2009-04-05

AAPG KUWAIT CHAPTER ... GEO KWT



السلام عليكم جميعا :)

يانا خبر حلو خاص بالجيولوجيين والأخص المشتركين في منظمة البترول الأمريكية ، وكان الخبر أن راح يكون يوم الثلاث ان شاء الله محاضرة لرئيس المنظمة الأمريكي مستر سكوت تنكر :) ... وطبعا وصتني الدكتورة اني ابلغ الأعضاء وأخوي نائب الرئيس ماقصر وسبقني الله يعطيه العافية ،الي حبيت اقوله ان هذي المنظمة بكل صراحة راح تفيدنا في الوقت الحالي ومستقبلا ، أقرب شيحق التوظيف ، المميزات الخاصة فينا كأعضاء جدا رائعة ، ومنها الخصومات العجيبة على الكتب ، والخصومات كبيرة جدا مو مقصة نفس الي هني لووول (( عن النغزات يا سويرة )) ، يعني مثلا الكتاب ينباع بالكويت 50 دينار كويتي ، فالاعضاء بالمنظم يشترونه ب15 دينار فقط ، كذلك بالنسبة للمؤتمرات الأشخاص العاديين والدكاترة يدفعون 500$ أما أعضاء المنظمة الطلبة يدفعون 20$ فقط ، هذا مع حجز الفندق والاجراءات الازمة اهم الي يتكفلون فيها ، غير انه مصدر هام للمعلومات يعني بيكون مصدر موثوق فيه جدا حق بحوثاتنا وبصراحة أنا نويت بعطلة الصيف هذي اني أأجل سفرة عمان للسنة الياية واخذ لي دورات انجليزية مكثفة علشان ابدي هواية لبحث العلمي باللغة الانجليزية ان شاء الله ومنها كذلك كسب معلومات .

هذا الايميل الي وصلنا

Mr. Scott Tinker, AAPG President and Dr. Abdulkader Afifi are visiting the department to meet with the student and talk about the AAPG. Please let all the AAPG members know about this and come to this meeting. Beside encourage all the geology student to come for this meeting. The meeting will be on Tuesday, 7th April, at 2:00 in room 217.

وكان الايميل الي طرشوه للدكتورة فوزية عبدالله

Dear Dr. Abdullah,

Thank you for your invitation. Scott Tinker, President of AAPG, and I will be visiting Kuwait on Tuesday April 7. We will visit KOC in the morning and would like to meet you and your students in the afternoon. We are spending only one day in Kuwait and will depart same evening.

Is it possible to schedule a visit after 2 pm that day?

Regards,

Dr. Abdulkader Afifi

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ماتكلمت عن المحاضرة الي صارت في القسم الاسبوع الي طاف للأعضاء في المنظمة والي يبون يسجلون ، وحاضرت فيها مع نائب رئيس المنظمة : جاسم عباس ، بمشاركة أمين الصندوق محمد بوعباس .. وتكلمنا عن المنظمة بشكل عام لأن وايد كانوا يبون يعرفون شنو المنظمة وشنو مهاما وشراح تفيدهم فيه ؟؟ كانت الدكتورة فوزية موجودة بينا وهم تكلمت عن الموضوع ولله الحمد زاد المشتركين بالمنظمة واهتمامهم زاد بالمنظمة ، ويوم الخميس ان شاء الله راح تكون لنا أول رحلة لشركة الKOC .. كبداية شي بسيط وفي أفكارنا المزيد من الانجازات لأن الشركة بأمريكا تبينا نقدم أكثر لطلبة الجيولوجيا وترعى هالشي ولله الحمد ، يعني لقينا الاهتمام جدا رائع وفوق المتوقع واتمنى نكون قد المكانة ونرفع اسم الجيولوجييين الكويتيين في العالم ..

ــــــــــــــــــــــــــــــــــــــــــــــــــــــــــــــــــــــــــــــــ

غد راح يكون اليوم المفتوح في كلية العلوم لطلبة وطالبات المرحلة الثانوية وفديت قسم الجيولوجيا مختارينهم أفضل قسم لهذا العام ، فان شاء الله يبين بالصورة يارب ، والله أعتف اني قصرت وياهم وايد اليوم كانوا قاعد يشتغلون أعضاء النادي الجيولوجي مع طلبة حابين يساعدونا فماكنت فاضية كلش ومن المفترض اقف وياهم بالمعرض باجر ، بس ماعندي بريك الا ساعة كاملة بروح اسوي تغطيتي حق المجلة وحق المدونة :p واذا قدرني الله اساعدهم .. والله السنة الي طافت كنت امشي واصور واسولف مع الآكو والماكو ، طلعوا صاروا كلهم يعرفوني لووول ياكثر قرقتي لووول

ــــــــــــــــــــــــــــــــــــــــــــــــــــــــــ

مادري ليش لمن اسمع هالاغنية ماحب احد يسولف علي ، حدي اندمج مع الكلمات واتنح ....
خوش اغنية والله


12 comments:

Enter-Q8 يقول...

20 دولار
تكفين بصير جيلوجي، قلتها صح و الا غلط

طموحة مملوحة يقول...

لووووووووووووول

اتوسط لك افا عليك لوووول

أحمد الحيدر يقول...

موفقين انشالله ..

يصير نشارك إعلاميا ؟ ;p

طموحة مملوحة يقول...

أحمد الحيدر

أكيد يصير أفا عليك احنا نبي ناس تيي صراحة اذا فعلا ودك يليت تراسلني بالايميل

الحــــٌر يقول...

السلام,,
بالتوفيق ان شاء الله ومنها لأعلى وان شاء الله تلقون نفط تحت بيتنا :)

وشكراً,,

elsha3er يقول...

rabna ywafaak anty tasta7aky kol kher


t7yaty ahmed elsha3er

TrueClue يقول...

الله يوفقكم امين يارب ..

بانوراما يقول...

الله يوفقج

منها للأعلى

طموحة مملوحة يقول...

الحرّ


أشكرك يالغالي ويشرفني مرورك العطر

طموحة مملوحة يقول...

elsha3er


ربنا يوفق الجميع يارب

اشكرك يابن خالتي الغالي

طموحة مملوحة يقول...

TrueClue


أجمعين يارب مشكور

طموحة مملوحة يقول...

بانوراما


تشكرات :D