2009-03-25

مطلوبة الرسامة طموحة مملوحة ...

السلام عليكم جميعا :)

بصراحة توني رادة من الجامعة وحدي لايعة خشمي من كثرة المختبرات الي خلت خشمي يعيش في حالة نفسية مو طبيعية ، المهم وأنا رادة البيت ولا تييلي بنت اخوي الصغيرة ... وكان الحوار كالتالي ..
شهد : عمتي سارة عمتي سارة ؟؟
سارة : هاااااااااااااا شتبين لا تقولين درسيني بدرس تعبت لاعت خشمي والله ..
شهد : لا عمتي شي ثاني .
سارة : خيــــــــــــــــر !!!
شهد : عمتي مدرستي يبون رقمج .
سارة : @@ ليش شحقة ؟؟
شهد : يبون يكرمونج !!
سارة : لوووووول شسويت لهم علشان يكرمونج .؟؟
شهد : اختاروا رسمتج أحلا رسمة بالمسابقة .
سارة : اي رسمة ؟؟ واي مسابقة ؟؟ أنتي متأكدة .؟؟
شهد : اي عمتي ورفيجاتي حدهم متشوقين يشوفونج يبونج تيين المدرسة علشان يكرمونج ويكرموني
سارة : وناسة .. وانتي شكو يكرمونج انا الي تعبانة على الرسمة . ؟
شهد : هههههه عمتي حرام عليج أنا حدي مستانسة كشخت فيج بالمدرسة الرسمة عجبتهم ويبون منج رسمات بعد .
سارة :@@ أقول ذلفي انتي ومدرستج بكبرها .. لوووول
القصة يا محفوظين السلامة ، ان يتلي بنت اخوي هذي قبل اسبوع تبيني اسوي لها رسمة، وانا كانت نفسيتي تعبانة حيييل ومالي خلق وترجوني بالغصب سويت الرسمة وللحين اذكر سهرت وارسم واتحلطم ، المهم ماكنت حاطة ببالي ان الرسمة راح يدخلونها بمسابقة الهم اذكر الرسمة كانت كلها حلوج شكبرها لأنهم كانوا يبون رسمة عن الاسنان ومادري شنو والله ما اذكرها الي اذكره بس الحلوج لووول
المهم وفازت الرسمة @@ حدي مو متوقعة صراحة بس يالله الي نيته زينة الله يوفجه الحمدلله .
عاد اذا خذيت الدرع صفقوا لي زين ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
لحـــــــــــظات العبط ..
مبارح ( أمس ) كنت حدي مشغولة حد الدعسة وافتر افتر افتر افتر مادري لي وين بوصل المهم اخلص من محاضرة لمحاضرة ثانية وتدق علي صديقة لي في التوجيه والارشاد علشان التغطيات الاعلامية حق المجلة ، واروح حق الدكتورة حق محاضرة اليوم الي بقول لكم عنها بعد شوي ، المهم ماكليت ولا شي من الصبح وكان عندي مختبر من ال2 لل5 المهم سارة لا تحس بالجوع .. وأنا لمن أقول جوعانة يعني خلاص راح افصل ، ولمن اقول يوعانة عندي عادي كليت ولا ماكليت مو مهم ، المهم بالمختبر الاستاذ يشرح وانا بطني صارت طقاقات والله ويطالعني الدكتور يضحك ، شفيج ياسارة ؟؟ والله جوعانة دكتور والله ، لوووول مارضى يطلعني والكفتيريا تسكر 3 ونص ، المهم طلعنا بريك على ال4 وربع وأنا حدي ببجي ، جوعانة جوعانة مايصير ،بستأذن برح آكل اي شي الدكتور مو راضي ، وعيوني غورقت خلاص ماقدر اسوي شي واطالع العينة بالمجهر احس اني اشوف اكل شوي وآكلهم والله والدكتور يقول لي ويييه ذاك اليوم كليت جذي وجذي وانا دكتور يرحم والديك خلاص والله نفسيتي تعبت والله ، تبوني اشتغل على العينات ؟ ماسويت ولا شي ... على ال5 طلعت قلت لرفيجتي نمر هارديز اييب لي اي شي ابلعه ، المسكينة رفيجتي ذكرت قبل هالمرة شسويت فيها بالمختبر لمن خرعتها ، هالمرة بالسيارة المسكينة بالمصافط مادري وين تطالع ، جان اقول لها : خلصيني تمشين شوي شوي جوعانة . وقلتها فزت وهدت السكان ، جان تصرخ علي رفيجيتي انتي شفيج عليها بس تخرعينها ؟؟؟ البنت قعدت تتعوذ من ابليس المسكينة وكليت لي وجبة كاملة هني وعافية على قلبي ، لا تحاولون تتناقشون معاي وأنا جوعانة مو يوعانة جوعانة لأن يمكن آكلكم لووول
ـــــــــــــــــــــــــــــــــــــــــــــــ
شسالفة المحاضرة ؟؟
اليوم سوينا محاضرة وبالاصح اول اجتماع لنا لمنظمة ال AAPG وتكلمنا عن المنظمة وبصراحة انا حدي متشوقة تصدقون الكتب الي تنباع بالكويت هني الي على 50 دينار احنا تنباع لنا ب15 دينار بس ؟؟؟ وعاد المشكلة الاقتصادية خلت الكويتيين يخافون بس اذا جذي اسعارهم فمن حظنا ان احنا وياهم هذا غير المؤتمرات يعني حق الي يبي يشارك فيها الشخص العادي يدفه 500$ بس احنا ندفع 20$ وكل لمصلحتنا يعني ... يعني بصراحة ... محظوظين والله الجيولوجييين وأنصح الجيولوجييين انهم يشتركون بالمنظمة .
..
..
..
خـــــــــــــــــذ الخذر ...
وحدة من البنات الي كانت تمشي وتقول سارة فيها وفيها وفيها وتطالعني ن تحت لي فوق ، فجأة وبيوم وليلة صارت تحبني وتسلم علي كل يوم ، وتسولف وياي وتضحك ..... @@
ياترى شنو السبب؟؟ انا مخترعة بصراحة للحين مو مستوعبة بجد بجد واللهِ
بسي قرقة بروح ادرس ....
فتكـــــــــــــــــــوا بعافية


20 comments:

{~المباركية~} يقول...

والله عقبال ياخذونج ترسمين حق هوليود

ترى اليوع كااافر

طموحة مملوحة يقول...

لوووووول اهم شي هوليود لوووول اي والله كافر وملحد وكل شي مو حلو لووول

مركبنا يقول...

اكشششششششششششششششششششششخ

dalal يقول...

عليج بالعافية .. تستاهلين كل خير .. وعقبال العالمية

سؤال مملوحة :

صج اللي تعرف ترسم تعرف تحط ((ميك أب)) ؟؟

وسلميلي على شهوده :)

طموحة مملوحة يقول...

مركبنا

حده يبيله تقحيص مو :p

طموحة مملوحة يقول...

دلول

والله مادري بس انا اعرف احط ماكياج :D

واغلب الرساميين الي اعرفهم يعرفون يحطون واعكس غير صحيح :d

SHAHAD يقول...

لوووول تصدقين انا إذا يعت حدي حدي حدي .. وما حصلت أكل حزتها .. عقب خلااص مستحييل آكل :/ أفقد الشهية لوووول

امممم ديري بالج من هالبنية .. كللش مو مرتاحة لهاا أحس وراها شي :/ < وانتي شكو لووول

طموحة مملوحة يقول...

شهودة

لوووول حتى انا احس الموضوع فيه بلوة لووووول لأنها فجأة جذي وبدون مقدمات لووول الظاهر تبي واسطة لووول

واي جان زين انا مثلج انا عادي اكل بلد كامل اذا يوعانة .

TrueClue يقول...

مبروك الفوز بالرسمه .. هذا و مالج خلق رسمتي رسمه و خذت جائزة .. لو يكون فيج مزاج و تكونين * شبعانه مو جوعانه * شنو راح يصير عيل


ديري بالج من اليوع .. ترا شيطان ولله :P

طموحة مملوحة يقول...

لا اذا رسمت وانا مرتاحة ما ابدع :)

عفره يقول...

هني وعافيه على قلبج
والي تسلم عليج يمكن انتي سويتي شي بدون لا تدرين خلتها تحبج

ربي يوفقج

طموحة مملوحة يقول...

عفرة


الله اعلم صراحة

تسلمين يالغالية :)

Nasser99 يقول...

تستاهلين طموحه

فريج سعود يقول...

كاسك يا وطن شيصير لج ؟

طز بالرجالة يقول...

و الله انا خايفه يطقونج عين
نشيطة ما شاء الله و الحسد الكويتي ما يرحم
الله يحفظج

المتهـافت يقول...

عقبال ما نحضر لج معرض رسم
صج ليش ماترسمين دكاترتج رسومات كاركتيرية
خصوصا المشوط الي الكل يشتكي منه :×

طموحة مملوحة يقول...

ناصر 99

مشكور لك يالغالي

طموحة مملوحة يقول...

طز بالرجالة ..

اي والله صاجة يالغالية .. برقي نفسي دايم وكله اقرا المعوذات الله يحفظني لوووول ... مشكورة يالغالية

طموحة مملوحة يقول...

فريج سعود


لوووووول يصير لي من عايلة الوسط الديمقراطي لوووول :D

طموحة مملوحة يقول...

المتهافت ..

لووووول لمن اتخرج اخاف يحطون علي وانا للحين ماتعلمت رسم تفاصيل الويوه ان شاء الله اتعلم وارسمهم :P