2009-05-31

ترحيب الأغبياء !!!!










يعجبني ذلك الشاب باسلوبه وأخلاقه وأدبه في التعامل مع الآخرين ، مهما كان من أمامه فهو ذكي بالتعامل معهم ويجذب انتباههم بابتسامته الرائعة .


سأتحدث عن فئة أصفها بالخبزة العفنة ، من الشباب الكويتي (( البعض )) وليس الجميع ، ممن يظن أنه أفضل من الآخرين حتى ولو كان لسانه بذيء وأخلاقه بالحضيض .



عندما سافرت لعدة دول خليجية لاحظت تجنبهم للكويتيين ، ووصف شبابنا بالمعتوهين ، تحدثت مع احدى الفتيات ، وضحكت عندما سألتها سؤال : لماذا تكرهون الكويتيين ؟؟
فقالت :لو أني أكرههم لماتحدثت معك ، ولكن هناك من الشباب الكويتي من يأتي إلينا في أرضنا ولا يحترمنا ، كذلك الفتيات ، فأغلبهم ينظر لنا بنظرة الكبرياء .



يؤسفني عندما يأتي لنا زوار من الخارج ، فأجد معظم الشباب من يتحدث بصوت عالي مستهزءً بزي ذلك الضيف ، وأقرانه يضحكون معه بسخرية ، فما المضحك في الموضوع ؟؟




إليك أيها الشاب المتكبر :

(( يؤسفنس أنك بهذا الحال فحالتك تدعو للشفقة ؟؟؟ لماذا ؟؟ لأنك لم تستغل وقتك في بناء نجاحك وبدلا من ذلك فضلت التسكع في كل مكان معتقدا بتعليق شعرك الى السقف أنك قد وصلت مرحلة التطور والرقي ، وأنك مادمت في دولة متقدمة ، فترى نفسك ملاك ، تحب أن يلتفت الناس اليك ويصفقون لك لأنك كويتي ، لا تحترم الدول الأخرى وتنتظر منهم احترامك ))





لا أحاول عبر موضوعي هذا أن أكون كشخصية بوخرشد :p ولكني ادعو هؤلاء بالعقلانية واحترام الآخرين ، والكف عن الاعتقاد أن الكويتيين أفضل الناس ، دولتنا رائعة ولكننا لسنا رائعين لأن هنالك من يأخذ ولا يعطي وأنت تأخذ مجهود وطنك بالرقي ، وتسيء لسمعة الكويت والكويتيين في الخارج :)



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




لقد قررت أن آخذ اجازة أرتاح بها في عطلة الصيف ، وقد وافقتني الرأي والدتي كي أقوم بعدة مشاريع منها مشروع النادي الرياضي لأن حالتي يرثى لها، كذلك أود السفر والاستمتاع قليلا بعيدا عن تعب الدراسة ، كما أننا على وشك استقبال مولود جديد في عائلتنا :).







ـــــــــــــــــــــــــــــــــــــــــــــــــــــــــــــــــــ


طموحة مملوحة2







التقطت هذه الصورة اليوم ومريم مستغرقة بالنوم العميق :)

أذكر مريم من قبل سنتين وهي تقول لأختي لماذا لم تسميني طموحة مملوحة بدلا من مريم :) كانت تعتقد أنه اسم وليس وصف لوووول
واليوم هي تحاول جاهدة أن تكون مثلي ، وآخذها في كل مكان معي ، وماشاء الله فهي رسامة بارعة جدا ، على الرغم من صغر سنها الا انها تتقن الرسم كثيرا ولها هوايات كثيرة أحاول قدر المستطاع ان افيدها ولو بالقليل .
كانت تلعب مع القتيات فتسمي لعبتها طموحة مملوحة لووووول ، اليوم هي تلقب نفسها بطموحة مملوحة2 :)






أراكم قريبا

43 comments:

بانوراما يقول...

للأسف ..

شبابنا اليوم في حالة أشبه بالأحتضار ..

فثقافتاهم وافكارهم

باتت تولد ولادة متعسرة ..

=============================

إجازة سعيدة ..

====================

الله يخليها ويحفظها لكم ,,

شي حلو جدا أن يكون واحد عنده موهبة من اهو صغير

وخاصة إذا كان عندة عدة مواهب ,,

Mr_CHoCoLaTe يقول...

للأسف الكثير من الشباب و ليس الكل ، يقوم بتصرفاته باضحاك الآخرين دون مراعات مشاعر البعض ، و يسعى للمشاكل و لا يتوب من أفعاله

الله يخليها لج طموحة المستقبل الصغنونه

اجتماعي يقول...

بخصوص بعض شباب الكويت ..
فـ فعلا .. لا تعليق !!

اللي قلتيه .. شوي بحقهم

ما ألوم باقي الدول ليش يكرهونا .. !!

معاهم حق .. شايفين الويل من ربعنا

===

تروحين وتردين بالسلامة :)

===

سلمي لنا على الطموحة الصغيرة :)

Blog 3amty يقول...

الله يزيدكم طموح وملح !

عثماني يقول...

صبحج الله بالخير اخيتي الطموحة

اول شي الله يحفظ مريومة و يوفقها

:)

و ثانيا معاج حق تماااما بموضوع تكبر الكويتيين على الناس و عدم احترام الناس حتى لو هم في ديرتهم

يا اختي المشكلة مشكلة تربية ...و انا ماني عارف على شنو الكويتيين يشوفون نفسهم؟؟

كذا مرة ينفتح هالموضوع مع اصدقاء عرب و خليجيين .. والقى منهم نفس الانطباع ..

:(

أبو الدســتور يقول...

تصدقين
في ناس من ربعنا
عبالهم اهما الوحين اللي فاهمين
صكينا على المصاروة

أنا كويتي يقول...

إجازة موفقة ومشروع النادي الصحي أنصحك فيه.

الشباب الكويتي فيهم البركة لو فيه من يحتضنهم ويستغل طاقاتهم ويوفر لهم مجالات لإستغلال إهتماماتهم.

شباب مليان طاقة + فراغ = إنحراف

قولي حق مريومة إسمك حلو
(على إسم بنتي)
:)

Fishah يقول...

صاجه في فئه من الناس خربوا صورتنا برا الكويت وداخلها وللاسف تعممت النظره السيئه علينا .. مو يقولون الخير يخص والشين يعم (شي جذي ) انا بالامثال مييييح لووول
الله يخليلج مريوومه هالحلوه الله لايحرمكم من بعض :)

أستاذ حمام يقول...

الشباب الكويتي فيه الزين وفيه الشين.. والتقييم عادة نسبي يرجع لمعايير الصلاح عند كل شخص..

موضوع حلو :)

الحــــٌر يقول...

طموحة

(بوخرشد) لوووول
:)
******************************
ليش تسافرين خارج البلد وانتي بالبلد اخذي عدة اشخاص من عدة جنسيات وسأليهم وبتلقين نفس الجواب
تدرين ليش ؟
لأنه الكويتي ما يغلط الكويتي احسن من الناس الكويتي لازم يضحك على الناس والناس ترضى والشباب طبعا حدث ولا حرج بإختصار كل ما أسافر يحوشني موقف واسمع عنهم كلام يفشل هالديره والناس الي بره ماخذين فكره انه هذي طبيعة كل الكويتيين

**************
مبرووك المولود مقدما وان شاء الله تكون او يكون من الذرية الصالحه
وإجازه سعيده
:)

علي إسماعيل الشطي يقول...

أوافقك أختي العزيزة بما ذكرتيه عن الممارسات الخاطئة التي يقوم بها الكويتيين تجاه الغير

و أراه جليا كل يوم أمامي و أنا في الغربة

للأسف بعض الأخوة و الأخوات يعتقدووون أنهم أي ( الكويتيين) جايين من المريخ و هم شعب الله المختار و لذلك لا يسمح لأي كان بأن ينتقدهم أو أن يزيد على كلامهم ناهيكي عن اللامبالاة و عدم الإحترام للبشر بسبب أو من غير سبب

فعلا مشكلة يجب أن يلتفت إليها الكويتيوووون لأن تلك الممارسات أصبحت شائعة عند الكثير من الدول التي يتواجد بها ربعنا و أعطت الكويت سمعة عزكم الله زبالة بسبب تلك الممارسات الغير مسؤولة من البعض

أتمنى أن نكووون خير سفراء لوطننا الحبيب الكويت في الخارج لا أن نكووون زبالين نرمي قمامتنا على غيرنا بإسم الكويت


تحياتي

Yang يقول...

لا, انت شكلك صج يبيلك إجازة :))

تيك يور تايم, جو اوت, ترافل, اند دو سم سبورتس س س س س س.


مشاء الله
والله ارطن :)

انت والمدام يبيلكم احد تفشون غلكم فيه, بس انشاء الله المدام مو حاطة عينها علي :))
أما انت في مدونين وايد, حكري واحد بالزاوية وحيلك فيه :))


تحياتي

ma6goog يقول...

خوش كلام

موقتنا عالفاضي

فريج سعود يقول...

ما الومهم يكرهونا

تردين بالسلامة

ReLaaaX يقول...

وخخخخخخخختي شششششششلم المملوحة 2
:)



وبعدين فعلاً فيه فئه مليقه وماينلامون يوم كشو منهم


بس لايحكمون علينا كلنا ان احنا جذي :/



عيزنا واحنا نعدل هالفكره والله عيزنا :/

حَافِـيَةُ الَقَدمَيّـنْ ولِبَاسِي المَطـرْ يقول...

إييييي والله صدقتي
إذا أحنا بديرتنا بناتنا ما يطالعونا عدل :/
تبينهم بره ديرتهم يطالعون الأوادم عدل
للأسف شعبنا خشمه مرفوع على مادري شنو
,,,,
والله يخليلكم طموحه مملوحه 2
مسكينه غرقانه بالنوم :×

mo3ath يقول...

شفيه بوخرشد ؟ P:

الله يحفظ مريوم وتتربى بعزكم اهي والمولود اليديد يارب :)

مريوم مخطوبه ؟ قاعد ادورلي مره P:

Um il sa3af wil leef يقول...

يحليلها طموحه مملوحه 2 ..الله يخليها لكم

إجازه سعيده

TrueClue يقول...

مجتمعنا للأسف اهوه الي خرب شبابنا .. الأهل مو مهتمين فيهم .. طلباتهم اوامر .. الولد يغلط جدام ابوه و الأبو ولا عالبال ..
مشاكل البيت + رفاق السوء ..
وايد عوامل تأثر على شبابنا بس هذا ما يعطيهم الحق بإستهزاء بالأخرين ..
و فيه شي باط جبدي .. كل شخص هندي اسمه محمد ؟ معقول ؟
ليش مو جاسم ؟ فتحي ؟ لؤي ؟ مؤيد ؟ سالم ؟ جعفر ؟ خالد ؟ حسين ؟ علي ؟ احمد ؟ عبدلله ؟ بدر ؟ ابراهيم ؟ بييييه وايد اسامي .. شمعنى محمد ؟

و صراحه جسمج ما فيه شي مادري البنات شفيهم على اجسامهم .. مع انه جسمهم حلو بس يقولون نبي نضعف .. سر من اسرار الحياة اعتقد ؟ ..

و يتربى بعزكم المولود اليديد يارب

Enter-Q8 يقول...

خل مريوم تصير احسن من طموحة
علميها جذي قوليلها لازم تصير احسن من اللي ودها تصير نفسه
و الله يخليها لكم
بس عالفكرة ترى كل بلد فيها نفس النوعيات

مقابلة مع ماجد الصباح يقول...

http://www.gestalten.com/fragiles/Movies/

طموحة مملوحة يقول...

بانوراما


لووووول للحين ماسافرت قلت بوقت العطلة .. اي والله على بالهم دام هني الهنود يخدمونا بالكويت يبون كل العالم تخدمنا ... صج وايد ماخذين مقلب على نفسهم

طموحة مملوحة يقول...

Mr_CHoCoLaTe


مشكور على الاضافة يابعد خشمي

طموحة مملوحة يقول...

اجتماعي


سلامك بيوصل ... ترا على فكرة تتابع مدونتي بخليها تشوف وتشوف صورتها ماتدري اني حطيتها لووول ....

اي ملاقة والله يليتهم يبيضون الويه شكثر كويتيين رفعوا راس الكويت اييون هذول يخربون كل شي والله

طموحة مملوحة يقول...

Blog 3amty



كمان وكمان يارب


:)

طموحة مملوحة يقول...

عثماني


صح كلامك اخوي والله مرة كنا مسافرين فسألنا واحد انتو كويتيين ؟؟ لمن قلنا له اي جان يقول : غريبة العادة الي اييون شايفين روحهم ويحسبونا خدم عندهم

طموحة مملوحة يقول...

أبو الدســتور


اي والله عيل لو اغلب العلماء والمفكرين بالكويت شسووا ؟؟ لوووول


جان خلصوا طلعوا ان احنا بس الي ندش الجنة لووول

طموحة مملوحة يقول...

أنا كويتي


الله يخلي لك بنوتتك يارب

:)

طموحة مملوحة يقول...

Fishah


لووووول تذكريني لوحدة من رفيجاتي لي قالت مثل تقول لنا خلاص لحد يحاجيني انا قطيت مثل لوووول

طموحة مملوحة يقول...

أستاذ حمام



صح كلامك بس الاغلبية ؟؟ وخاصة لمن يكونون شباب بروحهم ... غير عن لمن يكونون رايحين مع اهلهم .. يعني يدرون ان هالتصرف غلط

طموحة مملوحة يقول...

الحــــٌر


لووووول المولود للحين بيطلع شهر 7 بإذن الله


لا انا غسلت ايدي وخاصة البعض الي عندنا بالجامعة كرهوني بشي اسمه رياييل لأن بعضهم ينقال لهم صبيان مو رياييل :p والبنات حدث ولا حرج بكتب عنهم موضوع قريبا :p

طموحة مملوحة يقول...

أخي علي إسماعيل الشطي



يعطيك العافية على كلامك الي مايخلو من الصحة

طموحة مملوحة يقول...

Yang


شفت شلون قلبي متروسة والله لوووول بقول لك سالفة على طاري الهوشة بس بعدين اعتقد راح احتاج لمرتك لووول

طموحة مملوحة يقول...

ma6goog


وخوش مرور والله بس مافهمتك يعني شنو موقتنا على الفاضي؟؟؟ سوري بس والله استيعابي بطيء جدا

طموحة مملوحة يقول...

فريج سعود


للأسف بديرتنا مطيحين من مكانة المصري والهندي والسوري وغيرهم .. وهم برا ...


وحطط امريكي جدامهم ... لووول شوي ويبوسون راسه لووول

طموحة مملوحة يقول...

ReLaaaX


للأسف الشر يعم:(

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


اي انتي جيكي على البرطم بس لوووول


يعطيج العافية على اضافتج حبيبتي

طموحة مملوحة يقول...

mo3ath


لا مو مخطوبة .. تعالوا خطبوها بسرعة لووول حاجزينها حق ولد عمها واهي ماتبي لووول

طموحة مملوحة يقول...

Um il sa3af wil leef


الاجازة بعدين مو الحين الحين امتحانات :(

طموحة مملوحة يقول...

Enter-Q8


والله انا بصراحة متوقعة تكون احسن ان شاء الله بس انا مو مخليتها والله اشجعها دايم واقول لها انتي راح توصلين حق الي تبينه وماشاء الله عليها والله شاعرة تكتب اشياء معبرة وكاتبة قصيدتين حقي فديتها والله :.(

طموحة مملوحة يقول...

أخوي الحدسي


بعض المواضيع الي كتبتها تخالف توجهي وماتخالف توجهت استغل مدونتك واكتب انت ... :)

كاريكاتير يقول...

لازم بالأول ما نحط الشباب كلهم في خانة واحدة!!

ثانيا مثل ما في شباب يخرجون عن إطار الآداب العامة واحترام الآخرين والذوق العام ترا أيضا هناك شابات يرتكبون حماقات كبيرة!!

ثالثا

مرارا وتكرارا نتحلطم على حال الشباب ونجلس نبحث في قواميسنا عن صفات لم نطلقها بعد على حالهم..

رابعا

الحل بالمساهمة في مساعدة الشباب في الاستفادة من أوقات الفراغ وبطرق جديدة تحفزهم على تغيير نظرتهم عن المجتمع والدولة ونظرة الناس لهم.

ترا نقدر

طموحة مملوحة يقول...

اخوي كركتير



كلامك صحيح ويايتك بموضوع البنات افا عليك بس :)