2009-04-30

لو كان الرسول موجود شقال عنهم ؟؟






حدس تهدد أحد المرشحين : اصمت وإلا قدمنا الشيك الذي وقعته وأنت سكران .



في كل يوم نجد عجب العجاب من كل مرشح وكل حزب في الكويت ، للأسف عندما أقرأ هذه الكلمات من جهة تدعي الكمالية في الدين وتطبيق الشريعة الاسلامية ، هل التهديد وعدم الستر على المسلم من تعاليم ديننا الاسلامي ؟؟

هل يُحلل كل محرم اذا كان لأجل حدس ؟؟؟


وهل شرب الخمر حلال عند حدس ، وحرام اذا تعرضت لأي تهديد من صاحب الكأس ؟؟؟




ونعم المرشحين السكيرييين ونعم النواب الافاضل أصحاب الأمانات .. ونعم الاستشراف والتعنطز على الاوادم ...





وداعا لمستقبل الكويت مادام يسكنها أصحاب الفضائح ، وفعل المحرمات لأجل المصلحة الشخصية .

ولكن أرسل رسالة اعجاب لحــــدس :



الدين أكبر وأكبر وأكبر من تصرفاتكم الي ينكرها الدين الاسلامي السمح ، هل الدين الاسلامي واسطة لكم لكي تنفذوا كل مآربكم التي تضُر الكويت وشعبها جميعا ..؟؟؟



ربما أكون صاحبة فكر ليبرالي بحت ، ولكني استنكر ما يقومون به من تشويه تام لصورة الدين الاسلامي والنفاق الغير طبيعي على الناس ، ولكن لم يُخلق الدين كي يستهزئ به هؤلاء .







الرابط



جريدة الشاهد




ــــــــــــــــــــــــــــــــــــــــــــــــــــــــــــــــــــــــــــ




الى متى ؟؟؟


الى متى لا يفرق الناس بين من ينتقد الدين ومن ينتقد الاشخاص الذين يتخذون من الدين واسطة لهم ؟؟

بصراحة اعرف ناس كثيرين ملتزمين بالدين أصحاب خلق رائع وجوهر أروع عندما أجد اسلوبهم الرائع وشعور بصفاء نيتهم ، عكس من يتكلم بالدين ويتصرف تصرفات لا تمت بالدين اي صلة ...

ومن جهة أخرى هناك الكثير من الناس من يطيع علماء معينيين حتى لو كان حديثهم يخالف حديث الرسول عليه افضل الصلاة والسلام ، الدين الاسلامي ليس معقد و لكن هناك من الفتاوي ماتخاف العقل والدين ، فهل لأن صاحب الفتوى ذو لحية طويلة وثوب قصير أتبع كل حرف يقوله ؟؟؟






41 comments:

TrueClue يقول...

الرسول موجود يا سارة بقلوبنا .. لكن للأسف هالناس غرتهم المناصب و عمت عيونهم .. صاروا يهتمون بالمنصب و الفلوس و باعوا مبادئهم ..
و الأنسان من غير مبادئ يصير مثل ال.....
و هذول حدس انا فيني حره عليهم .. ودي اسوي فيهم مثل ما سوا هتلر باليهود لمن كان يحطهم بغرفه فيها غاز سام و يذبحهم .. ( لا مو حرام يستاهلون و اكثر )

مصلحه البلد فوق كل شي .. و هذول الي ما يتسمون يقعدون و يلعبون بديرتنا ؟

مو بس حدس .. كل نائب او نائبه يبدي مصالحه على مصلحة الدوله ..

بس شتقولين الحجي فيهم ضايع . و اشره انا على الي يصوت لهم .. هذا صوته برقبته اذا عطاه حق واحد ما يستاهل

دايما تعورين قلبي سويرة بهالمواضيع .. ودي اطلع كلام اكثر بس فيه رقابه حسافه :P

شلون امتحاناتج صج انشالله كل شي تمام ..

أبو الدســتور يقول...

الشاهد
السياسة

لا تصدقين منهم الاخبار

تلفيق في تلفيق

انا ما ادافع عن حدس توجهي معروف
لكن الحقيقة يجب ان تقال

ان هذه الاخبار مغلوطة و هدفها التشويش

طموحة مملوحة يقول...

trueclue


الي يحمل نفسه مهمة مسؤولية الدين لازم يكون قد هالشي ما ينافق الناس ..

اشكرك على التعليق

طموحة مملوحة يقول...

ابو الدستور

انذكر هالشي بكذا جريدة بس ماذكروا منو هالحزب الاسلامي :)

fatto يقول...

الدين صار شي عادي وموكبير بالنسبه لبعض الناس المسلمين ..
صدمتيني ابسالفه ( حدس ) والله

مركبنا يقول...

طموحة ....

يقول الله سبحانه وتعالي

" اذا جاءكم فاسق بنبأ فتبينوا حتى لا تصيبوا قوما بجهاله "

تصدقين اليوم اخوي مقعدني من النوم الفجر بغيت اذبحه يقول شوفي شنوا قايلين عنكم واهو يقول انبطت جبدي انا اعرف السالفه ومنوا مطلعها !

واهيا مو صوبكم !


عموما كوني بنت حدس وتعرفيني ما اغشمر الصح صح عندي وعادي اعترف باختلاف وجهات النظر ... الكلام هذا ما صار ولو صار جان صار من زمان الملا متسلق على ظهر غيره ومن زمان واهو يحاول يركب على حدس ومن زمان واهو يضرب بحدس ...

ولو حدس بتسوي جذية جان ما انطرت من الانتخابات الماضية ...

حبيبتي انتي اعتقد الصورة وضحت الحين 0(=

mo3ath يقول...

حدس مستغلين اسم الدين حق مصالحهم ، من وجهه نظري مافي سياسي اسلامي ماخذ الدين سياسته لنصره الدين فقط

كل واحد يطبل حق نفسه !!!

مركبنا يقول...

http://q8kalemaatq8.blogspot.com/2009/04/blog-post_30.html


حبيبتي شوفي مقاله اختنا هذيان

غير معرف يقول...

عزيزتى طموحة

صح لسانج على هالكلام قوى بصراحه

بس الخط كبير وايد مو قادرين نقراه

اما بالنسبة للاخت اللى اسمها مركبنا
يا ريتها تبعد اخوها وابوها عن المدونات
لانها صكت راسنا فيهم

ويعطيج العافيه عزيزتى طموحه على الجرأة والقوة فى الطرح

-mate يقول...

السياسة لعبة وصخة ياسارة،،

وانا اكتفيت بلعب الشطرنج والسكواش بدلاً من الخوض في بحر السياسة .. عموماً لا تدخلين في معمعة فلان قال وفلانتان قال .. ماتدرين الصدق من الكذب، خصوصاً عندما تأتي من الجرائد.


إموفقة

Enter-Q8 يقول...

سويرة انا امون و حسبة اخوك
انا مو داش اعلق على موضوعك لأنك عارفه راي فيه

بس داش اعلق على مركبنا و اقولها مالها شغل باخوها و لا تهدده و بتذبحه لأني عارف صوته وين متجهه
شوفي نات حدس و سوالفهم تهديد و قتل علشان حزبهم

ترى اخوها مصوجر الصوت ان شاء الله حق المليفي و الملا

و راي مثل راي ابو الدستور
يعني لهم سوالف حدس بس مو لهالدرجه

اجتماعي يقول...

النص الأول ..
ماكو دليل واضح ضد حدس ..

مجرد خبر منقول من جريدة ..

إنزين ..

منو المرشح المقصود؟ ومنو اللي وجه التهديد؟

كلام بدون دليل ما ينوخذ فيه ..
مو كل شي نقراه نصدقه يا طموحة ;)

===

أما النص الثاني ..

فأنا أتفق وياج 99% ..

ويبقى 1% ..

إحتياط .. لإحتمال إنج بتقولين شي زيادة وأنا مو مقتنع فيه

===

شكرا لج :)

علي إسماعيل الشطي يقول...

أختي العزيزة

موضوع جميل أشكرج عليه

أما بخصوص حدس و للأسف أغلب التيارات الإسلامية بالكويت يعانوووون من مشكلة الكذب و النفاق السياسي وهذا ما يجعل عملهم يسقط إلى القاع

ناهيك بأن مبدأ الغاية تبرر الوسيلة مبدأ إتخذه بعض الإسلاميين للوصول لمآربهم وهذا بإعتقادى لا يمثل الإسلام بشيء بل يعطي صورة جدا سلبية عنه

حدس مواقفها السلبية معروووفه من زمان و لكن للأسف الشديد بعض العقليات عندنا بالكويت مازالت تطبل لهذا التيار الذي تآمر على الكويت أيام الغزو الصدامي !!

أمر آخر ...

يجب أن يتعلموا ( التيارات الإسلامية) بأن يحترموا جميع وجهات النظر و الأفكار و الأطروحات التي تختلف معهم ولا يرمون أصحابها بالآفاق و النيران كما يحصل دائما !

بإختصار حتى لا أطيل أكثر :

في الكويت للأسف الشديد يوجد هناك متاجرة بالدين و الشرع من أجل مكاسب سياسية رخيصة لا أكثر و لا أقل

و بإعتقادي الشخصي القليل جدا من الحركات و التيارات الإسلامية يمكن أن نطلق عليها إسلامية قولا و فعلا .

شكرا يا سارة على طرحك لهذا الموضوع

و آسف للإطالة

تحياتي

MoRooJiA يقول...

حبيبتي بغض النظر آنا معاهم ولا ضدهم بس حجي الجرايد مو موثوق فيه

وربنا عز وجل قال:
" اذا جاءكم فاسق بنبأ فتبينوا حتى لا تصيبوا قوما بجهاله "

فماله داعي انصدق اخبار ماندري شنو مصداقيتها

و الله يوفق اللي يبي مصلحة الديرة :)

طموحة مملوحة يقول...

أشكركم على تفاعلكم مع الموضوع ..

الي حبيت اوضحه بموضوعي ان كل مرضح وله اسلوبه علشان الفوز ويسوون الي يشيب الراس ولاعت خشومنا من سوالفهم .. بس ان ينحط الدين بموقف خايس مثل هذا سواء كان صحيح او لا ... امر غير مقبول فيه ..

مع العلم اني لا اتبع ولا اشجع اي مرشح وخاصة هذا العام ماشجع اي شخص حتى الليبراليين مادري عنهم وحاطة حيلي بدراستي ولكن الي يزعجني لمن اشوف احزاب تحط الدين بمقدمتها وتوقف وراه علشان يكون لها سد يحمي نواياها الدنيئة واعتقد وايد اشياء شفناها من حدس بس هالشي صدمني ، وانذكر بأكثر من جريدة وادري ان الجرايد وايد تحرف وتلفق كلام كثير بس ليش يحطون نفسهم بهالموقف ؟؟؟
بتقولون علشان يطيحونهم ؟؟ الكل يدري ان حس بترد حتى لو شنو راح ترد المجلس ، وضامنين اصواتهم 1000%
حتى لو ماذكروا سالفة السكر وغيره ليش ما يذكرون عيوب بعض والفضايح الا حزة الذروة ؟؟

مركبنا يقول...

Enter-Q8

شفيك ياخوي قالبها دم
مالومك الضرب قوي هل يومين بالحبايب
الملا والمليفي (=



مقعدني من عز نومتى الفجر وحاط الجريدة بوجهي شنوا تبيني اسوي !

والذبح مجازي

مثل ما البطوله تمثليه عند بعض الناس (=



راح عليك صوته (= اهو فرحان من الخبر بس يقول اهو مو بطوله حدس بطول غيرهم (=
في الكشف عن سوالف الناس الثانية

طموحة مملوحة يقول...

مركبنا


يالغالية لا تحرقين دمج على حدس ولا على الحزب الفلاني والعلاني ...

والله العظيم جنهم القوائم الي بالجامعة طق ومشاكل وبالاخير علشان نفسهم مو علشان الجامعة او ديرتهم الاهم ...

بسنا ندور على الاحزاب ليش ما كل واحد ينزل بروحه ؟؟؟ بسنا عداوات بديرتنا ..

ReLaaaX يقول...

آنا داشه اعلق على البنر اليديد حدددددددددددددددددده تحفه



حطي لنا شي غير السياسه طموحه والله تلوع جبدي آنا حزة الانتخابات وودي انام بيات صيفي لما تخلص الانتخابات ارد اقوم ;p

طموحة مملوحة يقول...

ريلاكس


لوووول والله الموضوع يا فجأة ماكنت ناوية احطه بصراحة بس ان شاء الله اخلص امتحاناتي واتفرغ للمدونة عدل :)

Momentum يقول...

انا من زمان ما احب حدس
منافقين

طموحة مملوحة يقول...

مي تو :p

مركبنا يقول...

طموحة اختي انا احبج واعزج حيل

انتي شرايج فيني !

مركبنا يقول...

ضاق خلقي حيل احس اني انجرحت وانا اختج )=

طموحة مملوحة يقول...

مركبنا


انجرحتي من شنو ؟؟؟

انتي اختي بعد واعزج وايد والله

مركبنا يقول...

هذا العشم فيج ياطموحه


احنا عيال الكويت احنا مسلمين

لما الناس تقول ما منافقين شلون ماننجرح يا اختي

طموحة مملوحة يقول...

مركبنا


ماقدر اغير من كلامي واقول انهم خوش ناس علشانج ... هذا رأيي فيهم ومو معناه اني غلطت عليج ، اوكي يمكن ابوج او اخوج يشتغل معاهم وانتي تثقين فيهم بس مستحيل يكون كل الي بحدس مثلهم .. يعني بصراحة الاغلبية بحدس مايبون مصلحة البلد ، احنا الحمدلله مسلمين بس ما نستغل الاسلام حق الانتخابات أخطر شي اني احط الدين في مكان مثل السياسة لأن على قولتهم السياسيين أغلبهم يسوون اي شي علشان يوصلون للي يبونه وهذا الي صاير ..
انتي خوش وحدة وما اشكك بكلامج بس حدس اسمحي لي حتى اغلبية الاحزاب الموجودة ماعتقد همهم الكويت ...
لو كل واحد ينزل بروحه وايد ابرك والله ..

وانا ما أخطأت بحقج وما اسمح لأي احد يغلط بحقج انتي بالعين والراس يالغالية

مركبنا يقول...
أزال المؤلف هذا التعليق.
مركبنا يقول...

مركبنا يقول...
طموحه اختي
عز شانج ..

اولا انا الوحيدة في بيتي حدسية

وبيتنا يضم كل تيارات (=

وانا افتخر بهل الشي ...

باختصار جئت من بيئة مفتوحة وكان الخيار لي بنفسي ان اكون مع حدس
انا عضوة من الداخل فعندما ارى لا اري بصفت التابع ولكن بصفت الملاحظ لما يجري

اقولها وبصراحة لم اجد ما سمعت عنه في الخارج (=

عموما مبدا الدين السياسي مو امر جديد الرسول صلى الله عليه وسلم اول ما هاجر راح اسس دولة ما قال خلو السياسة لاهلها وانا بعقد اتعبد بعيدا عن قريش ...

مبدا الاحزاب قد اوافقج في البعض ولكن ارفض التعميم ...

عموما الاختلاف شئ ايجابي في مجتمعنا وانا اعيشة في داخل بيتي واستمتع فيه ...

فما عندي مشكله بالتعايش

عموما اختي الغالية

شكرا ورايتج بيضة وما قصرتي على روحج الحلوه وحرصج على الي يحبونج

طموحة مملوحة يقول...

فديتج والله يالغالية وانا احترمج من كل قلبي والله

اشكرج على ردج اللبق

Enter-Q8 يقول...

يبيله موسيقى رومانسية مع مشهد فاتن حمامه و الا شادية و يا اعمادي حمدي
على المحاورة اللي بين مركبنا و سارة

مركبنا غصب اهو مو غصب
يعني نفس الدلال انا اقدره و احترمه مثل الدكتور جمال الدعيج مثل نصار الخالدي كلهم حدسيين و كلهم تربطني فيهم زماله حيل حيل قوية
بس لو شنو ما اعطي حدس الا اذا انزلوا مستقلين
شفتيني و انا قايم بدور توفيق الدقن و اطالعكم انتم الاثنين

mohamed ghalia يقول...

ياريت فعلا نتعلم دينا صح
ونتعلم فن النقد مش التجريح
موضوع حضرتك هايل
تسلم إيدك

bo rashed يقول...

اي حدس اي مرق عدس

شعليج شعليج

حاطينج بجريدة الانباء
كاشخة بصفحة احلا ناس
مو انا وبوفهد
حاطينه بصفحة الوفيات
:)

ريــــــانــه الـعـــــود يقول...

اهئ اهئ

متى تخلص الانتخابات ؟!

كرهت السياسة بالكويت

:(

خليج بعيدة عن السياسة والله الرومانسية اريح بوايد P;

طموحة مملوحة يقول...

Enter-Q8

لووووول ودمعة على الخدين لووول

اتفق معاك على الفقرة الاخيرة :)

طموحة مملوحة يقول...

mohamed ghalia


يشرفني مرورك أخي العزيز :)

طموحة مملوحة يقول...

bo rashed


بوراشد لا تقهرني يحسسوني اني وحدة عبيطة قالوا لها نصورج حق صفحة خبلة مثل ويههم وقلت لهم اوكي ، السالفة الله يسلمك ان هذا معرض صار له شهرين وصورونا حتى ماعطيتهم اسمي مادري شلون حصلوه لوووول ، وحطوا المادة مع الصور وخلص الموضوع ، الحين شماله مطلعين صور قديمة يحطونها بهالصفحة وبدون استئذاننا؟؟ يعني خلاص الصورة المفروض ديليت علطول مو يخشونها ، اقول لك شي ، أهلي مرة دقوا عليهم شخلوهم تدري ليش ؟؟؟ حاطين صورتي وكاتبين سؤال : هل تحبين الزهور ؟؟ وأنا قايلة بالتأكيد @@

شهالاسئلة الصعبة وشهالتفاهة الي وصلت لها الصحافة ؟؟ ولا وانا قاعدة اتناجر معاهم جان اقول ، شلون تكتبون شي انا ماقلته ؟؟ بعدين انا ماحب الزهور شلون الحين ؟؟ كلهم تدودهوا .... يخرب بيت الصحافة وملاقتها والله ، جريدة الانباء لازم تعتزل الفن وتقعد ببيتها وايد احسن ، منو يقرا لها الحين ... العن ام السالفة التافهة والله قهروني

طموحة مملوحة يقول...

ريــــــانــه الـعـــــود


أدري لوعة خشم :(

أنا بعيدة عن السياسة بس ساعات عيني تطيح على خبر ولا شي يجذبني وادور له على مصادر ثانية ..

Free حر يقول...

http://asmelike.blogspot.com

أنا هذا ردي .

حدس + سلف = الاصلاح وتطبيق الشريعه الاسلاميه يقول...

السلام عليكم ورحمة الله وبركاته
حبيت اعلق على الموضوع
اول الخبر هذا مو صحيح لان الحركه الدستوريه انفت الشي هذا وقالت اللي عنده دليل يقدمه
وثانيا انا اشكر ابو الدستور على الانصاف وعلى كلامه عن جريدة الشاهد ( زورا ) جريدة الشاهد واحد من الربع صار له موقف من جريدة الشهد موقف محرج اللي اهو ان هذي الجريده وضعت مانشيت ان لجنة البدون سوف تعطي للبدوون جوازات نفس جوازات الكويتيين طبعا رفيجي اول ماقرا الخبر ثاني يوم الا اهو عند لجنة البدون سالهم قال لهم ان تبون تساوونه بالجوازات مع الكويتيين رد عليه الموظف قال خل جريدة الشاهد تساويك مع الكويتيين بالجوازات ههههههههههههههه
طبعا نرد لموضوع حدس اكرر اهم نفو اما اللي شايل يقلبه على حدس اتمنى يذكر الدليل
وصلى اللهم على محمد وعلى ال محمد وصحبه الاكرمين

حدس + سلف = الاصلاح وتطبيق الشريعه الاسلاميه يقول...

الى علي اسماعيل الشطي ( زرقاء اليمامه ) لان ماشاء الله نظره كبير بالموضوع
الضاهر على باله لا قالو ان الاحزاب الدينيه يقصدون فيها ( حدس وسلف ) زرقاء اليمامه الضاهر يعتبر الشيعه حزب مو ديني الضاهر نسى شنو سوو الشيعه بالكويت من تفجيرات ومن محاولت اغتيال الشيخ جابر الله يرحمه ومن تفجيرات مقاهي الصليبيخات ومن حزب الله الكويتي اللي منهم عدنان عبد الصمد
وتابين مغنيه وووووو انا على مااعتقد ان اذا في شيعي يبي ينتقد حدس وسلف قبل لاينتقدهم ينتقد الاقربون له بما فعلو بالكووويت
مو تجيني على مانشيت تافه بجريده تافه وتقعد تعلق على على حدس وسلف
واذا في رجل من سلالة رجال حتى صاحبة المدونه ساره اذا اهي بنت من ظهر رجل سلالتها رجال تجيب دليل واحد يدل على ان حدس منافقين وانا اتحداكم ابي رجل
واشكر اللي انصفو حدس

حدس + سلف = الاصلاح وتطبيق الشريعه الاسلاميه يقول...

شالاشاعه السخيفه
يعني الحين اللي يبي يسكر يحط بجيبه دفتر شيكات ليش هههههههههههه
وعلى فكره ابي كل واحد عنده دفتر شيكات يقول لنا طريقة كتابة الشيك مايحتاج انا اقول لكم
1 كتابة اسم صاحب الشيك
2 كتابة اسم مستلم الشيك
3 كتابة مبلغ الشيك بالارقام
4 توقيع صاحب الشيك وعلى فكره التوقيع ثابت لايتغير
والشي الاتفه من الموضوع ان جريدة الشاهد من اين حصلت على شيك ولو انها على مصداقيه جان عرضت الشيك
بس صاحب المدونه ماالومه لان بنت والبنت معروفه انها ناقصت عقل ودين
فما يحتاج نلومها مسكينه تدور اي موضوع تحطه بالمدونه
والعبي غيرها
انا عندي لج موضوع حلو تحطينه اللي اهو ماهو التيار الذي شرع قانون بسماح الخمور في الطائرات؟؟
اسالو عن هذا الموضوع واعرفو من هو التيار
او حطي موضوع ماهو الحزب الذي طلع صاحبه يبيع خمور ؟؟ ( علشان مايكون ردج بالمثل هههههه) وعلى فكره انا انا اقصد بنكي حدس والحركه السلفيه مو التجمع السلفي مال الخمور
واتمنى انج تطرحين المواضيع اللي اقترحتها عليج
وحبيت اعلق على عنوان الموضوع لو كان الرسول موجود شقال عنهم قصدج قال شقال عنكم يالليبراليه الذين رفضوا شعر الله ورفضوا نص من نصوص الله الا وهو قال تعالى ( وليس الرجل كالمراه ) ولاتقولين ان الليبراليه لايطالبون بمساواة بين الرجل والمراه بكامل الحقوق والدليل الموضوع اللي بالصفحه الرئيسيه
تم الكلام وربنا محمودو ولهو المكارم والعلا والجودو ثم الصلاة على النبي محمد ماناحه القمري واورقه العودو والسلام ختام