2009-05-06

الوعــــــد باجر!!!!








أول شي حدي فصلت على هالصورة .. ذكرتني بالمبرقعة الي تقعد يم بنك الوطني بجمعية الصباحية ، طلع عندها خوات توائم وحدة منهم وصلت لي لندن ، واحنا للحين مارحنا لها ، الطرارة وماتسوي لووووول ....






لا تنسون باجر ان شاء الله المعرض :@



حدي مشغولة بس قلت امسي عليكم بالخير ، ومسيناكم مسونا .. وعلى المعرض لاقونا ... وان زأفتوا كتير كتير بتكونوا بتحبونا :)







هِيّـــــــــــــــا ..... ان شاء الله قريبا راح يكون لي مشاركة في معرض ثاني ، ياحلو الفرص لمن تيي مرة وحدة وتحسسني بقيمة شغلي حتى لو كان بسيط ، المهم راح اسوي تغطية ان شاء الله حق المدونة ...



وانتو لا تقصرون معاي عاد ..


باجر الافتتاح الساعة 5 بجمعية المهندسيين يستمر المعرض حتى يوم السبت بإذن الله ..



وحباكم الله :)



ـــــــــــــــــــــــــــــــــــــــــــــــــــــــــــــــــــــ




أحب أشكر أخوي طلال العـــــراك ، على دعوته لي وحرصه الدائم على السؤال وتشجيعي ، وأحب أقول له من الصعب في هالزمن نلقى اخوان طيبين ويخافون على بنات ديرتهم ويحبون لهم الخير مثل ما يحبونه لخواتهم ، وأتمنى أن تفتخر بإنك أحد هالشباب الي يندر وجودهم في هالزمن ، وأفتخر بأني أقول لك أن أنت أخوي الي اعتز فيه كثير الاعتزاز .


كل الشكر والعرفان لك

26 comments:

Manal يقول...

وحدة من التوام وصلت بيكر ستريت
لول

:)

يحليلها

انا اقول تعبانة من المشي من ايجوار رود لي بيكر ستريت

لانها تخاف تركب الباص

:)


والله يوفقج بالافتتاح

.. للكلمات بقية يقول...

الله يحينا

خالتاخذ سب وي "subway"

بالتوفيق

غير معرف يقول...

موفقـه بالمعرض ان شاء الله :*

kuwait

Hashimoto يقول...

موفقة بالمعرض
للاسف ما اقدر احضر .. وراي دورة فيزيا لي الساعة 9 @@
لول

المعرض يوم واحد فقط ؟

TrueClue يقول...

خوش صورة ولله لول ..

و حسافه راح يطوفني المعرض ..
دايما يطوفني .. جنج متعمده تسوين المعرض بوقت محاضراتي يا ساره ؟

يلله ما عليه الله يوفقج انشالله :)

Q8EL5AIR يقول...

الظاهر كوبي بيست منها !!

لووووووووووووووووووووول :)

او انها اتخفى !!



انزين اقولح لي متى المعرض !!
من 5 الى متى !!!


بالتوفيق ان شاءالله .. ومنها للاعلى .. وعسى الله يفتح عليج ابواب رزقه :)





وتحياتي ..
ويسلموااااااااااااااااااااا :)

بوفهد يقول...

لا حرام مسيجينه .. نست نفسها

علي بالها بالكويت من شافت شعار الوطنى ..

فعاد الظاهر ارويلاتها اتعورها اشوي قالت خل امددهم عند بنكنا .. بنك بوعبود !!!

Yin مدام يقول...

لوووووول

توائم ها؟


المهم موفقة بالمعرض وبكل أمورج إن شاءالله يا طموحة

:)

علي إسماعيل الشطي يقول...

بالتوفيق إنشاله بالمعرض

تحياتي

طموحة مملوحة يقول...

Manal


شدعوة بيعطونها شي هناك ؟؟ جعوصة لووول
مشكورة يالغالية :) ويوفق الجميع

طموحة مملوحة يقول...

.. للكلمات بقية


لا لا no way تاخذ من سب وي يالهوي هو احنا ناقصين لوعة خشم ليه كذا ؟؟

طموحة مملوحة يقول...

kuwait


يالمتخفية لووووول مشكورة يالغالية

طموحة مملوحة يقول...

Hashimoto


شدعوة عليك دورة الفيزيا الساعة 9 المعرض الساعة 5 وبعدين في الجمعة والسبت هع هع هع تعال خو عاد لازم انت تيي علشان اوريك رسماتي وطلعوا اشاعة ان كنت بتشارك معانا شدعوة استانست صدمتني والله

طموحة مملوحة يقول...

TrueClue


شدعوة عاد ان حطيناه بوقت دوامات قلتوا عندنا دوامات والحين بوقت عطلة هم في داوامات ؟

طموحة مملوحة يقول...

Q8EL5AIR



لووووووووول ذكرتني كنت اتخيل مع رفيجتي بالعلوم لو ندش 3خ لابسين براقع اشكرة بعرفونا طويلة وبيضة ومليانة وقصيرة وسمرا ومتينة ونضحك على خيالنا لووول ..

الظاهر مضيعة بس ماضيعت الا عند بنك الوطني لوووول

طموحة مملوحة يقول...

بوفهد


الي صورها فنان ... بس مالاحظتوا فعلا دايم نشوف طرارة بكل فرع بنك للوطني لووول تهقون عملاء للبنك ؟؟ لووول

طموحة مملوحة يقول...

Yin مدام


لووووول اجمعين يالغالية

طموحة مملوحة يقول...

أخي علي إسماعيل الشطي


اشكرك من كل قلبي يالغالي

Yang يقول...

بالتوفيق انشاء الله

انا المدام مانعتني من الطلعة, اللهم دوام بيت وبيت دوام :(

اسمحيلي ما اقدر امر المعرض :"(

Sn3a يقول...

رحت المعرض والله كان حلو
بس ماشفتج!
شفت الكاركتيرات بس

fatto يقول...

اموفقه بالمعرض انشاءالله :)

طموحة مملوحة يقول...

Yang



لوووووول تعال مع المدام شدعوة لوووول بقول لها خلاص اتوسط لك :)

طموحة مملوحة يقول...

سنعة


اي حزة يييتيي؟؟؟ اكيد كنت اتسكع بين المحلات .. :( حسافة كان ودي اشوفج والله

طموحة مملوحة يقول...

fatto


مشكورة يالغالية :)

Sn3a يقول...

تقريبا عال 6 ونص
ومريت مرتين يم لوحاتج قلت يمكن اشوفج
ماكو يمكن كنتي بين المحلات او تاكلين كب كيك ودونات ;p

طموحة مملوحة يقول...

لووووووووووووول الظاهر والله لأني كنت موجودة حزتها بس انقهرت اني ييت على ال5 وربع ولا طلع الراشد مفتتح المعرض وقحص لف لفتين وطلع @@

صدموني والله