2009-04-04

Bo Rashed المليق ....!!!


العزيز بوراشد ....... انت تبط خشمي !!!!
مابي اسوي دعاية له لأن ماشاء الله شخصيته العكس مليقة تجذب الناس كلها لمدونته الغريبة ، يتبع اسلوب الغير طبيعي في الكتابة ، بعض كتاباته تعجبني ، بس المصيبة انه مغير من مدونته ومومخلي لنا مجال نقول راينا بمواضيعه ، على شنو شايف نفسك ؟
اوكي حلو ان الواحد يثق بأن مدونته ناجحة وأنا أعترف مدونتك تجذبني دائما واسلوبك يشوقني بس ياخي خل لنا مجال نعلق ، شنو بكتب راي بالموضوع ابي اكتب انتقادي جنك أبوي يقول الكلام وخلاص عجبنا ولا ماعجبنا ماكو نقاش ! شدعوة عاد ؟؟ أبي بوراشد يرد علي بمدونتي ويبرر لي موقفه لأنه صج صج صج بط خشمي بط ، عسى ما أقرا موضوع أقول وناسة بكتب رايي فيه القا ماكو تعليقات شدعوة عليك ويا بوكشة الي مرضح نفسه وكاشخ حاط صورته بمدونتك ..!!!!
بوراشد
اذا مارديت علي راح أتبع اسلوب الهجوم بالقنابل الطموحية المسيلة للسناسين ، كيفك عاد!!!
راح نبدا الحرب اذا مارديت علي ، وخلنا نعلق ياخي ماله داعي تسكتنا وتكتب وتنحاش !!! ايه ده يا راجل يازول يازلمة ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عندي مشـــــــــــــــــكلة !!!!
..
..
عندي وحدة من خواتي وذكرتها بعدة بوستات هالأخت مسكينة آخر العنقود وأقرب وحدة لها أنا مع انها تحصل مي فلعات وطق مني للحين بس تحبي وأحبها والله ، البنت باطة جبدي بسالفة ستار أكاديمي ، ساعات أحسدها لأن أمي وأبوي ما يردون لها طلب ، لا وكاشخة من الحين أدرس ولا ما أدرس بيدخلوني جامعة خاصة وتحرني الحمدلله والشكر ، المهم البنت تتابع ستار أكاديمي باستمرار وأنا كرهي هالبرامج المنحطة عسى ما تقعد معاي شفتي نورة ؟؟ طلعت من البرايم ، طبعا أنا بصراخ : وانا شكو فيها؟؟ طلعت ماطلعت بستين طقاق همتني ؟
غرفتها يم غرفتي ويفصل بينا باب، فاسمع ضحكها تتابع يومياتهم ويضحكونها @@ امبي لهالدرجة ملاقة ؟ بصراحة انا دايما أحاول اكون يمها لأنها توها بمرحلة المراهقة وأحاول أخليها تقول كل اسرارها لي احسن من بنات المدرسة خو ماله داعي اقول بعض البنات شلون يحبون يخربون على رفيجاتهم ، ودايم اسمع انتقاداتها لي ، تدش علي ساعات تقعد تشكي الحال وتبجي ، المشكلة اسمعها واقول مدلعة وعندها الي تبيه وما ينرفض لها طلب وتبجي شخلت لي ، وتقول : سارة احس انتي تستثمرين وقتج بالرسم والقراءة ومدونتج ، أنا ماعندي شي @@
طبعا ابدي السي دي مالي : انتي ماعندج شي ؟ كل الي اييبونه لج وماعندج شي ؟؟؟ وتبجي بزود لووول اعطيها كتاب اقول لها اقريه حلو تضحك بويهي : الحمدلله والشكر بروح احط على ستار اكاديمي ، الله يلعن هالبرنامج العبيط الي ما من وراه اي فود ، ويلعن العرب المتخلفين الي يتركون المهم ويخربون عيالنا بسوالف الاغاني العبيطة والتصويت لأشخاص فاشلين بحياتهم ودشا البرنامج !! يبا في برامج تطور الانسان وتنميه احسن من هذول ، شراح نستفيد منهم ؟؟ يبا حتى حصص الفوكاليز ماكنت اتابعها كنت ادرسها عند مدرسة وايد اشرف لي من خبال هذول . اوووف سارةلا تحسسينا انج ام كلثوم .
على طاري الاغاني أذكر لمن كنت بالروضة كنت ابجي اذا داومت وماعطوني المايكروفون لووول ، وبالمدرسة كل يوم الابلة تقومني غني حق البنات تدرون شغني ؟؟ : أنا عندي ارنبة ، جميلة وحلوة مأدبة .. شخباري كااااااااااااااااااااااااااااااك
بلييييز لا تشوفوني شلون اندمج وانا اغني ...@@
عطوني حل مع اختي المسكينة ؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

فصلت على هالخبول لوووول بوأزرق عاجبني ، يذكرني لمن كنت صغيرة لوووول لا تسالوني شلون كااااااااك


29 comments:

صبا يقول...

طمووووووووحه
انا
الاولى
برد اعلق الحين

SHAHAD يقول...

ساااروونة .. هلاا والله
اول شي منو بورااشد ؟ ماعرفه :/

أما إختج فعندنا وعندج خيير
انا طالباتي كلهم يتابعونه بشكل جنوني
مرة كان عندي الحصة الأولى .. عاد وحده سرحاانه وبواادي ثااني .. قلت لها حبوبة انتبهي معاي شكلج للحين نايمة
توقعي شنو ردت علي !
قالت لاا ابلة بس لو اني غايبة جان قاعده العب رياضة مع ستار اكاديمي !

بغيت اكفخها بأكبر ما عندي ! :/

Makintosh يقول...

منو بو راشد ؟؟

----

عادي ترى في ناس اعمارهم على 22 و 28 يتابعون ستار اكاديمي يعني لا تضيقين خلقج وخليها تستانس :)
مردها بتهدهم وتمل منهم

----

الله يخليكم حق بعض يارب

صبا يقول...

ولييييييييه

الحين يضيع مستقبلج التدويني نفس ما صار في بوفهد
!!!


ليش تمدحين الطائفي بورراشد
مفرق الجماعات
كلامه كله همز ولمز
وجرعة غلاسه
مناااافق وغشمرته باااايخه
مدونته هدااامه
كلها رسايل غير وااااضحه
وصرااااعات وفضايح ترفع الضغط
وحروب
وعلاقاااااات ساخنه

؛)

ثوريي من ربع عبدالناصر
هههههه

بيني وبينج اهو قربي ما بي احد يسمع .....
الحين عدد التعليقات عندج يمكن تقل
مثل ما صار فيني ...ليش اعلق عنده
ههههههه


لا تمدحينه ابروحه منتفخ علينا

ههههههاي

الله يسلمج الحين انا بجاوبج ليش بوراشد مسكر التعليقات
مو فاضي حده مشغول بزنس مان
بس حارمنا من التعليق عنده
اهم شي روحه موجوده معانا والباجي يهون

والف تحيه لج ولشيخ التدوين
بوراشووود
:***

هذي حقج مو حقه
:))

صبا يقول...

شهوووووووووود ما تعرفين بوراااشد

أفاااااااا!!


احسن لج ..ولا ترى محد بعلق عندج
وااااحد دمه ثقيل أوي

؛)


بس مهاجر الحين

وحشتيني
:**

طموحة مملوحة يقول...

shahad

والله انا لو مكانج جان كفختها ولا خليتها تدور حوالين الساحة ساعةكاملة خل ستار اكاديمي ينفعها ... حق الانحطاط جاهزين

طموحة مملوحة يقول...

Makintosh


من صجج ؟؟؟ صار لها من اول ستار اكاديمي هذا رقم جم ؟؟؟ متى بتهده ؟؟ البنت مالة من حياتها فتقضي وقتها بالبرنامج .. امبي لا صج وتدق على رفيجتها شفتي فلان اليوم شسوى ؟؟ البرايم ان حلو .. لا وبجت لمن نورة طلعت امحق

طموحة مملوحة يقول...

صبا

ادري والله انه شايف حاله حيييييييل يبط جبدي والله ... آل ايه يعني ماتهمه التعليقات ويتطنز على الاوادم أقص ايدي اذا ماكان مستانس عليهم ومستانس على المعجبات لووول اقوووول؟؟ كاااااااااااااااك

يعني ترا مو فارقة عند ادري ان مدونتي عجيبة كاااااااااااااااك
اقول خل يستريح ويرد علي لا اطلع له اسلحتي الحين واشن الحرب العالمية الثالثة عليه ...

وادري مواضيعه كلها نغزات بس عجبتني الاخيرة حدها خطيرة .. مالت عذاري ومشاري ...@@

ماكو سارة خشم الفارة ؟؟

صبا يقول...

ليش مطوفتني ما تردين على تعليقي
شوفيني كاني لابسه حمر
مااااااااااا يغرز نفس لون مدونت بودم ثقيل الي باط جبدج
؛)

طموحة مملوحة يقول...

انتي من صجج صبا ؟؟

اصلا اموت على الاحمر والله لو انا ريال جان تزوجتج لووول

صبا يقول...

اي صج حرااااااام مدومنته
غير عن كل المدونين حلوه وجريئه
ما يخلي شي بقلبه
ما يجامل أأأأأبد

حتى اناااااااااااا ما سلمت منه
بس عسل على قلبي
لا يا معوده لا يكتب فيج ازهيريه
خلييييييج على مينونج الي يسطر لج الاشعااااااار من قلبه هالمسكين
الا قولي لي شخباره عقب المطر يقولون المطر يهيج المشاعر ويخلي الاطرم يتكلم
:))))


اي صح عذاري ومشاااري حلوه واااايد

انا اطالبه من مدونتج انه يكتب

عن

سااااره و بوسانتوس

صبا..... و آآآدم أو قيصر
كيفه عاد اهو يختااار

ههههههاي

{~المباركية~} يقول...

انا بس ابي اشووف مدونة بوراشد عشان اقدر احكم

اي صح ليش يهدون الشي المهم و يحطون ستار اكاديمي ؟
يحرقون قلبهم وعمرهم اخر شي المغني اهوه يفوز ويربح

مبرووك على النيوولووك

طموحة مملوحة يقول...

صبا

يرحم امج والله ماعرفه ولا بيني وبينه اي حب لوووو مجرد معجب كتب فيني قصيدة عيل لو اقول لج عن المعجبين الثانييين شتقولين ؟ ماخلت أحد ماحبته لوووول ... يابعد راسي صبا يالغاليةانا اكتب لج شعر خلاص حبيتج لوووول

طموحة مملوحة يقول...

المباركية


الله يبارك فيك وأشكرك على مساعدتي يالغالي :) أشكرك جدام الجميع علشان انت الي ساعدتني :)

وصح كلامك ، يعني انا لو احد من الموجودين جان قلت شهالخبال ؟؟ ويسوون قصص غرام علشان الناس تابعهم .. يبا خل اتابع حياتي واموري وايد اشرف لي من هالخبول

{~المباركية~} يقول...

لاشكر على واااجب
الصرااحه ماسويناا شي كلها جم خطوة بسيطة

ستااار اكاديمي برنامج فاشل سنه عن سنه الناس تطق جبدهم منه

شكرا لج

طموحة مملوحة يقول...

المباركية



صاج والله ملاقة حد أمهم

حياتي هدف مو عبث يقول...

شلوووونج :)

بوراشد ..
مزاج بإختصار
كل يوم مناجر خلق الله
هاهاها

حركات الشكل اليديد :*

غير معرف يقول...

ما عنده سالفه $:

طموحة مملوحة يقول...

حياتي هدف مو عبث


لووووول بوراشد دمه ثقيل حده لوووول


اي مشكورة يالغالية النحلة من الحشرات العزيزة على خشمي والله

طموحة مملوحة يقول...

غير معرف



صدقت :S

كبرياء وردة يقول...

اختج اكيد عندها شي تحبه ومبدعة فيه

دوري حواليج ورح تلقينه اكيد :)

كبرياء وردة يقول...

صبوئة

واووووه يا الاحمر العب بالساحة

لا يكون تشجعين منتخبنا بس :p

طموحة مملوحة يقول...

كبرياء وردة

والله ذاك اليوم قلت لها تقول لي مالي خلق ادور مثلج @@ تبيكل شي على الجاهز لوووول

غير معرف يقول...

سارونة المزيونه,

اكتشفتي مدونة بوراشد؟ شي غيييييير عن بقية المدونين اللي جعبتهم فاضية ..لما يناقش السياسه, منظوره يديد\ثاقب\صريح ما ينخش ورا شعارات مزيفة و كلمات رنانة..لما يشعر آخ لما يشعر اذووووب, ياخذني لعالم آخر...الكلمة فيه مقدسة..شقول عنه...كامل وصوفه...من صجي, فريت بالمدونات ما لقيت له مثيل...اهوا سيد الهوا في كونه...

الناس ما يسوونه .. لي عالي مستواه
قلبي فظا مظنونه .. وأرجوك بوراشد لا تنساه
سيد الهوا في كونه .. غالي ولا أنساه
في الحب أنا مجنونه .. قلبي أنا يهواه

انزين, اعتقد اغنية الجسمي عرفتج علي انا غارقه بشوشتي فيه و ما أعلق الا عنده لأني ذويقة و ما يعجبني الا الاوت ستاندينق قايز

so, Keep a distance from him OR ELSE @@

P.S. stop posting your pictures, we admit, you are much pretty gal, mashallah

مجنونة بوراشد رقم واحد, أخذيلج دور:p

bo rashed يقول...

السلام عليكم ورحمة وبركاته
اقول قولي هذا وانا قاعد اتفكر بمقابلة
الجويهل ومحمد الهايري
P:
شوفي يا عزيزتي
انا الصراحة عندي مقدسة
ودام انج طرحتي الموضوع سمعي القمنده

وخل يسمع اللي يدش ويقرا على شان نكون على ميه نوعا ما بيضه

شوفي ياعزيزتي في ناس ماتحب احد يتكلم
ولي تكلمو يبون الكل يسكت

مثال انا واحد من الناس اللي كتبت عن
بعض تجاوزات المذهب الشيعي على الصحابة
وعلى زوجات الرسول عليه الصلاة والسلام
وايضا تكلمت عن بعض الامور اللي اشوفها من وجهة نظري انها تخالف بعض تعاليم دينا الحنيف بالمذهب الشيعي

وكنت اكتب من منطلق شخصي بحت لا اجبرت احد ان ياخذ برايي ولا قلت اني بصلح الكون لكن مدونتي وانا حر اكتب توجهي

تدرين شاللي صار
اللي زعل والي سب واللي استشرف واللي
حطني بخانه وحده مع بولهب واللي واللي

طبعا للامانه انا ماهمني لا هذا ولاذاك
لاني تعودت اني اقول اللي ابيه دام
اني مقتنع فيه

وتبين الصج قلت عادي الكل حر بتصرفاته

لــــــــــــكـــــــــن

لما شفت التناقض العجيب والفرز الاعجب
بين خواتنا واخوانا المدونيين الاحياء
منهم والاموات
المسلمين منهم واللي بين الكفر والنفاق

قلت لا الظاهر السالفه فيها ان وانات

يعني في مدون تعود ان يشتم بالمدونيين
ويسميهم خرفان ويستهزيء بالاحاديث
والآيات القرآنية ويستخدمهم استخدام سيء على مواضيع مباريات ومعايات
والربع يدشون ويضحكون وماشفت شريف تكلم الا من رحم الله

قمت اتساءل شالسالفه
وليش ؟
شمعنا انا/ انا يوم تكلمت بمواضيع اخواناالشيعه الكل هاجمني وشلخني
والاخ وامثاله محد تكلم عنهم !

وطبعا في غير هالأخ يخربطون وايد ويشرقون ويغربون بمشايخ السنة وهم محد يقول آ

تبين الصج هم قلت كيفهم
كل واحد حر وكل من ينام على الجنب اللي يريحه

لكن شفت الامور تطورت قمنا ننسب في بوستات اشكره وتعليقات وايميلات شغاله
من كل صوب وحدب وهم الربع صم بكم

قلت دام السالفه هيك ما بدها
واللي مايستحي منك اغسل اشراعه ولاترد
على احد

واشتغلت على المترديه والنطيحه
من وجهة نظري طبعا انهم مترديه

وقمت اشرق واغرب فيهم

لكن شاللي صار

شفت اني قمت احرج احبابي معاي واعتقد
اللي حاشهم طشار فاهمين كلامي

فقلت يا شيخ ليش تشربك ربعك واحبابك
معاك اكتب واشلخ وامدح واستهبل واستعبط واستملق من غير لا تحرج احد

هذي السالفه باختصار وتجميل
P:

واحتراما لمدونتج العزيزه على قلبي ما غزرت اكثر

لكن انتي سألتي يا عزيزتي وانا تقديرا
لشخصك الكريم رديت
:)

سارونه بوراشد انسان ابسط من ما تتخيلين عمره ما عرف يكره ولا يحقد
لكن ما يجامل ولا ينافق ولا يداهن

هذا انا وهذا طبعي ادري الناس ماتبي
اللي مثلي لان يعريهم
لكن شسوي انا عوي
:)

مشكوره يا عزيزتي على هاللفته الكريمه
والشكر موصول للعزيزه صبا
ولكل من سأل عني وهم لكل من سبني او
حبني

احنا على العموم بالتدوين مجرد اسماء
وهمية ومناوشاتنا ما تتعدى السطور اللي نسطرها

اما اللي في قلبه مرض فالله يعينه على نفسه ويعينا على ترويضه لما يحب الله ورسوله

اقول قولي هذا وانا مازلت
اتفكر بمناظرة سكوب بين الجويهل
والهايري
P:
وارجع واقول
مشكورة
والله يجبر بخاطرج مثل ما جبرتي بخاطري
يا ملح التدوين وحلاه

اوووو الحين خطيبة بوسانتوس تغار
P:

طموحة مملوحة يقول...

غير معرف


يابعد راسي والله أنتي ، لا خليج انتي رقم واحد وآخر رقم أنا أحبه مثل أخوي لا اكثر لوووول يابعد راسي والله من قده بوراشد عنده وحدةتحبه مثلج ... تدرين والله دعيت يكون من نصيبج عاد انا خبلة حدي اتأثر بالحب
بوراشد بليييييييييز التفت لها لووول البنت تحبك منو قدك :D

عيل بخلي بوستاتي كلها برعاية بوراشد علشان تعلقين على مواضيعي لوول

حياج الله يالغالية :)

طموحة مملوحة يقول...

بوراشد

سوري أولا لأني قلت عنك مليق من الغلا والله لووووول ، وثانيا ليش ترد على هالناس دام تنتقدك كيفهم بالطقاق ، شوف المواضيع المذهبية اول كنت وايد التفت لها واعلق بي مايابت لي الا المشاكل هذا أولا وثانيا في شيعة ماسبون الصحابة ولا يرضون بسبهم اعرف بعض منهم ، والي موجودين الي همه السب والقذف والتعليق عليك مايمثلون كل الشيعة وانصحك اذا تبي تكتب رأيك بموضوع مذهبي لاتحط تعليقات وكيفهم بس باجي المواضيع ياخي نبي نعلق شدعوة ؟؟

اسمعني وانا اختك ، والله نحب مدونتك وودنا نعلق ونضحك على حروفك واكبر دليل على نجاح مدونتك وجود المعجبين الي وحدةمنهم علقت هني لوول فديتها والله تهبل ، يعني لا تغير شي علشان تحاول توقف جهة ، وحط ببالك هالجهة ماراح تسكت والله ، ارضاء الناس غاية لا تدرك ...

خلك مثلي عليك من نفسك جم مرة حطيت موضوع عن هالشي وياب لي مشاكل فابتعدت عن الشر وغنيت له :D

maha يقول...

دايما الصراحه تكون جارحه حتى لو كانت في موقعها وصحيحه
لكن الأسلوب اللي تنقال فيه هو اللي يحدد إذا راح يتقبلها الشخص والا لأ

عن نفسي انا لازم اتابع جديد مدونة بوراشد تعجبني صراحته لكن ما أحب جرأته بس
وهم ما ألومه شرى راحة نفسه من هالتعليقات لأن مو الكل يتفهم القصد من البوست

طموحة مملوحة يقول...

Maha

مادري ليش استانس لمن اشوف احد يهجمني حتى لو كنت غلطانة لوووول ...
جرئته حلوة بصراحة وعادي اهو ريال بس اذا وحدة مثلي كنت جريئة جدا في طرح المواضيع لرجة انهم كرهوني كوني امرأة لازم اسكر حلجي لأني بنت :)
فأنا لو مكانه وابي اناقش مواضيع جريئة ماعندي مانع بس اتوقع المشكلة عنده هي المواضيع المذهبية ، بس المواضيع الثانية حلوة صراحة انا استانس عليهم بصراحة :)

اتمنى له الوفيق دايما يارب