2009-03-23

زمن النساء


كم هو محطّم كذبك يا رجل ..
تعبثتْ بهاتفها القديم ..
وقرأت رسائل كثيرة ..
مفرحة و ممتعة ..
الى ان وقعت على رسائل رائعة ..
لأب حنون .. وحبيب مجنون .. وأخ رائع وصديق نصوح
قرأت تلك الرسائل ..
ضغطت على الخيارات ..
وبدأت تساؤلاتها ..
هل أمسح هذه الرسائل ؟؟
نعم ..
لا ..
نعم ..
لا ..
(( حياتي معك جنة )) ...... كـــــــــــــذب
(( انتظريني ... )) ....... كـــــــذب
(( لن أقبل الا ان تكوني زوجة لي ... )) .... كــــــــــــــــذب
(( أحبـــــــــــــــك )) ...... كـــــــــــــذب
.
..
..
ابتسمت وهي تسائل نفسها ... يا الهي لم يكن مراهقا .. ولم يكن طائشًا
لم يكـــــن غبيًا ... فلم الكذب ؟؟
اغلقت الهاتف واعادته في الصندوق مرة أخرى ..
وتذكرت ذاك القلب الحنون المرهف ..
وصدمة لحظات الألم التي مرت بها ، وهي تسمع صوت الأسد يوبخها ..
هل انتهى عهد الرجال المخلصين ؟؟
هل اصبح الكذب محللاً للرجل ؟؟
هل يطمئن الظالمون في حياتهم ؟؟
لم تُجبْ على هذه الاسئلة .. ولن تجد الاجابة إلا منه ..
ربما أخطئتْ في أمور عديدة ، ولكنها واجهتْ..
فوداعا لزمن الرجال الشجعان ..
وأهلا بالرجال الجبناء ..
أصبحت الأمور مملة ، حتى بات هم المرأة التفوق على الرجل ..
فلم لا تحاسبْ نفسكَ يا رجل وتترك تلك الانثى الضعيفة مرتاحة البال ؟
صغيرة في السن وقد عانت !!
في العقد الثالث وقد هرب من المواجهة
فماذا ترك للذكور الصغار ؟؟
لا تحزني يا امرأة
يكفي انك حاولتِ
يكفي أنك عانيتِ
يكفي أنك لم تخسري
فلا تحزني لرحيله
وافرحي لفراقه
فكري بنفسكِ
وانسي امره
لم يكذب عليك
بل على نفسه
ويكفي انك
امرأة
واجهت
كم هي كبيرة تلك الامرأة التي تواجه الجميع لتبين قضيتها في حين يخجل الرجل من الاعتراف امام الجميع ، فمرحبا لعصر النساء :)
ــــــــــــــــــــــــــــــــــــــــــــــــــــــــــــــــــــــــــــ
لووووووووووووول ادري راح تاكلوني ... مابي أقول الكل ولكن هذي رسالة يتني من زميلة عبر الايميل وترجمتها بخاطرة سريعة ، اكيد وايد يحسون مثل احساسها وانا وحدة منهم صراحة ، أبحث عن التفوق دائما . وترى مو كل الرياييل وفي حريم ملاقة ويبطون الجبد وهم اناوحدة منهم لووووول كلش ما يندرا انا شنو ؟؟ لوول
ـــــــــــــــــــــــــــــــــــــــــــــــــــــــــــــــــــــ
سؤال : الحين مو ساعات تحسون بنبض قلبكم مثلا بعينكم ولا رقبتكم ولا اي (( حتة )) بجسمكم ؟؟؟
زين الخشم شكو ؟؟؟ قلناأحب خشمي لحد لجنون وأهو راس مالي .. بس والله صار لي ثلاث ايام خشمي ينبض والله ، ما اتغشمر والله من صجي لمن سألت اختي جان تقول لي عادي بس احس ملاقة يعني قاعدة بالمحاضرة وينبض خشمي بقوة احسه قاعد يرقص شرقي والله مو حلو هالاحساس والله لووووول
ــــــــــــــــــــــــــــــــــــــــــــــــــــــــــــــــــــــــ
..
..
الحمدلله عدت الثقافية على خير ، ويوم الاربعاء عندنا محاضرة راح نلقيها نحن اداريي منظمة ال AAPG
وترد طموحة للمعاناة من جديد ... والله اليوم صج صج يدقون علي خلصتي الشغلة الفلانية ؟ سلميها الخميس ، اسكره يدق مرة ثانية ها وين الشغلة الكيت وكيت ... والمقابلةمع الدكتور الفلاني ، والمعد الفلاني وفلانة الفلاني .. يوم الخميس اوكي ؟ يدق مرة ثانية سارة نبي ناخذ رايج بشغلة فكرة ويطبقها فلان وفلان .. حلو اي خلاص تابعيهم وكتبي تقارير عن هالشغلات وخليج معاهم علشان تساعدينهم بالكلام ...
كل هذا متى ... الخميس ... تدرون شسويت ؟؟؟ سكرت الجهاز وبطيتها بجي بجي بجي بجي مو طبيعي ... لين انتفخ خشمي وهو ينبض مادري شسالفه امه فاصل .... ورحت مزجت لي على الشاي ... وبطلت كتبي ادرس لابو الهم الي يبته لنفسي والله ....
اشوفك على خير وخيرات وتصبحون على خير :)



26 comments:

TrueClue يقول...

للحين فيه رياييل يعتمد عليهم يا سارة .. و رياييل ينحطون على الجرح ..
بس تدرين انتي .. اصابعج مو سوا ..

و بعدين انتي شفيج على خشمج ؟ راسج مالج بعد لول

و حسافه طافتني الثقافيه .. انشالله نعوضها :) .. و يعطيج العافيه

Kuwait يقول...

@@
بصراحه خشمج ظاهره ما راح تتكرر ;q

Manal يقول...

مساكِ الله بالف خير حبيبتي طموحة
يا كل الملح

:)

والنعم بنساء لا تمل الالم
في سبيل الرقي في المجتمع
في سبيل التطور
في سبيل التفوق دائما
بغض النظر عن الخصم رجلاً كان ام امرأة

اسعد لوجود تلك النساء في المجتمع
واحس الدنيا بخير

وبالنسبة للرجال
فهم يكملون الدور في تلك الحياة
ولا بد من الصالح والطالح
كما بين معشر النساء

واتمنى التوفيق للجميع
دمتي بخير وسعادة

وموفقة
:)

فريج سعود يقول...

حلاتج وانتي رايحة للدكتور وقاعد يقيس ضغطج من خشمج

Q8EL5AIR يقول...

والله وصار لهم صوت الحريم :)

اتغشمر عشان لاتاكلوني بقشوري الحين !!


بالنسبة للخشم ..

فاتوقع ان قلبج بياخذ جولة تفقدية على الاعضاء .. والظاهر انه كيف على كرم الخشم :)



وتحياتي ..
ويسلمواااااااااااااا :)

Nasser99 يقول...

يعطيج العافيه و الى الامام

طز بالرجالة يقول...

و يلوموني اذا قلت طز بالرجاله

Alikingkw يقول...

طفله كويتيه تبلغ من العمر 4 سنوات تعاني من اللوكيميا(سرطان الدم) وهي بحاجه ماسه جدا جدا الى 3 اكياس من صفائح الدم

يوميا ليس مهم نوع فصيلة الدم







وكذلك بحاجه الى دم فصيله



O+

حتى يستطيعوا الدكاتره بدء العلاج معها ولم تجد المتبرعين الكافيين ..



وبسبب نقص صفائح الدم لم تعالج الطفلة

فمن يريد الأجر والثواب هذا رقم والدها

00965-66434363

00965-97828381

اسم الطفلة : اسماء عبدالله عيسى السماك

عند التبرع الرجاء ذكر اسم الطفلة



تؤخذ بطاقه التبرع من بنك الدم وتعطى لوالدها ويكتب اسم الطفله على البطاقه



أو اخذ كرت التبرع الى

مستشفى الصباح

قسم الاطفال

قسم امراض الدم -بنك الدم الوطني

الدور الاول -الجناح الثاني

غرفه رقم 2



ويسلم للغرفه



ارجو النشر



وان لم تستطيعوا فنرجوا منكم الدعاء لها بالشفاء



ونشر الرساله



أسأل الله العظيم ان يشفي كل مريض وان لايريكم مكروه بعزيز



جزاكم الله خير

كبرياء وردة يقول...

صباح العسل

هالزمن ما رح يصير زمن الرجال
الا اذا صرنا مثل هذي اللي كاتبة عنها

نساء تعالين فوق الجراح وفوق الألم
قلن لا لمجرد القول، بل هي أفعالهم تثبتها

ههههههههه
وحتى خشمج فصل وياج :p

الله يعينج اهو عين وا ويلاه مو الخشم بعد

ربي يوفقج ويعينج ويسهل عليج الغالية

ان شاء الله فترة وتعدي
وكل شي له ثمنه
وان شاء الله نشوفج من اهم النساء بالكويت

SHAHAD يقول...

والله إنت نفسي :/
حتى انا احب خشمي حيييل
ومراات ينبض لوووول

كاريكاتير يقول...

في نظر بعض الرجال المرأة ملعونة ن الشيطان نفسه!!

وانا اقول ان المرأة هي عالم بذاته لم يعشقه!!

Engineera يقول...

يا سلام حلوه الخاطره ..
انا وايد قرا مسجاتي وموبايلي فيه 2500 من سنتين ما مسحت ولا مسج .. مسجات من بنات خالتي و خواتي ورفيجاتي و و و .. الي يعور قلبي مسجات من بعضهم انقطعت علاقتي فيهم من سنه تقريبا .. اقعد اقرا سوالفنا و حشنا و غشمرتنا اقول شلون وصلنا حق المرحله هذي مع العلم احنا اهل .. يضيق خلقي ودي امسح كل شي بس اقول لا بخليهم ذكرى حلوه على الاقل !!

في مثل كويتي يقول
( مالك الا خشمك لو كان ينبض !! )
لوول يا بعد خشم فلان

طموحة مملوحة يقول...

TRUE CLUE

اي والله في رياييل رجال بمعنى الكلمة والله بس للأسف الشر يعم على قولتهم .. حتى الحريم ماقصروا لووول


اي المرة الياية تي مي شغل:d

طموحة مملوحة يقول...

kuwait

اي فديتهع خشمي والله اليوم باللاب قاعدة اشتغل بالمسكروسكوب على العينات ولا ينبض جان اقول اوووووف فكني عاد بصوت عالي اخترعوا شفيها هذي؟ ؟

طموحة مملوحة يقول...

Manal

فديت خشمج والله يسلم تُمك :)

طموحة مملوحة يقول...

فريج سعود

انت عطيت الناس فكرة حو علمةراح تاخذ عليها براءة اختراع لوووول على خشمي طبعا

طموحة مملوحة يقول...

Q8EL5AIR

عورت خشمي والله على جملتك الأولى ماحب هالجملة والله .. اكيد مو من قلبك ..

:)

خشمي مشكلة العصر

طموحة مملوحة يقول...

Nasser99


الله يعافيك يالغالي ..

طموحة مملوحة يقول...

طز بالرجالة


لوووووووووووووووووول نكج بروحه قصة ... والله على راسي لووول

طموحة مملوحة يقول...

Alikingkw

يعطيك العافية

طموحة مملوحة يقول...

كبرياء وردة


فديت ردج العسل والله

طموحة مملوحة يقول...

SHAHAD


وناسة مثلي :D

طموحة مملوحة يقول...

كاريكاتير


حكم يا بدر حكم :)

طموحة مملوحة يقول...

Engineera


هذا المثل صج @@؟؟؟

Engineera يقول...

المثل الصجي ( مالك الا خشمك لو كان عوي )

احيــــــه يا بو سوسو لوووول .. شفيج ضعتي لووووول

Alikingkw يقول...

الله يعافيج