2009-04-18

تخاريف تتحلطم







وصلت لي هالصورة وحدي ضحكت هذي الصورة التقطت في منطقة القادسية لوووول ويبيله نسوي تغطية حية ونسأل سكان القادسية شنو كان شعورهم بقدوم godzila وشمعنى ما يا عندنا بالصباحية جان قحصنا شوي ودوخناه لووووول ...



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


هل الحل بالحرب ؟؟؟

ياجماعة الخير ، في ناس من الناسات تشوفني طيبة وعسى ما سارة ساعدينا بجذي وبجذي واقول لهم ان شاء الله وحاضرة على بالهم خبيلة وينقص عليها بسرعة ، الي يقعدون سارة وعندها معارف وواسطات ولمن يخلصون مني ينقلبون ضدي وسارة ماسوت شي وسارة مانبيها مو علي انا هالحجي اوكي ، والي اييون لي كتبي المقالة الفلانية لنا وراح نذكر اسمج فيها بالأخير يحطونها تحت اسم فلان الفلاني مو علي هالحجي ، وفوق هذا كله تييني اتصالات فوق شينهم قوات عينهم ، للحين يتمصلحون ، أقول لهالفئة عيب وماعندي فيها اقلبها هوشة وحقي محد ياخذه مني والي يبيني انسحب من مناصبي (( الله يالمناصب )) أقول لهم روحوا شربوا من ماي البحر قاعدة على جبودكم لوووول ...
اخيس شي عندي لمن اتعب واوصل لشي بمجهودي واييون ناس يحفرون لي علشان ربعهم !!!!!
الي يقهرني لمن اتعب واشتغل علشان مصلحة الكل والقى اغلبيتهم يفكرون بنفسهم ... والله عيب


ـــــــــــــــــــــــــــــــــــــــــــــــــــــــــــــــــــــــــــــــ
















اخييي فصلت على هالاغنية والله ، بس الفيديو مالها رايح فيها ويعور الخشم لوووول فقلت احطها لكم من اليوم اغنيها حدها شي ، اخييييي في واحد يشابه انريكي ؟؟؟ هالريال معذبني لوووول شحلاته اتنح على شامته الي شالها مالت عليه لووول








ــــــــــــــــــــــــــــــــــــــــــــــــــــــــــــــــــــــــــــــــــــــــــــــ





التقيت بأحد العاملين في شركة المباني ، فقلت له شكثر أكره الافينيوز وضحك علي جان يقول لي ان عندهم مشاريع بكذا دولة غير الكويت ، واستانست على افكارهم بصراحة شي طيب افكارهم جان يقول لي آخر شي يالله روحي الافنيوز علشان خاطري لوووول جان اقول له : انا بروحي اكره السوقة ماروحها الا لبغيت شي واطقطق بسرعة بسرعة وارد البيت تقول لي روحي الافنيوز زحمة وكل الكوييتيين هناك على شنو ؟؟؟ علشان يفترون ؟؟@@

ولا رفيجتي تقول لي مالج خلق تمشين رياضة @@ والرياضة ماتحلى الا بالافينيوز ؟؟





ــــــــــــــــــــــــــــــــــــــــــــــــــــــــــــــــ


يقول لكم في شباب بالكويت قاعدين يتحلطمون على بنات الكويت : رايحات فيها !!
أغلبهم (( طووووووووووط )) كلش ما عنده خوات لا تخافون ..
فيهم فيهم فيهم فيهم فيهم
وآخر شي يروح عند جم ديرة من الديار الي حلال عندهم الفصاعة وبتزوج وحدة من هناك ... وعاش عاش

هذا واحد سلمكم الله كان خايف على حلاله فقال الكويتية تاكل حلالي وبس تتطلب وتعور راس الواحد ، قولوا شسوى ؟؟؟

تزوج لبنانة أكبر منه ب15 سنة مطلقة و عندها عيال كبار ، سجل حلاله باسمها وشرا لبناتها كل وحدة سيارة آخر موديل و عماراته ومشاريعه كلها باسمها ، يعني خرفنته عدل ، بعدين تطلقوا وطلع حافي منتف مايدري شيسوي ؟؟ فترجاها ان ترد له وردت له بس طبعا اهو الي عايش على أفاها لوووول استغفر الله اللهم لا شماته
بس لو بنت ديرته اهي الي مخرفنته وايد اهون لوووووووول


سارة بسج ... المشكلة اعرفها اللبنانية صج مهتمة بنفسها بس عيوز يحليلها ، وكله شو سارة مابدك تتجوزي ؟؟




وعاشت الخرفنة .... أغلب البنات الحين يدورون على واحد يخرفنونه .... راح زمان الاحترام والله راح ... :(



ترا مو كل الشباب علشان لحد يزعل علي بس خل نكون صريحين مثل ما في بنات خروفات هم في شباب جذي واغلب الي مروا علي يقولون هالكلام ؟؟ خرفنته خرفنتها حتى الشباب بينهم وبين بعضهم يالخروف ، والي يقول خروف مرته ليش تبون تشوهون سمعة الخرفان ، ترا لولا الخرفان ما استانستوا بعيد الأضحى @@ <<<<< سارة متى تخلصين ؟؟؟ ـــــــــــــــــــــــــــــــــــــــــــــــــــــــــــــــــــــ ... ... وفي الختام أقول لكم الف تحية وشكر لكم والله ماعندي موضوع وقاعدة احاول اعصر مخي شقول وبعد جم يوم مدونتي راح تكمل سنة فديتها والله ويليت الي عنده افكار حق رسم كركتيري مايبخل علي لأني محتاجة بجد بجد ... سويت كذا وحدة عن المجلس وقاعدة اصيد على المرشحين الي كل واحد مسوي من نفسه سوبر مان ... واسوي رسومات بس هم ابي :)


نشوفكم على خير وخيرات :)



بايات

28 comments:

طموحة مملوحة يقول...

هذا البوست برعاية الخرفان الي بكبد .. والخرفان الي يكسرون قوانين البيئة ويدشون المحميات ويبلعون بالعشب ..

وبرعاية خروف العيد :)

Yin يقول...

لووووووووول
بوستج لوية
بس حلو
أوافق على كل ما ذكرتي خاصة أن محد له حق يصعد وينتفع بشقاج وتعبج بس لا تخافين هالنوعية من البشر يوصلون بسرعة ويصعدون بس مسرع ما يطيحون وطيحة قشرة لأنهم بطريقهم للأعلى يهدمون ويكسرون علاقتهم مع من ساندهم وبالنهاية لا شيء يسندهم !!!

وأحلى شي بالبوست جودزيلا لوووووووووووووول من وين هالصورة بدعة صراحة لووول

والأفنيوز روحي له الصبح لأن أغلب المحلات فيه وتخلصين شغلك بلا لوية ولا أذية :))

يعطيج العافية على البوست والتحلطم المشروع
:))

كبرياء انثى يقول...

الي يحاول يستغلج دوسي فوق راسه

اعجبتني سالفة الخرفان بس شلون البنت اتصير خروفة الخروف ذكر قولي عنزة قولي صخلة اي شي

يعطيج العافية ودي مرة وحدة اشوفج ماتتحلطمين
بس والله عسل على قلبي

HamoOora يقول...

لووووول

احس طلعتي كل اللي بقلبج..


قواج الله..

violeta يقول...

شوفاي سارونه اي احد تنقرصين منه بس خلاااص حطي اكس شكبرهاااا عليه !!
وبعدين يعني لي متى الواحد يصير طيب وحليو مع الكل !!!

وعلى طاري الافنيوز ماكو عليه الصبح تمخطري بروحج تسوقي وطلعاي ماكو احد الا جم شايب ماعندهم لا شغل ولا مشغله لوووول
وانا من رايي الخاص لو مسوينه طوابق وايد احسن ياربي صااار وايد طويل صح ولا يتراوالي !!!


ويحليلها هاللبنانيه عرفت تاخذ حقها ورياده "يخزي العيـــــــــــن شو خرفينتواااا" لوول

جني قرقت وايد ;q

صبا يقول...

ساااارونه...مثلي تتحلطمين

:**

كلش ما فهمت الصوره الاولى ...حدي دااايخه مو مني من مدونتي لي الحين اعابل فيها
سكتي طلعت لي شجره الميلاد ما دري اشلوووون؟؟

هههههه

امبي اليوم اطالع مدونتي واضحك عسى ما يطلع كنااار

....................


الاستغلال صاير موضه هالايام بس انتي ديري بالج عي من نفسج حق الي يستاهل ويحبج

:)

مثال

بوراشد
بوفهد
انا

؛)
PpPpPp
.................


في ناس ترى ما تستحي وما يبين بعيونهم شي

:)

لا تعبين نفسج معاهم مو كفو
والله



وهذا الي يتكلم عن بنات الناس حقير وما عنده شرف ...ويا ويله من قذف المحصنات

.............


الافنيوز ويييييييع
مثلج ما حبه

:***

SHAHAD يقول...

ساارونة .. بسج تحلطم يا بنية ترى التحلطم يقصر العمر ( يدتي كله تقولي هالجملة :q )

وعفيه علييج .. اللي يستغلج وقفيه عند حده .. خليه يعرف هو مع منو يتعامل : )

.
.

أما الي يسب بنات خلق الله .. فـ الله سبحانه يمهل ولا يهمل وراح يشوف يوم يندم فيه ..

.
.

والأفنيوز حلاااته تروحين له الصبح وبس : )

أحمد الحيدر يقول...

بايات الله معاج ;p

وأهم شي غوزديلا .. شنو هذا ؟ :))


وسالفة المباني بالويه جذي ما احبكم ؟ ;p

بوفهد يقول...

سارونا ... هلا والله

ارتاحي شربي هالماي ... هني :)

هالموضوع اسم الله عليك سحب كل طاقتك الايجابيه .. وجنه مخلط محليات على اقتصاد على نفسيات .. ترا مافي احد ينقص عليه .. احنا نفتح المجال ونطوف ويمكن كنا نتوقع الشكر ورد الجميل منهم.. وعلشان جذيه نقول استغلونالان اعتقادنا لازم يشكرونا ....

موضروري الشكر ورد الجميل منهم
الاهم سبحانه الي قدرنا ان نعطي ونساعد
هالناس لان حب الخير من صفاته.

خلي قلبك عامر بحب العطاء دون انتظار.

هناك العظيم هو الكريم.

فلسفتك جميله يانحوله

واشحقه امدخله الخرفان اهنيه :)

.............

صبا .. الغاليه ماعليك زود المحبه من الله وتسلمين يااستاذة الاصول والسنع.

طموحة مملوحة يقول...

Yin


يعني اعلن الحرب ؟؟ لووووول

بعد خشمي مادري ليش ماحب الأماكن الي كل الناس تحبها ... ابي اكون غير عنهم لووول

طموحة مملوحة يقول...

كبرياء انثى


البنت معزة ؟؟؟ @@


لووووووول خل اتخيل اي المعزة تسوي عجفة لووووول


بعد قلبي شسوي .. ذكرتيني اليوم امي قاعدة تحاجيني سألتني سؤال واحد جان اندفع شنو وقرقر قرقرقرقرقرقر

أمي ويهها صار @@
جان تقول بس يخرب بيتك كليتيني غوري مش عاوزة اكلمك لووول

طموحة مملوحة يقول...

HamoOora


لو صج طلعت كل الي بقلبي راح تفلعيني ادري لووول

طموحة مملوحة يقول...

violeta


لوووووول اي والله بس مادري ليش موداش قلبي هالمجمع ، هاللبنانية لمن تيي الحريم يعصبون وحدة تقول سليحط يت لووووول مادري ليش منقهرين منها لوووول

تحبني وكله تقول لي بحب شوفك وانتي ترقصي لووول ودها ترقص دوسري موقادرة لووول

طموحة مملوحة يقول...

صبا


مادري ليش اشوف نفسي فيج والله فديتج يالغالية ...

اي الناس الحين مايبيلها الا العين الحمرا على لون كشكولج لووول

طموحة مملوحة يقول...

SHAHAD


مشكلتي التحلطم والله :(


بروح له بيوم الصبح علشان بشتري شغلة من هناك ...

اشوة لووول

طموحة مملوحة يقول...

أحمد الحيدر


الصورة يتلي من مصمم اعرفه لوووول

وسالفة مباني لمن قلت له ضحك جان يقول مو جذي تقطينها بويهي لوووول ..

طموحة مملوحة يقول...

بوفهد


مافهمتني يالغالي السالفة مو اني ناطرة شكر واسأل كل الي يعرفوني اسوي كل شي لله عمري مافكرت احد يشكرني .. انا قاعدة اقول عن الي يبون يصعدون من تعبي وشقاي ... قاعدة اقول عن الي يقطون كل الاشغال علي وبعدين يقولون احنا سوينا واحنا حطينا .. ويحفرون لي علشان يطلعوني واهم ياخذون مكاني .... فهمتني ؟؟؟

just a bunch of thoughts يقول...

مو جنه غودزيللا حجم سمول؟؟؟

لوووول

و الله اول شي علبالي دخان شي منفجر!


ثانكس عالبوست ... مخرف كالعادة

P;

طموحة مملوحة يقول...

لوووووووول لا الصورة بعيدة بس لأن ماكو بنايات كبيرة فمايبين

فديتج يالغالية

just a bunch of thoughts يقول...

لووول عيل على جذي يكون بالديرة (و لا بالبحر بعد!) مو بالقادسية! يحليله غودزيللتنا زعنطوطو P:

حبيبتي انتي و الله الغالية :)

إمـرأة لا تُنسـى يقول...

طاري التخرفن..

اذكر كلام وحدة الله يذكرها بالخير كانت تقول "اللي يجندس ظهره لا يزعل لما الناس تمشي فوقه"

لما يكون الريال مو خروف..
والمرأة مو خروفة..
احتمال 70% يصير بينهم صراع الجبابرة :))

ضوء المطر يقول...

السلام عليكم
مدونتج حلوووه وخفيفة دم
:)
يسعدني اكون من متابعينج

صبا يقول...

طمووووووووحه

زيييييين ... لج الحين ...

نسيتي الكشكول عند بو فهد والحين طايح بحضن بو رااااشد

يقول حق بو فهد عنده وااايد من الي خبرك بالدفتر

:((

كشكووووولنا
شقا عمرنااا ...بااااح

دشي علي واقري

Enter-Q8 يقول...

بس خلاص
وايد الف موضوع بموضوع
و تقولين خرفنه ما الومهم
لما يشوفون هاللبنانية طقت نوال الزغبي ما صار لها شهر حولاده و طالعه على التلفزون و تقول جذب عبالك حامله بكيس بفك بس هم ما في فايده
عموما لو خليت خربت

Um il sa3af wil leef يقول...

خروفي خروفي ماء ..بالصوفي ملفوفي ماء بالحي معروفي صوته يعمل مااااء مااااء

ريــــــانــه الـعـــــود يقول...

شكثر الخرفان بالديرة p;

ودي اتحلطم بس ايدي تعورني ومالي خلق اكتب ..

وانتي كفيتي ووفيتي لول

يعطيج العافية خيتوو **;

TrueClue يقول...

ماشالله موضوع شامل كل شي ..
هم واسطات سارة .. و هم تخرفن الشباب ( و ردينا على موضوع الشباب و الشباب مو زينين او بسرعه ينقص عليهم كالعاده )
و هم مجمع الأفنيوز الخايس
و انا عندي انتقاد للمشروع .. ليش ما سواه منطقة سكنيه مو احسن ؟
هم يطلعله يمكن 50 - 70 بيت يقدر يبنيهم .. و يحل جزء من مشكلة الأسكان و هم يطلعله ربح محترم خصوصا انهم بيكونون على موقع محترم ..

بس يلله .. منو يقدر يكلمهم .. و احنا دايما غلط بنظرهم .. :P

عالعموم كالعاده ساره .. مواضيعج كلش ما ينمل منها :)

و نصيحه .. لا تساعدين الناس لأنه الناس ما يملا عينهم الا التراب ( طبعا مو كلهم بعضهم .. )

طموحة مملوحة يقول...

يعطيكم الف عافية يالي ردوا بعد خشمي والله ، ضوء القمر شرفتي مدونتي يالغالية