2009-04-29

كــــل عام ومدونتي مخرفة !!!!





الله بالخير


عيدج مبارك يامدونتي لوووول

اليوم مدونتي الغالية تكمل سنتها الأولى ، بصراحة حسيت ان مدونتي مثل ماتقولون طفلي الأول لوووول ، وايد أحبها حدي ومستانسة حدي لأنها كملت سنتها التخريفية الأولى ، وأتمنى السنوات القادمة تكون مخرفة بزود وزود يارب وتكون من المدونات المعروفات لووول .. اقعد عاد باجر الشركات تركض ورا مدونتي يترجوني اسوي لهم دعاية لووووول ..




أقول حق كل الي عاتبني من خلال المدونة أو غيرها ، سامحوني أيام امتحانات وحدي مالي خلق لا حق انتخابات ولا حق زنة ورنة ولا حق اي شي ثاني ، والبلشة لمن اشد حيلي وبيوم الامتحان ازفت .... منو داعي علي اعترفوا خلصوني :@؟؟؟؟



في مواضيع شكثر بخاطري اكتب عنهم صراحة ، بس لضيق الوقت والامتحانات واليوم كان عندي امتحانين شقاقييين والله العظيم اني طلعت من الامتحان مثل السكرانة ، فصلت حدي لدرجة اني رديت البيت نمت بهدومي وعفستي وتوني قاعدة وحدي مالي خلق بخلص عفستي وارد انام :)




أحب أقول لكم اني ناطرة من الحين الهدايا حق مدونتي والي اهي طبعا لي لووووول بس مابي ورد رجاء






سؤال حق بوراشد .....

منو بوثالث ؟؟؟ وأنا مو كشة انا بطة :( لا تحبطني والله قاعدة اجيك على كشتي لوووول




ــــــــــــــــــــــــــــــــــــــــــــــــــــــــــــــــ


باباي اليوم : لووووول هذي الحلقة من تيمون وبومبا كنت اشوفها مع عيال اخوي لمن كانوا صغار قدا قدا .. فكنا لمن تخلص نرد نعيدها مرة ومرتين وعشر ، لدرجة اني حفظت النص كله ، ومع اني اعرف اقلد اصوات .. احم احم يقعدون اليهال جدامي واسوي لهم الحلقة كلها بصوتي لووووول وشوفوا الضحك خاصة سريع الاهبل .. حدي قلدته واهم يضحكون علي ، احسهم يقولون شهالعمة المخرفة ؟؟



.



58 comments:

Enter-Q8 يقول...

كل عام و انتي مخرفه

عفوا و انتي بخير و نتمنى نشوف اسمك اكثر من التدوين

الحــــٌر يقول...

كل عام وأنتي ومدونتج بخير
وإن شاء الله عقبال التخرج والماجستير والدكتوراه
وقايلج من زمان والحين هم أقولج ان شاء الله تلقون نفط تحت بيتنا (:

كل عام والتخاريف بخير

Yin مدام يقول...

كل عام وتخاريفج بخير
وكل عام وطموحج بإزدياد
وكل عام وإنت أقرب إلى تحقيق آمالج
وكل عام ومدونتج بينا ونستمتع فيها وياج

:)))))

Fishah يقول...

كل عام ومدونتج بخير
وهالله هالله بالدرجات السنعه والله يعينج على الامتحانات .. بيضي الويه ماااوصيييييييج

just a bunch of thoughts يقول...

كل عام و مدونتج مخرفة!

لوول

ما شاء الله ما شاء الله و الله جنها صار لها مده اكثر ... :)

و ان شاء تكبر اكثر و تصير مشهورة اكثر!

و عقبال الابدية ان شاء الله D:

-mate يقول...

كل عام وإنتي مخرفة!!

الله يخووفج يحوش مدونتج الزهايمر السنة الياية
;)

TrueClue يقول...

كل عام و انتي بخير يا سارة :) ..
خوش مدونه ولله ..

و شدي حيلج بإمتحاناتج الله يوفقج ..

حياتي هدف مو عبث يقول...

عسى تكونين هنا في سنوات قادمة
معنا
أتمنى لج كل توفيق في كل حياتج يالحلوة :****

وديربالج البيبي يحتاج رعااية بهذا العمر
P:


ــــ

بوراشد
بسوي نفسي ما شفت بووستك
صاير تضغط واايد على حدس
اشفيك اشفيك عليهم ههههههههههههه
p:

المتهـافت يقول...

نفس الي فوق كل عام ومدونتج مخرفة
وتكبر وتخرف اكثر (:
انا من مدمنين تيمون وبومبا سابقا
وكان بومبا بغبائه يخليني اضحك لين افطس

bo rashed يقول...

انا هديتي وصلت
:)

بعدين تسوين نفسج غشيمه منو بوثالث ها
:/
علبالج مو طايح عليج عند العديل بوفهد
طايحه فيني قراض وتقولين كشتي نفس كشة
بوثالث اللي حاط صورته عندي

والظاهر ان صبا قدرت تضمج حق حلفها
ودام انج انضميتي لها فالحرب بيننا
لوووووووووووووول

كل عام والتدوين بخير فيج يا عزيزتي
لان اللي مثلج يضيف ويثري
:)

ـــــــــــــــــــــــــــــ

حياتي هدف
لووووووووووووووووووول
انا ولا انتي
بتقطينها براسي
بس من عليه اذا انتي جاسم يعقوب
انا الطربلسي
:)

صبا يقول...

كــل دقـيقـه ..وكــل ثـانـيـه ..وكــل لـحـظـه
وانــتـي مـعـانـا يـالـغالـيـه



ماشالله صج الايام تركض ...سنه
يعني توها مدونتج بطور النمو وبدت
تحبي وتخطي

يا حلوج ياسويره
ويا خفة دمج ..وروحج الحلوه
الله لايحرمنا لامنج ولا من بلوقج


وكل عام وانتي طموحه أكثر واكثر
واتمنالج التوفيق بحايتج
ويتمم عليج فرحتج مع المزيون بوكشه
ليش انتي ما عرفتيه ؟؟
هذا الي بوراشد حاط صورته بمدونته

تحياتي
:***

أبو الدســتور يقول...

هابي بيرسدي
:)

Mamloo7a Q8ia يقول...

كل عام وانتي ومدونتج بخير
:**

mo3ath يقول...

كل عام وانتي والمديونه بخير P:

الحلزون البطئ سميته سريع لوووول ايام P:

مركبنا يقول...

العمر كله لمدونتج والفال لما تحطين صور احفادج فيها (=

.. للكلمات بقية يقول...

مبرووك و عقبال نشوف مدونتج صافه يم قوقل وياهو

لي هالدرجة الامتحان شقاقي ؟؟

لازم تسوين حفل استقبال حق مدونتج

وهااتونا بتاتا

Bloggerista يقول...

كل عام و مدونتج بخير سارونة

Manal يقول...

يا حلو الكشة الي بالكرت
:)

كل عام وانتي وياها بخير
:)

علي إسماعيل الشطي يقول...

كل عام و أنتي بخير

و أسعد الله أيامج :)

تحياتي

fatto يقول...

كل عام ومدونتج بألف خير :)

وهالله هالله بالتخريف السنع لوووول

واحلا بباي تيمون وبومباي يموتوني من الضحك لوول

طموحة مملوحة يقول...

Enter-Q8


وانت بخير وصحة وتخريفة ان شاء الله :p
ترى حلوة التخاريف والله :)

اتمنى هالشي انا بعد والله :)

طموحة مملوحة يقول...

الحــــٌر


أفا عليك بس لا تعلم الحكومة ناخذ النفط ونبيعه برا لووووول ولا تنسى نصيبي مو تخون وتروح لوووول

طموحة مملوحة يقول...

Yin مدام



وانتي بخير حبيبتي انتي والله ماتقصرين يالغالية :)


أشكرج :)

طموحة مملوحة يقول...

Fishah


فشة وناسة نكج يهبل والله :D

فديتج يالغالية مشكورة وايد


الله يستر مع البراشيم ومو معديتها يالهوي خليها على ربج بس لوول

طموحة مملوحة يقول...

bunch of thoughts




حبيبتي انتي والله تصدقين حتى انا احس ان صار لها مدة مع انها سنة والله للحين اذكر كانت تضحك اول ايامها وكل يوم اقول شكتب يعني ؟؟ الحين شكثر مواضيع تطري براسي والله حق المدونة :)

طموحة مملوحة يقول...

-mate


ويه ويه ويه ويه @@


فال الله ولا فالك الا بيبيتي عاد حدك :(

ليه كده بتؤووول ؟؟؟

طموحة مملوحة يقول...

TrueClue


تسلم يابعد خشمي والله انت من الناس الي خلوني استمر اكثر بالمدونة الله لا يحرمنا من وجودك يارب :)

طموحة مملوحة يقول...

حياتي هدف مو عبث


حتى تحتاج لرعاية بروح الجمعية الحين اشتري لها بمبيرز لووووول


فديتج والله لولوتي حبي انتي ..

طموحة مملوحة يقول...

المتهـافت


امانة مو تحس بخفة دمهم ويونسون يعيشونك جو بعيد عن الهم والحزن .. والله كل ماشوفهم ياكلون حشرات استانس احس ودي اكون صديقتهم وآكل معاهم والله ... وخاصة الحشرات الباباياتية احسها جنها حلاو لوووول

طموحة مملوحة يقول...

bo rashed


بوراشد ..... يالغالي انت وينك ؟؟

ببجي الحين واصير مثل السلانيات الي يتشكون وايد ...

لووووول في واحد مفتن عليك ويقول انك ريال كبير شايب صج ؟؟؟ يعني صكيت ال40 ؟؟ في اي عصر جيولوجي انولدت ؟ لوووول

يابعد خشمي والله انت ... لا كشتي لمن كنت صغيرة والله ، ربنا يخلي الجنة الي عدلته ولا اول ما أؤولكش لوووول

يابعد راسي زورنا في الخيمتنا كل يوم لووول في مدونتنا كل يوم ماتنشاف الا مرة بالسنة . ومشكور على الصورة حدها عجيبة لوووول ..

يالله ضمنت لي عريس من الحين لوووول علشان لاطحت بجبد نفسي اقول لك وين العريس يابوراشد لووول

طموحة مملوحة يقول...

صبا


حبي انتي والله حدي استانس لمن اشوف ردودج بمدونتي والله :)


صبا صج هذا بوراشد ؟؟؟ لا ماعتقد يحط صورته ... بعدين توقعته اسمراني والغنية تقول آه يا اسمر يازين لوووول مسوي تفتيح بشرة رقعي له شوي يا سوير لوووول

صبوية حبي انتي شفتي بوراشد شقايل ؟؟ اقري حجيه يابنية لووول شكله بيسوي فينا انقلاب يالهوي خشي الكشكول الاحمر بالتجوري ماوصيج اوكي ...

طموحة مملوحة يقول...

أبو الدســتور


شرد على كلامك ؟؟؟؟



ربنا يخليك لووووووووووول

طموحة مملوحة يقول...

Mamloo7a Q8ia



وانتي بخير ياحبيبتي الغالية انتي والله

طموحة مملوحة يقول...

mo3ath


لووووول وانت بخير

تيمون مليق حده شوف حلقة الصداقة الصدوقة صج ينرفز تيمون ودي ابطه لوووول الحلزون اضبط صوته عدل لا تسمعني لووول

طموحة مملوحة يقول...

مركبنا


لا تقولين احفادج @@


ماحب موضوع الكبر بالسن اتنرفز لووول


وانتي بخير يالغالية واااي وناسة مدونتي مستانسة والله

طموحة مملوحة يقول...

.. للكلمات بقية

امتحان شقاقي وبس ؟؟؟ @@

والله مع البراشيم حليت 4 اسئلة من اصل 8 لووووول عصرت مخي ماطلع شي والله :(


بعد خشمي والله شكرا
:)

طموحة مملوحة يقول...

Bloggerista



وانتي بخير يالغالية :)

طموحة مملوحة يقول...

Manal


وانتي بخير يالغالية

والله الصورة ذكرتني بصورة لي وانا صغيرة ما ابالغ بس صج والله كشتي كانت جذي مثلها ... مادري شلون كان شعري ناعم وقلب كشة ورد ناعم
... حتى الشعر فيه فصلات يعني ؟؟


مشكورة يالغالية :)

طموحة مملوحة يقول...

اخي علي إسماعيل الشطي


وانت بخير وبصحة وسلامة يالغالي :)

طموحة مملوحة يقول...

fatto


وانتي بخير يالغالية


افا عليك للحين المخ مخرف والله لووول

لا تيمون وبومبا زمنهم عجيب للحين احبهم لا تهدينهم اهم محتاجين لوقفتنا @@

وقفة شنو ؟؟؟؟ طوفي طوفي فصلاتي لووول

ريــــــانــه الـعـــــود يقول...

كل عام وانتي والمدونة بخير :)

ShLaLaT يقول...

كل عام وتخريفاتج بخير

:)

Yang يقول...

في تخريف أكثر ؟؟؟؟

كل عام وانت بخير :)))


والمدونة مخرفة مثل .....



تحياتي لك وللمدونة :)

طموحة مملوحة يقول...

ريــــــانــه الـعـــــود


وانتي بخير يالغالية :)

طموحة مملوحة يقول...

ShLaLaT


وانتي بخير وبصحة وسلامة يالغالية :)

طموحة مملوحة يقول...

Yang


مسويلي فيها نقط يعني ؟؟؟ كملها وقول صاحبتها وفك عمرك ترا نفهمها واهي تسبح لوووول

Rawan Me يقول...

السلام عليكم
مدونتج ما شاء الله وايد حلوة ( تشووق ) ..
مبروك على أتمامج السنة وان شاءالله المليوون ..
لوووول احب هالحلقة :)..
دمتي بود

طموحة مملوحة يقول...

مشكورة يالغالية :)


حتى انا احب هالحلقة حدي :)

حياتي هدف مو عبث يقول...

بوراشد

لاحول ولاقوة الا بالله

اشفيك انت قلبت السالفة علي

عادي عادي ترى انسولين 36 موجود عندي

شكو انسولين مادري

المهم منو الطرابلسي مادري شسمه

من قريت اسمه تذكرت البحصلي هههههههههههههههههههه

إذا بدليه طوفها

بطل التعليقات يا حاقد ومحارب الحرية

نبي انعبر
ههههههههههههههه

انعبر اقصد تفضفض مو انمر يعني

نعبر بالممر حتى نصل للغرفة السوداء المظلمة


هههههههههههه


سويرة انتي بعد طوووفي لي :**

طموحة مملوحة يقول...

حياتي هدف مو عبث


لووووووووووووووووووووول بطوف لج لووول طلعتي فصلة مثلنا لوووول الله يشافينا يارب ..

حنطفيس يقول...

الف مبروك
الله يحفظج ويحفظلج مدونتج

ناصر المطيري يقول...

كل عااااااااااااااااااااام ومدونتج ونتي وتخاريفج بالف بخير

عقبال 100سنه وفالج البيرق :)

دمتي بوووووود ساروووونه

ملكه الطموووووووووووووح

دعواتي لج بالتوفيق

كاريكاتير يقول...

مبروك

وعقبال ما نشوف شركة خاصة فيج لرعاية الابداع والمبدعين..

طموحة مملوحة يقول...

حنطفيس


اشكرك من كل قلبي يالغالي

طموحة مملوحة يقول...

ناصر المطيري

بعد خشمي والله يعطيكم الف عافية ولا تشوف شكثر استانست لمن شفت رد لك بمدونتي هذا يعني لي الكثير، على فكرة النقاش الي بينا كان امس اليوم ذكرته لزميلاتي واعجبوا بالي قلته الي اهو كلامك اصلا :)

اشكرك يامعلمي

طموحة مملوحة يقول...

كاريكاتير


اشكرك عزيزي على كلامك اتمنى ذلك من كل قلبي ...

3BeeDo ;) يقول...

كل وعام وانتي بخير وتتربى بعزج :>

طموحة مملوحة يقول...

مشكور يالغالي ماتقصر :)