2009-05-04

مدونتي زعلانة :(










سارة : هاي كاركاتير طموحة .
اهي : هايين :(

سارة : شفيج مادة البوز ؟؟
اهي : يرضيج يعني يا سارة تحطين الرسمة وحدج كاشخة فيني جني حلاو ومستانسة تدشين كل يوم تدورين على تعليقات علشان تلقين تعليقين ثلاث بالكثير ؟؟
سارة : عادي يالغالية ، مع الايام يصيرون وايد حتى تخاريف طموحة كانوا شوي يعلقون عليها وكنت اقول ، شهالمدونة الدايخة الي طالعة على صاحبتها فانتي الحين دايخة وباجر راح تتطورين .
اهي : نفسيتي تعبانة وبديت اغير من تخاريف طموحة .
سارة : لا يصير خاطرج الا طيب اهي كلمتين بسيطتين اقولهم لقراءي الاعزاء وماراح يخيبون ظنج ان شاء الله ، روحي الحين وخليني احاجيهم .




سارة تحاجي قراء مدونة تخاريف طموحة : أقول عاد شايفيني تعبانة على مدونتين ماتجاملوني ؟ ما تعلقون ؟؟؟ قولوا مليقة مايخالف بس هالمسيكينة كل يوم تحط رسمة ادري رسماتي مش أد المآم قولوا عدلي رسمج فكينا لوووول بس لا تخلونها المسكينة تدور على احد يعطيها ويه .. شوفوا شكلها كربونش قاعدة تبجي ... جلم قلبه والله ...

يالله يالحلوين .. ترا هذي اخت تخاريف طموحة لا تطنشونها عاد :)





كــــــــاريكاتير طموحة





ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ




دعوة من تخاريف طموحة

يوم الخميس بإذن الله راح يكون افتتاح المعرض الخيري لقائمة مستقلة الهندسة والي راح اشارك فيه بعرض رسماتي تمنيت اكون بياعة وابيع بصراحة لووووول بس مالي بهالسوالف فقلت اعرض رسماتي على الشعب ، أو ربع ربع الشعب ، ويشوفون رسماتي الدايخة ... ولي نية اعرض كتب لي والله مادري المخ فاضي بس الله يعيني ادعوا لي ..

والله الي سمعته ان الي بيفتتح المعرض السيد مرزوق الغانم ... اوووف خوش دعوة غير رسمية .. سامحوني ياجامعة الخير ... خل اكتبه بالتفصيل وباسلوب افضل :)



تحت رعاية السيد: مرزوق الغانم

تفتتح القائمة المستقلة في كلية الهندسة والبترول معرضها الخيري ، في 7 من مايو 2009 الموافق يوم الخميس ،

وذللك في جمعية المهندسين ، وسيبدأ الافتتاح الساعة الخامسة مساء والله أعلم .

راح اكتب تفاصيل اكثر لأني حدي مطحوسة بالامتحانات ومادري شالسالفة الله يستر ...






ــــــــــــــــــــــــــــــــــــــــــــــــــــــــــــــــــــــــــــــــــ




يقولون لكم في جريدة يبيلها بطة راس ، وهالجريدة سلمكم الله صار لها دهر بالكويت محد يقرا لها ، فطاحت بجبد نفسها وصاروا الناس يقرون الجرايد الثانية .. جريدة الغبـــــــاء هذي .. بعد ماتصور الناس بمعارض مثلا أو باحتفالات مثلا ، او بحفل تخرج تحط الموضوع والصور ، خبري الجرايد الثانية تخلص من هالصور تحطهم بالارشيف وخلاص كان الله غفورا رحيما ، هذي الجريدة تعاني كثيرا من كسل المحررين فيها ، فتقوم باعادة وضع الصور مرة اخرى وثالثة ورابعة وعاشرة ، وتقوم بوضع اسئلة من نفسها وتجيب باسم اصحاب الصور ، وكان من أهم الضحايا هي الاخت طموحة مملوحة ، عندما وضعت لها صورة قديمة مو مرة وحدة ؟؟ مرتين وثلاث ، وكتب السؤال : هل تحبين الورد ، فكانت الاجابة من طموحة : بالتأكيد ...


يا الله سيستمتع القارئ من السؤال الغبي وسيعجب باجابتي الاغبى وبالحقيقة فأنا لم يتم سؤالي ولم اجب ولم اعلم بأنهم سيضعون الصورة مرة اخرى واخرى ، فكان مني الشكوى ومن اهلي كذلك اشتكوا وكنت في قمة الغضب عندما حادثتها : بأي حق تضعوا صورتي مع سؤال بايخ ؟؟ أنا لا ارضى بأن اوضع في مثل هذه الصفحات التافهة ، و تجيبون بلساني ؟؟ انا لا احب الورد مارأيك ؟؟
فكان الرد : ههههه انتي بتؤولي ايه في بنت ما بتحبش الورد ؟؟؟ @@

نصيحتي لهذه الجريدة ، اعتزلي الصحافة واشتغلي رقاصة وايد احسن لج ، ولا حطوا لكم اوادم شغيلة ماتاخذ فلوس من ورا افانا على صور قديمة ... اذا يبون مواضيع اييب لهم يبا بدون فلوس بس لا تفشلونا تحسسوني بنقص في الصحافة الكويتية...

شهالملاقة ...



اقعد غيرنا المود من الفصيح للعامي ....




اشوفكم على خير وخيرات كثيرات ...




ــــــــــــــــــــــــــــــــــــ
اسمحوا لي ملاحظة خبلة شوي
الحين الي يحطون اعلانات على بيبان البيوت ويحطون كروتهم ... الحين يحطون الرقم شكو بالعربي والانجليزي ؟؟ لوووول يعني سواء الشخص يفهم انجليزي ولا لا الارقام المكتوبة بجهاز (( الهاتف ))* انجليزي يعني لا تستعبطون وتدورون على اي شي تملون فيه الفراغ شكو كاتبين نفس الرقم مرة عربي مرة انجليزي .؟؟؟ يالله انك تكملهم بعقلهم يارب ...
* معناها واضح بس حبيت اتفلسف بالعربية الفصحى :p لووووول


14 comments:

Paris يقول...

لوول كسرتي خاطري

تصدقين انا كل مره ادش مدونتج بس ما ادري شرد عليج..

و بالتوفيق في امتحاناتج

هالمره انشالله نكتب لج كومنت ما يغلى عليج شي يالغاليه :)

Q8EL5AIR يقول...

تستاهل كاريكاتير طموحة .. ألحين اطير لها :)

شالجريدة .. لقافة .. عوووع !!!

جريدة وملقوفة هذا إلي ناقص !!




وتحياتي ..
ويسلموااااااااااااااا :)

TrueClue يقول...

حلو اسلوب الحوار لجذب الأنتباه .. لول

عالعموم لج مني اني ازورهم اثنينهم .. انا كنت ناسي مدونتج الثانيه ولله ..

و على سالفة الكروت انا ما لاحظت هالشي بس ترا غباء صج ..

fatto يقول...

تحقق حلم البيع عندج :) ؟ يالا زين .. بشرينه بلبياعه :)

علي إسماعيل الشطي يقول...

بالتوفيق أختي العزيزة

تمنياتي لكي النجاح دائما

bo rashed يقول...

لوووووووووووووول
جريدة الأنباء مالتي
وانا اللي قايل حق المصري يحط صورتج
لووووووووووول
وباجر بدزه المعرض وبخليه يصورج
بس هالمره بخلي السؤال
هل تحبين لحم البعارين
وراح اخلي الاجابة
احب لحم البعارين
وبالأخص باكة الراس
لوووووووووووول
صباح الخير
:)

بـو حـظـيـن يقول...

إيه بعد هذا موسم البروشورات على البيوت, المشكلة ولا واحد فيهم حاط بطاقة خصم و لا وجبة عشاء مجانية من مطعم ببروشوراته جان محد قط البروشور بأقرب زباله

Enter-Q8 يقول...

سارة انتي لو الله يهديك و تخلين شخصيات رسوماتك اشوي متينه بدال مالواحد يطالعهم و يقول هذول من دار فور و توهم متجنسين على ضعفهم
كشكشيها متعرضهاش

Manal يقول...

كربون الزعلانة والله
:)

الله يوفقج يالغالية

ReLaaaX يقول...

ماعاش من يزعل مدونتج .. ماعليه نمر نطل على اختها ولا يهمج


انتييييييي تحفه متحفه ماحصلتش !


ملاحظتج عجيييييب صراحه :)

just a bunch of thoughts يقول...

لووول خوش نغزة!
بس انا لازم تعذريني اصلا توني اطيح عليها ذاك اليوم! و لا يهمج ان شاء نتابعها :)

ثانكس عالدعوة نشوف الظروف يمكن نطب عليج! لووول

انتي تقصدين ملحق جريدة الانباء؟
و الله يعيدون الصور؟ @@!!! امبييه و الله فشلونا!


لوول عالكروت مادري اذا لاحظت هالشي من قبل و لا لأ ... لووول

just a bunch of thoughts يقول...

بس ما عجبتني كلمة "جريدة سودانية" ... يا ليت لو تغيرينها :)

و في بوست قديم بعد كتبتي "زنجي" .. هم ياليت تغيرينها ... ما نبي احط يحط علينا و يقول عنصريين و حاطة على اخواننا السمر ;)

just a bunch of thoughts يقول...

لول غلطة مطبعية:

*احد يحط*

طموحة مملوحة يقول...

مشكورين يالغاليين :)


بنش اوف ثوت

اهم شي كاتبته بالعربي


لا تخافين امون عليهم لأني أحبهم وايد ولمن اكتب جذي ما أتطنز والله بس علشان خاطرح اغيرها يالغالية بس موقصدي والله التفرقة والعنصرية اصلا حلمي اني اكون امرأة سوداء على فكرة :)