2009-04-06

ريجيم يالبطة ريجيم ..




تتوقعون لو بسوي ريجيم الحين لي بعد انتخابات مجلس الأمة راح أضعف وأصير دق العود ؟؟
والله يمكن ، الدكتور يقول لي تصيرين رشيقة 80 كيلو ، وعصقولة 75 كيلو...
يعني أشكرة وناسة من قلب ... الحمدلله الطول نعمة .. حق الي يتطنزون علي يالزرافة
باجر بداية الحرب لوووول
تدرون جم وزني ؟؟
بتقولون بنت ماتقول ؟؟ لووووول
89 كيلوشحم لووووول ...
..
أحسن من السنة الي طفت كنت 99 .. مطعم مو وزن لوووول
ريوقي قال لي 5 تمرات أنا عيوني صارت @@ استغفر الله ماحب التمر برمضان اسكر خشمي عشان ماحس بطعمه استغفر الله ،مع شغلة نسيتها لمن رديت البيت اقرا الورقة كلمة (( بطانية )) @@ جان اقول : شفيهم دكاترة الريجيم دايم خطهم استغفر الله شلون افهم هالكلمة؟؟
وأعابل بالكلمة،،، يمين يسار يمين يسار تدرون شنوطلعت ؟؟
...
...
..
نسكــــــــــــــافيه لوووووول
ـــــــــــــــــــــــــــــــــــــــــــــــــــــــــــــــــــــــــــــــــــ
..
..
..
دار حوار بيني وبين احدى الصديقات اليوم وكان الحوار كالتالي
سارة : تصدقين صار لي فترة طويلة الحين كله اناقض الرياييل واكتب مواضيع عنهم ، الي يشوف يقول احنا مقصرين!!!
اهي: لا شوفي الرياييل بشكل عام شوي يبطون الجبد والي بالكويت وايد يبطون الجبد مو شوي .
سارة :شوفي مو كلهم بس مادري وايد متفرعنين ،على طاري الفرعنة ، حظج انتي بالدائرة الأولى اوووف احنا الخامسة والله ل شيصير ما تاخذ مرة أصوات منهم لوووول .
اهي : لوووول اي سارة حرام احنا على الاقل عندنا ناس وايد راح يصوتون للحريم .
سارة : شوفي ما أمدحها علشان وحدة مني وفيني بس بصراحة الي ماتوقعت تاخذ اصوات ذكرى لا وبالدائرة الرابعة يعني كان بالنسبة للجميع صعب توصل بس خذت اصوات وأذكر يوم التقيت فيها قالت لي انها توقعت أكثر بس بصراحة أنا حدي استانست ماشاء الله عليها عطتني دافع حق المستقبل لوول .
اهي : للحين منبطة جبدج من الرياييييل ؟
سارة : والله ماسووا لي شي بس مادري ليش باطين جبدي ، والي يطلع يقول صوت المرأة بيد ريلها ، شنو ماعندها عقل تختار الي تبيه ؟؟ حتى بهالشي حشروا الريايييل فيه ؟ استغفر الله ساعات اقول مالوم الي تصير بوية من فرعنة الرياييل ، ساعات اكره نفسي اني بنت ، ولك الريال عندنا بالديرة يسوي الي يسوي شايل عيبه على قولتهم .
اهي : هدي اعصابج ولكل شي حكمة لا تعترضين حكمة ربج .
سارة : ما اعترضت بس اعترض على تفكير بعض الرياييل بعض؟ أغلبية .
جان تضحك ودشينا بسالفة الريجيم وقلت لها شلون أن كلمة (( جوعانة )) ودتني بداهية لووول ، وسولفنا عن البنات الرقيقات وشلون حاولت اصير مثلهم بس الله خلقني ملقوفة ، فقررت تييب رفيجاتها الرقيقات يقعدون معاي علشان اعلمهم الدفاشة لوووووووول .
لا تقولون ماتقدرين قعدت مع بنات وايد اغلبهم رقيقات بخلال جم شهر تعلموا الكلام الدفش مني أحسن مو لازم كل بنات الكويت يصيرون مثل حليمة :D
...
.
تذكرت قبل أمس وانا رادة للبيت شفت على دوار منطقتنا بنر كبير والله من بعيد قريت كلمة كبيرة مكتوب (( السبت ))
أنا قلت شنو ف السبت يالله خل تقرب السيارة علشان اشوف شالسالفة .. بالأخير شطلع ؟؟ :S
دعوة عامة للعشاء فلان الفلاني يوم السبت ..
سبب الدعوة ؟؟ مجهول سبحان الله الحين حلت الدعوات ..
وشهالكرم الزايد ؟
قلنا كرم وجود ما اختلفنا عليه بس شنو اسباب الدعوة وكتابة اليوم بالخط الكبير؟؟؟
.............................................
...
...
..
هذي الأغنية لمن اسمعها احس اني بعالم ثاني ، عالم الخبال والعبط ...
يايتج يا Fergie الخبلة بصير مثلها :p
ان شاء الله اضعف شجعون عــــــــــــــــــــــــــــاد





24 comments:

كبرياء وردة يقول...

رح تضعفييييين وتصيرين غصن البان وتالي اشوف صورتج واقول منو هذي شكلها مو غريب

مع اني مو شايفتج متينة :)))))

وانا هم رح ادرس وانجح واصير خوش بنت

طموحة مملوحة يقول...

كبرياء وردة

اي خو طولي مرقع لي وايد .. بس لمن فكرت فيها حق المستقبل .. جوعانة هذي راحتخرب بيتي لووول

اي شدي حيلج ياقلبي .

حجر كريم يقول...

عشان تاكلين التمر تسكرين خشمج ؟؟؟

التمر ماله ريحة ؟؟؟


شالرابط :)

Enter-Q8 يقول...

الطول هيبة
و المتن عز
هذا انا لما الربع يقولون لي متنان

فريج سعود يقول...

في حد ما بيحبش التمر يا بت

غير معرف يقول...

جم طولج؟ ملقوفه ها؟ بس من صج جسمج معقول ما ينقال عنج متينه ابد..المهم لا يخترب هالويه وهالخدود المالوت قراص :)

صبا يقول...

والله العظيم انتي عسل وتاخذين العقل

قولي آآآآمين ..يارب تضعفين وتصيرين مثل ال
ballerina

وانتي اصلا مو متينه
جسمج حلو ولحد يحبطج
اشويه خففي اكلج وتضعفين يالسمبتيك
وتركي عنج الرجيم كلام فاضي


انا عكسج كنت ضعيفه والحين بعد فاتح الشهيه صرت
عشره على عشره

:***

طلال يقول...

ههههههههههههههههههههههههههه

والله بالعكس جسمك حلو..يعني لا انتي ضعيفه ولا متينه بالعكس متناسق مع شكلك..

عالعموم ربي يوفقك بس اهم ش لاتاكلين اخوانك اذا جعتي..!

واذا تبينت الضعف انا اذكر في دكتور سمعته يقول انك تاكلين نفس وجبات الفطور والغدا والعشا بس اهم شي انك تمشين في اليوم نص ساعه على الاقل..!

وبالتوفيق انشالله

Blog 3amty يقول...

عاد عمتي مسوية قبوط اليوم !


يالله بعد الإنتخابات أتنقصلج !

بانوراما يقول...

عيل لازم تسوين رجيم بعد الانتخابات

لأن تعرفين ما يتطوف أكل المرشحين

{~المباركية~} يقول...

من صجج منو يضعف بالانتخابات كلهم كرشتهم 5 امتار لي جدام من البوفيهات

رجيمج احسن من بعض الناس عشاهم روب وخيار

طموحة مملوحة يقول...

حجر كريم

لا طعمه مو لمن تسكرين حلجج وتاكلين ماتحسين بطعم الشغلة ... لووول بدل ما اكل 5 تمرات كليت نص تمرة وويهي صار مزورق استغفر الله لووول

طموحة مملوحة يقول...

Enter-Q8


لوووول تذكرني بأيام البدو أول ... الي يشوف يقول عايشة وقتهم لووول الكرش عندهم عز لوووول يابختها من خذت واحد كرشه كبير لووول ..

لووووول والله حلوة مقولتك بس ماراح اقولها لووول

طموحة مملوحة يقول...

فريج سعود


أيوة :( آآآآآني

طموحة مملوحة يقول...

غير معرف

من صجج .؟؟؟ مادري اذا تعرفيني تذكرين لمن ضعفت حييييل ؟؟ شفتي ويهي عقدني ما يضعف ويهي شكبره وجسمي ضعيف ... أنا أبي اضعف ويهي والحريم يبون يتفخون لووول


بعد خشمي انتي والله

طموحة مملوحة يقول...

غير معرف

طولي 176

طموحة مملوحة يقول...

صبا

تبادلين ؟؟ لووول بعد قلبي والله انتي ماتدرين والله ماتدرين لمن طحت بالجامعة ماقدروا يشيلوني من ثقلي لووول .. عظمي ثقيل يابنت لا يغرج لوول

طموحة مملوحة يقول...

طلال

والله ماكو فايدة انا ما ينفع وياي مقولة خفف ...

ينفع وياي اكلي جذي وبس علشان اتأدب وماقول جوعانة لووول

طموحة مملوحة يقول...

Blog 3amty


بحسب والله لووووول .... لا ماكو عزايم ماكو بوفيهات ...

المشكلة عندي ارادة بس كلمة جوعانة تكسر كل شي لووول

طموحة مملوحة يقول...

بانوراما


أنا أقول خل يتكلمون المرشحين ويقولون شعندهم وبس ماله داعي المجاملات والأكل لووول

طموحة مملوحة يقول...

{~المباركية~}


أنا بضعف ... وأحسن علشان اتحدى نفسي لوووول ...

واذا متنت وايد بدش المجلس وانتقم من كل المرشحين لووول

just a bunch of thoughts يقول...

يالله شدي حيلج و ان شاء لله تضعفين :)

اول مرة اشوف الفيديو مال هالاغنية ... صج جنة فلم ياباني او هندي! لوول

طموحة مملوحة يقول...

لا شفتي واهم يناقزون لا تشوفيني بالبيت اسوي نفس حركاتهم fergie
حقير أحبها لووول

just a bunch of thoughts يقول...

loool

y7lalich ya sarah :P