2009-04-11

سؤال تدويني ...!!!!!!!!



سؤال للمدونين والقراء .... للمدونين والمدنات :

هل تقبل بالزواج من فتاة تدون في مدونة الكترونية ؟

هل تقبلين بالزواج من شاب يدون ؟؟

يمكن تقولون شهالسؤال ؟؟ وايد مدونين ما نعرف منو اهم بالأصل ، يمكن اهو مايدري ان عندها مدونة بس اذا درا هل يرضى ؟؟

وهل ترضى اهي بعد ... ولا ننسى المعجبين :D اكثر المدونات لها معجبين من القارئين والقارئات ، في ناس تقول عادي سالفة الاعجاب وفي ناس تقول لا ، اهو ما يقبل واهي لا تقبل ... فشرايكم انتو ؟؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رسالة للطاحوس :

أولا ما تشوف شر وسلامات ، ثانيا اذا من أولتها جذي نفسيتك تعبت وصرت حساس زيادة عن اللزوم واضربت عن الطعام مايخالف ريجيم الفال لي يارب :) ، فالله يستر من تاليتها ، باجر يزعلونك بشي وعلطول ترا اضرب عن الطعام واعضاء المجلس مدلعين حدهم عسى ما الواحد زعل ترسوا جيبه ، أنا أقول شلك بعوار الراس خلك ببيتك وايد أحسن لك .

وأطالب وبشدة الاعتذار للطاحوس :p خليتوه يضرب عن الطعام حرام عليكم :(

ماقول الا الحمدلله والشكر شخلوا حقنا يالحريم ؟؟؟؟

فسق فسق والله

أنا راح أناشد رب العالمين انه يكفينا من شر كل من بغى المجلس لمصلحته لا بناشد أمن الدولة ولاني مناشدة الحكومة ولاني مناشدة احد ... فوقهم الله وحسابهم عنده

ـــــــــــــــــــــــــــــــــــــــــــــــــــــــــــــــــــــــــــــــــــــــــ

مادري ليش من الصبح اغني هالاغنية وايد حلوة وكلمات صــــــخر لا وصخر ناري بعد .... :D




ما علــــــــى مثلك حســـــــــــــــوف

40 comments:

علي إسماعيل الشطي يقول...

أختي الكريمة سارة

أنا متزوج و لله الحمد و لا أفكر بالزواج من ثانية سواء كانت مدونة أو غير :)

أما من حيث المبدأ فلا مانع من التزوج من إمرأة لديها مدونه

إن كانت تمارس هذه الممارسه من باب الإستفاده و الإفاده من غير تعدي على شرع الله ( مفهوم قصدي إنشاله )


أما بخصوص خالد الطاحووووس

أختي المشكلة إنكم مو فاهمين ما فعله الطاحووووس ؟؟؟؟

الطاحووووس عرف حق الكويتيين فمشى على ما يشتهونه

شوية صراخ و تل لأمن الدولة و أقعد 7 أيام و أضرب عن الطعام ... أطلع بطل قومي

مكاني مجلس الأمة مرتز عالكرسي الخضر :)

هذا بإختصار ما يفعله الطاحوووس

ذكي عرف شلووون يلعبها صح

بالذمة هذوول مرشحين ... لكن نستاهل

( كيفما تكونوا يولى عليكم )


آسف عالإطاله أختي

تحياتي

طموحة مملوحة يقول...

أخوي علي اسماعيل الشطي

بخصوص الموضوع الأول فعسى الله يتمم لك على خير ووصلت المعلومة يالغالي :) خير تفكير صراحة .

وعلى الطاحوس خذاها من ناحية القبلية والعاطفية والتهجمية ، على قولتك عرف يلعبها صح بس استغفر الله والله عيب والله عيب هالتصرفات تطلع من شخص متعلم ... ماقول الا الحمدلله على نعمة العقل ..

بوفهد يقول...

والله عاد ياحلو بناتنا ... يستاهلون الطيب والخير كله .

وبصراحة انا احطهم بالمقدمة .. شوفيهم حق الفزعات عند ويهك ...

بس انتي اشري ..

ومدونه بعد ... والله عجيبة يعني راعية فكر .. زين على زين .

بس تعالي ليش السؤال ناويه على مشروع (( خطابة )).

ترا وايد خير من وراه هالمشروع.. الاجر والفلوس .

احسن من طشوت البنك والترمس :)

المهم هذا انا مريت وسلمت ياعزيزتي.

بانتظار رسالتك.

طموحة مملوحة يقول...

لوووووول بوفهد شفيك ؟؟


لووووول والله لا خطابة ولا شي اخاف من هالامور اصلا بس كنت افكر بخيالي وطرا علي هالسؤال والله ، وبعدين وين اطرش لك الرسالة ماعرف ايميلك :)

وشكرا على راياتك ( رايك ) :)

طموحة مملوحة يقول...

لوووووول بوفهد شفيك ؟؟


لووووول والله لا خطابة ولا شي اخاف من هالامور اصلا بس كنت افكر بخيالي وطرا علي هالسؤال والله ، وبعدين وين اطرش لك الرسالة ماعرف ايميلك :)

وشكرا على راياتك ( رايك ) :)

{~المباركية~} يقول...

اذا كان انا مدون واهيه مدونه
بالطبع اقبل
يمكن نييب ولد صحفي :p

و الي بيتزوج مدونه لازم تكون مدونتها سياسيه او اقتصادية مو عاامه حق السوالف لوول

طموحة مملوحة يقول...

المباركية


لووووووول اهم شي صحفي ولوووول اهم شي سوالف كاااااك



خوش راي والله

Makintosh يقول...

مرحباااا

طبعا ماعندي مانع .. حلو الانسان يرتبط بشخص عنده نفس اهتماماته .

اما الطاحوس لاتعليق :)
تهقين جم كيلو طيح ؟؟

طموحة مملوحة يقول...

شوفي اذا على هاليومين طاح 10 كيلو باجر بنادي بالقبلية لووووووول


حياج الله حبيبتي الغالية :)

Ducati يقول...

ممم والله خوش فكره مممم

انزين ليش ما تفتحون مدونة كويتيه اسمها خطابه

وكل مدون او مدونه يبون يتزوجون يسجلون فيها

ترا والله فكره

طموحة مملوحة يقول...

لووووووووووووووووول


شكلك انت اول اسم


بس نبي رايك مانبي اقتراح

SHAHAD يقول...

بالنسبة لي ماعندي أي مانع
بالعكس راح أحط لكم مدونته عشان تتواصلون معاه لوول : )

عاد والله أحس وناااسة

شهالسؤال اللي طرى على بالج لووول

Enter-Q8 يقول...

والله اذا ابي البنت كانت مدونة و الا كانت مغنية ما راح يوقف هالشي بطريقي
و بعدين شكو هل التدوين شبهة

اما الطاحوس فماني متكلم الا ببوستي الجاي

بانوراما يقول...

خل اوصل سن الزواج ساعتها

يحلها مليون حلال

Anti Hacking يقول...

http://antihack-protect.blogspot.com/

TrueClue يقول...

اذا كانت محترمه و تفكيرها حلو و مو طائفي و ما يمس الكويت .. ليش لأ ...

و بنات الكويت صراحه حلوين شحلاتهم جنهم ماكنتوش .. كل جاكليته احلى من الثانيه .. :)

شكلج بتصيرين خطابه .. الله يستر منج :P

طموحة مملوحة يقول...

SHAHAD


شهودة انتي لو تدرين شلي يدور براسي من اسئلة بتقولين هذي شوراها .. بس والله صج فكرت بفكرة غير عادية فقلت هالسؤال ماطرا على بال أحد :)

طموحة مملوحة يقول...

Enter-Q8

موعن سالفة شبهة خالد ... شوف انا قريت موضوع قديم باحدى المنتديات ان واحد مايبي يتزوج وحدة تكتب بمنتديات فقلت يمكن في ناس جذي ما تحب ترتبط ببنت أو شاب يكتبون بمدونة ..

هذا اولا

وثانيا ... مستنية البوست مالك على احر من الجمر ماتدري شكثر احب مواضيعك :) حتى لو تخالفني ;)

طموحة مملوحة يقول...

بانوراما


هذا رأي @@

أنا ما يبت معاريس وقلت اختاروا يالله قولي رايج بسرعة

طموحة مملوحة يقول...

TrueClue


بعد خشمي والله

مركبنا يقول...

اذا تابت واقلعت عن التدخين ممكن الواحد يفكر !!!

هو شفيج كموحة وشفيه التدوين ،،،
كل واحد واخلاقة لو اهو قاعد بمسيد ولا مدونة ... اهني المقياس

انا اخوي وابوي يشوفون مدونتي ويضغطوني عليها عادي مافيها عيب ولا غلط ..ز


شككتيني بنفسي

طموحة مملوحة يقول...

مركبنا


شفيج؟؟؟ اي تدخين الله يهداج ؟؟

ياقلبي اغلب المدونين تفكيرهم واعي ومنطقي بس هم في ناس ماترضى بهالشي انا سؤالي هذا ماوراه شي والله مجرد سؤال وابي اشوف رايكم فيه بس :)

just a bunch of thoughts يقول...

i dont see any problem with it at all as long it's respective & not offensive of course

:)

Manal يقول...

انا اقول ان طريقة التدوين ما راح تبين الا ما بداخل تفكير كل من المدون والمدونة

وتكون بمثابة شيء مساعد لمعرفة شخصية شريك الحياة
وميولة ومدى جرئتة

الاسلوب والاهتمامات
فما في مانع من ان الشخص يرتبط بانسان له علاقة بالمدونات


طبعا تدرين اني متزوجة وزوجي مدون وما في شي ينخش
:)

لكن حبيت اعلق من باب الفائدة
فاسمحي لي عزيزتي

:)

صبا يقول...

طموووحه
:***

سويره توووووبه من دي النوبه
من عقب قصة الحب الي صارت معاي مع بوسانتوس يعل ماكو بوسانتوس ..وبسبب غيرته العميه من بوراااشد طلئني بالتلات يا ختي ...ما فيش حب تدويني تاني ...حرمت احبك

ههههههاااي
امبي اشفيني قلبت مصري
هههههههه

بالنسبه لي انا اشوفها عادي وما فيها شي ليش احنا قاعدين نبوق
:)

والفال لج لما تطيحين في حب سانتوسي
(بو ساتوس)
:)



ديكياااااااتي

ههههههه

خووووش فكره وانحط اسم بوراااشد وبوفهد اول شي ...عزووووبية التدوين

امبي صج طموحه خوش فكره نكسب فيهم اجر

ههههههااااي


ها اشقلتي
:))
:***

طموحة مملوحة يقول...

just a bunch of thoughts


بعد خشمي والله شلونج ؟؟؟ فديت ردودج والله انتي وينج؟؟

طموحة مملوحة يقول...

manal


فديتج والله ، الله يخليج له يارب :)

مشكورة على تعليقج يالغالية يهمني اكيد رايج :)

elsha3er يقول...

السلام عليكم الحمد لله اخيرا حتكلم عربى

انا حتكلم معاكى على النقطة الاولانية
حجاوب على السؤال فى زمانا او فى المجتمع العربى كا كل ممكن البنت تاخد ولد بيدون لكن ممكن معظم الرجال لا يقبلو هذا الوضع بس رأيى المتواضع ان لو انسان بيفهم ومتعلم ممكن او متفتح شوية والتفتح مش بالتعليم العالى بس لا بالمبادئ اللى هو اتعود عليها يعنى لو انه اتعود ان رائيه اللى يمشى دايما لانه راجل فا اللى زى دة يرفض اما اللى اتعلم من صغره على النقاش واما ان اقنعك او تقنعنى فا دة بيكون متفاهم وممكن يقبل الوضع

تحياتى

احمد الشاعر

طموحة مملوحة يقول...

صبا


لوووووووووووووووووووووول والله ضحكتيني لا يدش بوراشد ويقرا تعليقج بيحس انه طايح بجبد خشمه ... لوووول نشتغل لهم خطابات ؟؟ يالله اهو وبوفهد خل ندور لهم عرايس لووول بس خل شروط شروطهم ان شاء الله مايقولون جميلة رشيقة لوووووول

لايبا خليج عزوبية مثلي لابو الحب لوووووول الحب خليه حق ابو العيال هذي النظرية صج صج صج توني افهمها صج ... خاصة بهالزمن ليش تحبين وتتعلقين بعدين يروح لغيرج ؟؟ لوووول حبي ابوعيالج وفكي عمرج لوووول


يالله الخطابة أم عبدالله .. وانتي شمسج ام شنو ؟؟ واول ضحايانا بوفهد وبوراشد لووووول مادري ليش احس بورشاد بيتزوج وحدة كشة مادري ليش من صورة الكشة الي حاطه بمدونته الظاهر

طموحة مملوحة يقول...

elsha3er

ابن خالتي العزيز

دا الي كنت عاوزة اؤوله في رجالة مش عايزين نسوانهم يبصوا بس في الشاشة .. ناس كتير تؤول اي ده أصل ده كان زمان بس للأسف لسة في ناس كده ولحد دلوأتي موجودين انا بآى عايزة الناس دول يردوا على الموضوع بس محدش لسة رد :)

Hashemy يقول...

انا بس برد على السؤال التدويني

انا ماشوف فيها مشكله اذا كانت مدونه بالعكس اذا كانت مدونه تكتب بالسياسه او بالادب ولها قراء فهذا شي الواحد يفتخر فيه المفروض

mo3ath يقول...

اذا كانت من الي اتابعهم ماكو مشاكل P:

mo3ath يقول...

وعلى الطاحوس

يبيني اطلب له على حسابي بس خل يرضى P:

M.AlQallaf يقول...

أنا بالنسبة لي عادي لانه هالشي جزء من الشخصية والواحد لما يرتبط بشخص لازم يرضى بكل جوانب شخصيته !

لان انا عن نفسي ما أعتقد راح أهد التدوين :( ما أقدر !! وإللّي يبيني لازم يرضى فيني مثل ما أنا .. إذا ما يبي وحده تدون يروح يدورها !! :>

طموحة مملوحة يقول...

هاشمي


تسلم على رايك الطيب

طموحة مملوحة يقول...

معاذ


لوووووول الحين يدزون لك دعوات تابع مدونتنا لووووووول


كااااااااااك شرايك شنو نطلب له هذا؟؟

طموحة مملوحة يقول...

بنت القلاف


لووووول نفس شعوري احس بالعقد بكتب شرط استمر بمدونتي لووووول

فديتج والله ، الله يوفجج يالغالية

بحار مهموم يقول...

بصراحه ما عندي اي مانع من التزوج من منراه لديها مدونه ولكن بشرط :
ما تكتب مدونات بعد الزواج إلا لي بس
هذا اكيد من حقي

طموحة مملوحة يقول...

يعني تبي كل مواضبعها لك ؟؟؟


زين ماتكتب شي عن الكويت مثلا او اي قضية اجتماعية او سياسية ؟؟

just a bunch of thoughts يقول...

"بعد خشمي والله شلونج ؟؟؟ فديت ردودج والله انتي وينج؟؟"


ويييييه امبييه سوووري توني اقرى ردج!

وييه حدي بزي ياوخيتي! شنسويي بعد!

:)