2009-05-08

متى ستنتهي الانتخابات ؟؟

في البيت



..



..



..




في المدونة


..



..



..



..

في الجامعة


..



..



..



..




..


في الشارع



..



..




..



..



في العروس


..



..



...



في في في في في فـــــــــــــــــــي فيـــــــــــــــــــــفي ...فـــــــــــــــــــــي


باختصار


في كل مكان ..




نجد الناس يتناقشون بأمور فلان وعلان وأحارب فلان لأجل العضو فلان ... وأتابع فلان كيف يتابع فلان ويتجاهل اصدقاءه واهله ...


وفتحت صفحة جديدة لأقرأ عن هوائل يوم الحساب وكيف كل شخص يفكر بنفسه كيف الخلاص؟ ؟؟ كيف الخلاص ؟؟؟

وانهمرت دموعي متخيلةة هول المظهر ....




فلان لن يفيدني يوم القيامة ..... حتى أصحاب اللحايا ما منهم فود ولا رجى ...


جميعهم يفكر بنفسه ... لما لا افكر بنفسي وأترك كل هذه السخافات ..... نعم الانتخابات هي مجرد سخافات ...


هي في الاصل ليست سخافات ولكن بالكويت مع الاسف كل شيء جدّي أصبح سخيف ..


في دولة تحكمها الواسطة .... وتلعب بها الاحزاب ...

نعم أنا ليبرالية ولكني لا اتبع كلام كل شخص ليبرالي او شخصية ليبرالية معروفة ، عقلي هو ملكي ، أنا اسمع قلبي وعقلي .

لا احفظ كلام فلان لأردده ، أستطيع أن اخدم بلادي دون كل هذه البلبلة كلها .

الكويت لا تنتظر فلان يفوز كي تعود كما كانت ...


أمانة وطن ...


كويت جديدة ...


لأجل الوطن ...


الكويت ..


كلها شعارات منافقة ، فكر بها كثير من المرشحين كي يوهموا الناس انهم مع الكويت والشعب قلبا وقالبا ، في السابق كنا لا نعرف المنافق ال

ا بعد مدة طويلة ، واليوم من كثرة التجارب اصبحنا نعرفهم من نظرة اعينهم ، بل أن نادرين من هم لا ينافقون ، وأعرف كثيرين ناجحين

محبين مخلصين للوطن ، ولكن الناجح في وطننا لا مكان له ، فجماعة الحسد والكره تحاول جاهدة الايقاع به كي يرتفعوا ويصلوا لغايتهم .


متى تنتهي الانتخابات ؟؟؟

أصبحت لا اتابع ولا يهمني من سيفوز لأني أعلم بأنهم لن يكونوا خير على هذا الوطن الذي فقد بريقه ، للأسف كويتنا بحاجة لنا ولا نستطيع ان نقوم بعمل اي شيء ، اصبحت جماعات تظهر باسم الوطن ولا نعرف ماهي نواياهم .





لذا ...


سأكون لوحدي



لن انضم لجماعة معينة


ولا احتاج لجماعة كي اخدم وطني ....



بل سأخدمه بأقل شيء ...


سأنظف المكان الذي انا فيه ، لن انتظر الهندي كي يقوم بذلك لأنه يقوم بذلك لأجل رزقه ولكني سأقوم بذلك لأجل عينك يا كويت .



لن اقوم بعمل اي شيء لأجل المادية ووقوفي في المعرض اكبر دليل كثير ممن حزن لأن لا أحد يشتري من بضاعته ولكني كنت اسعد واحدة في المعرض لأني لم اضع المادية هدفي الأول ، ولم أجعل من هدفي الربح ، ورؤيتي لمن يسأل عن رسوماتي ويبحث عني هي أفضل شيء حققته في المعرض .

الرضا بما قدمته لأجلك ياكويت ..


لأني أحبك ..





فلتنتهي الانتخابات ..

وليفز من يفز ..

وليأخذوا مايريدنه

وليتركوا حب الكويت لنا ...



فوجودهم ................................ كعدمهم




ربما نقول فلان جيد وخدم الكثيرين ولكننا مع الوقت نرا بعض التقصير ، كلنا نقصر وكلنا نخظئ ولكن يا فلان لا تخدم ذاك وذاك واخدم بلدك ...




الكويت بحاجة لمراففق سياحية

بدلا من شراء الاصوات ضع اموالك في مشاريع تخدم وطنك ..


الكويت بحاجة للكثير ....

فقدموا لها


ولا تترددوا ...





لهذا السبب ... جعلت دراستي أولا وطموحي ثانيا ولم اكترث للانتخابات ... فلا استطيع ان اضيع من وقتي الثمين في متابعة فلان وفلان واتصل بالارقام لأسجل الاسماء لأجل فلان ....



كفى هدرا بالوقت .... وتمتعوا بحب الكويت ..










أغنية مالها علاقة بالموضوع كلش :) العفسة وماتسوي :)

41 comments:

أبو الدســتور يقول...

جميعهم يفكر بنفسه


افا عليج بس

لو خليت خربت
في منهم كل همه الكويت

توج صغيرة و بتعرفين ان الكويت بداخلنا جميعا وهالشي عشناه و شفناه

الدستور لا يمكن ان نتنازل عنه لمجرد بعض النواب فهناك ممارسات تتم في جميع الدول الديموقراطية ولم يخرج لهم صوت ينادي بوقف الحرية و العودة للديكتاتورية

طموحة مملوحة يقول...

ابو الدستور


توني صغيرة ومليت من هالسوالف باجر اكبر شبشوف اكثر؟ ؟؟


والله ضيقة خلق وانا اختك :(

حياتي هدف مو عبث يقول...

من شاف الدائرة اللي انتي فيها ما يلومج
P:
من 10 تلقين واحد زين
لازم لازم تلقين زين مستحيل لأ

لا تعورين راسج وخلج على طول طموحة لأن هالشي يسعد الكويت :***

أبو الدســتور يقول...

شوفي هالفيديو و بتعرفين قصدي

http://www.youtube.com/watch?v=WtGe6bxxu-8

Kuwait يقول...

الانتخابات بالجرايد اوكي ..
الانتخابات بالتلفزيون أوكي ..
الانتخابات بالدواووين اوكي ..
الانتخابات بالجامعه والدوام أوكي ..
لكــــن الانتخابات ........
"
فـــــــــــــــــــي فيـــــــــــــــــــــفي
"
:\
!!
هل كيف يكون ذلك ;q

Hashimoto يقول...

صح لسانج

=)

العجمي-لندن يقول...

أولا الموسيقى حوسه لكن أنا أشوفه فاصل منطقي:)
ثانيا مهما حصل ساره لايجوز أن نحبط ونفقد الأمل
الكويت ديرة خير
وأعجبني الفيديو اللي حطه الأخ أبوالدستور عن السعدون
مهما حصل لنترك الأعضاء والمرشحين وفسادهم
ولنتحرك كشباب لأصلاح الخلل
صدقيني أسهل شي نهرب ونتراجع ونقول ما في أمل
لكن عيب علينا
اذا الشباب والبنات الوطنيين ما تحركوا بصدق
من يصلح الخلل
تحياتي

Q8EL5AIR يقول...

يالله خنسوي روحنه جنه مانسمع ومانفهم !!

بس المشكلة ملاحقتنه بكل مكان .. كلها يومين وتعدي ان شاءالله ..

وبعدها - ان شاءالله - ترجع القلوب اتصافى :)







وتحياتي ..
ويسلمواااااااااااااااا :)

TrueClue يقول...

كله من تعديل التركيبة السكانه .. شفتي شنو سوت ؟ ..

تعديل التركيبه السكانيه ضيعت الديره ولله .. بس الحمدلله الديره للحينها بخير .. و للحين فيه ناس يغارون على الدولة و يحبونها ..

بوفهد يقول...

المملوحة ...

انا ماادري كم شخصية في داخلك ؟

بس تبهرين ... بطريقة الطرح .

عفيه عليك بنقاط تطرحينها يحاول الكثير بإخفائها تحت السجاد ليعتقد بأن كل شيئ جميل ...

السارونا ... طولي بالك ووسعي صدرك

ترا الاغلبية غاسلة ايدها من الموجود

والدليل صاحب السمو طلب حسن الاختيار

اتهقين ليش ؟

لكن هذا الموجود ... اتقلبه على بطنه والا على ظهره من كل مكان يخر :)

الله يعينك وانا وياك اي والله لوعة جبد

سنين وهم صيحة ورنه مااشوف غير القلاصات تتكسر ... سامحيني احتريت اشوي

معور قلبي هالي ينظف القاعة من القزاز المكسر .. حرام اخاف ينقص صبعه !

غير معرف يقول...

حبيبتى سارونه

قنعى الوالد يبيع بيتكم وانتقلو للسرة أو قربطه

ترا البيوت رخصت بهالمناطق

يمكن تحسين بفرق , وتروح عنج ضيقة الخلق

واذا الوالد ما يبى يترك بيته , الله يرزقج بواحد من المناطق الداخليه يخطبج , ويسويلج عرس فى بيت اهله فى الشامية وابوه يشتريله بيت , ولا سكنى معاهم اونس لج , صدقينى هذا الحل الوحيد

لان شكلج واسلوبج ما يمشى مع الدائرة اللى انتى فيها عشان جذى حاسه بأكتئاب

علي إسماعيل الشطي يقول...

أختي الكريمة

كلامج الذي تفضلتي فيه كلام سليم و رائع

و هذا هو الواقع و للاسف الشديد

ولكن تحفظي و ارجو ان تتقبلي كلامي بصدر رحب

لا نريد أن يوصلووونا إلى مرحلة اليأس وهذا ما يريدونه !!

الكويت باقية باقية رغما عن أنوووفهم

وسنشارك بالانتخابات و سنوووصل الأكفأ و القوي الأمين الذي يضع مصلحة الكويت و الكويتيين في المقام الأول

تحياتي للجميع

fatto يقول...

بالضبط .. كلشي جدي عندنه اصبح سخيف..

فمن جذي انا ماحب اتابع امور الدوله لأنها اتعور قلبي

.. للكلمات بقية يقول...

ولا راح تخلص الانتخابات

Enter-Q8 يقول...

الله يهداك يا سارة حسبالي صار عندك مناعة انتخابات كل سنة المفروض خلاص يصير الشي عندك عادي انا توقعت انمك بتتحلطمين على انه لو المجلس استمر شنو بيكون روتين الحياة بالجامعه بالدوام بالشارع بالتلفزونات بالراديوا بالديوانية بالقهاوي

elsha3er يقول...

السلام عليكم ازيك يا سارة انا جاى اطمن

انا مش متابع بقالى فترة بس لسة بقول ان ازمة الكويت الديمقراطية هى ازمة ديمقراطية عربية


تحياتى


احمد الشاعر

M.AlQallaf يقول...

أدعمج 100 % ، أنا من أول اقول جذي بس محد يسمع لي

Yang يقول...

إخذي هذي النكتة :))
مو عن الانتخابات


واحد صدم 52 شخص بالسياره فيحققوون معاه ..

الضابط: إزاي عملت الكارسه دي؟؟
تصدم 52 واحد؟؟ ليه- أعمي؟

المتهم: يابيه آني ماشي وفجأه لقيت الفرامل سايبه وكان فيه طريقين , طريق فيه واحد يمشي والثاني فيه فرح( عرس) - أدخل أنهي فيهم؟

الضابط : تدخل طبعاً اللي فيه واحد ماشي

المتهم: آهو هو ده اللي أنا عملته

الضابط: طيب وال 51 الباقين خبطتهم إزاي؟؟
؟
المتهم: ما هو الراجل الغبي جري ودخل وسط الفرح - أسيبه؟


تحياتي

طموحة مملوحة يقول...

حياتي هدف مو عبث


من صجج لوعوا جبدي مسجات يبا ماراح اصوت لأحد والله لووول

طموحة مملوحة يقول...

ابو الدستور


صح لسانه والله :)

طموحة مملوحة يقول...

Kuwait


يعني بالمراقص لووووووووووووول :)

لا شدعوة من لوعة الخشم طلعت جذي

طموحة مملوحة يقول...

Hashimoto


صح بدنك يالغالي

طموحة مملوحة يقول...

العجمي-لندن


ديرتنا من زمان ديرة خير ومحد يقدر ينكر هالشي بس وايد ناس قاعد تاكل من خيرها لصالحها وايد ... والشر عم زيادة عن اللزوم :(

طموحة مملوحة يقول...

Q8EL5AIR


لووووووول عسى القلوب تكون دايم متصافية بحب الله ورسوله وديرتنا ..

طموحة مملوحة يقول...

TrueClue


قصدك التركيبة المخية :)

طموحة مملوحة يقول...

بوفهد

اتضايق لمن يقولون لي اختاري افضل السيئين ...

ليش ماكل واحد يصير ملاك من داخله وبرا ؟؟؟ ويحاول يتدارك كل خطأ ويخاف الله بديرته ..؟؟

طموحة مملوحة يقول...

غير معرف


السالفة موجذي والله كل منطقة وفي الخير والبركة بالعكس انا احب منطقتنا بصراحة بس ماحب موضوع اصوت لفلان علشان خدمني حتى اليوم أقول للوالد بحول قيدي لداشرة ثانية يقول لي فلان زين .. قلت له والاصوات الباجية ؟؟ منو يستاهل ؟؟

لووووول والله قبل جم يوم حطوا صور المرشحين يم فرع قطعتنا بعد يومين شقوا البوستر لووول

لا حول ولا قوة الا بالله


يضيق خلقي على هالتصرفات والمرشحين الي بداشرتنا لاعبينها لعب وداقين على وتر القبلية صح ..

طموحة مملوحة يقول...

أخوي علي إسماعيل الشطي


اهي صار فيها قوي أمين ؟؟

يليتني كنت عايشة على ايام عبدالله السالم ... ماتوقع كانوا احسن من الحين بس الي كانوا موجودين وقتها ناس نظيفة على قولة امي يلبسون فوق الركب ومحد كان يضايقهم وكان تفكير الناس نظيف ... الحين يسوون اي سالفة على كل شي يشوفونه والمشكلة تزيد السالفة وتصير اطين بعد

طموحة مملوحة يقول...

fatto


لا انا اتابع وخشمي يعورني والله :(

طموحة مملوحة يقول...

للكلمات بقية


شاب الشعر وانا اختك

طموحة مملوحة يقول...

Enter-Q8


ياخالد ياخالد كل ماقول بوخر عن هالسوالف الكويت تردني وتخليني اتابه ويعورني قلبي وخشمي والله ياخوي

طموحة مملوحة يقول...

elsha3er



اهلا بيك يابن خالتي ازيك ؟؟

والله الحال مايسرش واللهِ

ربنا على المفتري يارب ..

ازيك انت ؟

طموحة مملوحة يقول...

M.AlQallaf

دعمتج كانت قوية :(


لووووول

يابعد راسي والله انتي

طموحة مملوحة يقول...

Yang


سامعتها قبل هالمرة لووووول بس كانت بصيغة ثانية لوووول يحليلك طيب غيرتها لووول


تتوقع الي يسوون نكت نفس العلماء يفكرون وايد ؟

ReLaaaX يقول...

اي والله تعبنا تعبنااااااااااااااا تعبنااااااا


بس خلاص جد طقت جبودنا :/


آنا وحده مليت من البلوق ابي هالازمه تعدي عشان نرتاح كلنا

غير معرف يقول...

اولا مدونه مهضوومه..شكرا قضيت وقت ممتع مفيد روح الشباب الطموح برغم الصراعات تعليقات رائعه مهذبه..طرح راقي سلس الله يكثر منك يا حبوبتي ..احلى تخاريف!!
تحياااتي لكي وللجميع

بذكركم بكلمة سمو الامير حفظه الله ورعاه
اعينوني!!
صوتك امانه!!
ولي الامر..ابونا الامير يطلبناا
تكفوون ..لا تردونه
الكويت تستاهل !!

طموحة مملوحة يقول...

ريلاكس


الوقت يعدي بسرعة غمضي عينج وفتحي تخلص الانتخابات :) لووول

طموحة مملوحة يقول...

غير معرف



الأمير مافي مثله والله بس شلون يتغلب على الصراعات القبلية والطائفية للأسف الموجودين قاعدين يزرعون الشوك للي يخالفهم ... مو قاعدين يطبقون أوامر الدين ولا الدستور ولا الامير :(


يضيقون خلق الواحد والله

حدس + سلف = الاصلاح وتطبيق الشريعه الاسلاميه يقول...

على فكره ترى ولي الامر عاجبه الوضع اللي يصير بالديره واهو اللي قاعد يسويه
وعلى طاري موضوعج
يقولج في نظريه بعلم النفس تقول ان الانسان اذا لقى الاكل راح يدور على الامن واذا لقى الامن راح يدور على تكووين جماعه واذا لقى جماعه راح يدور على منصب سياسي وهذا حال الكويت طبعا ذلك بسبب الرفاهيه الزايده للمجتمع الكويتي
وعلى فكره يقول اذا تبي المجتمع لايتكلم بالسياسه خله يجوع
ونصيحه على طاري ضيقت الصدر سببها كثرة المعاصي قلل من معاصيك وشكرا
تم الكلام وربنا محمودوولهو المكارم والعلا والجودو ثم الصلاة على محمد ماناحه قمري واورقه العودو

طموحة مملوحة يقول...

عزيزي حدس انت مو مجبور تعيش بالكويت ترا والله بيئتها ماتناسبك :)

انصحك تروح السعودية يحبونك والله

حدس + سلف = الاصلاح وتطبيق الشريعه الاسلاميه يقول...

طموحه كل شعب وله شواذ والشعب الكويتي اغلبه متدين بس انتوا شواذ المجتمع يعني حنا الاغلبيه وتبينه نطلع
وعلى طاري السعوديه هم فيها من على شاكلتكم بس لاعنين والدينهم اما هني مرخين لكم الحبل بس صبرو شوفو شنو راح نسوي فيكم