2009-03-09

I Will Always LoVe YoU


بابتسامة بسيطة
ودعت آخر صفحة من مذكراتي ..
على امل اللقاء من جديد ..
في يوم ليس بقريب ..
أنها الأشواق تقتلني ..
انه الحنين يؤلمني ..
انه الحب يزعزعني ..
انها الوحدة تزعجني ..
وصل الكثيرون لاسعادي..
وقام العديد بمساندتي ..
انا سعيدة لحبهم لي ..
وسعيدة لأهم حاولوا ولازالوا ..
محظوظة بوجود أصدقاء محبين مثلهم ..
ولكــــــــــــن ..
..
..
من منهم يستطيع مسح دمعي ؟؟
..
..
..
ــــــــــــــــــــــــــــــــــــــــــــــــــــــــــــــــــــــــــــــ
..


موقف سخيف :

عندي وحدة من خواتي اتلذذ بالهواش معاها ، فيت تبي تتهاوش معاي ، المهم ملاسن ملاسن جان ادزها على صوب الباب ابيها تطلع حدي مالي خلق اتناجر معاها مو وقته .... لمن سكرت الباب ولا الحديدة تشيل من جلد اصبعي .. بصراحة مسكت الصرخة ... وطلعت بالصالة مالت الضيوف البعيدة صرخت من قمة راسي وطلعت كل سكوني .

سناسيني ماوقف ... لووووول

أشوفكم على خير

19 comments:

Engineera يقول...

قوه ..

من زمان ما مريت على المدونات وقريت ولما ييت اقرا قريت بوستج الي ياي على الوتر الحساس ..

أنها الأشواق تقتلني ..


انها الوحدة تزعجني ..

:)

اما هوشتج مع اختج و موقفج صج ضحكني خصوصا انها وايد تصير ونخش الالم عشان ما يتشمتون فينا

اسعدني المرور بمدونتج الي يما رسمت البسمه على ويهي :q

أحمد الحيدر يقول...

الله يبعد عنج الضيجة .. ويخلي لج اختج النجرية :)

ما تشوفين شر :)

SHAHAD يقول...

ما فيني شي !
جرح في طرف اصبعي بيطيب ويمكن يختفي
لما يدك تلمس يدي : )
لو تشوف هموم قلبي وشتقول !

خطرت ببالي هالاغنية وانا اقرالج : )

وسلااامة صبعج يا حلوة : )

Manal يقول...
أزال المؤلف هذا التعليق.
Manal يقول...

خليتيني اتخيل المقطع الاخير عليج
:)

موتيني من الضحك

وذكرتيني بخواتي

يا حلو النجرة معاهم

ربي يحفظكم حق بعض
:)

elsha3er يقول...

سلامتك

كل اللى بيحبك يقدر يمسح دمعتك لان اى حد بيلاقى ناس بتحبه لازم يضحك بلا دموع

سلامتك مرة ثانية


تحياتى


احمد الشاعر

كبرياء وردة يقول...

بوح جميل

ههههههههههه

كل هذا خايفة من الشماتة

والظاهر مسوية بختج سوايا ما صارت وهذي حوبتها:P

ربي حافظكم :)

Q8EL5AIR يقول...

وناسة هوشات الاخوان .. احلى مثال للحوار ومن ثم التالف وجنه شي ما صار :)

من يستطيع مسح دمعي !!

سؤال جدا مهم بالرغم من كثر الاصدقاء !!



وتحياتي ..
ويسلموااااااااااااااااا :)

طموحة مملوحة يقول...

Engineera

يابعد قلبي ولكم يالغالية وينج من زمان ؟؟

اختي هذي انا وياها فلم بروحنا حياتي صارت كآبة من صكت علي كنت آخر العنقود حدي مدلعة ..

طموحة مملوحة يقول...

أحمد الحيدر


شكرا لك يالغالي ..

طموحة مملوحة يقول...

shahad


احب هالاغنية والله :)

مشكورة يالغالية ..

طموحة مملوحة يقول...

Manal


يبطون الجبد الخوات والله وخاصة خواتي ... يمكن جم وحدة يعني احسن من لا والله كلهم احسن من هالدلوعة الي حتى لو اهي الي غلطت انا الي انزف ..

طموحة مملوحة يقول...

elsha3er


شكرا على كلامك الطيب احمد :)

طموحة مملوحة يقول...

كبرياء وردة ...

اهي تصفية حسابات لووول لأن لمن كنا صغار كنت لابة بحسبتها من الحرة لووول

طموحة مملوحة يقول...

كويت الخير


شلونك اخوي ..؟؟

اخذ اختي هذي خلها تقعد عندكم بالبيت يوم واحد بتحذفونها من ملاقتها لووول

مسببه لي كآبة كبيرة لووول

حياتي هدف مو عبث يقول...

هههههههههههه
لو أنا جان طلعت حره العوار فيها
:p
بس تدرين لنا وخواتي قبل لما انعصب
تلقين وحدة فينا والاغلب كانت اختي العودة
اتحاطم وتقول حجي بحجي فالبدليات تكون زوود مع تعابير الوي نضحك وننسى السالفة
أمي طبعاً لا تعلييييييق

الله يخليكم حق بعض ويحفظكم
:*

Engineera يقول...

حياتي والله كانت فتره صعيبه او عصيبه وحده منهم والدنيا تلاهي .. بس الحين راده حق المدونات ولهتكم الصراحه :q

خل اقولج موقف يشابه موقفج مع اختي ..
كنا طالعين وانا اسوق .. المهم انا اسوف بإيد والثانيه متسنده فيها على السناده واهي بعد متسنده على السناده .. الحين السناده ما تكفين ثنتينه لازم وحده توخر .. لا انا راضيه اوخر ولا اهي طبعا صارت نجره خفيفه و تعاندنا محد راضي يوخر .. عاد احس اهي مرتاحه بس انا متضايقه وايدي قامت تعورني بس مابي اوخر عناد لووووووووول ( الله يفشلني ) .. تميت معانده لين بس مو قادره اكثر جان اسوي نفسي منطربه بطول على المسجل ( خوش ترقيعه ) ووخرت ايدي لوول بس المهم ان ما حست اني كنت متضايقه
ادري وقت العناد نصير يهال مع ان اعمارنا ما تساعد .. وشكرا ( جني كتبت بوست كامل )

طموحة مملوحة يقول...

حياتي هدف مو عبث

أنا أدري ان امي سواء انا الصح ولا الغلط انا الغلطانة كالعادة فلازم احط كل حرتي فيها لأني جذي جذي مزفوفة ... فدايما تاخذ مني طق فيه علامات للحين لووول

طموحة مملوحة يقول...

Engineera

بعد قلبي انتي البوست والمدونة كلها تحت امرج يالغالية .. :)

فديتج والله انتي واختج تضحكون .. انا مو مثلج اعاند اعاند لين تصير خناقة كبيرة ويمكن طق مطاقق لووول