2009-04-07

اعتذار من دواعيس قلبي ...!!!

قبل شوي رديت البيت ، وشفت جادمي أم كشة ، زوزو الخبلة ، قلت لها تييين معاي فوق جان تمد ايدها علطول يعني شيليني شلتها ووديتها الغرفة ولبست ملابس البيت وقعدت اسولف مع نفسي واهي تطالعني جنها تقول : والله وهقت نفسي مع هالخالة المعقدة . المهم دايم تروح صوب اللاب توب لأني أحط لها فيديوات قطاوة وحدي مت من الضحك انا وياها على هالفيديو لا يطوفكم أمانة خاصة أول دقيقتين لووول .




المهم بتقولون هذي حاطة موضوع اعتذار ومن أولها سوالف ...

أبي أعتذر حق الكل الكل الكل لكل صديقة ولأهلي والجميع وأقول لهم كلهم ، موفاضية كلش بليييييز بسكم نجرة معاي بطيتوا خشمي .. يعني صج صج لاعت خشمي ، عسى ما اقول سوري والله مشغولة والله مافيني ادق وطبعا الاجابة : شدعوة بزنس يعني ماكو دقيقة ماكو مسج ماكو .. بقول لهم الواحد لمن يكون عنده ظروف بلييييز لا تكملون عليه ، يعني كافي عندي دراسة واشغال اتعبتني فرجاء لا تزعجوني بعتابكم ،الواحد يعاتب اوكي ما يخالف اسمع بس وايد منهم يضغطون علي بصراحة مليت من كل شي ... مالي خلق أسولف مع أحد مالي خلق حق اي شي حتى بالجامعة محاضراتي ورا بعض غداي آكله وأنا أمشي شهالعيشة الصعبة ؟؟ ، يعني حتى اهلي الي معاي بالبيت مايشوفوني الا دقايق بالبيت ، اطلع من لابي 5 ونص وعلى ما اوصل البيت الساعة 6 وعلى ما اريح وعلى ما ادرس والعلوم كل يوم امتحان وحدي تعبانة مع جدولي هالكورس شنو يعني اهد دراستي واقعد بدالة ادق على الكل هلا والله شلونكم شخباركم..؟؟؟

كرهت نفسي وكرهوني وايد بسبب هالشي ودي اكون بروحي هالفترة والله يعيني على نفسي واعتذر بصراحة للكل بس جد جد جد مافيني ابرر كل شوي واقول شنو الي يشغلني ....

أكرر اعتذاري

آسفة على اسلوبي بس حدي متنرفزة والله

34 comments:

Um il sa3af wil leef يقول...

مسموحه ..الله يعينج ويوفقج.بس تمام القطو الأسود العنونو أبو نظرات خارقه

{~المباركية~} يقول...

الله يعينج
ماعندي شي اقوله بس
بالتوفيق

حياتي هدف مو عبث يقول...

ما أحب اللي ما يقدر الظرووف
ولا أحب نظام لازم ادق واسأل كل مره
يعني الواحد ما يفتك ههههههههههههه

مالج شغل فيهم واللي يعرفج يعذرج
:***

وبالتوووفيق :)

SHAHAD يقول...

تيي فترات الواحد يكون فعلا مزحوووم
عاد على اللي حوله انه يقدر هالشي ويتعذرله
الله يعينج حبيبتي
ويوفقج بكل أموورج إن شااء الله
بس صدقيني ما تشرهوا عليج إلا لأنهم يحبونج وفقدوج : )

M.AlQallaf يقول...

same here :( don't have time even to even scratch my head !!

قيس بن الملووووح يقول...

كان الله في العون
احب اسمع رايك في سنه اولي زواج علي مدونتي

Hashimoto يقول...

التحلطم بين فترة وفترة شي جميل

ويعطي النفس الشعور بالراحة

اشجعج عالتحلطم ..

وانشالله تمر هالفترة العصيبة بأسرع وقت

=)

Enter-Q8 يقول...

اللحين يعني جذي انتي متنرفزة

ياريت نرفزتنا جذي

Nasser99 يقول...

الله يعينج هذي الدنيا بعد اتخلي الواحد يلهي بس مو غلط لما الواحد ينظم وقته

اجتماعي يقول...

هدي أعصابج ..

نصيحة .. يمكن تفيدج

دزي مسجات حق اللي مو مقدرين تعبج خل يدشون المدونة ويقرون معاناتج

يمكن يقدرون :)

just a bunch of thoughts يقول...

لوووووول توني شايفة هالفيديو مال القطاوة!! واااي حدهم بعضهم يموتون من الضحك!

هذول اللي يلعبون سسسييه مممييه ! كااااااااك!ّ وااي اموت هلى شي اسمه قطاوة!

الله يعينج. بس لا تفكرين واايد عشان لا تزيدين الضغط و بعدين يصير فيج اكتئاب الله لا يقول ... حلو الواحد يفكر في اهله و ربعه اللي يحبونه بس من المستحيل انج راح تدقين على كل واحد و تسلمين عليه!
عشان جذي خليج دايما متواصلة معاهم بطرق مختلفة مثلا تدزين لهم مسجات/ايميلات من فترة ليه فتره (و حاولي تخلينها عادة و تحطينها في to-do-list مالتج او تروحين زوارة الاسبوع (اذا عندكم زوارة اسبوعية مو شرط تروحين كل اسبوع اذا كان عندج شغل وصي اللي رايح يوصل السلام)... الخ
اهم شي انج ما نسيتيهم و كاج كاتبة لهم بوست كامل :)

اكيد يقدرون هالشي، لا تحاتين :)

و اللي ما يقدر ما عنده سالفة

Azgerte يقول...

سارونة هدئي من روعج جم مره قايلج العصبية تسوي تجاعيد وبيطيح من مهرج وايد
كلن له شقى ليله
هاج زقارة

بانوراما يقول...

الله يخليها لكم

والله يعينج

طموحة مملوحة يقول...

Um il sa3af wil leef


اي القطاوة كلهم كيوت وعسل فديتهم والله

طموحة مملوحة يقول...

{~المباركية~}


اجمعين يالغالي

طموحة مملوحة يقول...

حياتي هدف مو عبث


في منهم من قدر ظروفي وفي الي كلش ... يعني اهم بكلية ثانيةمرتاحين يخلصون محاضراتهم مبجر كلش كلش 3 انا كل يوم 5 أو 5ونص شهالعبالة :( ..

طموحة مملوحة يقول...

SHAHAD

أدري والله يالغالية :(


فديتج وفديت عمرج والله

طموحة مملوحة يقول...

M.AlQallaf

اي والله صدقتي :(

طموحة مملوحة يقول...

قيس بن الملووووح



صار :)

طموحة مملوحة يقول...

Hashimoto


شكثر احب اتحلطم :D

طموحة مملوحة يقول...

Enter-Q8

نرفزة الكلام تختلف عن نرفزة الطبيعة :p

طموحة مملوحة يقول...

Nasser99

المشكلة مو بتنظيم الوقت المشكلة بالضغوطات الي قاعدة اعانيها والله (

طموحة مملوحة يقول...

اجتماعي


اهي بس مسجات ؟؟؟ والله حتى بالتلفون اعتذرت مرة ومرتين وثلاث لوووول ..

في منهم قرا البوست وفي موفاضيين لووول

طموحة مملوحة يقول...

just a bunch of thoughts


هلا والله بالغالية ..

اهي على الاكتئاب بس خليها على ربج يابنت .. تعبت والله اووووف تدرين شكثر احب القطاوة ؟؟ بس المشكلة كل ما شريت قطوة امي تقطها :( ماتحب القطاوة وانا ما اهدى الا بوجود قطوة صوبي

طموحة مملوحة يقول...

just a bunch of thoughts


هلا والله بالغالية ..

اهي على الاكتئاب بس خليها على ربج يابنت .. تعبت والله اووووف تدرين شكثر احب القطاوة ؟؟ بس المشكلة كل ما شريت قطوة امي تقطها :( ماتحب القطاوة وانا ما اهدى الا بوجود قطوة صوبي

طموحة مملوحة يقول...

Azgerte



لوووووول والله زين تدري بالحال ... محد بيييب لي التجاعيد غيرك ..

مابي زقارة مسوية ريجيم لوووول

مشكلة والله بس لمن افكر بحال الي يعانون بضغوطات اكثر مني اقول الحمدلله انا احسن منهم .. والمشكلة في منهم لمن القى فرضة ادق واسأل او اطرش مسجات القاهم يطنشوني لوووول شهالعلاقة العكسية ؟؟ بسوي نسبة وتناسب خلاص لووول


مابي مهر ابي ريل يدخلني المجلس وانا اييب له المهر واربع اضعافه بعد لوووول

طموحة مملوحة يقول...

بانوراما


الله يسلمج عزيزتي :)

dalal يقول...

نقدر الظروف ونعين ونعاون لا تحاتين :)

طموحة مملوحة يقول...

dalal


يابعد قلبي وخشمي انتي والله

قيس بن الملووووح يقول...

لي طموحه مملوحه
لماذا تنظرين الي الامر بهذه السوداوية ؟
هل تنوين تطبيق اساليب الحياة التي ذكرتها في سنه اولي زواج؟
لماذا لا تكونين من شواذ تلك القاعدة وتحاولين ان تنسجي سنه اولي زواج بمفهوم اخر مستفيدة من تجارب واخطاء الأخرين؟

elsha3er يقول...

rabana y3enk

ana 3andy el7al law bat7asy ank matnarfza 3shan taeha fi elmashagl

ag3aly lanafsk kol yom 1\4 sa3a taaml yoga ya3ny fi makan fi hawa

wa abky ad3ely ana magarb

t7yaty

ahmed elsha3er

elsha3er يقول...

ah sa7y7 lazm tkony lwa7dek wa fi samt tam


t7yaty

ahmed elsha3er

طموحة مملوحة يقول...

قيس بن المملوح

لا أعتقد أن رجل اليوم يتحمل شخصية امرأة كشخصيتي ، فدائما الشكوك حولي بسبب نيتي الحسنة وتساهلي في التعامل مع الاخرين ولكن هذا طبعي ولا استطيع تغييره وفشلت في عدة زيجات فاصبح الأمر بالنسبة لي عادي جدا جدا :)

ربما العيوب تملؤني ولكني بحاجة لرجل يوجهني لا رجل يريدني كاملة بيوم وليلة :)

طموحة مملوحة يقول...

ابن خالتي أحمد

حعمل كده ان شاء الله في السطح :p

اشكرك وحدعي لك اكيد