2009-05-31

معاني مبعثرة ...




تستعدُ للذهاب لمحاضرتها ...

تنظرُ لها زميلاتها باعجابْ


ماهذه الاناقة ؟؟؟


أنت على موعد مع شخصٍ ما أليس كذلك ؟؟


تكتفي هي بالابتسامة وتمشي في طريقها



تدخل محاضرتها وابتسامتها تملؤُ وجهها ..


مرحبا أستاذْ ...


مرحبا زملائي وزميلاتي الأعزاءْ


تجلسُ بكرسيها مبتسمة


وتبدأ بالرسم حتى تنتهي المحاضرة


ومن ثم تحيطها الفتيات منتبهين لمواضيعها المضحكة


وتبقى ساعات تحكي قصص مضحكة مرت عليها

ويضحكون على نكتها وطريقة حديثها

فتغمز لها احدى الفتيات :

رائعة بضحكتك لابد وأن يومك كان حافلا باللحظات الرائعة ، هل رأيت الحب اليوم ؟؟

فتجيبها بضحك : لا لقد رأيت احد الشياطين وقد تزينت له .

تضحك الفتيات

فتذهب لحضور محاضرتها الأخرى حتى تنتهي

تخرج من كليتها ، وتركب السيارة

تضع السماعات على اذنها

وتتابع الشارع مستمعة الى أغانيها الصاخبة

تدخل بيتها بوجه شاحب

تبدل ثيابها

تغسل وجهها من تلك المساحيق

تلقي نظرة على تلك الحبوب التي تملأ وجهها

تتناول تلك الأدوية التي ملأت غرفتها

وتستلقي على الفراش

تحادث نفسها

وتلوم نفسها كثيرا على أمور كثيرة

أمور كانت هي الظالمة

وأمور مظلومة

دموع كثيرة غطت وجهها

وأنعستها تلك الدموع

حتى نامت نوما عميقا

وتستيقظ اليوم الجديد

لتعود الى ماكانت عليه


وهكذا كانت هي


فهل ستتغير ؟؟؟









ـــــــــــــــــــــــــــــــــــــــــــــــــــــــــــــــــــــــــــــــ






رائع هو وجود أولاد صغار في السن ولكن بعقلهم وتصرفهم هم عقلاء

ومضحك وجود ذكور قد وصل العقد الثالث ولازال يعتقد بأنه مراهق ويتصرف تصرف الأغبياء .


مروا علي كثير من الطرفين :)






ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




وصلت لهذه المرحلة :


مرحلة كره الدراسة

مرحلة كره الرسم

مرحلة كره الكتابة

مرحلة كره النفس

مرحلة ابعاد كل من حولي

مرحلة حب الوحدة

مرحلة تضييع الوقت




اعلم بأني سأعود كما كنت ولكني الآن أكره نفسي كثيرا






ــــــــــــــــــــــــــــــــــــــــــــــــــــــــــــــــ


اشتقت لعالم التدوين كثيرا ولكن عقلي قد توقف عن التفكير لا أعلم ماذا سأكتب مستقبلا :( ..






21 comments:

طز بالرجالة يقول...

مو كان بلوقج مختفي و له كلمة سر؟ عاد انا زعلت و قلت ما اعزمتني

اقول انا في ديرة فيها دكاكين تبيع جميع انواع الزهيوية...تذكرتج
هههه

ها اييب لج؟

مركبنا يقول...

يا حلوة

حالة طبعية جدا كثر الانجاز
والعمل والدراسة

يعطيك ايانا شعور بالوحدة
او بالغربة خلينا نقول

فلازم كسر الروتين انك تعيشين حياة الناس العاديين

بلا هدف بلا انجاز
يعني تصيرين كويتية (=

مرحلة وتعدي

رواحوا القلوب ساعه وساعه

أبو الدســتور يقول...

لاتحاتين باجر
المواضيع تطلع والكتبة بتشغل
والابداع مايوقف

إمـرأة لا تُنسـى يقول...

يا سارة! صحصحي..
انتي اقوى من كل شي!


انفضي عنك غبار الكآبة..

والله الدنيا ما تسوى، لو حرقتي قلبج وبجيتي بينج وبين نفسج والله العظيم ما راح إييج إلا المرض


عيشي يومج..
عيشي سارة
اللي تحبينها..
ونحبها


:)

سمايل يالله..
عقدة النونة مو لايقة عليج

Yang يقول...

محشش يركض

سأله صاحبه: شفيك مستعجل في شي؟

قاله: لا, بس إفرض صار شي !!!!



تحياتي

3BeeDo ;) يقول...

شي طبيعي الواحد يوصل لمرحله انه يزهق من اشياء وايد بس فتره وتعدي انشالله
لانه انا مثلج زهقت من الدراسه مالي خلق ابطل شي معنى في امتحانات بس قاعد اضغط على نفسي بعد شنسوي
الله يعطيج العافيه انشالله :)

TrueClue يقول...

انتي عايشه حالة ضغط كبيرة يالطموحه ..
لازم تتخلصين منها ..
عالم التدوين لاحقه عليه .. فيه اشياء اهم منه لازم تسوينها ..
ديري بالج على نفسج هذا اهم شي ..

طموحة مملوحة يقول...

طز بالرجالة


لا ياقلبي وقفته للصيانة لوووول شرايج بالبنفسجي :P??

اي تكفين في واحد قال لي ياب لي وسكب فيني ... تكفين لا تنسين تييبين لي وياج

طموحة مملوحة يقول...

مركبنا



ياحلات كلامج والله عسولة ...

مشتاقة لتعاليقج بمدونتي

طموحة مملوحة يقول...

أبو الدســتور


من صجك المواضيع تلعب براسي بس مالي خلق لوووول

طموحة مملوحة يقول...

إمـرأة لا تُنسـى



:):):):):):):):):):):):):):):):):):):):::):):):):):):):):):):):):):):):):):):):):):):):):):):):):):):)::))::):):):):):):):):):):):):):):):):):):):):):):):)::):):):):):):):):):):):):)::):):):):):):)::):)::):):):)::):):):):)



تبين ابتسم بعد :) ؟؟؟

طموحة مملوحة يقول...

Yang


لوووووووووووووووووووووووول يغربلك ....

طموحة مملوحة يقول...

3BeeDo ;)



ودي اقول لك شسويت اليوم بالامتحان بس اخليها سارتة وايد احسن :)

طموحة مملوحة يقول...

TrueClue




الله كريم ... مع الأيام ببدي حياة يديدة :) وحلوة ان شاء الله .. شلت كل شي كان مضايقني وسويت ديليت على وايد اشياء :)

روان يقول...

السلام عليكم

احيانا احس ان الواحد من حقه يعيش فترة كره او يأس...لانه لو فرضنا على نفسنا نكون مثاليين دايما رح نحس اننا مقيدين مو عارفين نتنفس وناخذ راحتنا فمشاعرنا

لاتحرمي نفسك من الحرية والتنفيس =)

اجتماعي يقول...

آنسة سارة ..

إذا يهمج رايي .. !!

فأقولج مسحي هالبوست .. ولا تفكرين تكتبين مثله مرة ثانية

حاولي تبعدين هالأفكار السلبية من مخج

تعودنا عليج طموحة ;)
والطموح لازم يكون بعيد عن التشاؤم وكره النفس ..

كل شي ولا تكرهين نفسج ..

مو زين عليج يا بنت ..

طموحة مملوحة يقول...

روان



صح كلامج عزيزتي :)


أشكرج على كلامج :)

طموحة مملوحة يقول...

اجتماعي


صدقني لمن اكتب هالاشياء واعترف بلحظات الضعف عندي احس براحة كبيرة والله ... وأولا وأخيرا انا بني آدمية لازم تصير فيني هاللحظات

غير معرف يقول...

http://alooshop.com/
موقع كويتي مميز

violeta يقول...

لحظات يحتاج الواحد يعبر عن اللي فيه حتى لو بكلمات بسيطه ويستنتج بالاخر انها تريحه أكثر ..

لا تخلين شي بخاطرج وما تكتبينه طلعي كل مكنوناتج

حلوه مكنوناتج ادري ادري لووووووووووول

بس الانسان لي لقى حفره وعرف انها حفره ما يوقف ويطل فيها .. يعديها ويحاول يتجنبها

;*

لا تضيقين خلقج يالله عاااد ورينا ابتسامتج

طموحة مملوحة يقول...

violeta


مشكورة حبيبتي على الكلام المشجع افا عليج بشق الحلج للآخر لووول