اكرهها بس كلماتها خلتني افصل عليها لوووول ، الناس ترقص على الاغاني وانا اسمع الكلمات .. حدج فاضية يا ام الحشرات ..

أمي دايم تقول لي خليج تكانة مثل خواتج ، وكل ما أقرر اصير تكانة بأي عرس افصل وانسى التكانة وأهلها .. ولك انا مو ويه تكشخ كشة وفصلة وتعبط احلا شي ، نوكشخة نو ماكياج نو شعر وتسريحة .. حط الاغاني وعيش الفصلة وخلاص ..

يقول الجسمي بما معناه لوول شارب الخمر تذهب سكرته بعد حين ، وشارب الحب لا يفيق من سكرته ..

الحين شكو هالكلمات بالبوست ..؟؟؟ امبي شفيني ؟؟؟ والله مادري شفيني ياختي اليوم ...

استغفر الله بروح اتوضى واقرا لي شوي قرآن يمكن اهدا ..

لوووول قبل شوي أقول لأختي ودي أتزوج خال .. تقول لي ليش ؟؟ قلت لها ودي عيال شعرهم كشش وسمر أطلع حرتي وعصبيتي وانا امشط شعورهم .. واي فديتهم والله من الحين حبيتهم لوووول

امبي والله مادري شفيني اليوم ... لووول

خوش عضوة بالمجلس لوووول





عـــــــــــــــوفه ...لخاطر ظروفه

الي ما يشوفك لا تشوفه ..

والي عافك يالله عوفه

خلى وسط القلب خوفه

عــــــــــــــــــــوفه

هوبايع وانت شاري

وبعذابك ماهو داري

ليه تتعب لي تداري

نـــــــــاره

خليه بناره

مشتعلة ناره

الي مايعرف قراره

والي ماصح اختياره

اهو جاب لأيده ناره

ماوفى مرة لحبيبه

نكر حبه وخان طيبه

الله لا يجعلها غيبه .

سيــــــــــبه

والله مادري شفيني اليوم :p

تدرون انه الاغنية مليقة ؟؟؟ مو كثري والله لوووول

باجر بحط لكم بوست حلو مثلي لوووول

16 comments:

طموحة مملوحة يقول...
أزال المؤلف هذا التعليق.
صبا يقول...

ههههههههههههه

صج فصله ما بعدها فصله

يا زينج يا سارونه

زين تسوين ونسي عمرج
وعيشي حياتج
اهم شي سويتي الي بخاطرج

وعووووووفه
:***

صبا يقول...

لا لا لا

ما يصير

انا الاولى
ليش متربعه بمكاني وفاله شعرج بعد
:(

الاولى انا الاولى

طموحة مملوحة يقول...

كااااااااااااااااااااااااااااااااااااااااااااااااااااااااااااك


خلاص بمسح كلامي افا عليج يالغالية :)

بوفهد يقول...

سارونا

والله مامر علي بحياتي انسان يونس نفسه

كثرج ... عجيبة وخصوصا فصلاتج !!

حتى المخايطة مهات الشك والزري مايلحقونج اسم الله عليج اللهم احفظ لنا يرادتنا وأم حشراتنا اللهم آمين.

سؤال يالطموحة رقصة البدو بالكعب والا حفاي ؟؟

المهم انك استانستي .. بالعافيه

طموحة مملوحة يقول...

بوفهد


لا كعب شنو شطولي يختل توازني ... لا احسن مافيه الشعر الطويل وحفاي لوووول واقضب الملعب لوووووول ....

مركبنا يقول...

وراء وراء وراء

ياغزال المها المتبتب (=

عاااااااااااااااااااادي
عندانا وعندج خير

طموحة تمر عليج لحظات وراج الف شئ
وتضيعين وقتج بشئ ما يسوه (=

ديري بالج مره ثانية لا تسوين توكيل حق احد
الدنيا ما فيها ضمان (=
باجر يخلص رصيدج من الهبال
عاد هبالج ثروة قومية يجب الحفاظ عليها (=

على طاري كلمات الاغنية
جنج انا احنا بالعرس وانا افكر

مره ركزتي بكلمات الناس حرموني
تدرين فيها مقطع يقول
الناس وين الناس الناس كلهم بالنار

والناس معطينها رقص ومو حاسين

كبرياء وردة يقول...

ههههههههههههههههههههههه

من زماااااااااان ما فصلت على اغنية

انا بعد ييت عندكم يومين

فصلت ورديت:p

Engineera يقول...

صبااااح الخير ..

لوووووول حدج ونستيني جني انا الي فاصله مو انتي ..

قبل شهرين كان عرس اختي و كانت فصلتي على اغنية " محمد بويا محمد " لوووول
ما تيني الفصلات الا على الاغاني العراقيه لا تسئليني ليش !!
اخر العرس لما طلعو المعازيم ماكو احد غريب خلينا الدي جي يحط لنا " انا المسيجينه انا " وشوفي العبط لوول ..

ان شالله يومج يكون حلو .. انا وحده متعقده من عقب كل عرس لازم اتأزم :\

SHAHAD يقول...

امووووت ع الفصلة بالعرس
حدي أنفع وياااج لوووول
انا وبنات عمتي بالعرووس
دايما ميانين :/
لوووول يعني مو بس نرقص
لااا نقعد نغني مع الاغنية ونأشر وحالتنا حالة لووول

لازم نحس بالمتتتعة لوول
ياربي الثقل والاتكانة بالعرس .. ضيقة خلق :/

طموحة مملوحة يقول...

مركبنا


لووووول تدرين توني ادري ان جذي كلماتها ؟؟ انا لاعت جبدي من شكل الي يغنيها علشان جذي ماحبها لوووول ...

لالالالا انا افصل على اغنية حنا بدو حنا بدو حنا عمت عين العدو لوووول .. رفيجتي حاطتها نغمة لي لمن ادق عليها ... لوووول واغنية جاكم الزين كله يابنات الجزيرة لووول شكلي بحطهم الحين واكمل ..

عيوني تحرقني :(

طموحة مملوحة يقول...

كبرياء وردة ..

وين ييتي؟؟؟ لوووول شرايكم نسوي لعبة عرس ؟؟ لوووول وحدة من المدونا العروس والمعرس مجهول الهوية لووول نسوي لها حفلة كاملة ونحتفل على خبال مو طبيعي لوووول ... ولا نحط بوفيه بعد خو الاكل خو .. لووول

طموحة مملوحة يقول...

Engineera


اخ انتي مودي والله .. انا على كل الاغاني افصل تخيلي مرة حطوا اغنية مصرية نص ساعة كاملة ولا رضيت اقعد وامي تأشر لي من بعيد ولا معطتهم بال لووول خلصت ولا ويهي احمممممممممممممممممممممممممممممممممر لوووووول

اي انا العراقي بالعروس يسموني الكاولية لا تسإليني ليش لووول

طموحة مملوحة يقول...

SHAHAD


بيعي التكانة يابنت .. امي تقول البنت التكانة تنخطب بسرعة وانا حدي بايعتها يبا اروح العرس واكشخ لنفسي ارقص لنفسي شكو افكر منو بيخطبني ومنو عجبت ... المهم راحتي والله اخلص من العروس اصير مرتاحة مدة اسبوع كامل لووول لأن سكانوتي ارتاحوا شوي لووول

TrueClue يقول...

الله يكتب حق العريس و العروس البركه ..
بس شفيج مينونه جذي ساره شكلج تكانه مو راعية خبال :P

اهم شي انج استانستي .. ترا الوناسه محد يقدر يشتريها .. و الضحك و الوناسه دوا القلوب ..

بس انما اختج .. اسمحيلي تفكير مو طبيعي .. :P لووول

طموحة مملوحة يقول...

لوووووووووووووووول انا موصوب التكانة كلش