2009-03-14

برج الميزان .. وتعليقي !!!!




هذا ايميل وصلني من وحدة من رفيجاتي وقريتها وحسستني اني أنوثة زيادة عن اللزوم الحمدلله والشكر . خل اعلق على الكلام الي مكتوب والي تبي الايميل تقول لي خل تشوف حظها ، بس لا تصدقون رقة واحساس زايد عن اللزوم ماكو .. لوووول بالنسبة لي طبعا .







فتاة برج الميزان (24 سبتمبر- 23 أكتوبر)

هي جميلة ورشيقة وأنيقة ومتزنة.. اي اي رقعوا لي شوي ، جميلة مشيها رشيقة حجي مأخوذ خيره ، أنيقة ولاعرفت ريحته الاناقة ، متزنة هذا الي حاط هالكلام ماقابلني للحين :)

كلما قابلتها استقبلتك بابتسامة ووجه بشوش اي الحمدلله هذا اوكي حلو .. كمل وتمتاز بجاذبية طبيعية.. لووول اي جاذبية بالدفاشة حد أمه والله .. اجتماعية جداً ولا تحب العزلة أو الوحدة..اهو عن اجتماعية اي والله بس ماحب الوحدة ولك الوحدةتيييب الهدوء صج تعور خشمي ..بس مجبورة شسوي ؟؟ تقدر الجمال والموضة وتهتم كثيراً بنفسها ونادراً ما تتعرض للسمنة.. أقول عن الاشاعات الزايدة ،"حاول أن تكون أنيقا وإياك من السمنة.." بل حاول ان تكون صبورا معها وشوف شنو آخرتها وياها . هي ذكية وقوية الشخصية وتهوى الجدل والنقاش اي والله رحم الله والدينك حد أمه احب النقاش والنجرة والسؤال والجواب النقاش اوووف عندي كل شي والله ، وماحب اعزم احد على نقاش ويطنشني بصراحة ... وتأكد أنك لن تخرج من المناقشة منتصراً أبداً،اي علشان جذي يطنشون :P بل لابد أن تقر بهزيمتك واعتذارك وأنت سعيد وراضٍ لا عاد والله ماحب احد يعترف لي انه انهزمجدامي .. حدي بسيطة وماحب أشوفالهزيمة بوجه الي جدامي لووول وتحضر لها زهوراً تعبر عن أسفك وندمك ورضاك بانتصارها عليك..لالالا لا تسمعون كلامه اصلا حرام يقطفون زهرة ويضيعون حياتها وتذبل آخر شي علشان وحدة دفشة مثلي .. خلوا الورد لأهله ومابي اسف من أحد .. الي حاط هلكلام يبي يكرهكم بالميزان والله .. "إنها هزيمة إستراتيجية انتظارا لمكسب أكبر.." هي لا تقبل أن تكون مجرد دمية في حياتك.. اي والله :( العمل بالنسبة لها مهم جداً لأنها ترفض أن تكون عبئاً على شريك حياتها اي والله صاج بهالناحية صج صج انا جذي .. ؛ فهي تحب أن تبقى مستقلة ورغم أن الأمور المادية لا تهمها كثيراً فإنها تحب الاستقرار... اسم الله علي .. لووول "هذا بالطبع سيوفر عليك الكثير. أليس كذلك؟.. اكيد في ريال الحين يبي مرا ماتوفر عليه ؟؟؟ " إنها ذات عقلية جادة وقدرة تحليلية خطيرة اقعــــــــــــــــــــــد صرت خطيرة مرة وحدة ؟؟ ، وعندها حل لجميع المشاكل، اي والله إلا مشكلاتي لووول وسريعة الحسم. اي اي هين . "احذر من وشووو ؟؟

؛ فأنت دائما كتاب مفتوح بالنسبة لها.." ياويلك !!! هي مهندمة ومنظمة وتحب الاعتناء بأسرتها فإذا ما اختارتك لتكمل معها مشوار الحياة فإنها ستصبح من معدن نادر الوجود..احمد ربك .. اي والله معدن الكوارتز :P "عليك بأن تصقل هذا المعدن جيدا.." بصراحة اي والله محتاجة صقل بس محد له خلق هاليومين يصقل حبيبه فخلاص يخلونه بدون صقل .. كل واحد يصقل نفسه ويريح الي جدامه وخلاص.. هي تحب السرعة حد أمه حتى مسمسني الذبانة بالجامعة من كثر ما انا مطيورة لووول ، وتفضل أمير الأحلام الذي يتميز بالجمال والجاذبية..لا والله مو مهم الجميل عندنا حده شايف نسه الحمدلله والشكر .. "عليك بأن تكون أمير أحلامها.. كن جذابا وجميلا في نظرها دائما" اهو خل يطلع امير الاحلام هذا بالاول بعدين يصير خير .. مفتاح شخصيتها يكمن في أنها تبحث في زوجها عن صديق مطيع وصاحب جيد،

مطيع ؟؟ بصراحة لا انا مو من الحريم الي يخرفنون :q

وهي تميل إلى الحب الروحاني الرومانسي...حدي :( "قليل من الرومانسية يجعل الباب مفتوحا لك دائما.." مو قليل:( يبي كشير كشير لوووول عليك يا صديقي أن تحذر فبرج الميزان يتأثر بكوكب الزهرة،ابتدينا بآا بالكلام المش كويس وهو برج هوائي مايضرش هوائي مائي ترابي كولو زي بعضوو ... ، فهي في لحظة وديعة كالنسيم وفي لحظة أخرى ثائرة كالعاصفة والإعصار.. احم احم ... منو أنا ؟؟ "احذر من أن يهزك إعصارها.. بعد اعصار ؟؟" هي تبحث دائماً عن الانسجام بينها وبين من حولها ولا تشعر بالسعادة إلا في وجود الانسجام بالإضافة إلى الحب انا المسيجينة أنا .. أنا المظيليمة أنا .. ، وتتمنى أن تعيش في عالم خالٍ من الآلام... آه يا ألبي .. "انسجام + حب = عالم دون آلام... تذكر هذا.. تزكّـــــــر " تهتم بتبادل الهدايا فاحرص دائماً على مفاجأتها من آن لآخر فذلك يسعدها كثيراً.. اووووووف اموت على شي اسمه هدايا لوووول وبما أن التوازن من أهم صفاتها فهي تسعى دائماً إلى الأخذ والعطاء المتوازن.. "كن معطاء معها وسوف تنال الكثير.." اي الناس اليوم تبي الأخذ ماتبي العطاء ... لنا الله ..
كلام مأخوذ خيره والله انا اقزرها وناسة وانا اقراهم والله لا أكثر :)
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
مغازل اشكرة جدام الناس :
اليوم رحت مع اختي سوق بو 100 فلس تبي تشتري هدايا حق طالباتها .. مدسات وبخل لووول وانا بصراحة أحب بو 100 لأن فيه سوالف خبال احبها بصراحة ، المهم واحد كاشخ حده دشداشة ومغتر وحالته حالة قاعد يفتر ويخز ، ماسك بيده شغلة جان يقول : لو سمحتي هذا ب100 فلس ؟؟
جان اقول له : ششايفني هندي يشتغل بالمحل ؟؟
جان يقول : آسف آسف .
عطيته بوخزة حقيرة وقلت مالت ومشيت
شوي وقاعد يفتر ومومخليني امر ويليت فاضي المكان كله ناس ، جان اقول له بتخليني أمر ولا شلون ؟؟ بنرفزة قلتها لأن لاعت جبدي حدي ..
ولا يقول رقمه بصوت عالي مع اسمه كامل ومشكلة من عائلة معروفة .. الناس وقفت تطالعه بنظرة خايسة .
ويليت يعني لاحق وحدة حلوة وكاشخة قاطة العباية وحواجبي حواجب العيمي ، والويه الي اييب المرض ..
يعني اشكرة رايح هناك يضبط الي الله يقطها على هالمكان لو شنو كانت .. المشكلة مكان عبيط يعني الله مكثر السوقة الحمدلله والشكر ..
بس الي حاز بخاطري أن الناس ساعات تاخذ فكرة غلط حتى على البنت يعني يكون مالها دخل بس يحطونها اهي بعد الغلطانة .. بس والله عيب جذي جدام الناس ..
ــــــــــــــــــــــــــــــــــــــــــــــــــــــــــــــــــــــــــ
ليـــــــــــــــــــــش يا ميرووو؟؟؟ :(




35 comments:

حياتي هدف مو عبث يقول...

عن الابراج لا أؤمن فيهم نهائياً :)
وعلى الأخ بو صوت عالي
هههههههههههههههههههههههه
لا تردين عليهم جذي ناس
الحقران يكون أفضل حل وصدقيني اتحسين ودك تقولين شي بس لا تقولين راح اتحسين ونااسة
ههههههههههههه
لما تحقرين اتحسين بشعوور حلو
:p
وليش بخل ؟؟ الحين المدرسات اهم يصرفون على الطلبه والمدارس الله يعينهم
وخاصة اللي بالروضة

طموحة مملوحة يقول...

حياتي هدف مو عبث

مو عن ارد ولا ما ارد انتي لا تشوفين شلون حكرني ... قليل ادب والله عاد انا ماحب ريال يقرب مني حيييييل واحد بغيت اسوي له جريمة قتل لمن لمس جتفي لا كلش ماحب .. وعلى سالفة المدرسات .. والله اذكر على ايامنا المدرسات الي اييبون هدايا كشخة نحبهم حييل يعني تشجيع ... ولو اني ماحب اكون مدرسة والله لا اييب اليوم الي اصير فيه مدرسة بس ماحب اييب هدايا اي كلام حق طالباتي .. احب يقولون واااااو وناسة مثل ما يقولون اليهال عندنا بالبيت لمن اييب لهم هدايا .. لوول

mantovani يقول...

جميل ان يكون الانسان من مواليد برج الميزان

مانتوفاني

3- اكتوبر -

كبرياء وردة يقول...

سارون

انا ميزان :)

طموحة مملوحة يقول...

Mantovie


أنا 10 /10 وناسة ... الميزان ولا بلاش لوووول

طموحة مملوحة يقول...

كبرياء وردة ..


اي يوم ؟؟

والكلام الي مكتوب .. طبعا مو الاحمر .. ينطبق عليج ؟؟ :D

كبرياء وردة يقول...

انا 5/10

والله الأغلبية اي اذا استبعدنا سوالف الرقة:p

عفره يقول...

انا ما يقهرني ألا شايب كبر يدي يغاااازل هنييييييي اموووووووووت قهر

elsha3er يقول...

انا عن نفسى بعترف بحكاية الابراج انا عن نفسى برج القوس وبحس ان فى حاجات كتير بتنطبق عليا منه بس برده ما احبش احكم على حد الا لما اكون امامه وجها لوجه اكتر من مرة عشان اعرف طريقة تفكيره واخلاقه عشان كدة مش حقدر اوافقك وبرده ما قدرش اقول دة صح


لكى كل التحية

احمد الشاعر

طموحة مملوحة يقول...

كبرياء وردة

وناسة يعني انتي دفوشة مثلي ؟؟

اي سنة انتي .. خل نشوف منو اكبر ؟

طموحة مملوحة يقول...

عفرة

من صجج ؟؟ وسنونه مكسرة ويييييييييييع لووووول

طموحة مملوحة يقول...

الشاعر

والله انا بحب اقراهم للترفيه عن النفس فقط لا غير بحب الي يوصفوا ما بحبش الي بيقولوا حيصل كدا كدا دا مبحبوش ..

كبرياء وردة يقول...

انا مواليد 1990

طلعتي يدتي:P

طموحة مملوحة يقول...

فديتج بنوتتي...

فريج سعود يقول...

الي فوق مو ماشي مع الي تحت !!!

علي إسماعيل الشطي يقول...

أختي الكريمة

تعيشين و تشوفين العجب العجاب

ناس ما تستحي شتسوين فيهم

إنت قاعد بالسيارة مع أهلك , ودهم يقعدون بحضنك هالمرة بنت بروحها بالسوق

شتوقعين من ناس جليلة حيا

عموما خطاج السوء

بعدين شفيهم يبا حواجب العيم ؟؟ :)

virgin يقول...

أنا بنت الميزان بس مو كل الكلام صح !!

أنا احتج :P

* * *

ويييييييييييع هذا شيبي امبي هل أشكال واايد مصدقه رووحها ..

اييه انا ما احب الناس الي تاخذ نظره غلطعل البنت .. اهو يتحرش انزين انا شكوووووووو !!

just a bunch of thoughts يقول...

اعرف وحدة ميزان و فيها وايد من هالمواصفات :)

تعليقاتج تضحك! لووول

امبيه شهالمسخرة! قطيعة ما يستحي على ويهه!ديري بالج من هالسوالف لا تردين عليهم! ادري ساعات ودج تقطينلج جم كلمة بس مو بمجتمعنا حبيبتي!! هني ما يصلح الا الحقران!!! اهو الي يقهرهم!
قطيعة!

SHAHAD يقول...

لووووووووووووووول
طمووحه موتيني ضحك
قاعدة بالقسم وأضحك بصوت عالي
كلهم لفواا علي :/

لووووووول وأما المدرساااات وااعليه عليييهم .. المعااش كلله طااير على الطالبات والمدرسة
يعني تخيلي حتى هدايا الإذاعة وموصلات الكهرباا اناا شاريتهم
والوكيلة تسوي نفسهاا ذربه تقوولي وين الفااتوورة ما يصير تدفعين شي من جيبج
ويوم يبت لها الفاتوورة جاان تقوول لاا ما يصير أقبلها لاازم الريال يكتب شنو شريتي بالضبط !عدليها من عنده وييبيها

يعني شنو رااح أبوقكم مثلا !!
فخليها على الله لوول

وهذا المغازلجي
ذكرتيني بواحد يقعد عند كنتاكي على البحر
والله كل ما اروووح اشووفه
ريااال كبييير ويقعد على نفس الطااولة ونفس القعدة ما يغيرها وبس يخخخخززز .. ويبتسم لللبناات ويحااول يرقم مسكيين لوول مادري يمكن فيه نقص مسيكييين :/

عبدالرزاق يقول...

هذا الكلام كلوووو مضبوط انا الميزان وفيني هالصفات واكثر...

:)

28/9/83

منطلقة بطموحي يقول...

لوووووول بدعتي سارون :)
لا احسج حرام ظلمتي نفسج . منتي لهالدرجة !
ليش تنظرين لنفسج هالنظرة
بالعكس خوش بنية :)
الله يحفظج

مركبنا يقول...

لوووووووووووووووول


طموووووووووووووووحه

وانا اقول ليش فيج وايد من صفاتي
طلعنا اثنينا ميزان

نحب الشقي - نحب اللويه - نحب الشغل- نحب اليمعه ....


وااااااااااااااااو

=================

هل المغازلجية
ياكرهم والله يعينج
ثقل طينة وعينه

طموحة مملوحة يقول...

فريج سعود


اي اغلب بوستاتي فيها مواضيع داشة ببعض مثل آخر موضوع انت مسويه لوول

طموحة مملوحة يقول...

أخوي علي


اي والله صاج حتى مع اخوانها جذي ..

على حواجب العيم ياخي مافيني عرج عيمي بس مادري ليش الكل يقول عني عيمية :D

الحواجب مشكلة مايصير كل اسبوع رايحة الصالون والله كلافة .. :P

طموحة مملوحة يقول...

Virgin

من صجج ؟؟؟ خلاص بغير الكلام قولي لي شنو الي يرضيج خل اعدله :p

اي اوووف تصدقين والله وكاشخ على محلبو100 الحمدلله والشكر لوووول

طموحة مملوحة يقول...

just a bunch of thoughts



انتي من صجج والله تمنيت احذفه بالحديدةالي كانت بيدي والله @@ اي حديدة ؟؟ خو سوالف بو100 والله يونسون لووول ..
انتي لا تشوفين شلون لزق لا تشوفين والله لووول مال اسوي له جم حركة كراتيه على مصارعة بس ماينفع مع عباية لووول

طموحة مملوحة يقول...

just a bunch of thoughts



انتي من صجج والله تمنيت احذفه بالحديدةالي كانت بيدي والله @@ اي حديدة ؟؟ خو سوالف بو100 والله يونسون لووول ..
انتي لا تشوفين شلون لزق لا تشوفين والله لووول مال اسوي له جم حركة كراتيه على مصارعة بس ماينفع مع عباية لووول

طموحة مملوحة يقول...

shahad


من صجج ؟؟؟ اي تسوي نفسها كريمة خو بعدين تقول لا شدعوة على بالها كل الناس تبوق .. يقول المثل اليوغسلافي .. كلن يرى الناس بعين خشمه :)


مشكلة والله هالوكيلات اي والله خلي هداياج كشخة علشان البنات يقولون عنج ابلة كشخة لووول

طموحة مملوحة يقول...

عبدالرزاق ...



اقعد يالميزان ... كشخة والله عيال هالبرج ماعبر والله يهبلون ..

طموحة مملوحة يقول...

منطلقة بطموحي


انا ما ظلمت نفسي انا قلت الصج علشان باجر لا تقولون غشتنا :p

طموحة مملوحة يقول...

مركبنا

وعاشت توأمي عاشت :D

Selezya يقول...

:) التحليل الوحيد اللي تكلم عني بالضبط :) وصلني من شخص قبل فترة طويلة يقولي شوفي شنو الشي اللي مو صح بهالكلام :) لي يومج وانا محتفظة بهالتحليل

من برج الميزان :)

====

وبالنسبة للمزيون اللي لاحقج :q طنشي يبه :)

طموحة مملوحة يقول...

لووووووول اكره شي اسمه طنش ... انا يا اعجن اليي جدامي يا خلاص اهو الربحان لووول ..

امانة دزيلي التحليل عليج الله بليييييز دزيلي اياه ممكن ؟

TrueClue يقول...

انا واحد من الناس الي ما يؤمن بالأبراج كلش ..
ما اقص عليج و ما اقولج اني كنت اقرا ..
بس لمن عرفت انه كلام فاضي بطلت من هالسوالف .. و بعدين انتي اعصار وانتي مادري شنو .. ما خلوا شي ما قالوه عنج :P ناقص بس يطلعون اسمج و وين ساكنه بعد لول ..

و بالنسبة للمغازل .. هذا الي يغازل ما يحترم الموجودين حولينه ..
جنه يقول انتوا كلكم مو موجودين و لا احترمكم .. و يغازل على كيفه ..

الله يهدي شبابنا بس ..

طموحة مملوحة يقول...

حتى انا ما أؤمنفيهم بس اقزرها لووول