2009-06-03

زمن الرقاصات يهددون !!!






(( شر البلية ما يفطس )) اعذروني المواضيع الي تبط الخشم عادة ما اتكلم فيها بالعامي واحذف على المصري ونقحص بالعراقي .. بالله مايقولون لي شكبر ديرتهم يخرب بيت الشغلة شيبون بالكويت بعد ؟؟

العراق لو تم استغلالها بذكاء لصارت من خيرة الدول بس خلاص الله لاعنهم لو شيسوون ما يتعدلون .. حرام ما ابي اجمع في ناس زينة والله بس الشر عم واللهِ

يقول لكم ان افضل تربة في العالم كله هي تربة العراق ... بالله ما يحمدون ربهم ويعدلون ديرتهم بدل ما يعفسون على نفسهم وعلى الفقارة الي بينهم ...




تحجوا وايد زملائي المدونين ومعصبين وايد والله وحارقين دمهم ... والمجلس زعلان ليش اسيل ورولا مو متحجبات ... يبا سووا لكم هبه حذفوا شال على راسكم وطلعوا قذلتكم ... شنو الي يحطون قوطي روب احسن منكم بالله ؟؟







أنا بعرف شلون دولة صارت من الدول المستضعفة وللحين فيها حيل تهدد ؟؟ تذكرني لمن ضعفت واختي استانست ليش لمن نتهاوش اقعد عليها واوقف نسمها ...


وفوق هذا كله ادري ان وايد بيردون ويقولون العراق الشقيف .... شفيق ... فشيق .... قفيش .. شغيغ
اخ شقيق
.....



ما انقرصوا للحين والله ...





ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




شغلة هم تبط الجبد شوي .... ليش وايد من المنتديات ... في اعضاء فيها يحبون يدشون بأخلاق الناس الي موجودة بينهم ؟؟؟ اووووف لحد يحاجيييهم اهم الي فاهمين بكل الأمور وخلاص قالوا كلمة تخالف رايك ... لا تجادلهم ولا يضحكون عليك :S

البيرق انت شرايك ؟؟؟


مو اهو والله بس راح يفهم شنو قصدي :)





ــــــــــــــــــــــــــــــــــــــــــــــــــــــــــــــــــــــــــــــــــ





تسلحنا بالقلم اليوم وباجر راح نتسلح بالمسدسات وياويل بالويل الي يحوش الكويت على طرف ... والله لنفق عينه ....

وراح اسوي خطط جيولوجية حشراتية شوية تخرعهم لووووول مادري شفيني ماعندي سالفة لا حول ولا قوة الا بالله .




ــــــــــــــــــــــــــــــــــــــــــــــــــــــــــــــــــــــــــــــــــــــــ






اقول لكم شي ... أنا بطلت صفحة يديدة علشان اكتب موضوع كان ببالي خلاص بكتبه جان انساه والله وكتبت هالموضوع المصرقع الي مادري شلون صاير ؟؟؟ @@

وتدرون ان سألوني قبل جم يوم شسمج جان اقول لهم : اسمي ..... لحظة خل اتذكر @@

واليوم أسولف مع ابوي واندمج بالسالفة بعدين اسكت اقول له انا شنو كنت اسولف عنه ؟؟@@





الكبر شين والله




هالباباي يذكرني بفقدان ذاكرتي المؤقت























16 comments:

عنصر وطني يقول...

ارض العراق بلد الكفر والنفاق

ما فيها خير من اولها الى آخرها

بخصوص الخير اللى فيها : البترول النهرين الاهوار والارض تربتها زراعية خير انها بلد سياحة وفوق هذا عايشين بالبوق والحرمنة والسلب والغدر بينهم وبين بعض

ويعطيج العافية على البوست المنوع
حلو

Q80 Blogger يقول...

اشوه نسيتي بس اسمج
خفت تكونين ناسيه اشسوه فينا جار الشمال .. مثل ربعنا الي يقولون شقيق !!

اجتماعي يقول...

مبين كالعادة ..

قلبج متروسة ..
والكلام صاير حوسه ..

واصلي .. وطلعي اللي بقلبج :)

بو سعد يقول...

يبون بترول الكويت .. هذا اللي يبونه ..

بس الموضوع مصرقع بزود D:

*بو سعد مر من هنا ضاحكا*

حدس + سلف = الاصلاح وتطبيق الشريعه الاسلاميه يقول...

السلام عليكم ورحمة الله
اولا احييج على الموضوع الجميل واقولج كثري من المواضيع هذي
ثانيا حبيت اعقب انتي تقولين ان ارض العراق اطهر ارض ( سوالف الرافضه ) وانا اقولج ان اللي قالج السالفه هذي ماعنده سالفه لان اطهر ارض ارض مكه
اما على طاري العراق فانا اقولج ان العراق صارت اقوى من قبل لان اللي ماسك العراق المالكي واهو من المذهب الرافضي وطبعا ايران تتحكم فيه فيعني اي هجمه على الكويت راح تصف ايران ويا العراق ولاتنسين الروافض اللي بالكويت امثال المهري وعدنان عبد الصمد واتباعهم ومن على شاكلتهم ترى اهم اول ناس راح يخونون بالكويت لو يصير لاسمح الله حرب لان من مصلحة الروافض ان العراق تحتل الكويت وطبعا العراق اصبحت شبه تابعه لايران يعني (بالمشرمح )على قولتهم ان ايران هي اللي تحارب الكويت بس على شكل عراقي!!
والدليل اقري تصريحات الشيعه والذنب المهري يريد ان نسقط قروض العراق يعني بالعقل يبي الكويت تسقط القروض العراقيه لله يعني !!
وطبعا اذا صارت حرب لاسمح الله راح تكون اقوى لان تعتبر كالثار وراح يكون الشعب العراقي باكمله يحارب مو مثل سنة 90
بس مو هذي المشكله المشكله هل في عدد رجال في الكويت لتحرير بلدهم !!؟؟ اي نعم في شباب المارينا وسوق شرق واممممم وشباب السبايكي وماك رويال ونعم الرجاجيل ونعم المرووءه
واغلب الجيش من فئة البدون يعني هل الجنود البدون راح يحاربون مع الكويت كما فعلو بسنة ال90 وبالعلم ان لجنة الازالات يوم الاحد سوف تزيل الكيربي اللي على بيوت الصليبيه وتيماء
الله خوش رد للجميل ياحكومه !!! ونعم يانصور
بس فوق كل هذا امريكا وبريطانيا موجودين فلاتخافون
وانا اتمنى ان كل مواطن كويتي يتدرب ويتجهز للحرب
والله يحفظ الكويت وشعبها من كل مكروه
عاد بوعيده يبجي اذا اتصلت عليه بنت تبجي فما بالكم لو تصير حرب بالكويت شنو يسوي!!
والسلام ختام

بانوراما يقول...

ساعات اتيي لي هالحالة وانا بالحصة ..

عـآد حدي انغث اقعد طول الحصة متنح ..

Hope يقول...

والله يا طموحه صح لسانج
بس شنسوي العراقي لو تعطينه ماي عينج هم ما يعجبه(اقصد الاغلبيه)، يتذابحون بينهم و بين بعض يبون الكويت تدفع ، كل ما صارت مصيبه عنهم قالوا بسبة الكويت .
صدام ربى جيل كامل و زرع كراهيه الكويت بقلوبهم ، هذا غير الاجيال اللي قبل و قبل ، طول عمرهم حاسدينا على النعمة اللي احنا فيها ، ولو انهم مثل ما قلتي ديرتهم فيها كل شي بس تبي اللي يعرف يستغل خيراتها صح .
اللي يخرع ان احنا حدودنا معاهم للحين مو موجوده ع الارض ، الله يستر من اللي ياي .

طموحة مملوحة يقول...

عنصر وطني



اي شاطرين يردحون بس :)


ماقول الا الشره علينا الي عطيناهم ويه وقلنا لننسى الذي مضى

طموحة مملوحة يقول...

Q80 Blogger


كاااااااااااك من صجك ؟؟ نسيت وايد اشياء بس ماحب اذكرها لأن البوست بروحه مايدري وين الله حطه

طموحة مملوحة يقول...

اجتماعي


لووووووول شسوي الموود مقلوب كنت بكتب مقالة حلوة بس قزيت شوي بين المدونات وراح الموضوع وياموضوع جذي شسوي يعني ؟

طموحة مملوحة يقول...

بو سعد


بوسعد الله يسامحك بس يبون بس البترول؟؟ يبون نفانيف العروس بعد علشان يلبسونها رقاصاتهم لووول

طموحة مملوحة يقول...

أخي حدسي


موضوعي بكبره بطوله بعرضه مافيه كلمة (( أرض طاهرة )) ولا ذكرت هالشي شفيك مضيع ؟؟

قلت تربتها أحسن تربة للزراعة مخك وين راح ؟؟ ياكرهك للشيعة حرام عليك خلك بحالك وخلهم بحالهم

طموحة مملوحة يقول...

بانوراما


والله ايام الدراسة ماكنت جذي كنت مخ ومفكرة واصعب المسائل احلها وكانوا المدرسات يحبون عقليتي لوووول بس دشيت الجامعة مادري شصار بهالعقلية ... لا حول ولا قوة الا بالله

طموحة مملوحة يقول...

Hope


لا تخافون .... حريمنا الوحدة فيهم عن عشر :D


راح نوقف ماراح نسكت صدقيني :)

بصراحة أفكر حاليا اتعلم السلاح والرمي ... الواحد مايضمن الي خلاهم يملون الديرة بجيوشهم بساعات قليلة يخليهم يكررون هالشي عادي ...

الي ينقرص مرة المفروض يتعلم بس الكويت ماتعلمت والي طلعوا يقولون نسينا ما مضى والغزو الصدامي اقول لهم استريحوا ماراح نموت علشانهم بلعنة تلعنهم احنا شكو فيهم ؟

Mr_CHoCoLaTe يقول...

انتي ما تنسين بس من كثر الاشتطاط بالسالفه يخليج تفكرين بشي ثاني بنفس الوقت فتسرحين و تنسين شنو كنتي تقولين هي هي

استرخي شوي ريحي بالج

طموحة مملوحة يقول...

Mr_CHoCoLaTe




صرت شايبة ياولد لووووول