2009-04-09

بوست على السريع






مادري شفيني ببوستاتي الأخيرة بس أهرج ، ترى كله من مدونة (( بوعلي )) لوووول يقص علي يقول جيكي على التعليقات متطنزين عليج لووول وانا أخترع ليش شسويت لهم ؟؟ لوووول بفتن عليه ويقول لي سابينج بالتعليقات طبعا أنا ويهي يصير @@ شنو ليش شدعوة لا عاد واروح اشوف الردود المحترمة اللبقة اقول والله ماراح اشارك بمدونته مدة اسبوع عقاب لوول



رديت البيت اليوم وحدي دايخة ، ولا تييلي امي جان تقول لي : ربعج فيهم شدة يفصلون ؟
أنا : أفا عليج يفصلون 24 ساعة طوال أيام الأسبوع .
أمي :في عرس يالله قومي عفسي بخلقتج .
أول شي قلت مابي بعدين قاعدة اسمعهم يقولون الطقاقة الفلانية ، وطق بدوي وتقول مميزات الموجودين لوووول جان اقول فوقا .
وعفست بخلقتي ، ورحت العرس وطبعا NO تكانة ، أول مادشيت رفيجات النادي ســـــــــــــــــــــــــــــــــــــــارة لوول وينج يالبطة من زمان ما شفناج النادي هدوء بدونج .
أنا : احم احم جامعة والله ماله داعي اذكر المأساة انا كاشخة وياية علشان افصل مو علشان اقول قصتي الحزينة .
وفصلنا مع ذيج الطقاقة الي طلعت زيراني على الآخر ، وناسة من قلب ولا على البداوي آخ هذا شي ثاني طير طير طير لووول
لا واطالع الطقاقة تغني وتقلب بالدفتر مالها جان أقول لأختي : سمور سمور تذكرين لمن كنا صغار آخر السنة لمن تخلص المدارس باجي صفحات الدفتر نكتب فيهم كلمات اغاني ونسوي روحنا طقاقات نقلب بالصفحةونغني .
وعطيناها ذيج الضحكة لأن شكلنا كان اهبل ويا الخط العبيط لوووول ...
وبصراحة وكل عادة اطلع من العرس ما فرغت كل طاقتي كله من امي .. كان ناقصني العراقي بس :( لوووول
يقولون الجو راح يكون مطر .. وانا اقول الجو بكون جو طموحوي معتدل الملوحة ، سريع السرعة لووووول
المهم بوستاتي الياية ان شاء الله راح احجي عن برنامجي الانتخابي بسبق الأعضاء بلى تطقون طريق وتخسرون بنزين ومسافة على الفاضي حطوا على مدونة تخاريف طموحة ، وتابعوا برنامجها الانتخابي هع هع هع ..
أقول حق أخوي ليبرالي في آخر موضوع بمدونته ويحك صرقعتني والله على بالي تتغشمر @@ بيدشون المجلس عادي بكل برود وعدم مستحى صح :p ؟؟؟؟
سلام كبير كبير كبير مربع مكعب حق مدونة بوعلي ..
أغلب الاوقات أرد على التعليقات (( شكرا يالغالي _ شكرا يالغالية )) فدايما اكتب هالبدلية (( الغلاي _ الغلاية ))
فاذا اي احد شافها خل يمشيها طوف طوف طوف ياما طلعت بدليات محد فينا كامل اوكي :)
تابعوا البوست القادم
برنامجي الانتخابي (( 1 ))
ويتناول موضوعي الأول عن ....!!!!!!!!!!!!!!!!!!!!!
تابعوني مدونتي الفصلة ... المخرفة




وهذي مدونة بوعلي :)







أحب هالاغنية تطلع الحرة الي فيني كلها ، أذكر لمن ضعفت أول مرة وحدة شافتني جان تقول لي : اوووف سارة ضعفانة حيي تدرين تشابهين منو ؟؟ تشابهين ايميلي >>>> الي تغني بهالاغنية ..

طبعا أنا زفيتها : يالله عاد وشحلاتها وطالعني عدل وانتي حولة لوول . بس لمن رديت البيت طالعت نفسي بالمنظرة ادور شبه ماكو .. غريبة .. مع انها اتينن جان زين اشابهها صج ...

13 comments:

طموحة مملوحة يقول...

تصبحون على خيش :D

Kuwait يقول...

@@
حتى انتي بعد عندج برنامج انتخابي ؟ ;q
ويـح قلبــي رايـح عرس وما عزمتيني اردح معاج يالنحيسه :(

elsha3er يقول...

tamo7a momken atkalm m3aky bsra7a
ana momken ykon tadakhl mny bs sadaayny ana kalkan 3aleky anti leh fi el fatra el akhera 7ases ank bt7awly tahrpy men 7aga mesh kadra twagheha ma taz3lesh mny ana 7ases an anty mesh anty mesh dy tamo7a ely ana 3raftha bamoad3ha ely kant dayma leha hadf wa bt7awl t3aml 7aga

ana 3ayzk targ3y zay el awl

ana mesh doktor nfsany bs a7yana ba7s elnas men ktabthm men aslophm

momken akon mesh sa7 alahh a3lm

bs zay ma bykolo a7sas el sha3er


ana tawlt 3alyky

bs el mohm 3ayzk ttamneny 3aleky

a3tbreny abn khaltek bgad wa matz3alesh mny


t7aeaty

ahmed elsha3er

بوعلي يقول...

لاااااااااااا مااتفقنا على الفضايح طموحه ليش جذي الحين الناس تقول عني مروج اشاعات مغرضه

بوعلي يقول...
أزال المؤلف هذا التعليق.
SHAHAD يقول...

لووووووووووول
عاد حدي مشتهية عرس أفصل فيييه
مرة ثاانية عزميني .. خو تدرين محد يعرفني عندكم فـ راح آخذ راحتي ع الآخر
ترى أعجبج :q

ويللا بانتظاار برنامجج الانتخابي
كللي شغف لوول

TrueClue يقول...

اهم شي النحله الي حاطتها :P

ولله فصلتج مو هينه ساره .. ودي اشوفج بالعرس شنو تسوين لول..

و بعدين انتي ما تشبهين ايميلي صح .. انتي احلى منها :)

طموحة مملوحة يقول...

kuwait


شدراني كل شي صار بسرعة بسرعة ماكنت بروح لووول وشدعوة اعرف رقمج ولا ادز لج رسالةاقول لج تعالي بتيين لوووول .. يالله على عرسج ايي ارقص لج :p

طموحة مملوحة يقول...

elsha3er


ابن خالتي الغالي ، تأكد ان صراحتك دي وسام على صدري وبفرح اوي بالناس الي تهتم وتعاتبني والله ماتحطش في بالك اني زعلت ، وانا مش بتهرب من حاجة ، أنا حاطة مواضيع كتيرة اوي لها هدف والجاي راح يأكد كلامي بس ما لقيتش وقت اكتبه باسلوب متقن لأن كثرة الواجبات علي مابتخليني اكتب الموضوع باتقان وزي ما انا عايزة الناس تحب كتاباتي لازم اكتبه وانا رايقة:)

الموضوع الجاي حيعجبك اوي سدأني :)

طموحة مملوحة يقول...

بوعلي


لووووول اتحمل ما يجيييك :p

طموحة مملوحة يقول...

SHAHAD


من صجج ؟؟ انا بعروس الأهل ما آخذ راحتي مثلج لووول ، بس عروس ثانية اوووف يبيله على يوم وحدة من رفيجاتنا من المدونات تتزوج ونروح عرسها عاد افصل انا وياج لووول

طموحة مملوحة يقول...

TrueClue

عاد مو لهالدرجة والله اهي احلا ...

خل اضعف اكثر يمكن اصير شبهها صج لوول

ShLaLaT يقول...

البحث عن الكنز
لعبتنا اليديده

http://shlalat.blogspot.com/2009/04/find-treasure-game.html