2009-03-22

ثقافيتي أخيرا مع دعاية :)



غــــــــــــــدا ان شاء الله ستكون أول ثقافية لكلية العلوم ، هالمرة صج ماكو تأجيل لووول ، في الساعة الواحدة بعد الظهر ان شاء الله ، في قاعة c كلية العلوم ، اي خير قاعة جبرة جبرة مو قاعة :p
المهم الي حاب يحضر حياه الله واتمنى يكون في حضور من القوائم الأخرى راح تكون ثقافية خفيفة ان شاء الله مافيها حجي وايد لأنها أول ثقافية ..


اليوم كانت مقابلتي مثل ما قلت لكم سابقا لمجلة يونيك واذا نزلت ان شاء الله بحطها لكم بالمدونة ، المهم كانت المقابلة جدا رائعة ماشاء الله عليه الأخ الي مستضيفينه يعني انا حاطه كذا سؤال والله ماشاء الله بدون ما اسأل استرسل بالكلام وقعدت ادون وان شاء الله بضبط الحجي وتشوفونه اكيد بيعجبكم ان شاء الله ، الشي الي حبيت اقوله لكم ...
أن أكلهم لذيــــــــــــــــــــــــــــــذ

كانت ثنتين من رفيجاتي معاي بالكافيه ، فحبوا يذوقونا من أطباقهم ... ولك والله لو ادري بهالكافيه من زمان جان طحت عندهم 24 ساعة أدري مو مال ريجيم لوووول بس والله ماتوعته جذي ما اقول هالشي علشان اسوي دعاية ليش سويت مقابلة ومن هالحجي بس والله والله الي ماذاق منهم شي انصحه يجرب والله اليوم ماخليت شي مابلعته والله يعني مادري جم كيلو اليوم زدت بس ل.ذ.ي.ذ شوي عليه والله لووول ، الكافيه له ثلاث افرع بالكويت ، الراية سنتر والافينيوز تبعكم هذا تحبونه لوول وبجامعة ..

اذا رحتوا جربوا نوتيلا ... اخيييييييييي يبيله مرة ثانية والله

جربوا وعطوني خبر .. بصراحة اتمنى ان تزيد افرع الكافيه لأنه بصراحة ماكو مثله ولولا المقابلة جان مادريت عنه بس اتمنى من مدونتي اني اسوي دعاية صغيرونة للكافيه انتو جربوا واحكموا بنفسكم :)

على فكرة في توصيل للمنازل بس البيوت الي بالديرة .. :)

وهذا موقعهم للي حاب يتعرف عليهم أكثر ..

CrEpE cAfE

يالله بجهز حق باجر لوووول ان شاء الله ما ياكلوني اسئلة لووول

فتكــــــــــــــــوا بعافية :)

طموحوووو مملوحووووو






الي يعرفني عدل بيعرف شنو تعني لي هالأغنية :

26 comments:

{~المباركية~} يقول...

لاتشوقيني وااايد
ترى يعت حددي
شنو هذا نوتيلا شنو فيه شنو مواصفاته اشقر ؟ عيونه زرق ؟ طويل ?? ;p

khalidkhalid يقول...

طموحه
ـــــــ
وايد

تكتبين يومياتك هنا ...وكأننا نعيش معك ... حياتك التى تذخر بيوميات فة منتهى الروعه والنشاط والحيويه ... أدام الله عليكى هذا (أمين).

ويومياتك تغوص ف العاميه الكويتيه
اجد احيانا صعوبه فى فهم المعنى على الخصوص.

لاتنسى ان لديك اصدقاء خارج الكويت العزيز.

سنكون معك فى الثقافيه حضورا بالروح
وأكيد سنصفق
عندما نقرأ هنا السرد الجميل .

أحترامى وتقديرى.

أحمد الحيدر يقول...

بالتوفيق ..

وبالعافية :)

SHAHAD يقول...

اهلييين سااروونة
ربي يوفقج باااجر

نااطرين المقاابلة بشغف : )
وإن شااء الله راح نجرب هالكافية
مع إني ريجيم :/
بس شوقتيني : )

Free_Moi يقول...

انشالله بحاول قد ما اقدر اكون موجوده باجر

بس اذا مايت اعذريني لانه باجر كل دوامي بشويخ :p

بس بحاول كثر ما اقدر ايي i always support my friends ;)

طموحة مملوحة يقول...

المباركية


لووووووووول اهم شي... والله تبي الصج ذقت الفراولة والكاكاو بتقول لي عليج جبد ... بقول لك والله لذيذ شسوي لوووول

طموحة مملوحة يقول...

خالد


أشكرك اخي الغالي سأحاول الكتابة باللغة العربية :)

طموحة مملوحة يقول...

أحمد الحيدر


اجمعين يارب

طموحة مملوحة يقول...

شهد

يابعد قلبي والله ، ان شاء الله اذا بسرعة بسرعة اشتغلت عليها راح تنزل بشهر 4 يارب ... لأني حدي دايخة والله والف شغلة وشغلة براسي والله :(

طموحة مملوحة يقول...
أزال المؤلف هذا التعليق.
طموحة مملوحة يقول...

Free_Moi

يابعد قلبي مو يديد هالشي منج والله ... تدرين انا اخلص من الشويخ 12 وربع وتدرين الزحمة مشكلة والله .. حاولي بصراحة ودي تكونين موجودة والله :)

وراح اعذرج والله :) كافي تعليقج هني :)

TrueClue يقول...

كل هذا و مو دعاية الله يهداج ؟
و بعدين قلتي بتسوين رجيم .. اي رجيم اي بطيخ و كليتي شكثر ..
خربتيها ولله لوووووول

كبرياء وردة يقول...

اموووووت بالكريب

خصوصا نوتيلا وباشميل سوس

عجيييييييب

موفقة باجر :)

elsha3er يقول...

sory to late but iam comming

ma3lesh mesh 3arf aktb arabi



ahmed elsha3er

وسطي... "للأسف" سابق :( يقول...

الأخت العزيزة، طموحة مملوحة...

تحية طيبة وبعد،

هل أنت عضو في قائمة الوسط الديمقراطي؟
كنت أم مازلت؟
في كلية العلوم؟

عفره يقول...

شوقتيني

عليج بالعافيه والله يوفقج

Ducati يقول...

ههههه هذا الكافيه الي ما سمعت عنه بالمره

بس انشالله اذا خلصت نظام الرجيم مالي اروحله ونحكم

:)

علي إسماعيل الشطي يقول...

بالتوفيق و النجاح

أختي العزيزه

تحياتي

طموحة مملوحة يقول...

TrueClue


من صجك كلهم يقولون ردت سارة الأولى وحدي مابي سارة الاولى ترد لأني كنت برميل لووول

طموحة مملوحة يقول...

كبرياء وردة ..

اخيييييييي مال تقحيص بعد ماتاكلينه صح ؟؟

طموحة مملوحة يقول...

elsha3er



ولا يهمك يا أحمد ... المدونة مدونتك ويشرفني وجودك والله ِ :)

طموحة مملوحة يقول...

وسطي (( للأسف )) سابق :)


نعم اخوي انا في قائمة الوسط الديمقراطي منذ 2005 وقطعت عن العمل في السنة الماضية لأسباب الدراسة وعدت من جديد للعمل ... :)

طموحة مملوحة يقول...

عفرة


الله يعافيج حبيبتي .. نصيحة والله جربيه ..

طموحة مملوحة يقول...

Ducati


حتى انا اول مرة ادري عنه بصراحة من المقابلة لوووول ..

بس ان شاء الله اذا جربته بتقول سارة ما جذبت .. الاكل الفرنسي عجيب والله لوول

طموحة مملوحة يقول...

أخي علي


اشكرك أخي العزيز على كلامك الطيب وتشجيعك الدائم لي :)

Hashimoto يقول...

بالتوفيق في الثقافية

=)