2009-06-02

ملاقة البنات !!!!!

كلية العلوم ... وماذا نجد في كلية العلوم ... !!!
طبعا من ناحية الجمعيةغسلنا ايدنا لا حياة لمن تنادي ...
حرام وحدة من رفيجاتي وايد شادة حيلها وتقول لي والله ياسارة انا قاعدة احاول ومشكلة الكافتيريا تقوم فيها بس مع الأسف الشباب ماقاموا بشي ، فموقادرة تلحق .. فبعطيها نصيحة لا تتعب عمرها على الفاضي ... وخل يدشون اي من شباب جمعية العلوم ويقولون لي شنو سويتوا حق العلوم هالسنة ؟؟؟؟
راح اكتب عن مشكلة تواجه قسم علوم الأرض والبيئة والي قمنا فيها طلبة القسم دون حاجة لقائمة تمثلنا ولا جهة ننطرها بسلامتها ترد علينا ...
المشكلة سلمكم الله ان القسم حده حده مكفينا ... لا استراحة سنعة ولا كراسي سنعة تتحمل اغلبيتهم مكسرين ورايحين فيها وكل اسبوع نلقى الكراسي مكودين بمكان واحد علشان برممونهم ..
الحين بالغصب المختبرات تتحمل الكراسي ...
تعالوا ممر الجيولوجيا وشوفوا العجب ...
لمن الواحد تعطيه بعض الحرية وتتابع تصرفاته ..
تعودنا في قسم الجيو ، على الاحترام المتبادل من طرف الطالبات والطلاب بغض النظر عن الي داشين القسم علشان يدروون التعليم فيه مشترك هذول معروفين ...
نشوف بعض الطالبات الي اهم بتخصصات ثانية يقعدون في ممر الجيو ومسويين زحمة ولجة على الفاضي ولا نقدر نركز في المحاضرة وحتى في الامتحانات وبعض الأحيان يطلعون الدكاترة يزفون علشان في امتحان بالقاعة .. طبعا لا حياة لمن تنادي ...
في ناس تسمع ان قسم الجيولوجيا يدرسون مشترك ... فاييون علشان يسوون خبالهم على اساس (( اهم طلبة جيولوجيا )) واهم مو جيولوجيا ولا شي ..
لمن يقعدون طالبات في الممر ... وبكل وقاحة وقلة أدب تقط حجي على كل شاب يمر وبصوت عالي جدامنا جنه قاعدين بمكان عام مو بجامعة ....
لمن طالبات يكشخون ويترسون الويه ماكياج وتمسك بطل البيبسي تحذفه على الأرض ويقطون قراطيسهم بالممر جنهم عيال شوارع مو قاعدين بجامعة أكاديمية ....
لمن طالبات يقعدون يتحرشون بالي رايح والي راد وبصوت عالي وتقط نغزات على فلانة وعلانة بصوت عالي جن محد سامعها ... ولي خذوا الكراسي ردوها رفعت السدر وتعلي صوتها جن ماوراها والي ....
رحنا مجموعة طلبة وطالبات اشتكينا على هالفئة الشاذة الي مادري من وين طلعت .. بحكم
_ الازعاج الي مسببينه في القسم .
_ التحرش بطالبات وطلاب القسم .
_استخدام كر اسي خاصة لطلبة القسم وممنوع اخراجها من المختبرات .
_ التقحيص بالكراسي في ممرات القسم واللعب بصوت عالي في القسم .
أنا أطلب من مدير الجامعة عمل مديرة العاب بجانب الجامعة حتى يتيح للأطفال اللعب على راحتهم .
وأقول ياشين من ينعطى ويه والله ..
قلبي متروسة وايد ... وانغثيت وايد من الحركات الي صارت جدامي ... وماسويت هالشي الا لمن مر واحد وقال (( هذول بنات جيولوجيا ))
الي محد مخرب القسم الا اهم ... فالي يبي يتحرش ويستعبط على الآخر ... ترى الله مكثر المجمعات والقز بالكويت ....
اهدي لهم هالغنية الحلوة ان شاء الله تعجبهم :)


58 comments:

بو سعد يقول...

اي والله شوف عيني يوم كنت بالكلية .. ناس ما تربت على الاحترام .. حتى اذكر صار لي موقف مع اللي يقعدون على الدرج .. راح اكتبه بمدونتي :)

طموحة مملوحة يقول...

يالله ناطرة موضوعك أنا مدونتي انترست تحلطم من المواضيع الي مرت علي ...

ولي يوا يقولون لنا العلوم ويع .. لا والله مو ويع الا الي يقعدون فيها واهم مو علوم يخربطون على كيفهم تالي يقولون كل طلبة العلوم جذي ..

اجتماعي يقول...

صج .. حسيت قلبج متروسة !!

الله يعينج :)

ماعندج شي يونس؟

طموحة مملوحة يقول...

اجتماعي



بلى في في الأيام القادمة ان شاء الله

Nikon 8 يقول...

معقولة هذي تصرفات بنات الجامعة ؟؟؟

غير معرف يقول...

Too bad what happen now a day to our society, People being so ignorant?
Wish if everyone can get back to his/her home to read and teach their self something useful, so they can utilize it to their benefits. And by the way definitely they need to impose it first at their culture and family.

غير معرف يقول...

ههههههههههههههههاى الاغنية , اول مره اسمعها واشوفها

الله يعينكم , انا ما اعرف جامعة الكويت بالمره ولا اعرف نظامها شلون لانى ما درست فيها , وما اعرف نظام التعليم شلون صاير بالكويت , لانى طلعت بره وعمرى 13 سنه , ورجعت وعمرى 25 , بس وايد مستغربه من كلامج

على فكرة مو بس فى الكلية اللى تدرسين فيها جذى , انا حاسه ان بكل مكان فى الكويت مستوى الناس للاسف بهيوط مستمر , لا اتيكيت ولا لباقة لا فى التصرفات ولا فى الكلام

لا والشئ اليديد اذا التفتى على واحده لابسه شئ غريب ولا على واحد حاطله كشه , يي لى عندج ويقولج ليش تخزين ؟؟ يما شنو هذا ... لا مبدعين , اعتقد هذيل اجيال الخدام ..اللى اهلهم ما ربوهم قطوهم على الخدامات وهذى الافرازات التعبانه اللى نشوفها يوميا بكل مكان , ما اقول الا الله يعين

- دينا -

حدس + سلف = الاصلاح وتطبيق الشريعه الاسلاميه يقول...

اووكي راح اوصل صوتج لبدر النشمي او اوصل صوتج رئيس الاتحاد اللي مااعرف اسمه
ولا تزعلون ولاتتضايقون
انتوا مستانسين
!!!!!

حدس + سلف = الاصلاح وتطبيق الشريعه الاسلاميه يقول...

في رد يقول معقوله هذي تصرفات بنات الجامعه!!
مسغرب الاخ على باله بنات الجامعه ملاك
ياخووك مو الكل بس في فئه الله يستر عليهم

غير معرف يقول...

السلام عليكم ..

حلوة تقحص بالكراسي :)

شر البلية ما يضحك هذيلا شباب الجامعة اللي المفروض يكونون صفوة المجتمع جذي عيل شخلو حق مراهقين الثانوية و المتوسط و يهال الابتدائي ؟!

بس بعرف شغلة انت لما اشكيتوا شنو كتبتو بنص الشكوى ؟؟ ماني قادرة اتخيل شكاتبين ؟!! يعني تحسين حتى لو بتشتكون الشكوى تضحك :)

طز بالرجالة يقول...

قوة حبي
شوفي تبين حشرات حلوه ملونه
اي اييب لج
لكن زهيوية؟ كلا البته ما يدخلون شنطتي

خنافس مسمسمة ممكن
شاوري نفسج
:)

حَافِـيَةُ الَقَدمَيّـنْ ولِبَاسِي المَطـرْ يقول...

وانا اقول ليش سمعت العلوم خربانه !!والله وانظلمتوا , اثاري هالقيف الوصخه مخربه عليكم !
الله يعينكم على ما بلاكم
مشكوره خيتو , وميخالف هونيها وتهون ما بيدج شي

Makintosh يقول...

الحين البنت ماتحترم نفسها اهي الي تتحرش بالشباب وتقط عليهم حجي

وصج ترى العلوم معروف عنها هالشي .. رفيجتي يوم كانت فيها تقولي سوالف ماجنه جامعه

طبعا اهوا اكيد كل مكان فيه هالسوالف بس عندكم بزووود

TrueClue يقول...

اذا اهمه يبون يلعبون و يستانسون .. حطولهم ديرفات و زحلاقيات .. خل يلعبون على راحتهم :P

او على الأقل لا تخلون احد يدخل الجامعه او الكليه الا ببطاقه ( جني سامع هالشي موجود ؟ )
لأنه انا مرة بغيت ادش جامعة الكويت على اساس اني اكلم دكتورة بالجامعه السيكيوريتي ما رضى يدخلني ..

الله يعينكم على بلواكم ولله ..
المشكله هذا حرم جامعي لازم ما تكون فيه هالسوالف ..

Mr_CHoCoLaTe يقول...

الاتحاد بكبره سكه

و الله يعينكم على جامعة الكويت

ترى اللوك اليديد للبلوق حده عجيب و احسن احسه ارتب مبروك ^_^

الله يسهل عليكم

كبرياء انثى يقول...

المشكلة يا سارة ان طلبة الكلية اهم بس الي يدرون هذيل من العلوم
والباجي لا

ودامج انتي عضوة بجمعية العلوم ابي موعد معاكم ومع الدكتور جاسم العوضي حق الدراسة الي سويناها لكم :)

طموحة مملوحة يقول...

Nikon 8



تصدق عاد :)

طموحة مملوحة يقول...

غير معرف


في ناس تلقاهم مربين عيالهم عدل ... بس عيالهم لمن يكونون بعيدين عن أنظارهم يحبون يسوون الشي الي نهوهم عنه اهلهم .. وخاصة لمن تكون مجموعة كبيرة من البنات :) كل وحدة تخرب الثانية

طموحة مملوحة يقول...

غير معرف


شوفي في ناس تحب تبرز نفسها وتلفت الانتباه الذكي الي يلفت الانتباه باحترام غير عن الي يلفت الانتباه عن طريق بهذلة نفسه ووصع مظهره في موضع السخرية والضحك لذا لا مانع لأن يسخر مني أحد مادمت قد استطعت لفت الانتباه .. هذا مايقوم به البعض أو مع الأسف الاغلبية اليوم

طموحة مملوحة يقول...

أخوي حدسي



انا سامعة عن الاتحاد بس ماعرف شنو موقعه من الاعراب في الجامعة ... اهي بوستر لصقوه وقالوا عنها انجازات وكل ما مريت ضحكت هذي يسمونها انجازات ؟؟؟؟


خلني ساكتة عن الاتحاد نقدر نسوي كل شي بعد التوكل على الله موناطرين من الاتحاد شي خلهم بحالهم مايدرون وين الله حاطهم

طموحة مملوحة يقول...

غير معرف


ماكتبنا بالشكوى دشينا على رئيس القسم وتحجينا وكل واحد طلع الي بقلبه :) لوووول


اي بس على فكرة وايد في طلبة راقييين ومحترمين بس مساكين انحطوا معاهم لوووول لأن الشر عم وخال بعد

طموحة مملوحة يقول...

طز بالرجالة


مومشكلة يالغالية الي يجييي منج خير وبركة احسن من ولا شي لووووول عاد تكفين مو تطنشيني ترا من صجي والله

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


والله يضيق خلقي لي قالوا شي مو زين عن العلوم .. اييون لج طلبة وطالبات من تربية وآداب وكليات ثانية وتالي يقولون هذول علوم وتطيح السالفة براس العلوم وطلبتها ... عاد والله العلوم شحلاتها ووايد من طلبة العلوم محترمين والله .. اغلب الي داشين على عبط ما يكملون يطلعون على طول علشان جذي أنا أأيد اذا زادوا نسب العلوم بصراحة لأنها كلية راقية ماتستاهل اي احد يدشها بصراحة

طموحة مملوحة يقول...

Makintosh



اعيد وازيد اغلب الي يسوون هالحركات مو علوم اييون يقزون فيها والثانيين مايكملون علطول يطلعون منها

طموحة مملوحة يقول...

TrueClue



ضبط لك احد من شباب القوائم يدخلونك افا عليك لووووول


لا والله صج كل من هب ودب دش الكلية وسوا مشكلةوسالفة

طموحة مملوحة يقول...

Mr_CHoCoLaTe



الاتحاد الوطني ( لبعض ) طلبة جامعة الكويت :)


مشكور وايد والله كلهم قالوا لي نفس كلامك ... لووووول لهالدرجة النحل مزعج؟

طموحة مملوحة يقول...

كبرياء انثى



بعد خشمي أنا مو عضوة بجمعية العلوم هذول علمية انا مو علمية لوووول

أنا أمين سر المنظمة الأمريكية لجيولوجيا البترول ..

ونائب رئيس النادي الجيولوجي ..

وتامريني أمر أي شي تبينه انا حاضرة متى تبيني أوديج لرئيس القسم ؟؟؟ باجر ماقدر لأن مشغولة تبين الأحد ؟

eve's heart يقول...

كل هذا إللّي قلتيه بصوووب !!!




وإللّي أساميها "أزمة" بصووووب !! شايلة ال"مبنى" كله مو بس القسم كله بصوتها وحراكتها !! حشى !! لو طقاقة جان ما سوت جذي :@

طموحة مملوحة يقول...

eve's heart



لوووووووووووول ترا حتى انا خبلة ساعات انسى نفسي صوتي يعلى .. بس ترا البنت طيبة والله معلش راح اقول لها افا عليك لووووول

طموحة مملوحة يقول...

كويتي صريح


قلنا صريح بس مو مثل جذي ...


احترمني على الاقل من كلامك هذا

Hashimoto يقول...

يقولج في ظاهرة اطلقنا عليها اسم "السينما"

حيث تجلس مجموعة كبيرة من الشباب \ البنات على طول وعرض السلالم المؤدية الى الطوابق العلوية للمبنى الموقر(3خ) .. فلا يسع الطالب الا ان "يبتون بينهم " على امل الا يصطدم بأحد هؤلاء الطلبة الفشلة .. الذين قاعدين يتفرجون عالناس جنهم بفلم !!

الله يعينا ويعينكم على هالاشكال

=)

حدس + سلف = الاصلاح وتطبيق الشريعه الاسلاميه يقول...

ماعليه ياطموحه ادري متضايقه من الاتحاد ليس لانه لم ينجز
لانه حدسي ماعليه الله كاتب ان يكون لنا
ياخي انتي ليش ماتحترمين رغبة الطلبه ترى الاتحاد يمسك الجامعه بالتصويت
انتي طولي بالج واذا تبيني اعينج منصب اقدر اتوسط لج احطج سكرتيره للمدير ويقول المثل سكرتير المدير مدير
انتي ادعي ربج ان الاتحاد تفوزون فيه بالمركز الثاني ترى المركز الثاني زين يعني سويتوا انجاز
ولا اقولكم خلوني اعقد وياكم صفقه الحين اعلاناتكم تكلف فلوس طبعا انتوا راح تخسرون فانا حبيت اقولكم اذا خلصت الانتخابات انا اشتري الاعلانات واعيد تصنيعها
وعلى فكره انتي تقولين الوسط لما كان ماسك الاتحاد كان نعمه ابي انتي لما كان الوسط ماسك الاتحاد جم كان عمرج ؟؟!!

طموحة مملوحة يقول...

Hashimoto


الفقر ومايسوي كنت راح اكتب عنهم بالجريدة بصراحة وللحين الفكرة ببالي:) بس مع بداية الكورس الأول ان شاء الله :)

طموحة مملوحة يقول...

اخوي حدسي


مولازم اكون عايشة وقتهم علشان احب ايامهم ساعات اقول ليتني كنت موجود بايام عبدالله السالم ليش؟؟ من كلم الناس :)

وقت مامسسكوا الوسط سوا انجازات ترفع الراس ... لوووول مو البوستر الي حاطينه الاتحاد الحين والله لو انا مكانهم استحي احط بوستر فيه اخطاء املائية :p وفوق هذا حاطين انجازات تضحك :) بخاطري احطه ببوست خاص ... واعلق على انجاز انجاز ...

وعلى فكرة ... لا الاتحاد ولا قائمة ثانية اهي الي تبنيها .. مو غرور بس انا اقدر ابني نفسي بدون حاجة لمناصب غبية يقصون على الطلبة فيها .. وعلى فكرة وايد من الي يشتغلون بالاتحاد اعرفهم وواحد فيهم كان موجود من قرايبي وكان يقول لي اشياء خبلة عن الاتحاد حتى كان يقول لي لا تدشين النادي الصحافي الي بالاتحاد ... ليش؟ ؟؟

لأن جدام الناس يسوون نفسهم احسن اتحاد واهم الحمدلله والشكر مسيرييين :)


يبا الطلبة مايدرون اول سنة يقصون عليهم .. ومستانسين شباب مسويين عرضة ماخذين الجامعة وناسة من صج انت ؟؟ الاغلبية الصامتة الي ماتصوت لأحد لو صوتت لقائمة وحدة غير عن الي موجودين والله الائتلافية تطيح ... :)

بس خل الائتلافية تمسك من هني لي بعد 100 سنة يظل اتحاد ضعيف وتعبان ومايدري وين الله حاطه ... وخل نشوف الشدادية بعد الازمة الاقتصاديةراح يكملونها ولا يقولون خلاص ماكو ميزانية ظلوا على ما انتوا عليه :)

حدس + سلف = الاصلاح وتطبيق الشريعه الاسلاميه يقول...

���� ����� �� ���� ����� � ����� �� ������� ����� ��� ���� � ����� ��� ��� �������� ����� ��� �� ���� ������ ��������� �� ������ ���� ���� �������� ����� ����� ������ ����� ���� ������� ��� ������� ��� ���� ��������
�� �� ������� �������� �� ������� ���� � �� �� �������� ���� ������� ��� ������� ���� ������ ��� �� ���� ����� ����� ���� �� ��� ����� ����� ��� ��� ����� ���� ��������� ���� ��������
�� ��� ����� �������� ���� �� ���� ������� � ���� �������� �� ���� ������� �� ����
�� ����� ����� ���� ���� �� ��� �� ��� ���� �������� ���� ��� ��� ���� ��� ����� ��� ���� � ���� � ���� ������ �������� �� ���� � ���� ����� ���������
���� ��� �� �� ����� �� ��� ���� ������ ��������
�� �� ����� ������� ������� ���� ���� �� ������� ���� ���� ��� ��� ������ ���� ����� �����
��� ����� ��� �� ����

كويتي صريح يقول...

لووووووووووووووووووووووووووووووول

احلى شي بردج الاغلبية الصامتة

خخخ

انزين هالاغلبية الصامتة مو اهي الي ما اتصوت بالاتحاد لآنها محسومة واتيي بالروبط والجمعيات اتصوت!!!!!


حسبة بسيطة
نسبة الاقتراع بالاتحاد 50% تقريباً
وبالروابط توصل 95% بالهندسة
والنتيجة واحده
اكتسااااااااااح ائتلافي
:)

الا تعالي وين الاغلبية الصامتة مالتج عن الروابط ما اتيي واتطيح الائتلافية واهيي مصوته بعد :)

لا اتشوفين بالنظاره الشمسية اختي
آن الائتلافية اهي رائدة الحركة الطلابية الكويتيه

وهياا ائتلافية
:)

طموحة مملوحة يقول...

كويتي صريح

محد يقدر ينكر هالشغلة :)
الاغلبية الصامتة ماتصوت لأن بنظرهم ماكو قائمة تستحق :)

وعلى فكرة الائتلافية لولا الي وراها ماراح تصير شي :)

يعني قول لي شنو انجازات الاتحاد الي حاطينها وقارنها بالاتحادات الأخرى ولا الاتحاد سابقا على ايام الوسط .. طبعا فشلة الواحد يقارن لأن الي تسوونه الحين نشاطات لا أكثر لوووول

وخل تاخذ الائتلافية لي بعد 100 سنة عادي ماراح يتغير بجامعة الكويت ولا شي ولا راح تتطور وبتستمر من مستوى انزل لي انزل واكثر بعد :)

وهيا ائتلافية لوووول

حدس + سلف = الاصلاح وتطبيق الشريعه الاسلاميه يقول...

كويتي صريح بديت احبك بالله حب ملتزمين
ههههههههه
كفو يالذيب
ابي اكتب فيك قصيده بس اصبر
كويتي ياللي ابوك على الطيب رباك
انت طيب من اصل طيب من سلالة طيبين
وازهلها هههههههههههه

حدس + سلف = الاصلاح وتطبيق الشريعه الاسلاميه يقول...

افا ليش ردي اللي قبل الاخير كله مربعات

حدس + سلف = الاصلاح وتطبيق الشريعه الاسلاميه يقول...

انجازات الوسط ان كانوا يسوون رحلات مختلطه البنات يروحون عذارى يردون ابكار
اما سالفة البوستر فهذي ماتنزل مستوى الاتلافيه وقريبج اللي بالاتلافيه هذي جذبه من عندج
اما الانجازات هي انجازات ترضي الاغلبيه الطلابيه لانهم فكرهم اسلامي اما انتي فكرج ليبرالي فاكيد ماراح تعجبج الانجازات
وماهم السحاب نبح ............
تقول اغلبيه صامته ههههههههه
رد عليج كويتي صريح
وجامعة الشداديه يبيلها عشر سنين
ههههههههه قالت الوسط اي وسط هيفا وروبي قصدج هههههههههههه

طموحة مملوحة يقول...

كويتي صريح منو قدك كتب فيك قصيدة لووول


اقول حدسي .. ذبحتونا بسالفة الاختلاط يعني فصل الاختلاط انجاز ؟؟؟ ضحكت لمن وحدة قالت لي من انجازاتنا سوينا قانون منع الاختلاط ... لوووول حطوا قانون بجامعة تعبانة ومحد كلاها الا الطلبة شسوا الاتحاد بحق طلبة الجامعة ؟؟ الحين راح أتأخر سنة كاملة بسبب هالقانون بلعنة الاتحاد والقوائم بكبرهم المهم اتخرج ومصلحتي اهم شي اذا كان الاتحاد مقدس بالنسبة لكم فالاتحاد فقد بريقه لمن راحو لغير الوسط :)

والله عندي لو مستقلة يمسكونه احسن بعد على الاقل يتحركون الادارية احسد الي يدرس فيها لأن شايفين خير هناك صج نشاطات تفتح النفس ومومقصرين بحق الكلية ... والاتحاد يطلع لنا القدس ومادري شنو اقول شوفوا طلبتكم بعدين ورونا مواضيعكم الانسانية :) خافوا ربكم بطلبة الجامعة ترا احنا مو يهال :)

الي يخلي حتى مجلتهم يخلص الشهر وللحين تارسة الستاند مالها من فشلها وتكرار مضمونها ... :)

عطونا شي يديد ... لوسمحتم :)

ولا تحطون سالفة الوسط والاختلاط والله على ايام الاختلاط ماتصير البلاوي الي قاعدة تصير الحين ... القانون حطوه علشانهم اهم مو علشان مصلحة الطلبة :)

طموحة مملوحة يقول...

حدس


ترا انت تقط كلام يخالف الدين ... ومامسحته علشان الكل يشوف عقليتك شلون تفكر :)

عطني دليل على كلامك هذا .. ششايف البنات مو شايفين خير ولا يفكرون بالجنس بس ... صج انت الي تفكيرك جذي فتشوف الناس كلها مثلك اعترف وخلك صريح :)

اذا مو واثق من خواتك واهلك الحمدلله اهلنا مربينا وواثقين فينا .. :)

ويالله عطني دليل بتقول لي واحد تحجى وقال ترا كلنا نعرف سالفة الي خلوا القانون يمشي لا بنت ولاهم يحزنون وبسكم طعن بالبنات حسبي الله عليكم

طموحة مملوحة يقول...

مادري الظاهر حدسي سوا مقابلة مع كل الطلبة وشاف رايهم انا أنصحك توخر عن كلامي وكلام صريح ائتلافي وبطل الجرايد وشوف راي الطلبة بالاتحاد وبالجامعة :)

كويتي صريح يقول...

افاااااا
قلبتي الموضوع حق انجازات الاتحاد والي ورا الاتحاد!!!!

الحين توج اتقزلين الاغلبية الصامتة لو اتصوت اتطيح الائتلافية!!
والحين يعني اتغيرين الموضوع

اختي انا اهلي لحقو على ايام الوسط وعلى المصخره الي كانت بالجامعة
والاتحاد ما يقصر
الا تعالي منو الطلية الي ايون ويصوتون عشان الي ورا الائتلافية!!!


ههه



الا على فكرة ترى انا المرة الي طافت صاحبي وسط نخاني نخوة اني اصوت وسط وما قصرت معاااه
لآنها محسومة

وهيااا ائتلافية مرة ثانية

طموحة مملوحة يقول...

كويتي صريح


الي يشوفك ولا كلامك هذا أكيد بتكلم عن الانجازات عيل بتكلم عن اساليب الي تتبعونها بحصد الارقام فقط دون الانجاز ... :)

أحب اشوف الشباب وهم يناقزون بس واضحك عليهم واقارن بينهم وبين الجامعيين الي برا الكويت الي ياخذون جميع الامور بجدية تامة :)

علشان جذي تقصون على طلبة جامعة الكويت :)



ياعمي يبي يقنعني ان الي قاعدين يصوتون علشان خاطر عينهم ... يبا لولا كلمة مسلم الي حاطينها بمبدأكم وتطبيق الشريعة على قولتكم مافزتوا شدعوة كلش :) لووول

والوسط على ايام اول كانوا يتخرجون جامعيين من قلب مو الحين ادرس ادرس طالب الجامعة جنه طالب ثانوي :)

كلش الي يشوف الحين يقول ماكو فساد يبا الي يبي يخربط يخربط غصبن عليك وعلى الائتلافية وعلى الي حط الائتلافية بكبرها آل حدوا من الفساد آل لووووول


وهيا اختلافية لوووول

حدس + سلف = الاصلاح وتطبيق الشريعه الاسلاميه يقول...

كويتي صريح كفو يالذيب

طموحه
طموحه تقول ماسوينه انجازات
لالالا سوينه انجازات بس انجازات ماتمشي مع فكرج الغير مسلم فعلشان انها ماتمشي مع فكرج فماتعتبرينها انجازات ناجحه
مثل قانون الاختلاط هذا قانون يحمي البنات العفيفات الغير متبرجات الغير متعريات يحمي البنات اللي اذا نزلت فتوه تتطبقها طبعا هذي اغلبية بنات الكويت
مايحمي بنات اذا نزلت فتوى ماعجبتها قامت تتشمت فيها وجنها مطبقه الدين بحذافيره يعني في احاديث وايات عن التبرج والتعري هل بنات الكويت مطبقينهم تبين تقولين اني مو وصي عليهم صح انا مو وصي بس قاعد اسالج؟؟
لو ان الليبراليين هدفهم من الاختلاط هو زيادة وتقوية التعليم جان قلنا نعذرهم بس انتوا هدفكم معروف اللي اهو الفسق والفجور بتغطيه وتغليف وتزيين بكلمة ( اخوان بالجامعه ) ياسلام على الاخوان!!
وترى اذيتينه بسالفة نقص على الشباب على ان نمشي على الشريعه الاسلاميه واهم يجون يصوتون لنا اذا صوتو لنا يعني اهم رافضين الفكر الليبرالي حتى لو قصينا عليهم!!
اما على سالفة بنات الكويت حدث بلا حرج
يعني مافي بنات يلبسون فوق الركبه مافي بنات نص الصدر طالع مافي بنات يلبسون جينز صيق مافي بنات لاراحوا الجامعه نص الميك اب بالوجه مافي بنات من كثر مالبسهم فاضح حتى الدكتور بالقاعه مايدخلهم او بعض الدكاتره يخليها تقعد اخر شي
مافي بنات بوقت الفراغ تلاقينهم بشاطئ شويخ مع قلبها مافي بنات تلاقينها طالعه من لجامعه تقز بالخليج
لو بتكلم بطووول عن بنات الكويت يبا تبين تعرفين مستوى بنات الكويت كلمي بنات خارج ديرة الكويت تعرفين نظرتهم لكم طبعا انا مااقصد كل بنات الكويت
يعني انتوا ياليبراليين ماادري شنو الفساد عندكم وضحي لي مفهوم الفساد عند الليبرالي يالفاهمه بالدين ياللي ابوج سلفي سلفي على شنو وبنته تبي اختلاط ونعم!!
اتحفيني فهميني ترى انا ماافهم بالدين قاصين على الاتلافيه ابيج تفهميني يالفاهمه
انتي المفروض انحطج بدال خالد المذكور واحمد الكوس وتقعدين تفتين لنا لاني اشوفج احسن منهم هههههههههههههه !! اي هين

طموحة مملوحة يقول...

اخوي حدس



باجر ما استغرب منك لي طلعت وادعيت النبوة لوووووول


يالله ذابحك الدين الله يستر من ورا الناس :) لووووول اعرف نوعيتك وايد ترا ...


واحب اقرا ردودك واضحك عليهم لأن تكسر خاطري وايد والله تذكرني بالهمج الي بالتلفزيون الي يحطونهم علشان الناس تضحك عليهم .. فخليت لك هالموضوع وتركت لج المجال تتكلم على راحتك لأن في ناس تتابع وتضحك على ردودك :)





:) أنا ما اسوي دعاية مثلك واقول تكفون ترا انا مسلمة تكفوون لووووول يبا شوف نفسك قبل ما تشوف العلمانيين والليبرالييين وبخلي الشيوخ يقيمون دينك والله انك كلك على بعضك غلط :)

شوف الر سول شكان يسوي وسو مثله مو تشوف فلان وعلان ترا ماراح ينفعونك .. :)

روح الشهادة تناديك :)

حدس + سلف = الاصلاح وتطبيق الشريعه الاسلاميه يقول...

ههههههههههه يعني بتلف الموضوع
خل الناس تضحك
ترى حتى الرسول ببداية دعوته الناس ضحكت عليه
بس ردي على ردي
بس قبل لايقيم ردودي ناقشيه عن الليبراليه

طموحة مملوحة يقول...

@@



امبي انت من صجك عندك امل تقارن بينك وبين الرسول بعد ؟؟

هل الرسول كان يكفر المسلميين ؟؟؟

هل الرسول كان لتكلم باسلوب الهمجية وعدم الاحترام ؟


هل الرسول كان ينتقد النساء ويعاملهن كأنهم مخلوق للجنس فقط ؟

هل الرسول كان معقد ؟


هل الرسول كان يدعي الدين له وحده وكماله ويتهم الناس بنقصان دينهم ؟



هذي بعض الاسئلة ... يبا ماكو مجال مقارنة ... لمن ضحكوا ناس وقتها غير عن لمن نضحك على كلامك لأنك وايد متناقض وهجومي لووول وذبحتنا بسالفة احترام الرأي الآخر ... حلاته ادش باخلاقك واقول لك احترمني لمن تقول لي راي عدل نفس الأوادم ذيج الساعة احترم رأيك ..

حدس + سلف = الاصلاح وتطبيق الشريعه الاسلاميه يقول...

شوف مقفلين والله قافلين
شكو مقارنه
انا اقصد الاقتداء بالرسول صلى الله عليه وسلم
مو الاقتداء بالصقر ولا علي الراشد وشلته
انا متناقض عطيني شي متناقض فيه
يمكن مو متناقظ بس انتي مافهمتي عدل

طموحة مملوحة يقول...

لووووول اذا انت مقتدي بالرسول وجذي محد بيدش الاسلام استغفر الله



علم نفسك انت بعدين تعال حاجيني ... وبيني وبين ربي اكون مسلمة مابي شهادتك ولا شهادة غيرك

وعلم نفسك انت بالاول تموتون على الي داشين المجلس اللحايا والف واحد احسن منهم ما استغل الدين

تدري شلون ... مادري ليش اناقاعدة ارد عليك شدعوة هميتني ولا بتدخلني الجنة ولا النار ... تكفى خلك بحالك



هذا آخر رد لي وانتهى النقاش ماله داعي تكثر الحجي الزايد خير الكلام ماقل ودل شنو ماكو غيرك بالمدونة ؟

كويتي صريح يقول...

للأسف توقعتج اقوى من جذي
:)

وايد وايد ضعيفه واسلوبج اهو اسلوب الدواوين او بشكل اوضح اضغطني واضغطك :)
المهم

الخراب والمصخرة موجودة بكل مكاااان والاتحاد ما يقدر بعد يحط باتشن بالممرات والمواقف عشان ما اتصير مصخرة
كافية الندوات والنشرات التوعوية ماكو شي نقدر انسويه اكثر من جذي
والحمدالله نجحنا بتطبيق هدفنا في الشدادية

الائتلافية الأولى دايماً بحول الله
والعلمية راده الهندسة باذن الل
خخخخ
:)

طموحة مملوحة يقول...

كويتي صريح

واسلوبك كذلك :) ترى شبعنا من اسلوب الانت ماتعرف ترد ولا تناقش وانت ضعيف ومن هالحجي .. والله لو كنت صريح على قولتك كنت سمعت كلام غير لذلك أتوقع لو تغير اسمك لصريح لصالح الائتلافية وايد أحسن :) صراحتك تضحك ... وكل شي واضح بس للحين عايش على ان الائتلافية سوت الي محد يقدر يسويه بس لو تقارن بين اتحادنا واتحاد اي دولة ثانية تضحك على كلامك الي تقوله مو لازم كلامي يعجبك ولا لأ ولا يهمني اصلا اقتناعك كلش :)


وعلى موضوع النشرات التوعوية لووول منو الي يحضر تكفى كلهم ربعك بس ماشفت اي اهتمام من طلبة الجامعة على النشرات الي توزعونها مجرد اوراق تتحذف بممرات الكلية بدل ما ينشر الاتحاد التوعية البيئية فهو يساعد على تلوث البيئة من اوراقه لوول

هذا اولا وثانيا لو كل من صوت لكم بالاتحاد كان مقتنع فعلا جان شفتهم بنشاطاتكم الي تسوونها :)

اسلوب الضغاط مو عندي ولا اسلوبي ..

ومادري عن الدواوين انت ادرى شدراني انتو شتسوون بالدواوين شايفني ريال قاعد يحاجييك ؟؟؟ :)


واخذوا الاتحاد ماراح يزيد ولايقلل اي شي مني :) خخخخخخخخ

كويتي صريح يقول...

خخخخخخخخ

كالعادة كلام وسط ترددونه كالبغبغاوات

اي اتحاد من بره ؟؟
ممكن اتحددين


بالنسبة حق النشرات
مو ناقص الا انقريهم واحد واحد
بعد سوينا الي علينا وزود
اهم يوو وصوتو لنا بناء على قناعتهم
محد تلهم من اذونهم وقالهم صوتو ائتلافية


آآآآخ يا الوسط ما يبين شي بعينكم
ودي سنة وحده ما ننزل الاتحاد ونصوت لكم باشوف شنو باتسوون
والله بنضحك :)

طموحة مملوحة يقول...

اهم شي وزود لووووول


الي قاعد تسوونه نشاطات مو انجازات ياخوي ومالي خلق احدد حط على الوطن كل يوم وشوف الاتحادات الثانية شتسوي شدعوة ماتقرا يعني ؟؟

هذا اولا وثانيا .. انا وسطية بس لي رايي الخاص وحتى الوسط لمن انتقدهم يسمعون رايي ويحترمونه شدعوة عليك :)

واقول لك رايي بكل صراحة واكون صريحة اكثر منك ؟؟

صج في تقصير من الوسط لعدة اسباب ولأني داشة الوسط علشان مبادئه فقط .. بس لو اقارن بينكم وبين المستقلة والله اهي تقوم اكثر منكم بكل صراحة صج في منهم وايد بالمهرجانات خاصة يتكلمون بأشياء مادري شلون صايرة خاصة الي بالعلوم عندنا بس على موضوع التحركات علشان مصلحة الطلبة والله اهم يسوون اكثر منكم بصراحة :) وانا اتوقع لو اتحد الوسط مع المستقلة علشان المصلحة الطلابية فقط بتشوفون شنو كان ينقص الجامعة مجرد كلية العلوم لو اطلع شنو الي ناقصها لازم نسوي لك لستة كاملة .. انت علشان منهم فتدافع عنهم حتى لو كانوا على غلط ... انا والله لمن ذكرت عيوبهم ما قارنت بينكم وبين الوسط علشان تقول الوسط ومايبين بعينكم ولمن اتكلم هني اتكلم كطالبة مو كوسطية عادي يعني .. وانا ادري شنو راح القى من رد اذا تكلمت بصفتي في الوسط ... واعرف شلون اوصل الي ابيه بدون عازتكم ولا عازة احد اعرف يعني ماوقفت لا عليك ولا على الاتحاد شنو سويتوا بخصوص الشعب المغلقة وكثرة التسرب من الكليات ؟؟ وشنو سويتوا على مسألة غلاء الاسعار في كل شي بالكلية ؟ وشنو سويتوا على مسألة تأخير التخرج مو كل هذا بسبتكم ؟؟
اوكي انا مابي اختلاط بس فتحوا لي شعبة علشان اخلص بسرعة ؟؟؟ بتردون علينا ؟

اخوي شوف كلية العلوم وجمعية العلوم واسألهم ليش ماسويتوا ولا نشاط وخاصة الكورس الثاني ... سووا بس معرض برا مرة وحدة علشان المولد النبوي وبعدين ؟؟ طالبنا بعدة معارض ووحدة بس من الطالبات عطتني ويه وبعدين قالت لي اسباب ما اقتنعت فيها ... بعرف شفايدتكم انتو ؟؟ خذيتوا الاتحاد ماتسمع الطلبة ...؟؟؟ مو علشان تمثلون الطلبة انتم ادرى اهم شيبون ؟؟؟ انا اتوقع لو تسوون صندوق اقتراحات ولا تحطون بند الشكاوي وتصيرون بسا تطلعون للطلبة تقولون لهم شنو ناقصكم بتلقى الي صوتوا لكم اول ناس يو ... بس انا اقول لك والله صوتوا لكم علشان بس قائمة كل مسلم ومسلمة .. ولا على الانجازات صدقني يعانون وساكتين لأن يدرون لا حياة لمن تنادي :)


مبارك عليكم الاتحاد كل عام

طموحة مملوحة يقول...

اهم شي وزود لووووول


الي قاعد تسوونه نشاطات مو انجازات ياخوي ومالي خلق احدد حط على الوطن كل يوم وشوف الاتحادات الثانية شتسوي شدعوة ماتقرا يعني ؟؟

هذا اولا وثانيا .. انا وسطية بس لي رايي الخاص وحتى الوسط لمن انتقدهم يسمعون رايي ويحترمونه شدعوة عليك :)

واقول لك رايي بكل صراحة واكون صريحة اكثر منك ؟؟

صج في تقصير من الوسط لعدة اسباب ولأني داشة الوسط علشان مبادئه فقط .. بس لو اقارن بينكم وبين المستقلة والله اهي تقوم اكثر منكم بكل صراحة صج في منهم وايد بالمهرجانات خاصة يتكلمون بأشياء مادري شلون صايرة خاصة الي بالعلوم عندنا بس على موضوع التحركات علشان مصلحة الطلبة والله اهم يسوون اكثر منكم بصراحة :) وانا اتوقع لو اتحد الوسط مع المستقلة علشان المصلحة الطلابية فقط بتشوفون شنو كان ينقص الجامعة مجرد كلية العلوم لو اطلع شنو الي ناقصها لازم نسوي لك لستة كاملة .. انت علشان منهم فتدافع عنهم حتى لو كانوا على غلط ... انا والله لمن ذكرت عيوبهم ما قارنت بينكم وبين الوسط علشان تقول الوسط ومايبين بعينكم ولمن اتكلم هني اتكلم كطالبة مو كوسطية عادي يعني .. وانا ادري شنو راح القى من رد اذا تكلمت بصفتي في الوسط ... واعرف شلون اوصل الي ابيه بدون عازتكم ولا عازة احد اعرف يعني ماوقفت لا عليك ولا على الاتحاد شنو سويتوا بخصوص الشعب المغلقة وكثرة التسرب من الكليات ؟؟ وشنو سويتوا على مسألة غلاء الاسعار في كل شي بالكلية ؟ وشنو سويتوا على مسألة تأخير التخرج مو كل هذا بسبتكم ؟؟
اوكي انا مابي اختلاط بس فتحوا لي شعبة علشان اخلص بسرعة ؟؟؟ بتردون علينا ؟

اخوي شوف كلية العلوم وجمعية العلوم واسألهم ليش ماسويتوا ولا نشاط وخاصة الكورس الثاني ... سووا بس معرض برا مرة وحدة علشان المولد النبوي وبعدين ؟؟ طالبنا بعدة معارض ووحدة بس من الطالبات عطتني ويه وبعدين قالت لي اسباب ما اقتنعت فيها ... بعرف شفايدتكم انتو ؟؟ خذيتوا الاتحاد ماتسمع الطلبة ...؟؟؟ مو علشان تمثلون الطلبة انتم ادرى اهم شيبون ؟؟؟ انا اتوقع لو تسوون صندوق اقتراحات ولا تحطون بند الشكاوي وتصيرون بسا تطلعون للطلبة تقولون لهم شنو ناقصكم بتلقى الي صوتوا لكم اول ناس يو ... بس انا اقول لك والله صوتوا لكم علشان بس قائمة كل مسلم ومسلمة .. ولا على الانجازات صدقني يعانون وساكتين لأن يدرون لا حياة لمن تنادي :)


مبارك عليكم الاتحاد كل عام

كويتي صريح يقول...

تعالي الهندسة وباتشوفين الاشكال الي هناك وباتيين اتصوتين علمية اكييد

طموحة مملوحة يقول...

اخوي كويتي صريح


لي عدة أقارب يشتغلون مع العلمية في الهندسة ويدرون اني وسط واخافهم بالتوجه ، بس مسألة الهندسية اوكي اشجعهم لأن يحملون نفس توجهي بس طريقة عملهم الله اعلم فيها بصراحة ، وبصراحة بالهندسة سواء علمية ولا هندسية المهم عندكم اشياء وايد نفتقدها بالعلوم

صدقني اهي مجرد انكم تسمعون للطلبة شوفوا شنو ناقصهم والله تلقى بلاوي واذا تبي اكتب لكم ورقة كاملة للعلوم ادري ماراح يصير شي لأن صوتنا راح من كثر ما انتحجى بس خل نكون صريحيين الاتحاد مقصر