2009-04-21

خليط من التخاريف!!!!




وأخيرا :)

بعد أكثر من سنة كاملة تم اعتماد النادي الجيولوجي رسميا في جامعة الكويت .




1_ تنظيم لقاءات تنويرية للطلبة المستجدين في القسم .

2_ تعريف الطالب بمجالات العمل المستقبلية .

3_ تشجيع الطلبة الجيولوجيين على الابداع والابتكار .

4_ المساهمة في ايجاد حلول لمشاكل طلبة قسم علوم الأرض والبيئة.

5_ التعاون مع الشركات والمؤسسات لعمل دورات تدريبية للجيولوجيين .

6_ توثيق العلاقة بين الطلبة وأعضاء هيئة التدريس عن طريق الندوات والرحلات.






المشرف العام :

د. عرفات الشعيبي
د. زينب المسلم




رئيس النادي : سعد الرشدان


نائب رئيس النادي: سارة النومس

أمين السر : محمد صادق بوعباس


أعضاء لجنة الأنشطة والبرامج :

معاذ القعود ، حوراء أحمد ، صباح ، بدرية المحيسن ، عمر الشمري ، ايمان حسين



أعضاء لجنة شؤون الطلبة :

عبدالعزيز الهولي ، عذبي السلطان


أعضاء اللجنة الاعلامية :

عشبان المطيري ، مريم المياس


أعضاء لجنة العلاقات العامة :

فجر الشراح ، لولوة المجرن ، سارة النومس ، حنان الحسن .




ــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ماذا جرا يا طموحة ؟؟؟



اليوم كان في بكلية العلوم معرض حق الاقسام العلمية وفرص العمل ، المهم وكان مقرر علي اني احجي بالمايكروفون مع اثنين من الزملاء عن قسمي ، وقالت لي الدكتورة شنو راح اقول ، المهم تكلموا ولمن يا دوري قلت شي غير الي قالته الدكتورة وحدي اشتطيت ... امبي انا قاعدة اتكلم وبداخلي اقول : يخرب بيتج شقاعدة تقولين ؟؟
حدي تكلمت عن الكويت وشنو دورنا لوووووول الي موجودين قعدوا يضحكون علي ، واحس بداخلي ودي اقول عاشوا عاشوا طقاقة مو سارة .... لمن خلصت ولا يصفقون حييل لووووول واحد من الحضور لمن خلصت قال لي اذا نزلتي المجلس بصوت لج لوووووول .



ـــــــــــــــــــــــــــــــــــــــــــــــــــــــــــــــــــــــــــــــــــــــــ





تحلطم



فوق التعب واليوم رادة البيت 6 باجر دوامي من 8 الصبح لل7 بالليل @@ بعرف انا شسويت بحياتي علشان هالشقى والتعب هذا كله ؟؟؟ كل هذا علشان احب العلوم ؟؟؟ من الحين باستغل كل دقيقة انام فيها لوووول







ــــــــــــــــــــــــــــــــــــــــــــــــــــــــــــــــــــــــــــــــ







وصلني ايميل صور فنانات اول شلون كان شكلهم ، ويضحكون عليهم !!!

أنا اذا حطيت صور يديدة لي وصور قبل جم سنة بضحك على شكلي والله ..


يعني خل نكون واقعيين يعني بتقنعوني ان كل البنات الي الحين جميلات خلقة ؟؟؟

قليل من البنات الي يكونون حلوين من صغرهم يعني ماله داعي نضحك عليهم ونتشمت ....




ــــــــــــــــــــــــــــــــــــــــــــــــــــــــــــــــــــــ

.

.


بعــــــــــــــــــــــــــــــد خشمي والله
...
...
...
After My Nose Wala



30 comments:

{~المباركية~} يقول...

في 2 مو مشاركين معاكم طرديهم ماعندهم باجات ;p

مبرووك على افتتاح ناديكم ومنها للاعلى
كل ماتتعبين ترتاحين بالاخر

اقوول حسافة ضيعتي موضوع المغازل
ماخذه حقه بهالبوست
ألشاب اللطيف يحب في اي وقت يتحرش
حتى لو بنص الليل ماعنده مانع
يالله ماعليه المره اليايه ان شاء الله

طموحة مملوحة يقول...

اشيله حق البوست الياي؟؟

{~المباركية~} يقول...

اي احسن عشان ياخذ نصيبه

طموحة مملوحة يقول...

من عيوني الثلاث افا عليك


مشكور وايد اخوي الغالي بعد خشمي

Manal يقول...

تسلمين على هالبوست يا طموحة
يا مملوحة المدونات
:)

اولا مبروك افتتاح النادي
والله يوفقكم


ثانيا الشباب في الديرة نصهم فاضين وما عندهم هدف في الحياة
والنص الثاني الي المفروض عندهم ابداعات نصهم مدقور ومو لاقي الي يعينة ويعاونة
والنص الباقي يحاول يتنفس ويوصل الى بر الامان من الضغوطات الي يتحملها من المجتمع ويمكن من الاسرة

المفروض يكون في اهتمام مو لما يطيح الفاس بالراس
يكبرون وبعدين نحاول نعدل فيهم

المفروض من المدارس يكون في دورات تدريبية وبرامج
تشجعهم على اكتشاف مهاراتهم وهواياتهم

بس وين الي يخطط لمثل هالشي


ما اقول الا الله يستر على البنات والشباب بهالزمن
الضايع منهم مو كلهم
لان لو خليت خربت


تحياتي لج يا امورة
:)

Yin مدام يقول...

مبرووووك ومنها للأعلى يا طموحة
عسى طموحج يظل بلا حدود

لووول حلو الإندماج والحماس لأجل قضايا مشروعة


تصدقين كلنا عندنا صور يبيلها حرق والله
حمدي ربج ما كنتي في بداية المراهقة بنص الثمانينات "يا لهوي على الألوان والموضة"
"قرف" P:

تحلطمج وتخاريفج مشروعة وخفيفة على القلب

نوم العوافي
:))

Hashimoto يقول...

ابي اشوف بوست المغازل @@

لووول

=======

عالبركة افتتاح \ اعتماد \ الاعتراف ب \ .. النادي الجيولوجي ( وايد شاد حيلي بالمرادفات )

موفقين ان شاء الله

=)

=======

لوووول عادي عادي .. خو انتي مرشحتنا ال"غير رسمية" بالانتخابات الياية
لول

=======

على طاري التحلطم .. لازم يكون في ايام بالاسبوع تكرهج بعيشتج .. مرة كان عندي دورة فيزيا .. دوامي كان من 8 الصبح لي 8ونص\9 بالليل
اهني الي صج رديت البيت حاس اني سكران لوووول

الله يعينج باجر
=)

ANGEL HEART يقول...

مبروك افتتاح النادي الله يوفقكم

وماعليه تحملي اللي يحب شي يتحمل عشان يوصل له

بس الله يسامحج طموحه ترى بوستج اللي فات كرهني كل شي :(

just a bunch of thoughts يقول...

مبروك الاعتماد :)

و صاجة و الله مادري ليش كله نعيب عليهم ، شدعوة احنا صورنا ما كانت جذي!! لووول

و شسالفة المغازل؟؟؟

على هالطاري ابي من كل الشباب الكويتيين المشاركة في السؤال اللي حطيتها في بلوجي :

What do u do when u really like a girl??

شنو تسوون لمن صج تنعجبون ببنية؟


(لوول مادري ليش احس الترجمة سكّة!)

بس ترى الموضوع جد .. مابي ضحك و خرابيط .. ابي الصج و الواقع ... و اذا فيها احراجات تقدرون تدزون ايميل .

اكرر الموضوع جدي .. و احتمال انشره رسمي في احد الدوريات (حسب مشاركاتكم)

link:

http://just-a-bunch-of-thoughts.blogspot.com/2009/04/how-does-kuwaiti-guy-show-he-likes-you.html

صبا يقول...

اول شي مبروك على افتتاااح النادي

يا مملوحة المدونااات كلها

وانا صوتي لج بعد اذا نزلتي اتخابات يا نصيرة المرأه

اخذي كفايتي بالنوم علشان تصيرين نشيطه
وراااج شغل ... :)

الله يقطع سوالفج ضحكتيني لما مسكتي المايكروفون

:))

سوالفج اتينن يا سويره

:***

Yang يقول...

ناديكم في كورة ؟!؟!؟

بوفهد يقول...

السارونا ...

الف مبروك على اعتماد النادي رسميا ومبروك المنصب الي راح يتشرف بإبداعاتك
وخل اقولك شغله لازم توثقين الانجازات لانه بالمستقبل راح تسجل انجازات مجتمعيه لك ... ووراك انتخابات مجلس امة .

اخذي الفكرة من الحين واستنبتيها في فكرك ... وبحيل الرحمن راح تتحقق
وراح تتذكرين كلام بوفهد !

( انجازات مجتمعيه ) وايد مهمه

لون المفرش نحولي :)

Enter-Q8 يقول...

هذا نادي الفتاة
ما شاء الله اغلبه حريم شنو مطلعين حرتكم بعدم وصول المراه للبرلمان بهالنادي
يالله على البركه و ان شاء اللهه نشوف ناديكم هذا جمعية على ارض الواقع

علي إسماعيل الشطي يقول...

على البركة ومنها للأعلى

تحياتي

إمـرأة لا تُنسـى يقول...

صباحج خير يا سارة
معقولة! سنة وفوق على ما تاخذون اعتراف للنادي؟! في كليات ثانية المسألة تاخذ معاهم أقل من اربعة ايام.

المهم ، ألف مبروك :)

وناسة! اشلون كان ويه الدكتورة لما تكلمتي؟ عساها مرتاحة D:

عفارم عليج

الحــــٌر يقول...

مبرووك الافتتاح ومنها لأعلى إن شاء الله
وإلى الأمـــــام دائمــــاً

:)

مبروووكين

kuwaitawy يقول...

موفقين انشاءلله


والف الف الف مبروك افتتاح النادي الجيلوجي رسميا




عاد نبي انجازات


مو بس نادي صوري


نبي نشوف بحوث وتوصيات



بالتوفيق انشاءلله

طموحة مملوحة يقول...

Manal


بعد خشمي والله الحين احط موضوع الشباب والمغازل لووووول :)

نطريه وعلقي عليه على راحتج

طموحة مملوحة يقول...

Yin


أقول لج شي ؟؟؟ الحمدلله ان التعديلات الي صارت فيني ربانية ولا لا تشوفين الحواجب والخدود والحجاب شلون صاير لووووول حدي كنت نكتة والله ...

طموحة مملوحة يقول...

لوووووول


قاعدة اجمع اصواتي من الحين لوووول

بحط البوست اليوم ان شاء الله علشان ياخذ حقه :)

طموحة مملوحة يقول...

ANGEL HEART


الله يبارك فيج


لوووووووول والله شسوي الصدمة وماتسوي :)

طموحة مملوحة يقول...

bunch of thoughts


لوووول بحط سؤالج ببوست شرايج ؟؟
وبحط الموضوع اليوم شوفيه اوكي

طموحة مملوحة يقول...

صبا


لووووول والله اخواني من بعد ماكانوا يكرهون تفكيري الحين يقولون لي خلصي دراستج وكملي يا مرشحتنا لوووول بس ماراح انزل بالخامسة لوووول

بعد خشمي والله

طموحة مملوحة يقول...

Yang


@@ سؤالك ذكوري ! يالله اصير ريال علشان هالسؤال افا عليك ... تصدق خوش فكرة يبيله لوووول اذا سووا بخليهم يعزمونك ... فيه بوفيه تبي ؟ لووول



بعد خشمي والله

طموحة مملوحة يقول...

بوفهد

خليتني اتخيل وايد وناسة يا عسل يا عسل لووووول

والله انا قاعدة اجمع حق سيرتي الذاتية لوووول يصير خير بعدين :)


بعد خشمي والله

طموحة مملوحة يقول...

Enter-Q8


@@

شكو لا في شباب وايد والله لووووول وانا مو تارسة عينك ؟؟؟ أنا شاب بعد لوووووول

لا تخربين على نفسج ياسارة لووول


بعد خشمي والله

طموحة مملوحة يقول...

أخي علي إسماعيل الشطي


أشكرك يالغالي


بعد خشمي والله

طموحة مملوحة يقول...

إمـرأة لا تُنسـى


صباحج نور ... هلا والله يالغالية .. اي ادري على ناس وناس خليني ساكتة ان حجيت لج عن الخفايا جان قلتي خلكم بدراستكم وايد احسن لوووول

بعد خشمي والله

طموحة مملوحة يقول...

الحــــٌر


اشكرك يالغالي


بعد خشمي والله

طموحة مملوحة يقول...

kuwaitawy



والله اذا كنت ناطر الانجازات ، فالانجازات انخلقت في جامعة الكويت حق الائتلافية بس محد يقدر يسوي انجازات يعني راح يكون مجرد نشاطات ووايد علينا لووووووول وانت افهم :p


بعد خشمي والله