2009-05-11

درب درب .... طموحة فصلت !!!!




الله ياني ماحب الكيميا ... ياربي في احد يعيد مادة الكيميا 3 مرات ؟؟؟؟ والحلوة وين للمن تخصصت جيولوجيا قالوا لي لا كيميا 101 مو حق الجيو . لازم تاخذين 110 . مايعادلونها والمصيبة انهم نفس الشي. .. لووووول عادي طوفوا ياجماعة هذي جامعة الكويت وقوانينها المصرقعة شنسوي ؟؟؟؟ مشكل والله مشكل ... وهني من كثر مالاعت خشمي من اللاب قلت لرفيجتي صوريني صورة حلوة علشان باجر اوريها بزراني واقول لهم درسوا برا بكرامتهم واحد احسن من مختبر من سنة ال1966 للحين ماتغير ... :)



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ



قوي قلـــــــــــــــــــــــــــــــبج




يابنات ياحلوين يا شطار ... سمعوا كلام طموحة والله ماراح تخسرون شي ... زمان الي البنت تطيح واييلها الف واحد شجاع يدافع عنها راح والله راح ، ويييين الحين نلقى واحد يفزع حق بنت ديرته ؟؟ عسى ما وحدة طاحت بطوها ضحك وتمصخروا عليها ... سمعوا كلامي ....

علمت نفسي من صغري امسك جميع انواع الحشرات والحيوانات حتى الآن علشان تقوي قلبي .. باجر يصير فيج شي ما تنفعج رقتج ... رقتج خليها لريلج ابرك ودافعي عن نفسج وخلي القوة عنوانج والله ...

والله أذكر بالبيت كانوا يسموني قوارض ... عسى مالقوا فار ولا شي نادوني اخلصهم منه بدون قتل ولا مصارين ولا دم .... عنواني القوة الرحومة لوووووول













هذي السحلية تعرفت عليها عند لابات البيولوجي ، مادري وحدة عندها درس مادري المهم يابته وتعرفت عليه وحبيته من اول نظرة والله ... ولا وشوفوا الوانه حده عنده ذوق يكشخ جدام البنات ... طبعا مسكته وقلبت فيه فوق وتحت وتفحصته عدل وقلت لها علطول : جم تبيعينه لي ؟؟؟

اوووووف تذكرت موقف خايس واحنا بالبر طبعا لازم الكل داخل الخيمة بس سارة وين ؟؟؟ تدور على حشرات برا ... المهم والقى شي منسدح على بطنه على باله قاعد على الشاطئ واخمطه : يبا يبا صدت ضب صغير يبا ...

رحت لأبوي جان يطالعه ولا يقول لي : اشهد انج خبلة ... ابج هذا بريعصي ... لا وجامعية روحي قطيه ياخبلة ..
أنا ويهي قط الوان .... اخييييييييي وكاشخة ضب ضب الحمدلله والشكر ..

















هذا سلمكم الله آخر قطو ربيته :( .... من صغري وانا اربي قطاوة وامي كانت تسكت لأني كنت ياهل ، بس لمن كبرت حلفت اي قطو اييبه تقطه من وراي وفعلا سوتها وايد ، المهم هالقطو ياني هدية من صديقة وكشخة معاه جواز السفر واوراقه الطبية وانا كاشخة حدي .... ييت البيت واليهال كلهم مستانسين عمتي سارة عندها قطوة وأنا أجعمهم علشان امي ما تسمع .. واسمعها تقول : والله العظيم اذا كان صج لارميه برا ياويلك يا سارة !!!!!!

يبته الغرفة وصكيت عليه ودلعته لوووول وصار خبل شوي علي ... ورحت مركز سلطان يبت ب100 دينار كاملة اغراضه ، وامي لمن درت شخلتني : انتي عايزة تجيبي أمراض .... انتي لسة ماكبرتيش ؟؟؟ والله لأرميه ... وانا ادري امي قول وفعل لووووول جان ارده لرفيجتي ودمعتي على خدي .... صج صج كان عزيز علي هالقطو تصدقون كان يزعل ولمن اقول له خلاص والله آسفة والله كان اييي يقعد بحضني ...!!!!!!!

اخي والله القطو خوش حيوان لووووول ، بس ابوي عطاني نصيحة يقول لي القطوة حقيرة تخون مو نفس الكلب عزكم الله ... وفعلا كانت عندنا قطوة واحنا صغار تغار من اختي الجعدة لووووول

















الحلزون هذا سلمكم الله طلعناه من مشاتل زبالة لووووول قصة المشاتل زبالة هذي سملكم الله طلعت من مادة الاحافير قلت لرفيجتي خل ندور على حلزون ورحنا مشاتل الشويخ ندور (( مالإيناش )) المهم ولا يقول لنا مصري : مش حتلاؤووا هنا .. روحوا مشاتل زبالة !!
انا طالعت رفيجتي : مشاتل زبالة ؟؟

واشر لنا على مشتل قال : هناك حتلؤووها ....
وانا امشي مع رفيجتي جان اقول لها : شقصده يبي يطيح من سوق المحل يعني ؟؟؟

ولمن دشينا المشتل طقتنا البوهة ... لووووول غسالة شتسوي بالمشاتل ياناس ؟؟؟ يغسلون الشجر ؟؟؟
هدوم معلقة ؟؟؟ زبالة بالارض ... جان اضحك قلت لرفيجتي : من عذر لوووول
ولمن دورنا لقينا وايد وناسة ...
حطيته بيدي وطرنا على الجامعة وانا اسولف ولا فجأة اضحك ولا شي يدلدغني بيدي ولا الحبايب قاموا يبون يهاجموني لوووول ...

وتذكرت سريع الي مع تيمون وبومبا يحليله .... القوقع السريع ..





حزروا فزروا ده فيييييييييييييييييييييييييييين ؟؟؟؟

























































ده بآى بكلية العلوم .... ماكو مكان يحطون فيه عفستهم حطوها بالممر الي المفروض يمشون فيه الطلبة والمدرسين ... ترا هذا ممر من الممرات التي تعاني من هزه المشكلة :)



اصور بعد ؟؟؟؟


لوووول جيكوا شنو بالصورة ؟؟؟ برادة ... ثلاجة .... ادراج .... بالله عليكم شهالجامعة ....







شهالجامعة ؟؟؟؟؟؟؟؟ :@@@@@@@@@@







اوووووووووووف










تعرفون منو هذي ؟؟؟؟ هذي دوري الي بباباي نيمو ...

ومن أقوال دوري الشهييرة ... : عوم واتخمطر عوم واتمخطر مخطر مخطر ...

let's keep swimming


ومن أشهر أقوالها المعروفة أيضا : 24 شارع ولابي مادري وارابي لوول سيدني ...

وكذلك فهي تقول : متهيأ لي عمري ما كلت سمكة .... وحاسة براحة بعد ما اعترفت لوووول

واحلا مقطع لمن تقوم ... : آآآآآآ أنا شفت يخت ... عدا علي من شوية .. راح من هنا لا من هنا وراياااااااا


ياربي والله يخلص الباباي اعيده من اول علشان احفظه لوووووول ...

متى اكبر ياعالم ؟؟؟



















لقد تعرضت الطفلة زوزو لتهديدات من طموحة مملوحة ، وقد خزتها طموحة بنظرة غاضبة وبحلقت عيناها تقول لها : ضحكي لا أبط راسج ...

فكان من الفتاة أن تضحك ضحكة خائفة واخذنا صورتها للادانة ..



زوزو كانت تسميني : ساية .... بعدين سالة .... بعدين سارة بشكل صحيح ولله الحمد ..













بطوا جبدي ذاك اليوم لمن قالوا لي معاشات الجيولوجيييين يختلف الشباب عن البنات ..



اوكي منع اختلاط وقلنا ماعليه ماراح نموت علشان هالقانون ...

انسب قبول الشباب اقل من البنات ... قلنا الشكوى لله مشكلتنا انولدنا إنــــــــــــــــاث


الحين حتى بالمعاشات ..

قال لي واحد يشتغل باحدى الشركات : اي اختي الشباب يشتغلون اكثر من البنات ...

قلت : اي خير صح ماكو طق الكرت ورد البيت ونام وياخذ معاشه واحنا نكرف كراف وهم ماتساووون بينا بالمعاشات ...


ييييييييبوا لي حديث ولا آية قرآنية تفرق بين الذكر والأنثى بالمعاش ونسب القبول يالله .....!!!!!!!!!!!!!


والله مالوم البويات .... اووووووف عقب هالاسباب كلها هذي ويقولون عنهم عقدة نفسية ولا مرض ؟؟؟؟


في واحد يبي يصير بنت ؟؟؟؟ خل يبادلني لووووول

كاااااااااااااااك تذكرت شي باليوم الي خذيت فيه هالصورة .. كنت حدي مشتطة يالله انا الجيولوجية الدؤووبة وامسك الشبل واحفر واحفر وخذيت الشبل الصغير احفر احفر احفر

شوي ولا جنطتي مختفية @@ ... وينها ؟؟

إلا دافنتها لووووووووول والمشكلة كامرتي الديجيتال اختربت من التراب لوووول كانت هدية من اختي العودة ..

الحين تسألني ليش ماتستخدمينها؟؟؟ اقول لها تصدقين ... وايد اعزها مابي اخربها لأنها غالية علي لووولو










ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


حوارات مضحكة ....

الأخ عبدالله : والله يا اخت سارة كل ماشوف اسيل العوضي ، أتذكرج أحسج بالمستقبل راح تكونين مثلها واحسن ..


سارة : يعني شي حلو ولا خايس؟ ؟؟


اهو : لا حلو والله حلو !!!!

أناشد جميع المتعصبين بأن يبحثوا لي على تسجيل صوتي من الآن ... :)



ــــــــــــــــــــــــــــــــــــــــــــــــــ


تطالعني وتبتسم ... وتلف ويهها وترد تطالعني وتبتسم ... جان تقول : سارونة .. شحلاتج والله تهبلين ليش ماتتزوجين ؟؟؟؟

انا كنت ابتسم جان ويهي يعتفس : خالتي توني صغيرة .

اهي : لا صغيرة ولا شي الي كبرج عندهم عيال .

أنا : وفي اكبر مني وماعندهم ...

اهي : لا صج والله شفيج ؟؟؟ قاعدة اسولف عنج اقول لهم ليش ماتتزوج ..؟؟

انا : خالتي والله مو عن بس ماكو ريال طموح ... اغلبهم يبون موظفات علشان يصرفون على البيت وياهم ، واغلبهم مايحبون المرة الحرجة وانا امي تقول لي يبيلج واحد يقص لسانج ...

ضحكت ولا تقول : عيل زين تسوين الرياييل مامنهم فود والله خليج عايشة بعز ابوج مدلعة مستانسة وايد ابرك لج ..


لوووووول توها تقول لي ليش ماتتزوجين ........ الحريم الحريم







ــــــــــــــــــــــــــــــــــــــــــــــــــــــــــــــــــــــــــــــــ



رسالة شكر :

للأخ أحمد العوضي (( متابع مدونة تخاريف)) على المجيء في المعرض وحرصه على النقاش عن جميع لوحاتي وتقديمه كل النصح والتعليقات .


لزميلتي المدونة كبرياء أنثى ، كذلك اتت وسلمت علي وتابعت رسوماتي (( بعد خشمتي والله )) اشكرها جزيل الشكر والعرفان .


بنت اختي الصغيرة على وقوفها معي والرسم لبعض الزوار لوووول رسامة اسم الله عليها .



كذلك للأخ احمد ** متابع لمدونتي على المجيء وتقديم الاقتراحات الرائعة اشكره جزيل الشكر.

لقدوتي الرسام الكركتيري الرائع بدر بن غيث على حضوره مع زوجته اشكرهم جزيل الشكر على الاهتمام وتقديم النصائح لي .


اشكر الاخت الغالية سنعة على حضورها الي نور المعرض ونور رسماتي والله .


اشكر الزميل يحيى دشتي على مجيئه ومتابعة رسوماتي .

اشكر زميلي في العمل التطوعي صلاح الحضرمي على التصوير وعمل التغطية لي ، والله ادري وايد اذيته عسى ماصار شي ادق عليه ابي تغطية ماقصر والله يعطيه الف عافية .. الصور راح تخلص ان شاء الله بعد جم يوم احطهم .



اشكر جميع العاملين في المعرض مرة أخرى .... وكانت هذه اول فرصة لي لعرض رسوماتي فمأكد لن أنسى ذلك :)




ـــــــــــــــــــــــــــــــــــــــــــــــــــــــــــــ


هذا فيديو قصير للزميل المدون الكركتيري بدر بن غيث عجبتني الفكرة ...















31 comments:

طموحة مملوحة يقول...

رقم الشارع 42 مو 24 لووووول

علي إسماعيل الشطي يقول...

عاد الكيمياء مادة حلووووة :)

لا تزعلينا يا سارة :)

طموحة مملوحة يقول...

والله العظيم الفيزيا اسهل بوايد لوووووووول لا وطلعت فيها بقريدعالي

حياتي هدف مو عبث يقول...

هذا ممر ولا كأبة ؟
ويع ويع سارة لما يقولون اللي كبرج عندهم عيال
هههههههههههههه
هذه يدتي غاثتي بالكلمة
كنت بييي بس أستحي P:

طموحة مملوحة يقول...

لووووووووووول لاصج والله يبون يزوجونا ويفتكون ولمن يصير الطلاق يقولون هذول مو حريم ولا قد المسؤولية @@

لا والله توكم تدرون بهالشي؟ ؟؟

Fankooshy يقول...

خوش بوست....حدج من عالم ثاني لول
قود لك بالجامعه الجمييييلة

Yin مدام يقول...

طموحة بوستاتج حلوة بس ماشاءالله طويلة ومتنوعة على ما خلصت قريتها نسيت شكنت راح أعلق عليه !!!!!

فـهذا اللي أذكره:

فيلم نيمو روعة

وصاجة الفيزياء وايد أحلى من الكيميا

والحيوانات والحشرات مساكين كل واحد فينا شكبره وهم صغار ونتف وخايفين منا أكثر مما احنا خايفين منهم !!

ويحليلها خالتج وإلا أولها ليش ما تتزوجين وعقبها أحسن لج خليج
لووول
حريم


وما قصروا اللي شجعوج والله وفيهم الخير

والله يوفقج ويزيد في طموحج
:))
وإن شاءالله ما نسيت شي
:)

طموحة مملوحة يقول...

Fankooshy


كلما ازداد عمر طموحة زادت فصلتها لوول

طموحة مملوحة يقول...

Yin مدام


لوووووول هذي ام رفيجتي بس اقول لها خالتي لووول


لا الحشرات كلها تخاف مني الا الصرصور دايم يلحقني لووول والله كل صرصور مر بحياتي يلحقني مادري شيبون على بالهم الصرصور العملاق ... أمهم كاااك

fatto يقول...

يحليلج والله قويه .. عاد الضب مايعض ؟
وااي ذكرتيني ابقطوتي .. انا نفس سالفتج بس ابوي الي مايبيني اربي قطوه جان اردها حق رفيجتي الي عطتني اياها .. حده ظاق خلقي :(

بوفهد يقول...

انتي شتحفرين ؟

موسم الفقع خلص !!

علي الملا يقول...

ول ول شنو ذي ؟؟
ههههه حسستيني اني قاعد في مختبرنا الكريييييييييييييه :(

الله يعيج العافية ويوفقج

Bloggerista يقول...

ابتسامة زوزو عورت قلبي

شمسوية فيها؟؟ :)

mo3ath يقول...

مودج بالبوست مو صج لووووول

سالفه الظب كااااك اسمحيلي من صجج ماتفرقين D:

Mr_CHoCoLaTe يقول...

خلص الموضوع ؟

و لا في بعد

هههههههههههههههههههه

انا اللي يطنزون عليي الربع يقولولي مواضيعي شطولها عيل شقولون عن مواضيعج

ههههههههههههههه

والله ضحكتيني

ما أحب الكيميا و اهي عقدتي

بالنسبه للحلزون ذكرتيني ايام قبل لما يصير موسم السرايات شكثر نشوفهم بس الحين ماكو انقرضوا مساكين

و يعطيج العافيه يا جلوجيتنا الطموحه هي هي بالتوفيق

و أي معرض ما وصلني خبر : \

يالله باي

إمـرأة لا تُنسـى يقول...

اعترفي شمسوية بالإبنية ؟
شكلها صج خايفة منج..
أو كإنها تقول يالله خلصيني..

هههههه


رحت فيلم رعب البارحة..
نقصني وجودج والله :)

Manal يقول...

wow very nice post
as yin said

very very very long


but nice

:)

نون النساء يقول...

تبين ضبة صجية وعوود

تعالي على خط الفحيحيل ما بعد الأحمدي بشهر ستة أو سبعه

بتلاقين مد عالي من الضبات مفقوصين بالشارع
غير اللي يبي يمرون للوصول الى الجانب الأخر


طبي وتخيري جميع الأحجام




لما أمر بالشارع ما تسمعين غير صراخي من لوعة الجبد


وييييييييييع

Paris يقول...

ع طاري هالكيميا .. احنا عندنا كيم 101 هذا اساسيات الكيميا و يعلمونه في الثانوي ( أول سنة )و يقولون اسخف مقرر كيميا بعد بس ماجربته ..انشالله السنه اليايه :)

و الحيوانات شلون تقدرين تمسكينهم و تحملينهم جي ..آح اخاف منهم :S

و ع تربيه الحيوانات انا بعد امي ما ترضى لان تخاف منهم و تقول يوصخون المكان فما ترضى احد اييب حيوان البيت

شمسويه في الياهلة مسكينه .. احسها حابسه دمعتها .. الله يخليها لكم

الى الامام انشالله :)

{~المباركية~} يقول...

يبيلج مختبر بالبيت تحطين فيه هالادوات وتسوين خلطاةكيميائيه وتستنتجين شي يديد ويحطونج بكتاب الكيميا ويدرسونه اياه ;p

ولك انا اخاف من كل الحيوانات ماعدا السمج
عندج نصيحة الي تخليني ما اخاف ؟

بسميج تخاريف متحلطمة ;p
لانه مختبركم مو عاجبج
لو تشوفين مدرستنا شنو راح تقولين ؟
من شاف مصايب الناس هانت عليه مصيبة مختبره ;p

طموحة مملوحة يقول...

fatto


امج مصرية ؟؟؟ لوووول مادري ليش هالسؤال


لا الضب مادري ما يعض بس يسوي شي موزين حتى اذكر اخوي لمن كان يمسكه يقول لي له مسكه معينة ...

طموحة مملوحة يقول...

بوفهد



كنا قاعد ندرس طبقات المترسبة لووول وكان في ملح الدكتور يتغشمر قال ذوقوه جان علطول اذوق لوووول قلت لرفيجتي خل نطبخ ونخط ملح من هني لوول

طموحة مملوحة يقول...

علي الملا


شفيها مختبراتنا ؟؟؟؟ @@

ليش مختبرات الجامعات الخاصة والجامعات الي برا اكشخ من الي عندنا ...


ليش ؟؟ ليش ؟؟ ليش ؟؟ :@

طموحة مملوحة يقول...

Bloggerista



لووووول عيل لو حاطة لكم الفيديو واهي تبجي تبي ممية وانا ازفها لوووول


لا مكسرة شوكتها عندي خوافة عند الباجي تنفخ ريشها ..

طموحة مملوحة يقول...

mo3ath



انا يا جد جد يا فصلة فصلة لوووول

اي والله الضب الصغير ماعرف شكله شلون صاير اعرف الضب الكبير اوكي بس شدراني خو :(

طموحة مملوحة يقول...

Mr_CHoCoLaTe



لووووووول والله مادري شفيني صايرة احجي وايد يغربلني ...

اي الحلزون والله حتى انا اذكر بشاليه عمي كان فيه وايد وانقرضوا .... شفيهم حتى الحشرات انقرضوا ... شالسالفة ؟؟؟


معرض المستقلة مالت الهندسة اعتقد الاعلامية كانت ضعيفة والله لأن محد كان يدري وانا حاطة اعلان شكبره بمدونتي علشان مرة ثانية تتابع مدونتي :D

في معرض ثاني بالعلوم ان شاء الله جريب انت اي كلية يا معلم ؟ ؟

طموحة مملوحة يقول...

امرأة لا تنسى



نحاسة مرة ثانية عزمي ... يمدحون السينما يوم الاثنين هذي حق الي طقتنا ما يعتمدون الا على الاعانة لوووول



زوزو ؟؟؟ لا انا ما اعطي ويه حق اليهال .... ما ادلع كلش ملش

طموحة مملوحة يقول...

Manal



you are (( nicer )) than the post

loooooooooooool

طموحة مملوحة يقول...

نون النساء



اييييه ادري جبال بيتنا في براحة بالصيف ينترسون بس ينحاشون والله اذكر واحد شكبره لونه اصفر فاتح حده دش بيتنا بس كان شكله يخرع واخوي كان يقول وخري عنه لا تقربين خذاه مادري وين وداه اعتقد طبخه وكلاه اهو وربعه لووول

طموحة مملوحة يقول...

Paris


والله بالثانوي كنت ايييب بالكيميا اعلى من 90 مادري كانوا يتغشمرون معانا ولا شنو لووووول ...

زوزو خليها على صوب الحمارة اعتزلت حبي فوريتها العين الحمرا شلون لووول ...


تعلمي القوة يابنت تبون اسوي دورات ؟؟ لووول

طموحة مملوحة يقول...

{~المباركية~}



@@


أقول انتو مادة وحدة وتفتكون عيل شخليتوا حق الي متخصصين كيميا ... عندكم فراشين ينظفون هذا صار له فوق ال30 سنة الغبار للحين فيه والجراثيم اغراض مصدية .. ماكو كراسي ... شنو هالمختبرات المضيعة ؟؟ لا جد والله ماتعبر عن دولة مستقرة ماديا بصراحة ..